CLICK HERE FOR BLOGGER TEMPLATES AND MYSPACE LAYOUTS »

October 27, 2007

طأ حنك مع فنجان أهوه

لاني بروحي قاعدة اشرب قهوتي


.



والجو ما شاءالله روعة

ووليدي نااااايم نومه العافية

قلت اسولف معاكم شوي

ابي احس انكم معاي ومجابليني

سويت لكم قهوة تفضلوا

.

....


ههههههه

عاد انا مشهور عني تضبيط الوش

احبها عادة عالريحة

بس اليوم مزاجي مضبوطة

هههههه

ما ادري اذا قتلكم او لا

واااايد احب الزرع في البيت

احس لو بيوتنا بالكويت متروسة خضار

الناس بتكون رااااايقة اكثر

للاسف هالشيء مو مهم عند وااايد ناس

ادخل بيوت واااايدة

فيها اثااااث غالي

وديكورات تعقد

واكسسوارات بكل زاوية

ولوحات

ومع هذا احس اكو شيء نااااااقص

كنت ايام دوامي مسوية اشتراك مع محل ورد

يوصل كل بداية اسبوع سنتر بيس ناعم

الشغلة والله مو مكلفة ابدا مقارنه

بانه احنا ممكن نقط اضعااااااف هالمبلغ على كوب قهوة
كل يوووووووووم

من معشوق الجماهيييييير

ستاربكس

ههههه


حاطة ببالي ان شاءالله

لما ارجع الكويت

اسوي اشتراك للبيت

ما ابي بوكيهات مرتبة

لأ لأ

مجرد ورد كل مرة نوع وشكل ولون

انا ارتبه واحطه بالفازات


تخيلوا تدخلون صالات بيوتكم كل يوم

او تقعدون على طاولة الاكل

وتشوفون فاااازة فيها وررررررررررررد

ترى انا مو رومانسية

مخليه هالخصلة حق خرووووفة

لوووول

بس احس الورد يرطب المزااااج

..


كنت ولازلت دايما احكم على رقي المطعم

اللي ازوره من نوع الورد اللي يحطه

اكثر شيين يبطوووووووووون جبدي

ورد صناعي اطرافه مغبرة

والا كارنيشن على طاوله الاكل

..


تذكرت موقف صار ايام خطوبتي

طبعا واااايد مصددقة عمري بدور المستحية

لووووووووووول

انا عموما جريئة وصريحة وواااثقة حدي

بس ماااايصير عاد علبونه جريئة ومرتاحة مع خطيبي

اصير امية بالامية على طبيعتي

المهم

مسكيييييييين اهوه كللللش مو مال مطاعم

ولا كان من النوع اللي يهيت مع ربعة كل ويك اند بمطعم

كل روحاته للمطاعم يا غدا عمل

يا عشا عمل وسلامتكم

فكان يقولي اشرااااايج انا حاجز بالمطعم الفلاني

طبعا اسكت ما اقوله انا ماااااله من كثر ما رحتله

او انه قعدته مو ذاك الزود

او جوه ما يريحني

المشكلة كانت

كلللللللللل حجوزاته بالفنادق

ما يعترف بالكاجوال علبونه مخطووووووووبين

لوووول

مرة قلتله خنغير

؟

مااااايدري

وين يرووووح مسكيييييييين تتدوده

لما قتله ما ابي اوتيل

قعدنا نلف بالديييييرة على ملا وشنا

ههههه

فجاة سفط عند برج حمود

من صججججججججججك

؟؟

ما احب قصر يلدز

بس انطميييييييييت

بروحة الريال كان حاجز بفندق وانا كنسلته

خلاص مشيت الموضوع

وهم على باله مفاجئني

حتى ما سالني داخلته والا لأ

؟؟

ما يدري من اول شهر فتح فيه قبل سنييييييين

ايام اللي كاااان خالي يصفر

انا داشته

خبركم انا وخواتي

تحريات هههه

من نسمع عن مطعم ركككككككككككضة عشان نجربة

ونحطه بلستتنا او نحذفه منها

المهم دخلت المطعم على استحيااااااء

لووووول

خو مخطووووووبة لازم امشي بهدووووء

جججججججججججججججك

جان الجوتي عزكم الله ينكسر الكعب ماله

ومن كثر الادب ما تحجيييييييييتت.. سويت روحي امشي عادي

لين وصلت للطااااااااولة

ماااابغيت!!

