CLICK HERE FOR BLOGGER TEMPLATES AND MYSPACE LAYOUTS »

August 28, 2007

باقولكم سالفة




باقولكم سااااااالفة للسامعين كافة


:D





للاسف سالفتي مو من احلى السوالف !!


:(


بس نتيجتها حلوة لكن حقيقتها مرة


!!!


لحظة لا تستغربون مو قاعدة اخربط


والله مو شاربة غير كرانبري جوس من غير كحوووول هههه





الموضوع باختصار


كنت معزومة عند ناس اول مرة اتعرف عليهم ،


صاحبة البيت سيدة مصرية كانت طول عمرها عايشة بجدة


وصارلهم جم سنة مهاجرين كندا


كانت تينن حبوبة وكريمة ومرحبة وبشوشة عالاخر


ما بقى شي ما طبخته مسكينة تبون المنيو ههههه


ما له داعي
:P
المهم بسرعة حسيت نفسي


مرتاحة بالسوالف معاها


..


وانا اساعدها بشيل الصحون من الطاولة


عقب ما خلصنا وقفت معاي بالمطبخ جان تقولي


انا عاوزة أاولك حاجة ما تزعليش مني بس لازم أاولك


قتلها اتفضلي ، ردت .. انا لما جوزي آللي


انا عازم جماعة من الكويت ما كنتش متخيلة


اني حاتعرف على انسانة زيك


انا بقلبي هاااو ليش اش شايفتنا ؟؟ قتلها امال ايه ؟


قالت ..يعني انتي طبيعية ومتواضعة وعادية جدا جدا


قتلها لييييش كنتي تعرفين كويتيين من السعودية


قالت ابداااااا عمري ما أعدت مع ناس


من الكويت بس انا كنت ماخده صووووورة


عنكو من المسلسلات اللي بشوفها ..


ده انا في بالي صورة عنك ابل ما اشوفك مختلفة خااااااااالص


:(((


انا بقلبي: الله يقطع غروب السعيد ومسلسلاتها الخايسة


اللي خلت الاوادم قبل لا يشوفوننا يتصورون انه احنا


من كوكب ثااااني
!!!!!!

ضحكت .. مسكييينة قامت تتاسف واتقول انها تدري


انه غلط الواحد يرسم صورة عن شعب من غير


ما يتعرف عليه بس من كثر ما شافت مسلسلات


على بالها الكويتين كالاتي :


رافعين خشومهم على كل الاوادم الثانيين


كله مقلدمين ما يبتسمون ولا يضحكون


كله عايشين بصراع مع ازواجهم ويتكلمون بصراااااخ


مو متواااضعين ودايما اووووووفر باللبس


ما يتنزلون يشيلون صحن والا يساعدون احد


نفسياتهم خاااايسة


باختصاااااار


متكبرييييييييين وما كو اسلوووووووووب


طبعا قالت اللي حسته من اللي المسلسلات


بس انا ترجمت احساسها لكم بالكويتي


ههههههه


المهم ، ترى مو قصدي امددددددح نفسي


تدرون مداح نفسة يبيله رفسة هاهاهاها


بس والله انبطت جبدي


ليييييييييييش العالم تحط صورة خايسة عنا في بالها


والسبة ابداع مؤلفينا الخاااااايس


ادري بكل شعب اكو ناس متكبرة ويلوعون الجبد


بس والله مو كلنا ، ترى فينا ناااااس طبيعين الحمدلله


فينا ناس تحترم الاوادم وبشوشين وكريمين ومو علل


ضاق خلقي عقب حجوتها


لانه في ناس واااايد موشرط تجمعهم الظروف مع كويتيين


عشان يغيرون الصورة اللي انطبعت بمخوخهم عنا


===


وبسسسسسسس


اشرايكم ؟؟؟


يبيلة موقف رفض وتنديد بالمسلسلات الهابطة


والا ما يبيله ؟؟؟؟؟ فانكوفر

78 comments:

lawyer said...

حااااااااسه فيج

انتي على الاقل مصرين وجذي
انا رفيجاتي خليجيات سعوديات و اماراتيات من اعرفهم

يقوووولووووون لي نفس الكلام

ككل سعوديه اتعرف عليها لازم تسألني هذا السؤال



انتو بيوتكم زي البيوت الي تجي في المسلسلات؟؟


انتو شبابكم صايعين زي شباب المسلسلات؟؟

انتووووووو مغرورين زيهم؟؟


انتووو كلا كاشخين في البيوت كذا!!

اقولهم طبعاااااااا لألأ

الخمه الي بالتلفزيون
لا يمتوووووووووووون للبيوت الكويتيه ابد

اسم الله عليناااااااا



والله تذكرت سالفه حدي ضحكت عليها

يوم كنت مسافره كان بدش علينا المغرب بالطريج قفلت حق البنات ترا ما صلينا العصر
فجيت الدبه

طلعت السياده و الثوب

و ساعه اعابل في البوصله
اشوف الجبله وين

و اهم متبهرين

يقولون لي فاطمه ياحليلك
والله طلعتي احسن مننا !!


و اذا تكلمنا عن العادات و التقاليد الي نفسهم تقريبا ينبهرون ان احنا مازلت لنا عادات و تقاليد!!

2 u ALL said...

أكيد يبيله..!!لأن للأسف تصوير المرأه والرجل بالكويت أنهم متكبرين ويصرخون ودوماً عندهم مشاكل ....الخ ..!! كمن يأخذ أقبح موقع من من منظر معين ويصوره ويقول للناس هذا هو المنظر ..!! وبعدين لو على جذي وبس كان أهون ..!! دوماً يحاولون اعطاء صوره أن المرأه الكويتيه عندها الحريه الزايده والمياعه والتفسخ الخلقي ...الخ ..!! وهذا يضر بالمرأه الكويتيه وسمعتها ويشجع الغير على التحرش فيها ..!! فأنا أيديك يبيله أيقاف للمسلسلات الهابطه ..!!؟

Dental said...

الصراحة مشوهين سمعتنا و مسوينا شي مالنا علاقة فيه......

