CLICK HERE FOR BLOGGER TEMPLATES AND MYSPACE LAYOUTS »

October 27, 2007

طأ حنك مع فنجان أهوه

لاني بروحي قاعدة اشرب قهوتي


.



والجو ما شاءالله روعة

ووليدي نااااايم نومه العافية

قلت اسولف معاكم شوي

ابي احس انكم معاي ومجابليني

سويت لكم قهوة تفضلوا

.

....


ههههههه

عاد انا مشهور عني تضبيط الوش

احبها عادة عالريحة

بس اليوم مزاجي مضبوطة

هههههه

ما ادري اذا قتلكم او لا

واااايد احب الزرع في البيت

احس لو بيوتنا بالكويت متروسة خضار

الناس بتكون رااااايقة اكثر

للاسف هالشيء مو مهم عند وااايد ناس

ادخل بيوت واااايدة

فيها اثااااث غالي

وديكورات تعقد

واكسسوارات بكل زاوية

ولوحات

ومع هذا احس اكو شيء نااااااقص

كنت ايام دوامي مسوية اشتراك مع محل ورد

يوصل كل بداية اسبوع سنتر بيس ناعم

الشغلة والله مو مكلفة ابدا مقارنه

بانه احنا ممكن نقط اضعااااااف هالمبلغ على كوب قهوة
كل يوووووووووم

من معشوق الجماهيييييير

ستاربكس

ههههه


حاطة ببالي ان شاءالله

لما ارجع الكويت

اسوي اشتراك للبيت

ما ابي بوكيهات مرتبة

لأ لأ

مجرد ورد كل مرة نوع وشكل ولون

انا ارتبه واحطه بالفازات


تخيلوا تدخلون صالات بيوتكم كل يوم

او تقعدون على طاولة الاكل

وتشوفون فاااازة فيها وررررررررررررد

ترى انا مو رومانسية

مخليه هالخصلة حق خرووووفة

لوووول

بس احس الورد يرطب المزااااج

..


كنت ولازلت دايما احكم على رقي المطعم

اللي ازوره من نوع الورد اللي يحطه

اكثر شيين يبطوووووووووون جبدي

ورد صناعي اطرافه مغبرة

والا كارنيشن على طاوله الاكل

..


تذكرت موقف صار ايام خطوبتي

طبعا واااايد مصددقة عمري بدور المستحية

لووووووووووول

انا عموما جريئة وصريحة وواااثقة حدي

بس ماااايصير عاد علبونه جريئة ومرتاحة مع خطيبي

اصير امية بالامية على طبيعتي

المهم

مسكيييييييين اهوه كللللش مو مال مطاعم

ولا كان من النوع اللي يهيت مع ربعة كل ويك اند بمطعم

كل روحاته للمطاعم يا غدا عمل

يا عشا عمل وسلامتكم

فكان يقولي اشرااااايج انا حاجز بالمطعم الفلاني

طبعا اسكت ما اقوله انا ماااااله من كثر ما رحتله

او انه قعدته مو ذاك الزود

او جوه ما يريحني

المشكلة كانت

كلللللللللل حجوزاته بالفنادق

ما يعترف بالكاجوال علبونه مخطووووووووبين

لوووول

مرة قلتله خنغير

؟

مااااايدري

وين يرووووح مسكيييييييين تتدوده

لما قتله ما ابي اوتيل

قعدنا نلف بالديييييرة على ملا وشنا

ههههه

فجاة سفط عند برج حمود

من صججججججججججك

؟؟

ما احب قصر يلدز

بس انطميييييييييت

بروحة الريال كان حاجز بفندق وانا كنسلته

خلاص مشيت الموضوع

وهم على باله مفاجئني

حتى ما سالني داخلته والا لأ

؟؟

ما يدري من اول شهر فتح فيه قبل سنييييييين

ايام اللي كاااان خالي يصفر

انا داشته

خبركم انا وخواتي

تحريات هههه

من نسمع عن مطعم ركككككككككككضة عشان نجربة

ونحطه بلستتنا او نحذفه منها

المهم دخلت المطعم على استحيااااااء

لووووول

خو مخطووووووبة لازم امشي بهدووووء

جججججججججججججججك

جان الجوتي عزكم الله ينكسر الكعب ماله

ومن كثر الادب ما تحجيييييييييتت.. سويت روحي امشي عادي

لين وصلت للطااااااااولة

ماااابغيت!!

اول ما قعدت والا شاشوووووف

ورد كارنيييييييييشن ييب اليهد على الطاااولة



تحملت كسره الكعب بس ماااا تحملت اجاااابل الكارنيشن
مع انه طبييييعي

ههههههههه


زوجي عفوااااا خطيبي ههههه

سالني اشفيج متضايقة شكلج

لما عرف شنو اللي منرفزني

على اوله

شااااال الورد بفازته وحذفه تحت الطاوله

مانطر حتى الويتر يشيله

جان يقولي

ما ابي اشوفج متضايقة خل يولي هالورد اذا موعاجبج


عجبتنييييييييييييييي الحركة

جنه فارس حارب الوحش عشان ينقذني

لوووووووول

كبر بعيني

وبحركة رشييييييقة من ريلي حشت الفازه

جاااااااااااااااااك

جان تنكسر

ولييييييييييييييه

جندس يشوف شالسالفة قام شااااف كعبي المكسوووووووور
لازق بطرف الجوتي ومنعوي

لووووول

قالي ليش ما قلتيلي

طبعاااااااااا الرد

مستحييييييييييييييييييييييييييييييييييه منك

هاهاهاهاهاها


تدروووووون اش سوى

؟؟؟؟؟؟؟؟؟؟؟؟

قالي جم مقاسج

وعلى اوله طاااااار

حتى ما قالي وين

عشر دقايق

الا يايب جيس وداخلة قوطي

وااااااااااي

مو جنه فارس؟

الا صاااار عنتر سل سيفه وحارب قبيييييييييييله عشاني

استااااااااااااانست حدي


يوم بطلت العلبة

فشيييييييييييييييييييييت بمكاني

!!

والا جوتي طبي من جاشنمال

لوووووووووووووووووووووووووول

مير المعركة والفارس والوحش كل هالمنظر تبببببببببخر جدامي

هههههههه

ما راح اقول ليششششششششششششش اختار جوتي طبي

اللبيب بالاشارة يستوعب

هاهاهاهاها

بس كلش مو استايلي

عمرييييييييي ما لبست جوتي طبي

اصلا بذاك الوقت ما اعرف امشي الا بكعب يجكجك

!