اول ما قعدت والا شاشوووووف

ورد كارنيييييييييشن ييب اليهد على الطاااولة



تحملت كسره الكعب بس ماااا تحملت اجاااابل الكارنيشن
مع انه طبييييعي

ههههههههه


زوجي عفوااااا خطيبي ههههه

سالني اشفيج متضايقة شكلج

لما عرف شنو اللي منرفزني

على اوله

شااااال الورد بفازته وحذفه تحت الطاوله

مانطر حتى الويتر يشيله

جان يقولي

ما ابي اشوفج متضايقة خل يولي هالورد اذا موعاجبج


عجبتنييييييييييييييي الحركة

جنه فارس حارب الوحش عشان ينقذني

لوووووووول

كبر بعيني

وبحركة رشييييييقة من ريلي حشت الفازه

جاااااااااااااااااك

جان تنكسر

ولييييييييييييييه

جندس يشوف شالسالفة قام شااااف كعبي المكسوووووووور
لازق بطرف الجوتي ومنعوي

لووووول

قالي ليش ما قلتيلي

طبعاااااااااا الرد

مستحييييييييييييييييييييييييييييييييييه منك

هاهاهاهاهاها


تدروووووون اش سوى

؟؟؟؟؟؟؟؟؟؟؟؟

قالي جم مقاسج

وعلى اوله طاااااار

حتى ما قالي وين

عشر دقايق

الا يايب جيس وداخلة قوطي

وااااااااااي

مو جنه فارس؟

الا صاااار عنتر سل سيفه وحارب قبيييييييييييله عشاني

استااااااااااااانست حدي


يوم بطلت العلبة

فشيييييييييييييييييييييت بمكاني

!!

والا جوتي طبي من جاشنمال

لوووووووووووووووووووووووووول

مير المعركة والفارس والوحش كل هالمنظر تبببببببببخر جدامي

هههههههه

ما راح اقول ليششششششششششششش اختار جوتي طبي

اللبيب بالاشارة يستوعب

هاهاهاهاها

بس كلش مو استايلي

عمرييييييييي ما لبست جوتي طبي

اصلا بذاك الوقت ما اعرف امشي الا بكعب يجكجك

!

بس نرجع لموضوعنا بما اني مخطوبة

لازم انطم واقوله مشكووووووووور والبسه

كل هذا وانا قاعدة على الطاولة
ما تحركت من مكاني
!
نادينه الويتر عشان يضيف قيمة الفازة المكسووورة
على الحساب
ما رضى وقال ولو فداكي ميت فازة
كبر بعيني المطعم
لوووووووووول

موووو هذا المهم

المهم انه ثاااااااااااااني يوم المشهد بكل تفاصيله

بتفاصيل تفاصيله واصل عند اختي

والسبة حماها ومرته مجااااابلينه وطاااايحينله خز من اول ما دخلنه

باي ذاي واي نفس الانسانة كنت شايفتها

بمكان من قبل وانا امشي رايحة اسلم

علييييييها

انكسسسسسر كعب الجوتي

وهذول المرتين الوحييييدتين اللي ينكسر فيهم كعبي

كللللللللللللش مو منها

لووووول

وانا ولا ادري عن هوى دارهم

لاهية بالكارنيشن المحذوف

والكعب المكسوووووور

والخطيب الفاااارس
:)

بس والله كل

ما اتذكر هالموقف ووااايد مواااااقف

اموت على زوجي اكثر

على نيااااااته بعد قلبي

واعتقد كان متدوده اكثر مني

لا ويايبلي الجوتي ابيييييييييييييض

على باله سستر

لوووووووووووووووول

بس عسسسسسسسسسل على قلبي

ههههه

ليييييييش كل هالقرقة

؟؟؟

اي.. عشان اقولكم

انه الزرع والورد مهم عندي و احبه

..

بالكويت

عيوننا ما تشوف خضااااار كفاية

واحس هالشيء مأثر على المزاج العام للكويتيين والا اشرايكم

؟؟

ملاحظة :انا المدعوة فانكوفر

اقر بانني لا امت لمحمد الفايد باي صلة قرابة

ولا اتقاضى اي عمولة جراء تصوير ونشر

صورة فنجاني المفضل لشرب القهوة التركية

تبوني احلف عالمصحف لوووووووووول

----------------------------------------------

October 11, 2007

يا ليلة العييييييييييييد

عيييييييييدكم مباااارك جمييييعا
من العايدين والفاااايزين يا رب

تقبل الله طاعتكم بالشهر الفضيل
ربي يعوده علينا وعلى المسلمين
بصحة وسلامة


اجمل ايام مرت علي في رمضان


جو من الراحة النفسية من الداخل
الواحد يحس
انه الله معاه
بكل خطوة





وطول اليوم بالك
مشغول بالذكر



اللهم لك
الف حمد وشكر
على نعمتك




ماادري عن شنو اكتب
؟؟؟
تدرون
بكتب عن نشاطااااتي وارتباطاتي
ههههههه

باجر بما انه عندنا بيكون صيام
لانه الاسنا قرروا ان العيد بيكون
يوم السبت
واحنا راح نتبع البلد اللي احنا فيه
فبنعيد عقبكم

بس عشان نحس بالتغيير
حتى لو يوم صيام
قررنا مع صديقاتي
نفطر بمطعم
بناكل تمرتنا ان شاءالله بالبيت ونصلي
وعقبها
قززززززز
ههههههه