و كاهو رمضان ياي و راح يزيدون الطين بلة......... اذا ما لقو بلاوي يقولونها الفوا من عندهم :(

بس اهم شي غيرتي تفكير شخص و لو واحد :)

Lonely Lavandier said...

الله يفكنا من الي ينقلون أفكار سيئه
والمشكله انهم عايشين بالبلاد وياكلون من خيرها !!!!!
والله عينهم قويه

لكن ما اقول الا الله يحفظج يا الطيبه
والي تقدرين تسوينه سويه عشان اتم الكويت فوق على طول = ")

sologa-bologa said...

والله يبيله
:)

المصيبة إن كل المسلسلات صارت
طراقات وتبجبج ودموع وبراطم
كأن الدنيا مافيها شي
اسمه ضحك ووناسة

ودمتم بحب وود

SolaimaN said...

اااااخ يا فانكوفر اااخ


يبيله اشق هدومي والله من هالسقوط اللي احنا فيه

فجر لا طلع لها فجر انشالله شوهتنا علشان الفلوس

حلقات ومسلسلات كلها دراريع وبراطم ومصاخه

وين الهدف وين الرساله وين الحكمه من القصه؟

ماكو الا طل بويهها

ولا احد ايقولكم اهي اللي تكتب السيناريو والله جذابه

حتى هالسيناريوهات الفاشله تدفع لها فلوس من دوله عربيه

الله يستر علينا وعلى بناتنا

Purplecious said...

يبيـــــــــــــــــــــله

آآآآآآآآه
احتريييييييييت

صج فشلتنا غروب ههههههههه
عجبتني غروب

ولا عاد قناتها سكووووووب
ظييييييييييييم و ظلايم
و مو باط جبدي الا شعارها
"الحياة حلوة"
!!!!!!!!!!!!!
أي حلوة أي بطييييييييييخ
ترى هي أول ما طلعت كانت مسلسلاتها حلوة
مادري ليش تدنى مستواها بعدين الى الحضيييييييييض

الله يستر برمضان
يا رب بمرة ملك سبحانك انك قادر تمحيها من جمييييييع الاقمار الصناعية


المشكله هالمؤلفين اذا عاييتيهم يقولون لج احنا مو بمجتمع مثالي
و احنا قاعدين نسلط الضوء على الخلل بالمجتمع

انزين احنا شنبي من الفئه الضاله هذه؟؟؟
حطولنا قدوة حسنه الناس تقتدس فيها و تطلعنا بصورة مشرفه جدم الناس


إفففففففف
نشف ريجي

عطيني فانكوفر من هالعصير اللي شربتيه أبرد على قلبي أهوووو

Mishari said...

مالت عليهم ثلاثتهم

مشكلة الاعلام انحرف الحين بشكل غير طبيعى
وياى رمضان وبتزيد الطراقات وتتفخ البراطم

ابتلشنا بفجر
وابتلشنا بالمسلسلات الهابطة
وابشرج
احلى مذيعة بالكويت والاعلامية الاولي
وكيكة الشاشة
خوو تموت اهي على هالكلام
مالت عليها عرفتها
اى هذى اهي بتطلع بفوازير وشكلها حدها مستانسة بدور مارلين مونرو

مالت عليهم وعلى تلفزويونات الخليج اللى ما تفكر تحط شئ مفيد او مضحك برئ

عثماني said...

يبيلة اكيييد

هالحثالة قاعدين يصورون المجتمع الكويتي بطريقة مقززة

انا بصراحة التمس لهم العذر ..حيث ان من الممكن ان يكون الوسط اللي عايشين فيه بهالمستوى الواطي

لكن المفروض ان يكون هناك رقابة على اي شي يظهر المجتمع الكويتي بهالشكل

خوش طرح يا فانكوفر
يه في وقته

esTeKaNa said...

مريت بنفس الموقف اكثر من مره
ولكن الموقف اللي فعلا ضايقني
في مرة تعرفت على قروب بنات امارتيات وسعوديات
واستغربو من طريقتنا باللبس
بالمعامله
والاكثر من كل هذا
انه احنا نلبس حجابات عدله ونلبس عبي
!!
يقولون هقينا شي نادر بالكويت العباه والستر ونفس الحجي من المسلسلات التعبانه اللي يشوفونها
:((
فعلا شي يضيق الخلق

salfa3ajeeba said...

a7la shy bilmawtho3 innich 3a6eeteha sorah wayed 7ilwah 3n ilkuwaitiyeen,

wallah innich kafoo wi tin7a6een 3la ilras ya bin ildeerah il7abeebah:)

salfa3ajeeba said...

sorry

bin=bint

ma3leeh 7addeti ishta6eet:)

salfa3ajeeba said...

ambeeh la ma iseer 2 comments with 2 badliyaz,

7addeti=7addi

sorry 3la kithir ilcomments:)

5roofa said...

loool
والله شر البليه ما يضحك بعد شنسوي لو تحجينا من اليوم لي باجر ما بيقولون ولا بيسون شي
تصدقين اول امس قاعده اشوف مسلسل كويتي من اسوء ما يمكن و قصته ارف و وييييييع حده
تخيلي بالمسلسل تقوم البطله من النوم مكياج كامله و دراعه من هالدراريع التر تر لووووول
شدعووه الناس صج جذي
و تحجه انه ماعندها فلوس و فقاره و غرفتها احلى من غرفتي
لووووول
لا ماكو شغل بس فيها اكسسوارات اليهد

اذا الفقاره جذي عيل الغناية شلون

الله يستر عليهم يا معوده هالسالفه والله ماتخلص و تعبنا و احنا نتحجه فيها

salamz sweetee...

charisma said...

يبييييييييييييييييييييله

يبيلهم نقااف
من العرج
عيزنا ننقد
عيزنا نتكلم
عيزنا نقووول

عمج اصمخ
هثاله على مزبله وانت بكرامه يا فانكوفر


بش شوكتها قويه هالفجر ما ادرى شسمها

واى شى هابط ومنحط ومنحل يمشى سوقا بالكويت

:/

تسلم ايدج يا عسل
:**

Q8i_Blogger said...