بس نرجع لموضوعنا بما اني مخطوبة

لازم انطم واقوله مشكووووووووور والبسه

كل هذا وانا قاعدة على الطاولة
ما تحركت من مكاني
!
نادينه الويتر عشان يضيف قيمة الفازة المكسووورة
على الحساب
ما رضى وقال ولو فداكي ميت فازة
كبر بعيني المطعم
لوووووووووول

موووو هذا المهم

المهم انه ثاااااااااااااني يوم المشهد بكل تفاصيله

بتفاصيل تفاصيله واصل عند اختي

والسبة حماها ومرته مجااااابلينه وطاااايحينله خز من اول ما دخلنه

باي ذاي واي نفس الانسانة كنت شايفتها

بمكان من قبل وانا امشي رايحة اسلم

علييييييها

انكسسسسسر كعب الجوتي

وهذول المرتين الوحييييدتين اللي ينكسر فيهم كعبي

كللللللللللللش مو منها

لووووول

وانا ولا ادري عن هوى دارهم

لاهية بالكارنيشن المحذوف

والكعب المكسوووووور

والخطيب الفاااارس
:)

بس والله كل

ما اتذكر هالموقف ووااايد مواااااقف

اموت على زوجي اكثر

على نيااااااته بعد قلبي

واعتقد كان متدوده اكثر مني

لا ويايبلي الجوتي ابيييييييييييييض

على باله سستر

لوووووووووووووووول

بس عسسسسسسسسسل على قلبي

ههههه

ليييييييش كل هالقرقة

؟؟؟

اي.. عشان اقولكم

انه الزرع والورد مهم عندي و احبه

..

بالكويت

عيوننا ما تشوف خضااااار كفاية

واحس هالشيء مأثر على المزاج العام للكويتيين والا اشرايكم

؟؟

ملاحظة :انا المدعوة فانكوفر

اقر بانني لا امت لمحمد الفايد باي صلة قرابة

ولا اتقاضى اي عمولة جراء تصوير ونشر

صورة فنجاني المفضل لشرب القهوة التركية

تبوني احلف عالمصحف لوووووووووول

----------------------------------------------

96 comments:

Aldenya said...

أهم شي الوش

إنتي وينج عني :>


ما أحب أشرب القهوة إن كانت من دون وش
أحس تفقد رونقها وجمالها ولذتها

وبما أني أول كومنت
راح آخذ القهوة وأشربها


وعلى هالجو البديع وريحة الورد
يحلى الكلام والذكريات

ضحكتيني على سالفتج مع خطيبج سابقا وريلج حاليا :>

وخصوصا الجوتي الأبيض الطبي
أحسج تعمدتي تسوين سلايت على الفازة وتكسرينها
:p~



ويمه منج يا فانكوفر
حبيتي امطعم
عشان قالولج
ولو فداكي ميت فازة

هههههههههههههههههه

أما سالفة الكعب
أشكره من عيونها :/


بصراحة
ضحكتيني وو نستيني بسوالفج

الله يسعدج دووووم ويحفظج لريلج واعيالج

:>

Q8DOLL said...

ههههههههههههههههههههههه
واي شنو هذا فاتكوفر والله دمج عسل
جني قاعده معاج وتسولفين
والقهوه ناقصها شكر بعد
انا احبها تكون مغليه ماحب الوش خصوصا اذا شربتي القهوه وابتسمتي شوفي البن على اسنانج عجيب

بس لالا سالفت الجوتي الطبي موتتني
لا وابيض لوووووووووووول

انا معاج فانكوفر
صاجه
الناس ما تهتم بالزرع
والبعض يحط زرع جدام بيته حق التفقق
وداخل البيت ماتشوفين شي
الزرع مو بس ديكوووور بره البيت والا داخله
الزرع كائن يعيش معاج وتحسين يشرح القلب ويسر النظر ويأثر على النفسيه

فعلا فكرتج حلوه مالت محل الورد ووايد يسوونها خصوصا البنات
والا الرياييل اعتقد اذا سووا الحركه وياهم اليوع بياكلونه
ويلعن ابو الرومانسيه


الله يخلي لج ريلج ويزيد حبه بقلبج وبحبج بقلبه
والله يحرسكم من العين
وايد سالفج حلوه

Joli said...

LOOOOOOOOOOOOOOOOOOOOOOO
OOOOOOOOOOOOOOOOOOOOOOOO
OOOOOOOOOOOOOOOOOOOOOOOl

واي فانكوفر
موقادرة أعلق حاليا لأنني ميته من الضحك

لووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووول


أمبي

لووووووووووووووووووووووووووو
ووووووووووووووووووووووووووو
ووووووووووووووووووووووووووول

DanDash said...

يااسلالالام على القهوة الي تعدل المزااج طلبتج علميني اشلون اسوي وش أصلنا مش صحاب أوي..لول

الله يخليكم لبعض ان شاءالله و تكون حياتكم دوم ورد بورد

اما على سالفة الجوتي مكرم السامع قووووية شلون قدرتي تمشين فيه لا و أبيض
و على الورد و النباتات لما تكون في البيت تحسسج انج عايشة ما ادري تغير المود

ونستينا بهل البوست تصدقين عاد شميت ريحة القهوة بروح اسويلي ;)

kila ma6goog said...

مرة وديت المدام قصر يلدز و كرهت عمري

اول ما بطل كان توب بس يوم اللي رحتله صار حده قلق

esTeKaNa said...

الحين ما تحبين ورد كرنيشن قلنا ميخالف
بس عاد تروحين تطيحين الفازة جنج ما تدرين اشماله؟
لازم تطلعين مواهبج جدام الختيب
ههههههههههههههه
واي انا ابي رده فعله يوم طل تحت وشاف الكعب المكسور
يا بعد قلبي قلبج
:))
الله يحفظة ويتمم عليج انتي معاه
واي يعني كافي الاحساس بالامان والطمأنينه على مستقبلج
عطاج دلائل قويه
حذف الورد
ياب الجوتي الابيض
عاد انا جواتي جاشنمال اطبيه اسميها جوتي السيده ملعقه جانج تعرفينها
ههههههههههههههههههه

القهوة نااااااااااااطعه
والورد عجيب
خوش قعده استمتعنا
:)

moowa6en said...

الصراحه تقول ان الموضوع وايد استانست وانا اقراه .

النغزات كانت تضحكني ، وخاصة سالفة الجوتي الصحي .

الواضح ان حياتج مغامرات .
وهذا شي حلو


مواطن

Shaima'a Alkandari said...

يه يه حركات والله منتى هينه
بس القهوه بردت شلون بشربها ماعليه بقعد اطالعها

الورد قميييييل الورد

اى والله لو ديرتنا تكون مليانه ورود وخضره جان صار شي ولا بالخيال بتكون الطبيعه بالكويت شي فتاان


للاسف اهم حاولوا بس في ناس يقطعون وينتفون بهالزرع والخضره انزين ليش محد يدري

ماعليه البيت لازم فيه شي من الخضار والورود

بالنسبه لسالفتج ايام الخطوبه فاهيه شي موطبييييعي

صج احراااااج بس اشوه انه انقذ الموقف

بنت الكويت said...

هههههههههههه
امبييه لا موتيني من الضحك

وكل شي صوب
ويوم
قلتي عنتر وسل سيفه
وانا عايشه الموقف معاج وبالاخير جوتي طبي ولا ابيض بعد
هههههه

الله يخليلج ريلج وولدج يارب

والنبوالورد والخضار الي هنيه
يريح النفسية ويعدل المزاج

Najmah said...

الله

قهوة

و ورد

راحة نفسيه


====


لوووووووول

دمج عسل على قولة كويت دول

استمعت جدااا :)

الله يخليكم لبعض ويخليلكم وليدكم يارب

Mishari said...