ليييييييلة العييييييييد
خو مافيها شيء


وبعدين اخر يوم ماكو تراويييح
فبنروح عن نفسنا بشيء ثاني

اسسسستغفر الله
والله مو قصدي
ماادري شفيني؟
وايد اكسايتد انه باجربالكويت عييييييييد




اول يوم العيييييد ان شاء الله بلبس ولدي
هالبشت الدقلة اللي بالصورة

بس مع شماااغ
الجو بريدات شوي

خاصة انه بنطلع من صباح الله خير
---

مسوية حلويات حق يهال المسلمين
قلت بوزع عليهم عقب الصلاة

المسلمين يوصلون الف مصلي
في المسجد اللي نروحله
فكنت عاملة حسابي على 200 حبة
تخيلوا
؟
سويت بس 80 جيس حلويات
وفجيييييييييييييييييييييت

ههههه
والله
من جد ودي اسوي اكثر
بس تعبت
وانا اشكل كاكاو وحلاو والعاب
واجيس واربط
اصابعي عوروني
هذا وانا معطيتهم رااااحة عقب حراق الرقاق
هاهاهاهاهاها

بعدييييييييين
بطلع مع بعلي نتريق
ثم
اذا الله اراد
بنتيمع عالغدا مع ربوعنا
ادري بتقولوووون
كله اكلللللللل
شنسوي كويتييييييييين
بعدين واااااايد ظعفنا من الصيام
اي هين !!!

فلازم نعوض
:)))


احلى شيء
اكتب لكم
وكل شوي اوقف
لانه قاعدين نعايد على الكويت
الحين عندكم سبع الصبح
وقاعدين نكلمهم على الريووووووووووق

الله يا حلاة ريوووق العيد
بلاليط
رهش
حلوى
درابييييل
ومعجنات
الله يعوده عليكم بالخييييييير
يا رب




عييييييييدكم مبارك


وتقبل الله طاعتكم

فانكوفر




September 12, 2007

نعيما يا حبيبي... نعيما يا منايا

تحدييييييييييث التحدييييييث
ههههه
ها نحن عدنا ننشد الهولو
اكتشفت اني لما خلصت عزايم ...و رد عزايم ..هالاسبوعين اللي طافوا
دخلنا بلووووووووووية القرقيعان
هالاسبووووووووع
يعني كويتين مااااا نخلص
من شيء ليييييي شيء
سااااااااااامحوني
بس انا رديت لعيونكم
والله
ماااااااااااعندي وقت
واي وقت ايدي فاضية فيه
احس القران اولى فيه من اي شيء ثاني اسويه
بس اليوم سهرانة عشانكم
ولاني ولهت عليكم
الليلة شكلها صباحي
ههههههههه
.
.
.
تحديـــــــــــث
حبايبي عساكم تعودونه كل سنة و تصومونه
راح ارد على نفر نففففر فيكم هههه
بس خل اخلص من العزايم
عندي جم عزومة عالفطورهاليومين
وحاااااااايسة
راجعتلكم باذن الله
ولهااااانة عليكم وايد
:)
فانكوفر



اليوم يوم حلوووو عندي



يوم مميز



يوم كنت انطره من حوالي اربع سنييييييييييين
!!!


اي اربع سنين انطر هاليوم السعيد والحمدلله انه اخيييييرا وصل



لا تستهينون في الموضووووع
رجاااااء



بالنسبة لي الشيء كبير ومهم وحيوي بعد



اليوم زوجي اخيرااا قرر انه



يغير ستايل قصة شعرة عشاااااني



نعم



اربع سنوااااات احن



احن بلييييييز غير القصة عشااااني



يقولي عمري ما تدخلت بشيء يخصج ليش ترغميني على شيء
مو بخاطري
؟؟؟؟؟؟؟؟؟؟؟؟؟؟؟؟؟
-----

والله انا لو تبيني احلق شعري عالزيرو اذا يعجبك اسويها

!!

ما ارد شيء بخاطرك بس انت ماااا طلبت
!


عاجبتك أنا باختياراتي



المشكلة اهوه سمح وااايد ومو عسر أبدا بكل الاشياء تقريبا



بس ما ادري لييييش كان يشوف ان مسالة شعرة



او شواربه



او اختياره للون كرفتاته شيء يخصه


ياخذ رايي بس بالنهاية يسوي اللي براسه
وبالذاااااااات بسالفة شعره


اليوووووووووووووم اخيرا سوى اللي أنا ابيييييييه
:))))



ونااااااسة



كلولووووووووووووش



همسة للرجال
والكويتيين بالذات



لا تستهينوووووووووون بهالامور الصغيرة ترى والله تاثر



وايد مو شوية



ما كو شيء اسمة قراري اخذه وبس



اكو انساااانة يمك تبي تشوفك على مزاجها بعد



ويا نساء


والكويتيااااات بالذات
هههههه

قط مرة صارلكم شيء مشااااابه والا انا بس اللي مو صاحية
هاهاهاهاها
؟؟؟؟؟
طلعوا اللي بقلوبكم
:)