هلا والله بجارتنا
عاد والله ناوي ازور فانكوفر قريب

على العموم موضوع جميل
وانا قابلت أكثر من واحد كان لهم نفس رده الفعل هذي

قالو انتو كويتيين .. ماكنا متخلينكم جذي
لا والي يبط الجبد بعض الي قالولي خليجيين
يعني حتى الخليجيين خذوا فكره عنا

أذكر في منتدى كانو يتكلمون عن كل خليجي وشنو أول فكره تطري على بالك لما تشوفه

تدرين شنو الكل يفكر بالكويتي من الوهله الأولى على قولتهم
انهم من الجنس الثالث

جذي وصلنا

وحمدي الله انج بكندا حده تطلع الكويت ودبي
ولا جان ماتنامين الليل هل رمضان

في مسلسلات متحلفين فينا هل سنه ... لا وقناة كامله مالت غروب السعيد على قولتج

يعني لا طبنا ولا غدا الشر

أول بس تلفزيون الكويت ورقابه ومو خالصين منهم.... ألحين كل من هب ودب بطله قناه وقعد يمسخرنا بالفضائيات

شكرا على الموضوع الجميل

U_SF said...

والله بنات الكويت على راسي ولكن هالأشكال .. فيهم عرج وبعضهم يايين من بره عشان الفلوس وبس .. ومو هامتهم سمعة البلد ..

الا يبيله ونص

bint said...

هذا حديتنا كل سنه فى رمضان

من يوم ماالله بلانه بفجر السعيد وامثالها

مرة بنت اختى تقول لى وهى طالبه تدرس

بنيويورك...كانت مع صديقاتها بالقهوة

يسولفون...وكان بالطاوله اللى بجانبهم

رجل امريكى ....وكان يتسمع كلامهم

فسالهم انت عربيات ومن وين

فقالواله احنا من الخليج

فقال مو معقول انتو خليجيات

قالوا ليش...؟؟؟

رد عليهم لانكم مو حاطين مكياج وملابسكم سبور وبسيطه

فضحكوا وقالوا احنا طالبات ندرس بالجامعه....ليش تقول جذى..؟؟؟؟

عرفهم بنفسه ..انه مخرج تلفزيونى ويتابع كل شيئ بتلفزيونات العالم

ويتابع بشكل خاص المسلسلات الخليجيه

وقال لهم ليش ممثلاتكم يحطون هالمكياج والملابس الفاخره...حتى ما يميزون الاوقات صبح والا ليل ...نايمين ,الا قاعدين.....كله نفس الشيئ

طبعا ما قام منهم الا متغيره فكرته عن بنات الخليج

يعنى الفكره عنا صارت عالميه

مو بس مع اخوانا العرب

جان زين بس على المكياج والملابس

حتى على شبابنا....وسووهم صايعين ومنحرفين وسمامين...وفاشلين دراسيا

واما عن المشاكل الاجتماعيه فحدث بلا حرج.....سوونا سوداوين بكل شيئ

بس الله يستر على اللى بينا

اللى نبنيه بسنه هذول يهدمونه بمسلسل واحد

بس نستاهل لان محد تحرك ووقفهم عند حدهم

والجمعيات النسائيه صامته صمت القبور

لو نرفع عليهم قضايا بالمحاكم

جان ما تمادوا جذى

وشوهوا صورة الكويت جدام العالم

بنت الشامية said...

ما ادرى ليش اسمي طلع ناقص

فى تعليقى السابق

Purplecious said...
This comment has been removed by the author.
Purplecious said...

�����������

��� �����������
����������

���� ������� ����� ����
����� ���� ��� ��������

:)))))

Purplecious said...

^
^
بسم الله اش هاللغه الغريبه انا ما كتبت جذي انا كتبت
.
.

ألووووووووو

يا ماما فييييييييين؟

هههههههههه

حياج فانكوفر العرض جاهز
ننطرج تقصين شريط الافتتاح

:)))))

بنت الكويت said...

ما تنلام الصراحه اذا خذت عنه فكرة جذيه
لان المسلسلات مو مقصرة
يعني الواحد يرقع شنو ويخلي شنو

معطينه صورة واايد اوفر

وللاسف ما بيدنا شي نسويه

TReSTeN said...

انا ويااج لازم يكوون في موقف تججااه هالمسلسلات الهابطة

وهالاشكاال القذرة

فشلوونا الصرااحة

بس تبيين الصج

المجتمع مايخلوا من هالاشكااال

وطبعا في نااس طيبة وسنعة وزيينة

ونفس شي بالنسبة لمصر

يعني نقدر نعمم على كل الشعب المصري


صور ممثلاتهم امثال فيفي عبده

ونبيلة عبيد

وهالشاااكلة

طبعا لا

والله يستر من الياااي

خو الحيين لا رقاابة لا بطيييخ الفضاائياات مافي اكثر منهاا

ومشكووورة

فراوله said...

مساالورد والجوري
غاليتي
والله صدقتي
الناس قامت تاخذ بالظاهر لهم...وكل انطباع صار يتعلق بالمسلسلات الهابطة
والحمدلله انج نقلتي صورة حلوة عن الانسانة الكويتية
:)
دمت لاحلا السوالف
:)

سويلفاتي said...

يبيله ونص بعد
الله يقطعها شوهت صورتنا جدام الناس كل العالم ماخذه عنا فكرة غلط وكرهت العالم فيني

ابو شملان said...

هذى براكات الاخت العزيزه

فجر السعيد


اللى الكل اعتقد بانه المجتمع الكويتى عباره عن شواذ وشعب منحط وبعيد عن الاخلاق


مع الاسف هذه النوعيه مو البشر هم اعلامنا وكودرنا الاعلاميه

ياحسره على الاعلامين اللى هدف اظهار الوجهه الحسن للكويت

q8y8 كويتي8 said...

بصراحه هالموضوع من قبل فجر السعيد

بس فجر فتحتها على البحري

مقارنه بسيطه بين الدراما الكويتيه والسعوديه

الدراما السعوديه تمثل الواقع اللي يعيشه الشعب

الدراما الكويتيه ماتمثل شي من الواقع

يمكن بس ايام درب الزلق كنا شوي واقعيين

وفجر السعيد مثل ماقلت فتحتها على البحري

شنو هالاسفاف ؟

المبراطور والامبراطوره

بصراحه مومسلسل كويتي هذا فيلم مصري

عاجل said...