الصراحة ضحكتينى :) الله يونسج بالعافية
:) موااااااقفا انما ايييييه:))

فراوله said...

مساالورد والجوري
غاليتي الحبيبه
ياحلوج وياحلو سوالفج
صج فطستني سالفة الكرنيشن...والكعب المكسور
مااتمني انحط بهالموقف كلش
لوووووووووول
:)
اموت بالقهوة اللي بوش
بس انا احبها سويت
مثل دمج السوييييييييييت
الله لا يحرمنا هالسوالف
ولا راعيتها
دمت بدفء وعذوبه
ابدا
:)

ليث said...

ضحكتيني وطلعتيني من جو الهوم سكنس:)))

الـفــــجـــ الــبـــعـــيـــد ــــــر said...

احلى شي يوم ان الجكككككك ينكسر آآآآخ ما تخيل اني انحط في هالموقف
.
.
.

بس جني تذكرت ي العصوور الغابرة رديت البيت وكعبي فيه شي بس ماذكر شوو بالضبط لوول

عاد انا ام الوسوااااس شكلي بحط جوتي احتياط في السيارة للضروره القصوى
.
.
.
بس بعد سالفة الفااازة تفطس من الضحك واحلى شي يوم ريلج يجلها على طووول

بوست حلووو وخفيف والله يخليكم لبعض ويخليلكم وليدكم ان شاء الله

سلااااااااامز

الأستاذ بلاليط said...

بلعافيه عليج الوش و ابو الوش

Purplecious said...

LOOOOOOOOOOOOOOOOOOOOOOOOOL
LOOOOOOOOOOOOOOOOOOOOOOOOOOL
LOOOOOOOOOOOOOOOOOOOOOOOOOOOL
LOOOOOOOOOOOOOOOOOOOOOOOOOOOOL


وااااااااي فانكوفر

لوووووووووووووووووول
لووووووووووووووووووووول
لوووووووووووووووووووووووول
لوووووووووووووووووووووووووووول

لألألألألألألألألألألألألأ

مو معقووووووووووول

أنا المخديه(على قولت جولي بعد لا يتهموني بالبووووق) المفروض أمس أقرا البوست
و جولي داقه علي لحققققققققيييييييي فانكوفر شوفي شنو كاتبه

تقولي ما أقدر أعلق بموووووووووت من الضحك و وراها طلعه


المهم اختج بربلوووووش على أولها دل دل دل راح تفكيري انه قصدها شوفي تعليق فانكوفر على بوستي لأني خابرتج ليلحين ما علقتي و ناطره تعليقج عندي على أحررررررر من الجمر هههههههه

أدش البلوق و اذا بي فعلاً أجد تعليييييق من فانكوفر (مادري ليييييش الفصحى) انزيييين
اقرا
اقرا
ارد اقرا
يا ربي ماكو شي يضحك!!! اوكي يونس بس ما يموت من الضحك
أحاول أضحك يمكن أنا فاهمه غلط
لالالالالالالا ما يترقع
اقول يمكن جولي كانت فاصله و أي شي في هالحاله ممكن يضحكها هههههههه

دزيت مسج قلت ما أشوف شي حييييييل يضحك نفس اللي وصفتيه

و كالعاده حقرتني و ما ردت
هابه تحقر مسجاتي
ههههههههههه

و لالالالالا فكرت انه بووووووست لأني توني شيكت و الرفريش الله بالخير عندي مو دايم يطلعونلي البوستات اليديده
:((((

lawyer said...

وااااااااااي

انا ططططططططططحت طححححححححححححت بالقاع من الضحك

غشييييييييييييييت

عرفتي سل سيييييفه
قلت اشدعووووووه
فازه
بسسسسسسسس يوووووووووم يابلج الجووووووووووتي

عرفتي الضحك الي هاهاهاهاهاهااي

ميخااااااااالف اشفييييييييه طبي دكتور شول
عاااااااادي زييييييييييين

انا مثلج بعد مشتركه في ورد يوصلي كل اسبوع
صج ورد ظيم يعني

اشتراك بو عشرين دينار
بسسسسسسسس ممتع بصراحه

و عندي زرعه في المكتب غير الورد ههههههههههه

ضضضضضضحك هااااااا

في البيت مرات اطرش السايق يروح حولي اييبلي تيولب ابيض

احطه في فازه عاديه

بسسسسسسسسسس جذي ادلع روحي



انا اقولج ليش بيوتنا مافيها زرع

يا يبيييييييلج تراعينه عدل
او تجابلينه ورقه ورقه تمسحيييينه من الغبار

و الخدم يجابلووووونه

او ااذ جابلوووووه غرقوه و لعبو فيه

عرفتي ليش يما هههههههههه


بسسسسسسسسسس بوستج خيال

Purplecious said...

كان هذا الموجز و اليكم الآن أهم التفاصيل

ههههههههههههههه

سمحيلي فانكوفر بس كان لابد من هذه المقدمه

و الحيييييييين نخوووووووش على الموضووووووع

أول شي مشكووووووره على القهوة تسلم ايدج
:****
و مشاءالله الوشششششش مو طبيعي و أنا أشوف الصوره أقووووول يا سلااااااام خوش وشششششش
ما وعيت الا تقولين ان تخصصج وشششششاااااات
ههههههههههههه بلييييز علميني شلون بلييييز


اوكي اللي بعده

الورد
الورد جميييييييل
جميييييييل الورد

في أحد ما يحب الورد الا جان اللي عنده حساسيه
لوووووووول ذكرت درس خصوصي بالوتيل بشهر العسل هههههههههه

صحححححححح كلامج
انا نفسسسسسي و منى عيني اجابل ورد بالدوام بس قاعده أطالع مكتبي الحوووووووسه و أحاول ادور مكان حقه بس ماكو مكااااااان
:((((((

و لا زرع الدواااااام
الله لا يورييييييج
ظيييييييييييييم
ظيييييييييييييم
ميت و متكسر و مغبر و دااااااثر
يققققققمت القلببببب

حدج شيشتيييييني لازم آخذ موقف صارم من هالموضوع
همّتج معاي يا جولي


أما سالفه الخطوووووووووبه
وااااااااااي فانكوفر لوووووووووووول

أبي الحييييييين انخطب شلوووووووووون؟؟؟؟

ههههههههههههههه
هههههههههههه

وناسه مغامراااااات
لووووووووووول

انزين الحين شنو نستفيد من الموقف اللي صار وياج؟
المخطوبه لازم تستحي و لا لألألألألألأ؟؟؟؟
ههههههههههههه

ابييييي فانكوفر و أنا اقرا رده فعل خطيبج و أنا أقول كفوووووو
شهامه و رجوووووووله

بالضبطططططططط
جنه فارس حارب الوحش عشان ينقذنج
بالضبططططططططط
هذا التشبيه الصحييييييييييح

لووووووووووووووووووول

و الموقف الثاتي

مو جنه فارس؟
الا صاااار عنتر سل سيفه وحارب قبيييييييييييله عشاني

مو بس فارس
الا عن عشر فرسااااان و انا اختج
بس كله كوووووم و الفشششششششششه كوووووووووووم

لوووووووووووووووووووووووووول
لوووووووووووووووووووووووووول

لالالالالالا و أبيض بعد
هههههههههههههههههههههه
هههههههههههههههههههه

بس عسى ليلحين محتفظه بالجوتي ذكرى؟؟
لووووووووووووووول

يا حلووووووو سوالفج يا فانكوفر و الله انتي عسسسسسسسسسسل
يا حبي لج
:*****

الله يخليلج ريلج و وليدج ياااااا رب و يخلييييييج لهم و يحفظكم من كل مكروووووه و يردكم لنا سالمييييييين غانمييييييين

:)))

Purplecious said...