بهالمناسبة السعييييييدة
.
.
.
.
.
.
.
.
.
.
باجر باشتريله مشط يديد هاهاهاهاها
.
************
.
.
.
.
.
.
مبااااااااااارك عليكم الشهر
اخواني وخواتي
عساكم من عوادة
هالله هالله بزيارة الارحاااام
اوصلوهم
حتى لو زعلانين منهم
الشهر هذا شهر رحمة وخير
اوصلوا الرحم بنية العمل لوجه الله
ترى مو قاطع فينا شيء بهالغربة غير البعد عن الاهل
:(
***
ادعوووووولي من قلب انه اكون معاهم رمضان الياي
اللهم امين
*********
.
.
اكلو تشريبة اصلية عني
واتذكرووووني وانتوا تاكلونها
لووووول
ما عندنا خبز رقاق ولا ايراني
تدرون بشنو سويته رمضان اللي طاف ؟؟
.
.
.
.
.
.
.
.
.
بخبز النان الهندي ههههه
انشفه بالفرن عشان يصير يشبه الايراني
او
خبز بيتا المكسيكي
.
حمدوا الله على النعمة اللي انتو فيها
لمة اهل
وتشريييييييبة اصلية
هاهاهاها
وكل عام وانتوا بالللللف خير
ونعمة









August 28, 2007

باقولكم سالفة




باقولكم سااااااالفة للسامعين كافة


:D





للاسف سالفتي مو من احلى السوالف !!


:(


بس نتيجتها حلوة لكن حقيقتها مرة


!!!


لحظة لا تستغربون مو قاعدة اخربط


والله مو شاربة غير كرانبري جوس من غير كحوووول هههه





الموضوع باختصار


كنت معزومة عند ناس اول مرة اتعرف عليهم ،


صاحبة البيت سيدة مصرية كانت طول عمرها عايشة بجدة


وصارلهم جم سنة مهاجرين كندا


كانت تينن حبوبة وكريمة ومرحبة وبشوشة عالاخر


ما بقى شي ما طبخته مسكينة تبون المنيو ههههه


ما له داعي
:P
المهم بسرعة حسيت نفسي


مرتاحة بالسوالف معاها


..


وانا اساعدها بشيل الصحون من الطاولة


عقب ما خلصنا وقفت معاي بالمطبخ جان تقولي


انا عاوزة أاولك حاجة ما تزعليش مني بس لازم أاولك


قتلها اتفضلي ، ردت .. انا لما جوزي آللي


انا عازم جماعة من الكويت ما كنتش متخيلة


اني حاتعرف على انسانة زيك


انا بقلبي هاااو ليش اش شايفتنا ؟؟ قتلها امال ايه ؟


قالت ..يعني انتي طبيعية ومتواضعة وعادية جدا جدا


قتلها لييييش كنتي تعرفين كويتيين من السعودية


قالت ابداااااا عمري ما أعدت مع ناس


من الكويت بس انا كنت ماخده صووووورة


عنكو من المسلسلات اللي بشوفها ..


ده انا في بالي صورة عنك ابل ما اشوفك مختلفة خااااااااالص


:(((


انا بقلبي: الله يقطع غروب السعيد ومسلسلاتها الخايسة


اللي خلت الاوادم قبل لا يشوفوننا يتصورون انه احنا


من كوكب ثااااني
!!!!!!

ضحكت .. مسكييينة قامت تتاسف واتقول انها تدري


انه غلط الواحد يرسم صورة عن شعب من غير


ما يتعرف عليه بس من كثر ما شافت مسلسلات


على بالها الكويتين كالاتي :


رافعين خشومهم على كل الاوادم الثانيين


كله مقلدمين ما يبتسمون ولا يضحكون


كله عايشين بصراع مع ازواجهم ويتكلمون بصراااااخ


مو متواااضعين ودايما اووووووفر باللبس


ما يتنزلون يشيلون صحن والا يساعدون احد


نفسياتهم خاااايسة


باختصاااااار


متكبرييييييييين وما كو اسلوووووووووب


طبعا قالت اللي حسته من اللي المسلسلات


بس انا ترجمت احساسها لكم بالكويتي


ههههههه


المهم ، ترى مو قصدي امددددددح نفسي


تدرون مداح نفسة يبيله رفسة هاهاهاها


بس والله انبطت جبدي


ليييييييييييش العالم تحط صورة خايسة عنا في بالها


والسبة ابداع مؤلفينا الخاااااايس


ادري بكل شعب اكو ناس متكبرة ويلوعون الجبد


بس والله مو كلنا ، ترى فينا ناااااس طبيعين الحمدلله


فينا ناس تحترم الاوادم وبشوشين وكريمين ومو علل


ضاق خلقي عقب حجوتها


لانه في ناس واااايد موشرط تجمعهم الظروف مع كويتيين


عشان يغيرون الصورة اللي انطبعت بمخوخهم عنا


===


وبسسسسسسس


اشرايكم ؟؟؟


يبيلة موقف رفض وتنديد بالمسلسلات الهابطة


والا ما يبيله ؟؟؟؟؟ فانكوفر

August 19, 2007

حق منو نشكي ???