الموضوع خرج عن السيطرة
لان الفضاء واسع
واليوم سكوب مو بحاجة لأي قناة لان عندها قناة

في العادة يكون المعلن اهم من الجمهور عند القنوات
ولكن المعلن يتحرك بناء على اقبال الجمهور ورد الفعل في الصحافة والاستبيانات وغيرها
ولكن لا يوجد مقياس دقيق
حتى رسائل الهاتف اسفل الشاشة
مو مقياس
شنو الحل

نطيح فيهم نقد يوم بيوم لحد ما يقتنع المعلن انه حاط اعلاناته ومح قاعد يشوفها

---

بديت بنفسي والسنة اللي طافت ما شفت لبقرة طورة
اللي قالوا عنها لان القالب والمضمون واحد

حمودي said...

انا احب الهام الفضاله لانها الوحيده الي بالتلفزيون ماتقط بدليات
:)

SolaimaN said...

عدل والله عدل ،،كلج ذوق والله

خوووووووووووووش لوك ،،ملبوس العافيه يا رب

Purplecious said...

فانكووووووووووووفر

اللللللللللللللللله

شنو هذااااااااااااا

أنا وييييييييييين

بالسما صحححححححح

بالفضاااااااااااء

واي أحس اني اسبح اسبحححححح بالفضاء

مشاءالله صايره تلقّييييييين
و اتلامعييييييييين و تبرقيييييييين


أي صالون رحتي؟
شكله خووووووش حمام مغربي عندهم

هههههههههههههههههههه

بس والله صورتج بالعجايف حلوة انا أعبها

( ترى أعبها أقوى من أحبها مو عبالج غلطه مطبعيه)هههههههههه

:))

اتقطعينا بالعافيه حبيبتي
:*

ZoZOta said...

يبيله

والله يبيله

المشكله باللي قاقدين يكتبون ما يفكرون ان مسلسلاتهم راح تعرض بالعالم العربي

وبالتالي اهم بينقلون صوره غلط عن مجتمعنا الكويتى

الله يعينا على الياي من المسلسلات الرمضانية وسخافاتهم

vancouver said...

لوير

احلى كلمة قلتيها وتختصر كل الموضوع انه الخمة اللي بالتلفزيون لا يمتوووووووووون للبيوت الكويتية ابد

اي والله

يحليلج ويحليل بوصلتج والله ، صح انه المشكلة مو بس التلفزيون مخرب علينا حتى صراحتنا وجراتنا فالخليجيين ماخذين فكرة انه احنا مول فااااصخين ما يدرون انه الحمدلله علاقتنا بربنا ماهي بالمظهر واللبس وجدام الاوادم بس

حياااااج لوير



_---------------_


تو يو اال

حياك منور
اي والله بس اشلون نوقفهم الله يقطعهم ويقطع مسلسلاتهم ، صح صورونا سهلين ورايحين فيها للاسف

مشكوووووور عالمرور



_-----------------_


دنتال

للاسف مقابل شخص نغير نظرته عنا اكو امية ياخذون فكرة سيئة لاااااازم يوقفون عند حدهم ويغيرون هالمسلسلات الباااايخة

نوووووووورتي

vancouver said...

لونلي لافندر

اتمنى ما تكونين لونلي فعلا
:)

اي اللي يبط الجبد انه اغلب اللي يمثلون مرتزقة لافين علينا
من هني وهناك
ومحسوبين علينا كويتين


شكراااا على المرور


_----------------_



سلووووقا ياهلا ومرحبا


اي كله طراقات
الظاهر كل ما زادت الطراقات
تزيد الفلوس اللي ياخذونها


مهمتهم يضيقون خلوق
الاوادم كل سنة
:(((((((


_-----------------_



سليمان


اسم الله عليك
هد نفسك بس
ولا يسوون بيزة هذول

انا بغيت اكتب بجزئية الغش
والسرقة الادبية بس قلت ما ابي
احط بذمتي

نورتنا بزيارتك

vancouver said...

بربببببببببل هلا هلا بالغالية هلا بالسامورايه هههههه


هدوا كل الامثلة السسسسسسسنعة
بالمجتمع ...ومسكوا تربية الشوارع
ويقولون هذا مجتمعنا

الله يمحيهم من القنوات
والفضائيات امييييين


اتفضلي
:)
بلي ريجج بعد عمري
لبحتج حااااسة فيها انا
نشفوا ريجج الله ينشف مسلسلاتهم
هههههه

كرانبري من اللي البك يحبو


_-------------------------_



مشاري

يا مرحبا يا مرحبا

مالت عليهم عشرين مرة


حليمة مصدقة انها شريهان الكويت
والا شالسالفة ؟؟

انا اللي حارني انه فيه ناس اتابع
للاسف

نورررررررررت



_-----------------------------_


عثماني

هلا ومرحبا باخوي الغالي

اي والله كل اناء بما فيه ينضح وهالاشكال قاعدين يصورون البيئات اللي طلعتهم

عدل كلامك يا خوي

حيااااااااك


_-----------------------------_

استكانة

اشلونج استكانتنا ؟؟
اي والله ما اعتقد احد يصدق
انه الحمدلله عندنا حشمة

واهم شيء سنننننننننع و ذووووق

ما يصدقون من الهواااايل اللي تطلع بالمسلسلات


حياج الله استكانة

vancouver said...

سااالفة عجييييبة

حبيبة قلبي اشلوووووونج ،
الله جان زين
تغلطين 6 او 7 مرات عشان
كل ساع اشوفج عندي

:)))

اذبحوووونا بملاقتهم وللاسف مستمريييين

، احنا بعد صادين عنهم بالغربة
الله يعين لي رجعنا وقاموا يتنططون
من قناة لي قناة جدامنا

حياج الله احلىىىىىىىى سالفة بالدنيا



_-----------------------_


خرووووفة

هلا وغلا

ايي تعبنا من الحجي بس ما لازم نسكت

صورتنا اتشوهت والسبة مسلسلاتهم التعباااانة



ههههه
ضحكتيني تقول فقيرة اللي بالمسلسل
وغرفتها احلى منج
هههههههههه

اشفيج هذول فقارة الكويت

فقاااارة بس هم عندهم فلوووووووس
ههههههه

Shather said...