اخخخخخخخخ

لوير دشت علي عرض

لوووووووووووووووووول

ابيييييييه مادري شفيني ودي أسولف
ليلحين ما شبعت تعليييييييق

هههههههههههه

بس لازم أروح

جولي بتذبحني تبي قهوه
لازم أروح الحين
و اترك المجال حق غيري

هههههههههههههههه

:******

Purplecious said...

باااااااااااااك

لووووووووول

جولي مشغوله الحين ما رحنا

ههههههههههههه

اييييييييييي
تعاليييييييييييي
ما قلتيليييييييييييي

محمد الفايد شيصير لججججججججج؟؟؟؟؟؟

اعترفي اعترفي
جم عمووووووووولتج؟؟؟
هااااااااااااا؟؟؟؟؟؟؟؟؟؟؟

اي اي اي اي حلفي عالمصحف

لووووووووووووووووووول

rwatan said...

اكره النباتات الصناعيه حتى الانواع الزينه منها.. لازم النباتات تكون طبيعيهو نسقيها و نعتني فيها عشان تعطي جو و منظر... و اكثر البيوت مهما كانت فخمه مالها طعم لأنها بدون نباتات تحليها.
ماكو أحلى من حديقه داخليه صغيره مرتبه بكم نبته و ورده و شجره مع نافورة صغيره جمال و صوت قممممه :)
و الله يهنيك على احساسك الروعه و حبك للطبيعه

charisma said...

ههههههههههههههههههه
ههههههههههههههههه
ههههههههههههههه

انت عجيييبه

يا حلوها القهوه من اييدج
ناااطعه على صاحبتهاا
مشكوووره
:**


انا اذا التيركش ما صارت بوش استعسر

وموضوع الزرع بالبيت

هبيت فيه وقطعته بعدين

احنا من البيوت الى تصفر من داخل ما فيها زرع

بس بره بالحديقه اى مترووس

داخل لا
:/


اما فتره الخطوبه
لووووووووووووول
فانكوفر بعد نبى سوالف
شكلها كانت فصله فتره خطوبتج

موتينى ضحك
لا بس شعلييج الريال شقردى
وعنده سرعه بديهه
بس عسى لى الحين جذى؟؟

:))

الله يتمم عليج ولا يخليج منه يالغاليه
:**

charisma said...

واى فانكوفر

شلون الكعب ينكسر هههههههههه
قاعدا افكر فيج
اذا جذى لازم سبير بالسياره

واى ذكرتينى بغنيمه حرم سليمان بوالريش لما انكسر كعبها وتابطته

لوووووووووووووووول

تخيلتج
هههههههه

عثماني said...

مساج الله بالخير اخيتي فانكوفر

عسى الله يخليكم لبعض... و يعيش و ييبلج جواتي

و تعيشين و تكسرين بهالكعوب

:)

حنطفيس said...

مدونتج شرحه

جنها بيت 1000 متر بالخالديه ارتداد على ثلاث شوارع

ReLaaaX said...

يبيله قهوه

بسسسسسسسسسسس اخاف ماانام ==> اللي يقول كلش الحين مو مواصله ;p


--

والله ايام يافانكوفر :)))))))
موتينا من الضحك على هالمواقف


وسبحانك ياربي على كسرة الكعب شكيت انج وحده اعرفها بس الفرق ان كعبها انكسر من النص مو البوز اللي فيه



--

وعسى الله يحفظج من كل شر


اعلان هااااااام

يرجى من الاخت فانكوفر توصيل قهوتها لكل بيوت البلوقرز للتمتع بنفس المذاق ونفس المود الذي مررتِ به

;p

5roofa said...

loooooooooooooooooool

يا سلام يا فانكوفر

لووول على الورد والله تبين الصج تي عرات اروح اشتريلي ورده انا بعد احب الورد و ريحته تهبل و لي كان احمر يا سلام علييي

لوووول بس يا حلات ريلج يهبل سمله علي ربي يخلي و ما يحرمكم من بعض لا يبيلكم على هالمناسبه اكتبلج قصه و اهديها لج لوووووول

و ضروري احط فيها جوتي ابيض من جاشمنمال لووووول

تسلمين على الذكرى الحلوه والله

:D

salamz dear...

vancouver said...

الدنيا

هلا وغلا بالحلوين اللي مزااااجهم
قهوة بوششششش
ههههه
تعجبيني:)

علييييييج بالعافية

لا والله مااا تعمدت
ما دري شلون حشتها وانكسرت على الرخااام
:(

ههههه اي اي كبر بعيني المطعم
ومع هذا مارحتله عقبها اتصدقييييين
ههههه

مشكووره عالدعاء الحلو
وانا سعييييدة برسم الابتسااامة على ويهج الحلو
نوررررررررررررتي
وحلالج الفنجان والقهوة
لانج غالية وعزيزة
بالاضافة للمركز الاول بالردود
لووووووووووووول

vancouver said...

كويتي دووووول

حياااااج الله دوللي
ههههه

حبيبتي انتي اللي عسل
افا عليج زيديها سكر ماكو مشكله
واذا تبين اسويلج وحدة يديدة مخصووووص

ههههههه
لا لا احنا نشربها بحرفنه فحتى اذا ضحكنا
ما يلزق الوش على اسناااننا
هههههه

القهوة المغلية اعتقد ستايل اللبنانيين


اي انا معاج بتحليلج للزوع
نعم كاااائن يعيش معانا


ورومانسية الريايل ههههه ضحكتني

اميييييييييين


حياتي انتي
ان شاءالله
نتجابل على فنجانين قهوة
بالكوييييييت قولي امين
وحدة بوش
وحدة بدوووووون وش

;)

Яeema said...

looooooooooooooooooool

مساج الله بالخير

أدر بتكحين كح
كح
من تشوفين تعليقي
من زمان ما علقت عندج

و الصراحه دخول قوي حده


قشيت من الضحك
هاهاهاهاها
هاهاهاهاها
الله يهنيج بريلج يا رب



لما تيين الكويت
و تعفرين إن الورد من أسباب الحساسيه
بتهونين

بالكويت غصب إللي ما عنده حساسيه بتطلع في


أول ما تزوجت بكل ركن زرعه
بكل عاير فازة


الحين بعد إللي قاعدة أشوفه

لا لا لا

لا يحوشك


لي شفت الورد قمت أخترع

ههههههههههههههه
ههههههههههههههه

حلاته بالمحل

vancouver said...

جوليييييييييي
حيااااااتي

يعل الضحكة ما تفارق ويهج قولي امين


ههههههه
موتيني ضحك من ضحكج
لووووووول
لوووول
وناااااااااااسة
حدي مستانسة انج استانستي من البوست
ههههههه

vancouver said...