تحذير
اللي متغرب ، اللي ضايق خلقه
اللي مهموم او متكدر لا يقرى الكلام اللي بكتبه تحت
!!!



حق منو نشكي ???الشكوى لله



بنت الكويت

انتي سكرتي التعليق بموضوعج الاخير عن الغربة
بس انا بفتحة اهنيه ، تدرين قبل 3 ايام بالضبط كتبت بوست طويييييييييل عريض
عن احساسي الزفت بهالغربة ، بس لغيته لاني حسيت انه بييب الكابة حق كل شخص يقراه
بس اليوم لما قريت كلامج انفجرت بجي
ماني قادرة خلاااااااااااااااص ، الساعة 2 بالليل و بقمة الشعور بالحزن
على هالملل والغربة والوحشة للاهل واللمة معاهم
حسيييييييت بكل كلمة قلتيها يا بنت الكويت ، يمكن انا تعاملي مع الغربة يختلف
انا كونت صداقات واااايدة مع العرب والاجانب غير عيال درتي طبعا
ذابحة زوجي بالعزايم والطلعات ، ما بقى شيء ما شريته
من السوق... والله مليون شيء ما احتاجه
شارية قبل جم اسبوع 6 بدل رسمية مااااااااا احتاجهم اقول حق نفسي
عشان لما ارد الكويت وارجع شغلي البسهم ، شاريه بدل سهرة
بدون مناسبة عشان لما ارجع الكويت البسهم ، شارية صوااااايغ حق رفيجاتي
واهلي واهل زوجي واليهال والخدم عشان اذا نزلنا الصيف
الياي 2000000008 اوديهم معاي
، شارية ملابس
حق ولدي مقاس 6 سنوات
واهوه سنه ونص !!! ابيييييييه
وانا اكتب قاعدة احس بالسخافة


وقاعدة ابجي من الحالة اللي وصلتها بس خلاااااص
ما فيني


اتصدقين اشتركت بنادي رياضي


اشتراك سنوي ، النادي فتح صارله شهرين


ما رحت ولا يوم ما ادري


ليش اشتركت اصلا ???? ابييييه قمة التعاسة


انا ما شجعته انا عكسج كنت
ولاني عارفة نفسي اشكثر مرتبطة باهلي
احن عليه لا نسافر




بس طموحة كان اقوى من توسلاتي
وقفت معاه ولما خطينا الخطوة وسافرنا عاهدت نفسي
اسكر حلجي وما اتكلم ولا اشكي له ابد
بصير له عون على غربته ، بس انا منو يحس فيني
???????????????????????
اهلي ما اشكيلهم بروحهم مكسورة قلوبهم
على فراقنا ما ابي ازودها عليهم




صديقاتي ?ما ابي اضيق خلوقهم


وما احس في احد فاضي يسمع شكوى


من احد كل من في حياته هموم تلهيه


لييييييش اغث الاوادم


???



تخيلي... انتي كان عندج عيالج الله يحفظهم
يهونون عليج الايام والغربة انا قعدت


سنتيييييييييييييييييين... 2...سنتين كاملين بروحي
مع زوجي اواسيه واضحك بويه
وشقى الدنيا بقلبي اخشه عنه ما يهون علي احسسه
بذنب انه يابني الغربة معاه ، ما ادري شقول ما ادري شخربط