=\ ويه

هذا نفس سالفه دكتورنا ..
مصري يقولنا الرياييل اللي بالعالم ما شافوا النسره اللي عندكم بالكويت اشدعوه !!

شي يضيق الخلق :[

الله يسامح اللي كان السبب

::heba:: said...

هذا الانطباع السائد والله
عند الناس عن الكويتين..!!

لكن مانقول الا حسبي الله على الي كان السبب

بوست حلو حبيت الحوار :D

charisma said...

وااو فانكووفر
عجيييب النيو لووك
جنى اسبح بين النجوم بليله قمره
هههههههههههههههههه

وايد حلو
:*

Barrak said...

الله يجازي اللي كان السبب

انا انصحك تقوليلها انها تمتنع عن اي انتاج لتلفزيون الكويت قبل سنة 1990

vancouver said...

كاااااااريزما

هلا وغلا بالغالية

اي والله عيييييييزنا منهم
الله يقطعهم
شوكتها قوية + ماكو حيا ابدااااا

نوررررررررتي كاريزما

_-------------------------_




كويتي بلوغير


حياك الله عندنا

واااااااي
اول ما يفكرون فيه عنا جنووووس لييييييييش ؟؟

الله يقطعهم على الباد ايميج اللي صوروها عنا

اي شوراهم خل يفتحون بهالقنوات دام فيه فلوس بالطقاق بالاخلاااااق


حياااااااك الله

_--------------------_


يوسف

والله شباب الكويت السنعين على راسي

صح العرج وما ادراك ما العرج
المشكلة محسوبيييييين كويتيييييين

حياك

الربان said...

تحياتي...

معذرة أختي الكريمة ...فعلا الكثير منا كعرب يظنون بالاخوة من أهل الكويت بأنهم متكبرون متغطرسون...

لكن الحقيقة ان الغالبية منهم طيبون..و محبون لعمل الخير....و القلة القليلة هي التي قد يكونون غير ذلك...و هذا ايضا نتاج المسلسلات و ما أشبه...التي تنقب عن أخطاء او خلل صغير في مجتمع ما...و تضخمه و تشكل عليه قصص و روايات للمسلسلات و الافلام.


تحياتي و تمنياتي بالتوفيق دائما.

vancouver said...

بنت الشامية

هلا بالطيب الغالي
عزيز وشوفتك منوة
:)


واااااااافضيحتااااه
انفضحنا حتى بالغرب والله ماكنت ابد متخيلة هالشيء


صح سكووووتنا اهوه اللي قوى شوكتهم
للاسف اثروا حتى على نظرة شبابنا للحياة
صدقيني اكيد في ناس تشوف وتتابع وتتاثر مع الوقت
التلفزيون يعلم مو بس المدرسة


لللللللللللللللاسف

حياج الله بنت الشامية


_---------------------_


بربل

تتكلمين مربعاااااااااات
هههههههه
اشهاللغة بعد
؟؟؟؟


شكرا عالدعوة ادري تو الناس هههههه
بس والله انشغلت وما قدرت ارد اهنيه
ثانك يو



_---------------------_



بنت الكويت

اشلووونج جارتي
ههههه

اي والله شنرقع شنخلي
؟؟

نورتي


_---------------------_



ترستن

اكيييييييد كل مجتمع في الزين والشين

اهمه بس مطلعينا بالشييييييين

صح كلامك

الله يستر من الياي


حياك الله ترستن
_----------------------------_



فراولة

هلا والله

فشلووووووونا حتى واحنا بااااخر الدنيا

منووووورة

_------------------------------_





سويلفاتي

حياج الله وننطر سوااالفج


_------------------_


بوشملان

اليوم طاق مطر عندنا
ههههه
حياك الله


اي والله فشلونا وصورونا باسوء
صووووورة
شنهي الدبرة

لااااازم هالوضع يتغير


_-----------------------------_


كويتي 8


يبا راضين لا يطلعون واقعنا خل يالفون
بس تاليف سسسسسسسسنع مو خبال ويسمونها دراما

اشوة اني ما شفت المسلسلين

ماله داعي انغث


_----------------------------_

AseeL said...

!لوعة

بلاء من عند رب العالمين

Q8DOLL said...

حبوبه
تعالي شوفي التصريح اللي حاطته ببوستي اليديد
"اسوي دعايه"
يبيله نشر بكل العالم
والله قصوا ويهنا
كله ولا المثلث البارع اللي حطيتيه
وشيماء اللي كل ما سقوا براطمها ماي كبرت
ياربي
وافشلتاه
عبالهم ترى الكويتيات بعد فاصخين
وما يستحون
والنص العدل اللي ما يعرف سوالف شباب اهما البويات
حسبي الله ونعم الوكيل
شنو الحل ؟
تنديد واستنكار
بنصير نفس ربعنا كل شوي مستنكرين ومحد معطينا ويه

Reflections said...
This comment has been removed by the author.
Reflections said...

مبروووووووووووك على النفنووووف اليديــــــــد

بس انا حدي محتررررررررة

my account blockes your tamplete website.. fa takhayelay ma ye6la3ly whats the background :(

even Joli's blog:(

ma ye6la3ly ella black background:(

بس ارجع و اقول

مبروك عليج و عقبال م ا تفليــــن العجفة :P

حسام بن ضرار said...

و هالمصرية ما عرفت الكويت من ايادي الخير؟

عبدالرحمن السميط
عبدالله المطوع
طارق سويدان
محمد العوضي
احمد القطان
عثمان الخميس

و يخلص الحبر من كثرهم

يعني رسمت حكم على الكويت من جم مؤلفة مسلسل مريضه نفسياً او باحثه عن المال؟

الله يقطعهم مع مسلسلاتهم الدايخه

هل المسلسلات مالها من اسمها نصيب

تسلط المجهر على قله من خمة المجتمع و تغض النظر عن الاغلبية الطيبه


و الانكد ان 90% من الممثلين و الممثلات ملقطينهم من حثالة برا

يعني فوق انهم مو كويتيين ... لهم ويه يشوهون سمعة الكويت بتمثيلهم لإدوار كويتية

عيون الحب said...