دندش

غاااالية والطلب وش
هههههه
اعلمج
لازم على كل فنجان ماي تحطين ملعقة ونص بن
تخلطينه بالكنكة مالت القهوة على النار اول شيء وبعدين تتركينه
دقيقة ونص تقريبا
ردي عقبها حوسيه جم مرة
وبسسسسسس
خليييييييه على النار
ومو تردين تحوسين القهوة
لما تبدي تغلي وقبببببببل لا تقلب وتفور ارفعيها من النار
ردي قربيها من النار ومن تشوفين الوش قام يرتفع ردي شيليها
وهكذا ثلاث او اربع مرات
وبعدين صبيها بالفنجان بس وانتي تصبين لفي الكنكة بحركة خفيفة
يعني الصبة تحافظ على الوش
ادري طولتها عليج بس ترى مايبيلها شيء ابدا

وعليييييييييج بالعافية
اي واهم شيء
يا العميد يالرفاعي يا البدوي
وقوليلهم قهوة تركية مع اكسترااااااااااا هييييييل




والله الجوتي كرم السامع اضطرييت امشي فيه والا اشلون برجع السياااارة ههههه
بس لبسة وحدة ماااكو غيرها



يعلج الوناااسة دوم مو يووووم

حياج الله دندوووووش

vancouver said...

كله مطقوووووووق

حيا الله البرنسييييييسة
ههههه
اي كلامك عدل والله

اتصدق عقب ذاك الموقف ما رديت شفت المطعم ابد

_-----------------------------_







استكااااااااااااااانة

هلا بالطيب الغالي
عزيز وشوفتك منوة
ههههه

لا والله ماكانش اصدي
ههههههه
ما ادري اشلون كسرتها

اي اي اعرفها السيدة ملعقة
اتصدقين كانت لبسسسسسسسسة وحدة ما غيرها
ما اعرف للجواتي الطبية كرم السامع

الله يسلمج حيااااتي عقبال ما نتطمن على مسسسسسسسستقبلج ياربي

حيااااج الله كل يوم مري
كندا
حذفة عصى
ههههههه

vancouver said...

مواااطن

حياك الله بالزيارة الطيبة

ههههههه
عسى الونااااسة ما تفااارقك قول امين

انا استااانست من وناااستك
هههه



حيااااتي مغااامرات
ومااااا تتصدق بعد

حياك الله

vancouver said...

شيماااااء الكندري

حياالله الغالية شيووووم
شخبااارج
؟

افا عليج اسويلج وحدة يديدة
ترى عادي باليوم اشرب اربع مرات

مينونة صح
؟


يالله انتي ابتدي ببيتكم وبدوامج
حاوطي نفسج بالخضرة من كل صووووووب

منووووووووووورة

vancouver said...

بنت الكوييييت


هلا بنوووووتة

حبيبتي يعلج مستانسة دوم



امين


ياالله انتي
ما عندج عذر
لااازم تترسين البيت زرع
روحي كنديان تاير او هوم ديبو
الزرع يشوووق عندهم
بالذات الداخلي

vancouver said...

نجمة

هلاااا نجمة
انتي اللي قاااارورة عسل
ههههه

امييييييين
مشكووووورة عالزيارة العسل

_----------------------------_






مشاري

حياك الله مشاري
ويعلك مستااانس دوم مو يوم


_---------------------------_



فراااولة

انتي ويييييييين من زمان
حياج الله يا عسل
مساء الخير وتغريد الطير
ههههه

جربي تنحطين بهالمواقف
بس عشان
تحسين باللي حسييييييته
هههه


نورتييييييي

a7La eNG said...

ياااي يا زينهم والله
خطيب و خطيبة و حركات
;)
وعليه تلاقينه خطرر الشارع وراح المثنى لا صج صج فااااارس

عسى الله يخليه لج و يهنيكم
يااا رب

.
.
نقطة الخضاار بالبيت شفتها بعيني محدش ألي

أثثنا الاستقبال و خلصنا يا حلاته ما يشكي من شي

بس والله من كدسنا الزرع اشكال و انواع

صاااااااااااااااااااار
عجيب
فيه روح فيه حياة
:)


عجبني اهتمامج بتفاصيل الاشياء
يعني لي يومج هذا من فتح شوكليت بار بالكويت
و انا جدا جدا مقدرة لهم الجورية اللي غرقانة بالماي

واايد احبهاااا و كل مرة اصورها

لو كرنيشن
!!؟
جان كسرتها على راس الويتر بلا شك
.
.
ونستج العافية
و نشرب القهوة ثاني يوم من رجعتكم بالسلامة ان شاء الله
اول يوم جت لاق و تعب
;*

Barrak said...

ربي يسعدكم

يعقووبوو said...

القهوه التركيه لازم مع وش

وحلوة سالفة كبر المطعم بعينج

ههههههه
صج ضحكتيني بنهاية الدوام
(:

charisma said...

مس يو من غير شر
:*

magnoonah said...

انا قريت هالبوست من زمان


where r u girle?

عسى المانع خير

بنت الشامية said...

فان كوفر

وينج ....عسى ما صار فيج شيئ من هالقهوة......من عيوننا

لوووووووووووووول

طولتى الغيبة مالج عادة

عسي خير .....فاقدتج....وفاقده تعليقاتج عند الجميع
يحفظج الكريم

vancouver said...

ليث

مرحبتين
ونااااسة
يعني قدرت اسوي انجاز
حتى لو بسييييط
هههههه
الله يهونها عليك هالغربة ان شاءالله


_--------------------------------_




الفجر البعييد
هلا بالبعيييدة القريبة

؛)

لووووول
اي اي
انا معاج لازم نحط احتيااااط بالسيارة
ههههه


امييييييين
مشكووووورة يا الفجر
نورتيييي


_-------------------------------_




الاستاذ بلاليط

الله يعافيك ويسلمك

vancouver said...

بربلوووووووووشه

لووووووووووول
تونسييييييني لما اشووووووف ضحكتج بالحروووووووووف
ههههههه


احلىىىى شيء ردج بالفصحىىىىىى
واذا بك تجدين ردي يا بربل
لووووووووووووول


انزين جوووولي طايحتله حقران بمسجاتج وساكتتلها ههههههه
صج انج طيبة
وعلى نياااتج
ههههههه

طبعا هذا ردي على الموجز ماااالج
والتفاصيل لاااااحقا
لووووووووووووووووول


:******

vancouver said...

لووووووووووير

مرحبتييييييين بالغالية

لوووول
اسم الله عليييييج من طيحة القاع
ههههههه
مرة ثانية احط تحذير عشان تحطين اسفنجة تحتج ههههه
قبل الطيحة
هههه





ميخااااالف ها ؟؟

قولي امييييييييين
يعل اشوفج مع خطييييييبج كااااشخة من فوق وحاااالتج حااالة
ومن تحت جوتي طبي عكس لوووون هدومج
لوووووووووول
وحزتها ابيج تقولين عااادي ميخالف
اشفيها
دكتور شوووووووول لوووول



لا انا كان اشتراكي بخمس وعشرين دينار
اكككككككشخ لوووول
من زهور البدع
يالله دعااااية ببلاش
هههههه


عفية عليج
احب اللي يدلعون روحهم بالوووورد
يا راااايق
ههههه

صاااجة الزرع يبليه مجابل
بس والله يوننننننس بالبيت
احس هوا البيت فرييييش
بالذات الصبابيح


والله زيارتج اللي خياااال
حياااااتي
:****

vancouver said...