انتي ما تعبتي من شغل البيت


انا متتتتتتتتت مو بس تعبت


اي مت وانا يومياااااا لازم ارتب


اكنس


اطبخ


اغسل تكرمون الحمامات


اغسل الملابس


اكوي


اسفط الملابس


امسح الارضيات


اسقي الزرع


تخيلي لما اكون مخلصة تنظيف المطبخ الدعلة ابو الدعالة


وخامته وماسحته وخااااااااالصة


وايي ولدي يفرفت بسكوتة من اوووووووووووله لي اخره


والا مكنسة السجاد ومرتبة الصالة ارجع الاقيه لاعب


باصيصات الزرع ومطلع السماد وناااااثرة على كبر الصالة


والا مسفطة الملابس وحاطتهم بالادراج


ارجع والا مطلعهم وحايس فيهم الارض


المشكلة ما ينقفلون بشي جرارات الملابس




والزرع احبة ما اقدر اقعد فبيتي ما اجابل خضرة فيه




عندي ديش ووشر بس ما احب انظف


الصحون فيها ... ساعات القى شي لازق اقوم اغسل


كل الصحون مرة ثانية وانا توني مطلعتهم




ولدي صغير ما يفهم


اطقة ? اخانقه ? ما ينفع


احط بقلبي واقمت




اي تعبتتتتتتت من الروتين




زوجي ماااايقصر ادري ، يساعدني بكل شيء


عمره والله ما قالي حتى شنو وده اكل


مخليني على راحتي بس هم ملييييييت


مليييييييييييييت


ايني اسبوع اترك كل شيء واقول بطنش ماني مغسلة


صحون وجدور وماني طابخة ولا بغسل حتى هدوم ولا بسوي شيء


بس بهيت برة البيت مع رفيجاتي وافر بالسوق


وادخل موفيز




بس ردة فعل زوجي تحطممممممني ...يسكت


يبتسم ويسوي كل شيء بنفسه


والله تنكسر عيني وارجع اسوي كل شيء من اول ويديد


وادخل بهالدوامة اللي مو راضية تخلص



الله كريم وقادر سبحانه يمسح على قلوبنا ويصبرنا كلنا
ويجمعنا مع اهلنا اميييييييين امييييييين امييييييين


الحمدلله على كل حال خل نفكر بباجر
وننسى يومنا شوي
بروح اشرب قهوة قبل لا انام اهية بس اللي تعدل مزاجي الحييييييين
واي لو عندي زقاير جان يمكن دخنت بعد
استغفر الله على هالشعوووووووووور
اذا بتكتبين عن هالمواضيع بنت الكويت حطي تحذير
للمغتربين لا يقرونها قبل النوم
لانها تقلب المواجع وتييب الهموم


اسفة يا جماعة ترى انا عادة واااايد اضيع التكدر بالضحك
بس الحين مو قادرة بوست بنت الكويت خلاني انفجر
الحين ارتحت شوي لما كتبت
اااااسفة ، اوعدكم ما اعيدها
هم وطلع
تصبحون على خير ،
فانكوفر

August 01, 2007

1 / 8



الانسان مهما تمر عليه خبرات بهالحياة


.....
وتجارب يحس كل ما يكبر كل ما اصبحت



معرفته بالحياة اصغغغغغر



لانه ببساطة اللي ما يعرفه اكبر



اول كنا ننغر واحنا صغار بحجم معرفتنا...



وما ندري انه معرفتنا ما تيي حتى نقطة ببحر هالدنيا
!


واللي فيها من معلومات وشخصيات وانماط ومعـــرفـــة



اليوم انا اكبر بسنة

!!



بس احس اني اقل غرور بمعرفتي بسنواااات



اتمنى اني لو وصلت هالعمر .....




تكون روحي بهالعمر .....




;))))


اتمنى بدل ما نفكر باللي جرحنا
نفكر اكثر باللي بارنه وشايلنا بعيونه

اتمنى اني اكون ام افضل
وصديقة اقرب
وزوجة احن
وبنت ابر
وانسانة اصدق مع نفسي قبل الناس
وامراة ... اجمل
خو كل وحده ودها تكون اجمل
حتى لو عداد العمر يزيد
:P

يعني لا احد يستكثر هالامنية
....
...
.

اي واتمنى انه ربي يرضى علي ويهديني اكثر
اتمنى واااايد اشياء
....
..
.
بس الاهم اتمنى ارجع ديرتي حبيبتي
واتنفس هواها ، بعد عمري الكويت
والله مافي مثل ديرتي
لفيت نصف العالم عالاقل
وصادقت واااايد اوادم من مختلف البلدان
ما لقيت مثل ديرتي الكويت تحن على عيالها
وعايشين فيها بنعمة ما بعدها نعمة

امان ...و رخاء... اوكي مع شوية اقسااااط
بس احنا اللي يبناها لي عمرنا
...

ديرة الخير ديييييييرتي
كنت ناوية احط لنك حق اغنية عبدالحليم
عقبالك يوم ميلادك
لما تنول الي شغل بالك
:)
و جهزتها بس الحييييييين لا لا ...تغير مودي

يوم ميلادي اليوم اللي انولدت فيه كويتية


اهدائي لنفسي ولكم


http://www.youtube.com/watch?v=IyH3gcHQYEY







July 30, 2007

الحمدالله وشفناكم :)))

******تحديـــــــــث بالاسفل*****
بس عشان خاطر صاحبة الحفلة
;)

.
































































حفلة بسيطة


:))









........... على سلامة اختنا






ساااااالفة عجييييبة

:))))





بغيبتها فقدناها











سالفة انتي حبيبة ....وتستاهلين كل خير







عاد مو تقولين مسوية ريجيم


:((



لا تطلعين لنا طلعة مثل كاريزما

لوووول















طبوا وتخيروا






كنافة ....بقلاوة ...