انا اماراتية واقولكم يبيله
يعني صدق ترى المسلسلات الكويتيه كل مالها تصير اخس عن قبل

وكلها تعكس جانب مب حلو عن شعب الكويت
حتى اني قمت افتشل اشوف المسلسلات الخليجية في وجود اخواني وابوي
:|

شوفي انا في خلال فترة معينة اختلطت مع بنات كويتيات كثير
اكتشفت امور وشفت اشياء غير عن اللي تطرحها الشاشات بصراحة

يعني صدق نظرتي تغيرت لما خالطت الشعب الكويتي
انتوا عندكم سوالف المظاهرات وغيرها
سووا مظاهرة احتجوا على هالسوالف
:)

vancouver said...

عاجل

طيب ليش ما الناس تتحرك وتبين رفضها للاسفااااااف اللي حاصل عشان المعلن يبطل اعلان جود يفلسوووون

عجبتني البقرةطووووورة ههههههه
شكرا عالمرور


_-----------------------------_


حمودي

حبها يبا حبها .... ما ادري اش ينحب فيها
؟؟




_--------------------------_




سليمان

تسلم ياخوييييييي
انت اللي كلك ذوق والله

اذا ودك بين فترة والثانية تطلع من الكرة الارضية مرنا واخذلك لفة بالسماااااااا

هههههههههه
حياك

vancouver said...

بربل
هههههههههههههه

اش هالحمام المغربي اللي يلون الارضية ازرق هههههههههههه
اش رايج بالجويتي ههههههه

وانا بعد اععععععبج
لوووووووووول

انتي من وين اتطلعين هالسواااااااالف بعرف ؟



_----------------------------_


زوزتا

هلا والله وغلا

لا طبعا ما يهمهم
المهم بس الفلوس اللي بيستلمونها

والسمعة والايميج طاااااااااف

_----------------------------_



شذر

اي والله اعتقد الكل مفكر انه احنا نسرات ورياييلنا خراااابو
للاسف

_----------------------------_


هبة

حبتج العافية والله

حسبي الله عليهم
الله يقطع مسلسلاتهم وسخافاااااتهم

نورتي

vancouver said...

كاررررريزما
اهلا اهلا
هذا الله يسلمج لوك رمضان اول الشهر احطلكم هلال ان شاء الله
ههههههه
عيونج اللي حلوييييييين

_------------------------------_




براك
حياك الله


صح وييييييين اول ويييييين الحين
ماكوووووووو مقارنة

نورت


_--------------------------_



الربان

شكرا جدا عالمرور الكريم

معاك حق للاسف
ولكن اتمنى ان لا يتم تصديق كل ما ترونة في المسلسلات

هدفهم الاول والاخير الاثارة والتهويييييييل

شكرا لزيارتك ايها الربااااااان
:)

ReLaaaX said...

أول شي ترى بطلت البلوق قبل فتره وطلع لي الكلام مو مفهوووم .. بس الحمدلله يوم طليت اليوم الا الكلام تمام ;p
والله صج كانت تطلع لي علامات استفهام
--

واااااي صاااااجه والله صاجه

ماقول غير حسبي الله عليهم وعلى تأليفهم الخايس !؟

عيل بيت كااااامل كله مشاكل !!!؟
كل فرد بالعايله فيه عله ؟
واللي يعرفونهم هم علل !؟


وحطي في بالج كل مازادت جرعة الوقاحه كل ماكان المسلسل انجح مقارنة مع الباجي !!!؟ على حسب تقييمهم طبعاً


زين وتاليتها وياهم !!!!؟ ليوين بيوصلون ؟ .. مستانسين الحين على التشويه اللي سووه ؟


ومابيدنا شي غير ان نوصل حق الناس ان مجتمعنا غيييييييييير عن المسلسل .. واهما أكيد بدورهم راح يوصولون حق غيرهم ان ترى المجتمع الكويتي غير عن اللي بالمسلسلات


ماقول غير حسبي الله ونعم الوكيل فيهم

Nescafé said...

اي والله صج شي يعوور القلب
المسلسلات كلها خياس شي موطبيعي
واكبر مشكله لما اللي برا ياخذون عن الكويتين فكره وان الكل جذي

وكل ما نتعرف على خليجيات هاذي فكرتهم
ليلحين اذكر كلام بنات قطريات من جم سنه كنا معاهم جم يوم وقبل لا نمشي قالولنا مشالله انتو سنعين واخلاق تونا ندري ان في كويتيين سنعين الحين
شي يعور القلب.. بس تلومين منو اذا هذا اللي قاعدين يشوفونه بالمسلسلات الخايسه

الله كرييم

Nescafé said...

بوستج اللي قبل هذا يعوور القلب
:_((
توني اقراه .. الله يوفقكم ويفتحها بويهكم ويسهل عليكم وترجعون الكويت باقرب وقت ياارب

امبراطـــورة اشعاري said...

صباح الخير..

صدقتي القول

صج الكل قام يطلع المجمتع الكويتي على انه سوري عالكلمه مجتمع منحط

والبركه في المسلسلات اللي تنعرض

صح احنا عندنا مشاكل وعندنا شواذ ككل مجتمع لايخلو من المشاكل

بس المشكله ان مؤلفينا يصورون هالمشاكل على انها اشياء عاديه متعودين عليها ومتساهلين معاها

وهذا شي غلط

مهما كان من تفتح وصلنا له نظل بالاول والاخير احنا مجتمع محافظ تحكمنا العادات والتقاليد

بس الله يستر من اللي راح يجي بعدين

shakshaka said...

loooool chan giltay 7ag elma9reya wentaw kelkom etakha9erooon wete6le3ooon mn el balconies wetakha9arooon may9eer b3ad hal 7ukm 3laina:( ana ma3ach 3la salfat el musalsalat ma2saaaaaaaaat wo ghurooooob les3eed mit mit mit mn ethe7eek LOL YEBTEHA!

vancouver said...