بربل الشييييييييخة
اخذي راحتج افا عليج
ماكو موجز ما قبل الموجز لوووول
والله استانس لي شفت كومنتاتج العسل




عليييييييج بالعافية
بالنسبة للوش
اتبعي التعليمات بردي على كومنت دندش
بحذاااافيرها
وراح تصلين للنتيجة في كل مرة
ههههه

فعلا الزرع اذا كان ظيم
ترى شيلته ابرك
ماله داعي زرع معفن وميت مادري شلون قايل

اقول اذا ما عندج مكاااان على المكتب
حطي الزرع
على رف
مثبت على الطوفة او البارتشن
مثلاااااااااا
:)


امييييييين ياربي اشوفج مخطوبة
ومن مغامرة لي مغااامرة
لووووووول
بس شوي شوي
لا ينحاااااش
هههه
خلي المغامرات عالخفيف
مو مثلي
مرة سويت روحي اني قطيت
عمري بالبحر
عشان يختب وما يزعلني
طلعتتتتتتتتته من طوره الله وكيلج
بس الحمد الله
ما رجعت بيت اهلي
عقب ما حطمت اعصااااابه
عدت على خيييييير
لووووووووووووووووووووووووووول



مو تصيرين مينووونة مثلي
ههههههههه


هههههههههههههههه
اي والله كله كوم
وفشتي عقب ما كنت تاااافخة عمري من الوناسة كووووووووووول
هاهاهاها



اميييييييين حياتي بربل
الله يسمع منج
عاد
عقب
اكتب لكم عن مغامراتي بكندا
الحين ماااا اقدر
اخاف
زوجي يطيح على بوستاتي
يقعدني بالبيييييييييييت
وماشوف عتبة البااااااب
لوووووووووووول
هههههههه

بس والله مغامراتي برييييييييييئة


انا اللي ما شبعت اقرى تعليقج
والله

:*****************************

vancouver said...

بربل

الله يقطع ابليييييييسج

حلفت عالمصحف اشتبيييييين بعد
ههههه
امبييييه يهااااال
لوووووووووول


تبين الصج عاد

القهوة التركية ترى احب اشربها بفناجين
وما احبها بفناجين ثانية
مااا ادري ليش
بس مثلا فنايين هارودز سميييييكة
ولا شلت الفنيال احسه ثقييييييل
مو خفيف

ترى انا صاااحية
ها
مو تعيبين
هههه
بس صج
ما احب اي فنيال



اقول
لو محمد الفايد يصيييرلي
جان قطيت عمري من برج التحريييييير
لووووول
شفتي طينه اثثثثقل من طيييييييينته
اسسسسسسسسسستغفر الله

vancouver said...

رؤية وطن


هلا والله
صح مهما كان البيت فخم
انا احسسسسسسسه نااااقص من غير زرررع


شكرا على المرور الطيب


_---------------------------_




كااااااريزماااااااااا

حياتي
انتي


تمام يعني متفقيييييين على الوشوش
ههههه


ما عليه
مو الا زرع داايما
بس على الاقل
بين فترة وفترة
وزعي فازات بالبيت فيها ورد
والله بينشرح صدرج بالبيييييييت
ترى الورد عجيييييييييب


هاهاهاها

جم تدفعين واقولج مغامراااااااات الختوووووبة
هاهاهاه


والله رايته بيضة لي الحين

عسى ما تنقلب طماطة عقب جم سنة
لووووول
الله يستر


اي والله انكسر
شفتي شلون

ومرتين مو مرة وحدة

ههههه
ضحكتيني على غنيمة مرت سليمان بوالريش
يا حلو ذيك المسلسلااااااااااات


نورتتتتتتتتتيييييي
كاريزما

vancouver said...

عثمااااااااااااني



لوووووووووووول
موتني ضحك على دعائك
اهوه يشتري
وانا اكسسسسسسسر
وناااااااااسة

ههههه
امين الله يسمع منك

حياك عثماني


_--------------------------------_





حنطفيس


ياعلك العافية
ونستني الله يونسك
الله عاد الخالدية صج شرحه حتى شوااارعها وسييييعه تونس

حياااااااااااك الله



_------------------------------_




ريلاااااااااااكس

حياتي
افا عليج نسهر مع بعض ولا يهمج


الله يسلمج ويعافيج


حياتي ريلاكس

اعلااااااان اهم من الهام

يرجى من جميع المدونين الاجتماع كل يوم نصف ساعة في قهوة فانكوفر للتمتع بالمذاق الاصلي للقهوة التركية

اذا وصلتها بتبرد
;)

Brilliant said...

فعلا فكرة الإشتراك بمحل الورد.... فكرة يديدة و جميلة... ويني عنها من زمان!!!

:)

vancouver said...

خروووووووووفة

اهليييييييين
اقول كثري من هالعرات وانا اختج
واكييييييد الورد اللي تحبينه احمر
ام الرومانسية انتي
لوووووووول

يالله بانتظااار قصتج
هههههه

الله يسلمج
سلاااااااااااااااااامز



_------------------------------_


ريمااااااااااااااااا

كحححححح
كحححح

لووووووووول
افا عليج ليييييش اكح؟
طلتج عطور وزهور
وينها وين الغبار
:)))

تسلمييييييييييين


اتصدقين
حتى اهني وااااااايد ناس تشتكي من الحساسية
ومعظمهم ما يستغنون ابدا عن
ادوية الحساسية اليومية
ومع هذا مااااااا يستغنون عن الزرع



بس صج الله يعين اللي عندهم حساسية

ثانكس عالمرور الحلو

_--------------------------_



احلى انجنييييييير

هلا وغلا بالشيييييييييخة

شفتي الحركاااااااااااات
؛))



يعني انتي اكثر وحدة فاهمتني صح؟
مهما كان المكان فخم بس من غير زرع ناااااقص


اي اي وااايد اقدر التفاصيل الحلوة




خلاااااااااص وعد ان شاءالله
الله يسمع منج يا رب

تسلمييييييييييييييين

vancouver said...

برااااااااااااااااك

اميييييييييين
ويسعدك يا رب
مشكوووووووووووووور


_-------------------------------_




يعقوووووووبو

هلا بهالمرور الطيب
ونااااااااااااسة
يعني طلعتك من مود الدوام شويه
حيااااااااااااااااااك

vancouver said...

كارييييييييييزما



حياتي
اتصدقين وايد احس اني مقصرة معاكم

بس شاسوي

والله الهى وايد باشياء
تاخذني عن النت
وايااااااااااام ما افتح حتى اللاب توب من كثر ما انا بزي

حييييييييياتي
فيج الخير داااايما


عسى ما تفقدين غالي قولي اميييييييين

:*******

vancouver said...