صب القفشة...... لقيمات





وربات بالقشطة










كاتوهات..... تورتيات


:P






كل شيء موجود تفضلوا عندنا



على سلامة سالفة.... وقومتها بالسلامة








ورجعتها لنا






















حيااااااااااااكم





























































































اهم شيء اللي يعجبه من الحلويات





لا يستحي يطلب الطريقة ترى انا مسويته كله





:PPPP







لوووول
==================
تحديـــــــــث
بما ان سالفة على شرفها اقيمت هالحفلة
فهي هدت كل الحلو واسالت عن البسبوسة
في بلوغها لانها تحبها
عشااااانج يا سالفة رديـــــــت دخلت المطبخ
:P
و سويتلج احلى بسبوسة تستاهل بوئك هاهاهاها
:))
عسى راضية الحين

July 21, 2007

في باريس




















سيدة كويتية بالخمسين من عمرها ، ام وزوجة وسيدة مجتمع ، لطيفة ولبقة وحبااااابة جدا
جمعتني الظروف بها خلال احدى سفراتي وكنت بصحبتها اثناء التجول في المدينة
وقد قضيت معها ايام جميلة
ولكننننننننن
موقف ما ...حدث جعلني استتتتتنكر جدا واسال نفسي اين اللطف والكرم والتحضر الذي يميز هذه الانسانة
???
وبدات اسال نفسي
هل انا ايضا مثلها في بعض المواقف دون ان اشعر??
احيانا لا ترى عيوبك ولكنك تراها واضحة وبسهولة
من خلال تصرفات الاخرين
كنت مع هذه السيدة اللطييييييييفة جدا
في بهو احد الفنادق
في باريس اصرت ان تدفع ثمن القهوة والحلو
الذي يعادل ثمن 18 وجبة سريعة على الاقل
ولكن يستاهل ..اولا... لان معشوقتي القهوة استلذ بها جدا
عندما تكون محضرة على اصولها
وثانيا الجلسة والجو المحيط يحلل المبلغ المدفوع
اصرت بكرمها ان تدفع و قبلت بعد الحاحها ولن ارد سيدة بعمر امي عموما
اتفقت معها للخروج والتسوق في الشانزليزيه لمدة يوم كامل
في طريق خروجنا الى الشارع فتح لنا عامل الفندق الباب
فاخرجت ام مشاري من حقيبة يدها مبلغ محترم يعادل تقريبا نصف الذي دفعناه للقهوة والحلو
ودسته في يده وقد هزت راسها بابتسامة لطيفة كونه يودعنا للخروج
=======
دخلت معها اول محل قريب من فندقنا الذي نسكنة وكان
سيفورا للعطور
حملت كل منا سلة وبدانا رحلة البحث عن كل ما هو جديد
لا احب ان اغير بسهولة عطوري ولكن تحمست لاشتري هدايا لاهلي وصديقاتي
احسست باني كثرت شوي و خفت من ثقل وزن الامتعة عند العودة
عندما رجعت ابحث عن ام مشاري ووجدها
انصعقققققت ، ماشاءالله ، ام مشاري شنو كل هذا ?? الصراحة احسست بالفشلة لان سلتي كان بها
متسع للمزيد ولم ازد
ضحكت وقالت
===
كل ما يعجبني شكل زجاجة العطر اشتريه حتى لو ريحته ما بينت عدل
اذا حلوة او لا
!!
تدرين خشومنا تصككت من كثر
ما شمينا هاهاهاها

خرجنا واتجهنا الى محل ملابس نسائية
اخذنا بقياس كل ما تقع عيننا عليه
كل شيء مشوق وحلو وانييق شناخذ وشنخلي ?? الصراحة احترت
بس ميزانيتي ما تسمح اخم كل المحل فاكتفيت بثلاث قطع
اما ام مشاري لااله الا الله شرت تقريبا اغلب اللي بالتفتيحة من قطع
هذا بس كان من اوووووول محل
استغربت قتلها ام مشاري ما جربتي باللبس كل هالقطع اللي بتشترينها
ردت ==
موووولازم اقايسهم !! ما عندنا وقت ابي الف بالسوق اكثر
رديت واذا طلع شيء مو قدج ?
مووووومشكلة ... ردت
اعطيه حق الاهل
واخذ اللي يطلع حلو علي باللبس
طبعا انا لا اتكلم عن ملابس من طقة 100 دينار واقل لا..لا
بل من 200 وفوق ، الله يزيدها من نعيمة ، ويباركلها
مشينا ولفينا ولم يبقى داعوووووس الا وحسنا فيه
+++++
ادري شوي فصيح وشوي كويتي بس لزوم القصة مو بكيفي هاهاها
+++
طبعا انا اتكلم عن انسانه ماشاءالله ميزانيتها مفتوحة بمعنى مفتووووحة
ليس لها سقف محدود
اصريت عليها ...
ما يصير لازم اعزمج على الغدا
==
وفعلا كنت حابة اعزمها لاني تضايقت جدا ما احب شخص يعزمني لو على كوب
ماي وما اردها له فعلا اتضايق من الداخل
==
ولكن كرمها وبحكم سنها اصرت... اتقولي اشلون كبر بنتي
وتعزميني ، انتي مثل بنتي
حنونة هالام مشاري وطيبة حيل من طقة حريم اول المتواضعين
ما عندها تكلف ولا تكبر
هذا عالاقل اللي شفته منها معاي
!!