اسيل


لوعتين
هههههه

_----------------------------_


كويت دول

هههههه
شفته ، تصريح عجيب ، اي والله متبرييييين منهم ومن هلاقتهم وسخافتهم

الله يعيننا على بلوانا

نورتي البوست دووول
:)


_--------------------------_






ريفلكشن

هلا بالغالية هلا
الله يبارك فيك بعد عمري
اي نفنوفي يديد حق رمضان ههههه

قمييييييضة ما يطلعلج شيء ابدا
:(((
حسافة عاد انا ارضيتي عادية بس بلوغ جولي ينن عجييييييييب الاوكيد يشرح النفس

ما عليه ان شاء الله تقدرين اتشوفينه من اكاونت وحدة من العسوووووولات يا جولي يا بربل
يا بربل يا جولي هههههه

vancouver said...

حسام بن ضرار

لا والله ما عرفت الكويتيين واهل الخير
شغلهم بسكات
بس هالخمة ما يبقى محطة ما يبقى دعاية ما يرتزون فيها


لا تستهين بالمسلسلات ترى في ناس وايد من برة اتابعها
ما ادري على شنو ؟؟


نوووووورت


_----------------------------_


عيون الحب

حياج الله بنت الامارات
اذا انتوا اهلنا وجذيه تقولون
اذا ما ينلامون اللي ابعد
صاااجة المفروض لما الشيء يزيد عن الحد الناس تتحرك عالاقل بالرسائل والمقالات
سلاح الصحافة قوي


_----------------------------_



ريلاااااكس

يا هلا ومرحبا بريلاكس
صاجة انا يصير لي جذيه مع بعض البلوغات
واصلة يا ريلاكس وطلتج غالية عندنا
:)
ما تقصرين


ملينا منهم ومن وقاحتهم
يا خربانين يا شواذ يا ميانين
هذي المواضيع اللي بمسلسلاتهم
!

vancouver said...

نسكافيه

حمدلله عالسلامة يا جاي من السفر هههه

لووووووعة وكل سنة يتحدون نفسهم شلون يلوعون جبودنا اكثر

........

حبيبتي امييييين والله يسمع منج
ماكان ودي اعور قلوبكم
سامحيني


_----------------------------_


امبراطورة اشعاري


صباح الورد وتغريد الطيور
:)

ابد ابد ما يقولون اكو شريييييييحة كبيييييرة الحمدلله وياالله من فضلك سنعين واوادم
بس شاطرين يركزون على علل وعاهات بعض الناس
واللي يشوف يعمم على الكل

_--------------------------------_

شكشكة

اسمج دلع بدلع
هههههههههه

لا ما قتلها لانه مقابل هالانماط
في وايد مسلسلات زينة وحلوة
يعني مسلسلات نور الشريف على يحي الفخراني على المسلسلات التاريخية واااايد كلاس وحلوة
حتى في قصص تتكلم عن الناس البسيطة
يعني اكو شيئ من واقعهم
والرقاصات ترى هم من واااااقعهم

اما غروبو هههه ادري عجبتج ههههه
اما غروبو بالله من وين يايبة شخصيات مسلسلاتها
؟؟
المشكلة بالتكرار كلللللل سنة
نفس النماين

نورتيييييييييييينا شكشكة


:))

shakshaka said...

wil chithb min waqe3hum?:P loool way vancouver ana me7tarrra kaifichhh 3ad :P


esmi dala3 eb dala3? way lashu3ooreyan 7sait ene banke3ef lalala esmi golay mal 9ajaaat 6eeeraaaan...wela shrayech? hehehehehe wemnawer bahala wallah;*

Shaima'a Alkandari said...

ايه ايه


عالجرح دستي وللاسف من خلال مسلسلاتنا يحكمون علينا


الله يعيييييييييييييين ويعين

يعني بيجسدون الواقع بس واقعنا وين ومسلسلاتنا وين

Aldenya said...

توه عورني قلبي وإنزلت دمعتي على شي قريته عندج
بس ما أحب أضايقج أو أكدرج منه

الله كريم يالغالية
وإن شاءالله يتبدل الحال بحال أحسن منه

نرد لموضوعج

كلامج وكلام الست الكبير صحيح
كثير من الناس ماخذه فكرة غير جميلة عن أهل الكويت

قبل فترة كنت في مصر وكانوا بمجرد ما يدرون إن أحنا من الكويت

يسألونا بيتكوا فين بالكويت وكم دور وانتي بتسوقي ايه و و و .. ؟؟

ما ينلامون من هالمسلسات لدرجة ان

علباهم ان الكويت فيها بس طبقتين

يا هاي هاي يا فقارا

شوهوا صورتنا وحطوا فينا أمراض إجتماعيه

:/

a7La eNG said...

الله ياني بجيت على بوستج اللي قبل هذا
:""""""""""(
الله يهون عليكم هالغربة
.
.
امااا هالمسلسلات يا عل ماكو مسلسلات
يعني انا شقووولج ما عليه بسووولف
مواقف على الطاير اذا تسمحين لي
؟
حسيت انج سمحتاااي
;*
عطلة 15 بالحرم ننطر الصلاة
سألتني سيدة مصرية انتي من فين؟
و المدارس بتعتكوو امتى ؟؟
طاحت فيني تسأل اخرتها
""" منتو زي العسل اهوووو """
!!!!!!!!

ما حبيت احر روحي و اسأل ليش كنتي فارضة العكس
.
.
عقبها بنت سعودية تسولف معاي
جان تقول انا مستغربة
اجي هنا اشوف كويتيات بين صلاة و ذكر
@@
قلت اممممم و اعطيها خطبة عصماااااااء
واااي شرحت لها اللي بخاطري و اللي مو بخاطري .. حسيت ابي علم الكويت و النشيد الوطني يعززززززززززف
.
.
يعني هالمواقف ما تخلص لابد من وقفة
احد يسوي لنا شعار لوقو اي حاجة نحطها طووول العمر بس نسلم من هالستيريو تاااايب اللي ماله سالفة
.
.
ترى انا صج محترررررررررررررررة
حيل مو شوية الوضع مهين و مصخرة
:((
حسبي الله و نعم الوكيل

أم النمل said...

3adel kalaaamch walh bs shensawee oo ham maraa7 en5al9 elaa ela2swaa2 ...5al9aw mn el makeup il thym oo balshaw bel botox lo0l

thx babe for u post :)

kuwaitya_7saweya said...