مجنووووووووونة

حبيبتي

بلييييييييييييز لا تشرهون علي
وعلى غيباتي


ترى من انشغل ما اعبر افتح النت

ساااااااااااااااااااامحووووووووني



مشكووووووووووورة عالسؤااااااال

:****


_-----------------------------_



بنت الشامية

حبييييييييييبتي

كاني كاني موجووودة
لا لا حية ارزق
ما تسممت
لوووووووووووووووووووووووووووول



حياتي ما تفقدين غالي
قولي اميييييين

بس والله انشغلت وصارلي مدة ما ادري عن النت

اللهم اشيك على ايميلاتي
كل سبع تعشششششش يوووووووم

لووووول


الله يحفظج ولا يخليني منكم ومن سؤالكم عنييييييييييي


لا خلا ولا عدم

_------------------------------_





برييييلينت

اشلوووووووونك

عساك طيب

اي والله انصحك اتجربها
ترى تسووووووووى تجابل الورد كل يوم


تحيااااااااتي

:))))))))

الوجد said...

كثير ضحكت على الفارس

والحذاء الطبي الابيض



تشربين قهوتك بالعافيه


وفعلا الورد والزرع يغير المزاج في البيت

charisma said...

ولهههت

يابنى الوله يا فانكوفر
بشرب عندج قهوه وبمشى

:**

يا ربى تكونين بالف خير

bo_sale7 said...

مادري ليش ماخذين فكرة عنا انه مو رومانسيين ولا نصيدها وهي طايرة ؟؟؟
الله يسلمه خطيبج تصرف بواقع بيئي لانه كل شباب الكويت عندهم هالحس :)

تحياتي

Aldenya said...

وين غطيتي :/



فقدناج يالوردة

بس بشرب القهوة مرة ثانية :>

فراوله said...

مساالورد والجوري
غاليتي الحبيبه
فقدتج كثييييير
وينج عسي ماشر؟؟؟؟
عسي المانع الف خير
طمننيا عليج يالغاليه
دمت بدفء وعذوبه
ابدا
:)

Shather said...

الله يخليكم لبعض :}

و زييين احد يشاركني بحب الورد ..

لمن اشوف احد حاط في بيته ورد و زرع احس الحياو ماليه البيت .. والا اشرايج ؟؟

SolaimaN said...

تغيب وتتغلى ،،مادري دلع والا؟

:P

من غير شر انشالله

الـفــــجـــ الــبـــعـــيـــد ــــــر said...

وييينج مختفية
عسى المانع خير

Purplecious said...

IIIIIIIIIIIIIIIIII

MISSSSSSSSSSSSSSSS

YOOOOOOOOOOOOOOOOU

:*****************

lawyer said...

فانكوووووووووفر كل يوم ادش بلوقج و اقول انشاء الله اليوم في شي

لان صصصصصصصصج والله مدري اشفيني احاتيج

عساااج تكونين بخير و مرتاحه

طمنيني الله يعافيج لو بايميل او بوست يديد المهم تكووووووونين باحسن حال

DanDash said...

we miss you

حنطفيس said...

مدونتج شرحه جنها بيوت الخالدية اللي ارتدادها اكبر من البيت

charisma said...

مكانج شكبره يا فانكوفر
بحفظ الله
:**
انشاءالله تكونين بالف خير

مس يو سويتى

عتيج الصوف said...

فعلا الخضرة ترد الروح...أقصد بالخضرة هي المسطحات الخضراء و الورد و غيره..مو جبرة الخضرا اللي بشويخ متروسه بنغالية و ذبان !!!

انا ايضا من عشاق القهوة التركية و اخص بها..بن العميد بس المضبوطةة مررررة !!! أحب السويت و وراها قلاص ماي بااااااااااااااااارد..يرد الروح عقبها....

بس فكرتج في إشتراكج مع محل الورود جدا جميلة و حلوة..سوف أقوم بترجبتها و اتمنى منج انج تقترحين علينا اسماء محلات تقدم ورود و تشكيلات جميلة بسعر معقول...

و لك مني كل التحية و التقدير على هالموضوع الحلو

....

على طاري الرومانسية و الخروفة... هاهاهاه يحليلها فعلا رومانسية و تستحق هذا الإطراء

Aldenya said...

لج وحشة يالغالية

Q8DOLL said...

اممممممممممممم
وبعدين يعني
نبي اخر اخبارج
انشالله تكونين بخير

charisma said...

محنا حلويين بدونج وبدون حسج يا فانكوفر

مكاانج كبير
فقدت روحج
انشاءالله تكونين بالف خير
وعيدج مبارك مقدما
:**

الوجد said...

كل عيد وانتي بألف خير

Mamloo7a Q8ia said...

عيدج مبارك حبيبتي الغاليه
وعساج من العايدين الفايزين

ولهاااااانه
:**

charisma said...

عيدج مبارك يالغاليه
وتقبل الله طاعج
كل عاام وانت بالف الف خير يا احلى فانكوفر
:**

Purplecious said...

حبيبتي أم جبوري

تماشيا مع شخصيتج اليديده بكتبلج بالانجليزي
ههههههههههه

Eid Mubarak my darling om jabory :***

I miss you soooooooooo very much o yala 3ad naby new post

tara 3a6ainach wayh wayed o 9obarna lakin le9abr 7dooooooooood

bs welli y3afeeeeeeech ma naby post bel english!!!!!! 9al7ay labtopich taly ketbelna post 7elo min eidich el7elwa coz kilish mo bal3a shaykhseytich elyededah bel english a7es mo enty

LOOOOOOOOOOOOOOOOOOOOOOOL

allah y3enkm 3ala elbard 7bebty walah (afham min kalamich y3ni enty al7en kenty fi 7alat elbayat elshetwy???)
heheheheeheheheeheheheheeeee

yala 7oby take care o bosely jabory ;pPp

بنت الكويت said...

طولتي علينا هالمرة

انشاءالله تكونين بخير

عيدج مبارك

Q8DOLL said...

والله مشتااااقين لسوالفج
عيدج مبارك حبيبتي

Brilliant said...

كل عام و أنتم بخير
و تقبل الله منا و منكم
:)

DiLLi O MiLLi said...

يه ..!! ماااا صاااارت قهوة !!؟؟

ويييينج .. وأين جديـــدُكِ !!؟؟
:)

عيــــدج مبــارك
وعســـاج مـن العايديــن والفايزيـــن

david santos said...

Nice posting, thank you.


I wish you a good end of 2007 and a good year of 2008.

Purplecious said...

هلي لا تحرمووووووووووني مناااااااا

هلي لا تبعدوووووووووني عناااااااا


واحشااااااني مووووووووت يا وحشه


:*************

حسبي الله على هالنوت بوك

فانكوفر اشتريلج واحد يديد على حسابي بس لا تغطين عنا

ولهنا عليييييييييج
:***********

حافظج الله يا نظر عيني
:*

حمودي said...

خوش

DanDash said...

وبعدين يعني ترى ماصارت
يبه ندز لج نوت بوك الي تبينه
و التركش كوفي صارت
ايس تركش

again

we

miss

you

عثماني said...

كل عام و انتي بخير اخيتي العزيزة

و عساها سنة سعيدة عليج

:)

AseeL said...