قررنا نرجع الفندق بعد ما ريولنا طاااحت من المشيء والفرارة
وقبل وصولنا بامتار احسسنا بمن يشد على يدي ويدها بنفس الوقت
التفتنا
واذا بسيدة في الثلاثين
تلبس ملابس رثة وتمسك بيدها رضيع
تلف شعرها بمنديل عتيق
وتلبس تنورة واسعة مزركشة ولكن بااااهتة من القذارة العالقة بها
ام مشاري ردت باستغراب واشمئزاز
اشتبي هذي قطييييعة لا تلمسني
!!
استمعت للسيدة تقول
انا من البوسنة لاجئين في فرنسا زوجي مريض ولدي اطفال صغار
ساعدوني باي مبلغ ارجوكم
وطفلها منظره يقطع القلب
ترجمت ماقالت لام مشاري فردت على طول ودون تردد
جذاااااابة
ما عليج منها هذول الطراروة اعرفهم عدل
بس يتلزقون فينا احنا الخليجيات ولا يقربون يم الفرنسيين او حتى العرب
امشي امشي خليها تولي !!!!!
انا صعقت ذهلت مشيت
وانا مو حاسة اني مشيت اولا ..لان كمية الاحراج والاحساس بالذنب تجاه
هالانسانة الفقيرة البائسة مو قادرة اوصفه ولا اطلع منه لي اليوم
ثانيا لم استطع الرد على انسانة اخرى بمثابة امي ولطيفة معي لاقصى حد
مشيت وحتى لم نرد على المسكينة التي لحقتنا حتى باب الفندق
وطبعا الدورمان مال الفندق ما قصر معاها بالزجر
====
انتهى الموقف بالنسبة لام مشاري ولكن والله لم ينتهي بالنسبة لي ابدا
انا اعلم جيدا انه هناك من يمثل دور البائس باتقان
بل ويتفننون في التسول والسؤال لكي يستغلوا ويستدروا عطف الناس
ولكن الى اليوم اسال نفسي من نكون لكي نحكم على الناس
بانهم كاذبون ونصابون ?? من نحن لكي نوصم الفقراء كلهم دون استثناء
بالدجل والنصب على مشاعرنا
===
اوكي اوكي نصابين لماذا لا اعتبر البواب الاجنبي
الذي يتقاضى راتب بانه نصاب
!!
يبتسم في وجهي ويلقي التحية لكي نجود عليه بالمقسوم ?? هو لا يحتاج
وانا لاحظته كيف يباااالغ في تحية ام مشاري بالذات
بالطالعة والنازلة من اجل حفنة اليوروهات اللي يستلمها من
يدها الكريمة !!

طيب ليش ما نحط احتمال واااااحد بالمئة انه السائلة
او الطرارة باختصار كانت صادقة ???? يالله ، ما هو عذري يوم القيامة
امام الله
عندما يسالني صرفتي مئات الدنانير -- بالنسبة لام مشاري الاف الدنانير بلا مبالغة --
في يوم واحد
وعندما سالتكم المحتاجة لم تعطوها
ولو عشرة دنانير او خمسة او دينااااار واحد
لكي تطعم اطفالها
في ذلك اليوم الاغبر حسيت وانا اتناول العشاء
مع ام مشاري بانه اللقمة تقف في بلعومي ! كلما حاولت ابتلاعها
لانني لم استطع نسيان النظرة ومدة اليد التي قامت بها السائلة
ورددناها خالية
بالمقابل لم نقصر بالتب او الاكرامية مع كل من هب ودب
اللي يفتح الباب واللي يشيل الاكياس والتاكسي والويتر وووووو كنا كرماء جدا معهم

نصيحة
لكل من يقول هالعامل عيار ما يسلم الا عشان اعطيه
او هالكناس عيار ما يكنس عند بيتي الا وقت طلوعي للدوام
والا بياع الكلينكس نصاب يبيع كلينكس بنص والدرزن بدينارين ،
او ..او.. او..
موانت ولا انا اللي نحكم نصابين
رب العالمين يحكم
مرة سويتها وان شاء الله عمري ما اعيدها
===
لا تردون السائل خائب
ولو بابتسامة ترى الابتسامة صدقة
===
انا اللي كدرني انه يومها ام مشاري صرخت بوجه المراة
صرخة اشمئزاااااز لا توصف
الله يغفرلها ويغفرلنا
مو من عادتها بس ما ادري ليش سوت جذيه
مااااااادري ???