@@
اي والله
لو مسلسل ولا مسلسلسن نقول ميخالف
المشكله كل المسلسلات
وكاهو رمضان قرب
والله يستر

ويا فانكوفر
اولاد الحرام مخلوش لاولاد الحلال حاجه
مثل مصري

والياي اعظم
ويعطيج العافيه

واحلى شي
بقولكم سالفه للسامعين كافه
لحد يخالف لحد يخالف
تعالوا سمعوها وامانه فهموها
ذكرتيني بالروضه

الأستاذ بلاليط said...

مانقول غير الله يهديهن

بـركـــــان said...

هذا دور كل مواطن في تحسين صورة وطنه و ناسه .. كلنا سفراء لوطننا .. و اللي نسويه من طيب منا و لكن هو واجب علينا غصبن علينا نسويه .. كثر الله من امثالك


بركان ثائر

الحجـــيّه said...

السلام عليكم جميعا
صاجه كلامج عدل المصيبة هل مسلسلات تبين البنت الكويتية متهورة وكلامها
مثل الأولاد وما تحترم ولا عندها أسلوب بالحوار والأخلاق ما فيش الشكوه لله
لازم تكون لنا وقفه جادة تجاه هل المسلسلات الهابطة لان فعلا شوهت صوت البنت
الكويتية بأبشع تشويه حتى الشباب ما سلموا من التشويه

vancouver said...

شكشكة

هههههه
اي والله حتى الجذب من واقعهم ترى
مووو كل الناس بس نسبة الكلك عاااالية عندهم
هاهاهاها

لوووووول اي اي صجة طييييران بس انتي اللي تتدلعين فاهمتني
؟؟
عاد هالاغنية من زماااان ترى ما اواطنها
هههههه
احس اكو شيء عيب بالموضوع
لوووووول
بس والله انتي عسل
وعشانج باحبها الحين

تيك كير

vancouver said...

عزيزتي شيماء
هلا وغلا

اي والله مسلسلاتهم تعكس واقعهم اهمة وبس
مو واقعنا الحمدلله

منوووووووووووورة

_-------------------------------_




الدنيا

يا بعد عمري ادري اش تقصدين
الله يعيننا وااااسفة نزلت دمعتك الغالية
سااااامحيني
ما تبجين على غالي قولي امين

اي والله احنا لا رحنا مصر على طوووووووووول من البحرين انقول
مالنا خلق انتكلم معاهم بالذات بالسياسة
خو الكويتين سبب كللللللللل خراب عندهم

مساكين احنا
عومة ماكولة ومذمومة

نورتيني بطلتج الحلوة
:)))

vancouver said...

احلى انجنير
حبييييييبتي يا بعد عمري اااااسفة بجيتج
ما تبجين على غالي ان شاءالله ابد
الحمدلله على كل حاااال

مشكورة على دعائج


ويييييي سامحتلج تكتبين بووووست كامل بالتعليق بعد
:))

هههههه
اي على بالها احنا علل ما صدقت اكو كويتية زي العسسسسسسسل
يا عسسسسسسسل
ههههه

ههههه قاعدة اتخيل شكلج
بالحرم وماسكة العلم ههههههه وتغنين بعد
فيها خيازرين هذي هاهاهاها

شايفينا فااااصخين لا دين لا عماة عين والسبة هالمسلسلاااات


لا تحرين روحج
حسبي الله عليهم

نوريتيييييييييني يا عسل :))

vancouver said...

ام النمل


حيااااااج الله حبوبة

بوووووتكس !والله يستر من الياي

:(
انتي المشكووووورة على المرور الطيب



_-----------------------------_




كويتية حساوية

هلا والله
اي صاااجة متفقين علينا هالمؤلفين
مليون مسلسل ونفس الفكرة
احنا رايحين فيها وكل همنا ميك اب ولبس وبس

هاهاهاهاا

تذكرينها يا حلوها الاغنية
:)

نورتي


_----------------------------_


الاستاذ بلاليط


أأأأأمين


وشكرا

vancouver said...

بركان

يا هلا وغلا

الله يبعدنا عن ثوراااااان البراكين هههههههه


اي نعم ، كلنا سفراء لوطننا
بس اوووووول سفير لنا
هو إعلامنا
صح
؟؟




_----------------------_


الحجية

هلا بمن زارناوالله
والف مسهلا


اشلووووون تكون في وقفة جااادة وفيه
ناس تتابع وتطالع ؟؟؟

اتمنى نخلص من هالمسلسلاااات التعبانة
ويبتدون ينتجون شيء مثل الاوادم


منووووووووووووووووورة
:)

Fahad Al Askr said...

يبيله مقاطعة بس من غير تحذف صخر

special vision said...

والله انج صاجه

ياليت ماخذين صوره عننا وبس

الناس ما قامت تحترم الشخص الكويتي من سوالف هالمسلسلات

والله انا فيني غضببببببببب قويي مادري شلون اطلعه او اعبر عنه


يا امي على سخافتهم

انا يالكويتيه اشوف مسلسلاتنا الماصخه والله بس افتح حلجي وابقق عيوني شنو هذا يع والله يع لا هدف وملاقه الله لا يوريكم ولوعة جببد ومصاااااااااااااخه

بعض المسلسلات يكون لها هدف واضح بس للاسف الخطأ بالتمثيل
ماكو ممثيلن يضبطون الدور كله يتأتؤؤون ونعرف ان هالانسان مو متقن للتمثيل ابداااااااااااااااا
والله هالموضوع خلاني اعصب بليز لا تكثرين منه لان جد احتريت المشكله للحين الوضع ماشي ولا جنه شي صاير ومحد راضي يسنع التلفزيون الكويتي

ياااااوزير الاعلاااام

اصحىىىىى

vancouver said...

فهد العسكر

نعم ما له داعي العنف
حياااااااااك

_-----------------------------_


سبيشال فيجن


اي والله
شفتي شلون

الوزير نايم بالعسل
بس ترى مو منه
اهوه شكو اذا اذواق الناس تردت
العييييييييييييب
بعناصر الجسم الاعلامي كلهم
مو بس الوزير

شكرا على الزيارة