Happy New Year :)

اهم شي الجوتي الطبي والكارنيشن.. مثلج ما ادانيه

عسى بس اللي شاغلج خير

vancouver said...

الوجد

ضحكة العافية

شكراااا على المرور

_-----------------------_

كاريزما
حبيبتي
القهوة وصاحبة القهوة تحت امرج
حيااااااااااااااج الله
_----------------------------_

بوصالح
حياااك الله
هاهاهاهاها
اي اي كل شباب الكويت ماشاءالله رومانسيين \
اولهم اخواني
لووووووووووووووووول
_-------------------------------_

الدنيا
حياج الله حبيبتي
تشربينها بالعافيه
________________________


فراولة
حياتي
تسلمين
كلماتج الرقيقة
مليئه بالدفء

ما فيني اللا العافيه
_----------------------_


شذر
معااااااااااااااج
انا معاج على طول الخط
هههههه
نورتي

_---------------------------_


سليمان
هلا وغلا
دلععععععععععععععععععععععععععع

هاهاهاهاها
كيفي بدلع عليكم
ههههه

_------------------------_

الفجر البعيد
حياتي مشكورة عالسؤال
-------------------------------

vancouver said...

بربل الشيييييييييييخة

اي مس يووووو تووووووووووووو والله
حياتي


_-----------------------------_

لوير
حبيبتي اتطمني
ما فيني الا العافية
بس ادلع على قولة سليمان
_------------------------------_

دندش

حبيتي
اي مس يو تووووووووووو
_-----------------------_


حنطفيس

مشكوووور
بس ترى الحين اصدق
هذي ثاني مرة تجاملني هالمجاملة الحلوة
_-----------------------------_

كاريزما

حبيبتي
ماكان ودي اغيب عنكم
على بالي على طول انتوا
اي مس يو تو
_--------------------------_

عتيج الصوف

التركية السويت
احسها تطير مروره القهوة
انا اعشق مرورتها
لانها الطعم اللي بالقهوة

انا والله كنت اتعامل مع زهور البدع
بس مع شخص محدد سوري
كان يعجبني كوليكشن الورد عنده
بس الحين ما ادري والله

حيااااااااااااااك
_-----------------------------_

الدنيا

حبيبتي
طلتج تسوى عندي واااااااااااااااااايد
عساني ما انحرم منها

vancouver said...

كويتي دول

بخير بخير انا
الحمدلله
حبيبتي
سوري طولت عليكم

_-----------------------------_

كاريزما

شاقول شحجي ؟؟

الا حلوين فيني وبليياي
حبيبتي
عساج ما تفقدين غالي قولي امين

ايامج سعييييييييييدة
_------------------------------_



الوجد
ايامج سعيدة
كل عام وانتي بخير يالغالية

_-------------------------------_

مملوحة كويتية


عيدج مبارك حبيبتي

انا مو ولهان
انا
انا دنيا من الوله
عليكم
حبيبتي

_-------------------------------_

كاريزما

يا بعد قلبي
والله ييتج غاااااااااااااااااااااااالية عندي
ما تتخيلين اشكثر
بعد عمري
انا ما كو حس ولا خبر
وانتي رايحة ورادة تتطمنين علي
ترى والله كل طلة منج تسعدني
هالكثثثثثثثثثثثثثثثثثثثثثثثثثثثثثثثثثثر

عساني ما انحرم منج

يا وردة البلوغرز

vancouver said...

بربل

هاهاهاهاهاهاهاهاهاهاه
لووووول

مو لانج ما تبين بوست بالانجلش
وطايحتله تشرط علي
تاخرت عليكم
هاهاهاهاها

اي بيات شتوي الا غيبوبة شتوية
هاهاها

جبوري يسلم عليج ويبوس ايدياتج
وااااااااااااي
جني بصدق انه اسمه جبوري
لوووووووووووووووول
حدة انتيكة



من العايدين والفايزين يارب
_-------------------------------_



بنت الكويت
حبيبتي اشلوووووووووووونج مع البرد والثلج
ايامج سعيييييييييدة

ويييييييييييييييييييييييييين بلوغج
اش صار
؟؟

vancouver said...

كويتي دول

انا اللي مشتاقة اكثثثثثثثثثثثثثثر

ايامج سعيدة يالغالية

_------------------------------_

بريلينت

منا ومنكم
حياك الله بريلينت
ومشكور عالتهنئة

_-------------------------------_

دلي وملي

هلا وغلا بدلي
ما عليه طولت اشوي عليكم
جديدي الله يسلمج
شريط غنائي جديد
مع فيديو كليب مشخلع لزوم المبيعات تزيد
هاهاهاهاهاهاهاهاها

ايامج سعيدة

_---------------------------_

ديفد سانتوز
هلا بالطيب
اشلوووووووووووووووونك سانتوز
ياحلو طلتك وانت مرتز بالنظارة
:))
اتمنالك سنة سعيدة

vancouver said...

بربلوشتي

انا مش ناسيكي
:))


نطررررررررررررررررررررررررررررررت\
وقطيتيني على صخر
!!

الله يحفظج يالغالية
_-------------------------_


حمودي

خوش
وعدل
:)

_------------------------------_

دندش

هاهاهاهاهاها
ايس تركش كوفي
وين ستاربكس
عن هالتفنتق العجيب
هههه

اي مس يو تو

_-----------------------------_

عثماني

هلا باخوي
وانت بصحة وسلاااااااااامة
وسعيدة عليك هالسنة وكل سنة
مشكووووووووووووووووور
_-----------------------------_

اسولة
هابي نيو يير

تمام يعني معاي على الخط
طلعنا متفاهمين انا معاج
:))

_-------------------------------_

Salah said...

عفوا بس استفسار؟

صورة القهوة بهارودز لندن؟

لاني ما ني خابر عندهم فرع بفانكوفر!

وكل عام وانتي بخير

ManalQ8 said...

السلام عليكم


الله يحفظ وليدج
ويخليه

اتوقع الحياة صعبة بالغربة مع العيال والدراسة

موفقة يا رب



الظاهر انتهزتي فرصة الترانزيت الي بين الكويت وكندا
وزرتي هارودز
وشريتي الفنجان

بس ضابطة الوش ما شاء الله



عليج بالعافية
شهيتيني
بس ناطرة ابو العيال يرجع من الدوام ونشربها مع بعض





بالتوفيق

vancouver said...

صلاح

لوووووووووووول
لا صوره القهوة من بيتي
كااااافيه بيتي
ههههه

الفنيال كنت شاريته من هارودز قبل 6 سنوات ايام كنت عايشة بالكويت

بس دااايما احب اشرب فيه قهوتي
:)))


هارودز ماله فروع باي مكان بالعالم
حسب علمي
تاريخ بريطاني عريييييييق
هههههه

vancouver said...

منال

الله يسلمج
اي والله الغربه صعبه
واااااايد

لا مو من الترانزيت
هالفنيال شاريته من قبل 6 سنين تقريبا
ايام اللي كنت عايشه بالكويت ونصيف
بلندن
:))

الوش اختصاصي
:)

عيل احنا متفقين بعشق القهوه
:))))))