CLICK HERE FOR BLOGGER TEMPLATES AND MYSPACE LAYOUTS »

July 21, 2007

في باريس




















سيدة كويتية بالخمسين من عمرها ، ام وزوجة وسيدة مجتمع ، لطيفة ولبقة وحبااااابة جدا
جمعتني الظروف بها خلال احدى سفراتي وكنت بصحبتها اثناء التجول في المدينة
وقد قضيت معها ايام جميلة
ولكننننننننن
موقف ما ...حدث جعلني استتتتتنكر جدا واسال نفسي اين اللطف والكرم والتحضر الذي يميز هذه الانسانة
???
وبدات اسال نفسي
هل انا ايضا مثلها في بعض المواقف دون ان اشعر??
احيانا لا ترى عيوبك ولكنك تراها واضحة وبسهولة
من خلال تصرفات الاخرين
كنت مع هذه السيدة اللطييييييييفة جدا
في بهو احد الفنادق
في باريس اصرت ان تدفع ثمن القهوة والحلو
الذي يعادل ثمن 18 وجبة سريعة على الاقل
ولكن يستاهل ..اولا... لان معشوقتي القهوة استلذ بها جدا
عندما تكون محضرة على اصولها
وثانيا الجلسة والجو المحيط يحلل المبلغ المدفوع
اصرت بكرمها ان تدفع و قبلت بعد الحاحها ولن ارد سيدة بعمر امي عموما
اتفقت معها للخروج والتسوق في الشانزليزيه لمدة يوم كامل
في طريق خروجنا الى الشارع فتح لنا عامل الفندق الباب
فاخرجت ام مشاري من حقيبة يدها مبلغ محترم يعادل تقريبا نصف الذي دفعناه للقهوة والحلو
ودسته في يده وقد هزت راسها بابتسامة لطيفة كونه يودعنا للخروج
=======
دخلت معها اول محل قريب من فندقنا الذي نسكنة وكان
سيفورا للعطور
حملت كل منا سلة وبدانا رحلة البحث عن كل ما هو جديد
لا احب ان اغير بسهولة عطوري ولكن تحمست لاشتري هدايا لاهلي وصديقاتي
احسست باني كثرت شوي و خفت من ثقل وزن الامتعة عند العودة
عندما رجعت ابحث عن ام مشاري ووجدها
انصعقققققت ، ماشاءالله ، ام مشاري شنو كل هذا ?? الصراحة احسست بالفشلة لان سلتي كان بها
متسع للمزيد ولم ازد
ضحكت وقالت
===
كل ما يعجبني شكل زجاجة العطر اشتريه حتى لو ريحته ما بينت عدل
اذا حلوة او لا
!!
تدرين خشومنا تصككت من كثر
ما شمينا هاهاهاها

خرجنا واتجهنا الى محل ملابس نسائية
اخذنا بقياس كل ما تقع عيننا عليه
كل شيء مشوق وحلو وانييق شناخذ وشنخلي ?? الصراحة احترت
بس ميزانيتي ما تسمح اخم كل المحل فاكتفيت بثلاث قطع
اما ام مشاري لااله الا الله شرت تقريبا اغلب اللي بالتفتيحة من قطع
هذا بس كان من اوووووول محل
استغربت قتلها ام مشاري ما جربتي باللبس كل هالقطع اللي بتشترينها
ردت ==
موووولازم اقايسهم !! ما عندنا وقت ابي الف بالسوق اكثر
رديت واذا طلع شيء مو قدج ?
مووووومشكلة ... ردت
اعطيه حق الاهل
واخذ اللي يطلع حلو علي باللبس
طبعا انا لا اتكلم عن ملابس من طقة 100 دينار واقل لا..لا
بل من 200 وفوق ، الله يزيدها من نعيمة ، ويباركلها
مشينا ولفينا ولم يبقى داعوووووس الا وحسنا فيه
+++++
ادري شوي فصيح وشوي كويتي بس لزوم القصة مو بكيفي هاهاها
+++
طبعا انا اتكلم عن انسانه ماشاءالله ميزانيتها مفتوحة بمعنى مفتووووحة
ليس لها سقف محدود
اصريت عليها ...
ما يصير لازم اعزمج على الغدا
==
وفعلا كنت حابة اعزمها لاني تضايقت جدا ما احب شخص يعزمني لو على كوب
ماي وما اردها له فعلا اتضايق من الداخل
==
ولكن كرمها وبحكم سنها اصرت... اتقولي اشلون كبر بنتي
وتعزميني ، انتي مثل بنتي
حنونة هالام مشاري وطيبة حيل من طقة حريم اول المتواضعين
ما عندها تكلف ولا تكبر
هذا عالاقل اللي شفته منها معاي
!!


قررنا نرجع الفندق بعد ما ريولنا طاااحت من المشيء والفرارة
وقبل وصولنا بامتار احسسنا بمن يشد على يدي ويدها بنفس الوقت
التفتنا
واذا بسيدة في الثلاثين
تلبس ملابس رثة وتمسك بيدها رضيع
تلف شعرها بمنديل عتيق
وتلبس تنورة واسعة مزركشة ولكن بااااهتة من القذارة العالقة بها
ام مشاري ردت باستغراب واشمئزاز
اشتبي هذي قطييييعة لا تلمسني
!!
استمعت للسيدة تقول
انا من البوسنة لاجئين في فرنسا زوجي مريض ولدي اطفال صغار
ساعدوني باي مبلغ ارجوكم
وطفلها منظره يقطع القلب
ترجمت ماقالت لام مشاري فردت على طول ودون تردد
جذاااااابة
ما عليج منها هذول الطراروة اعرفهم عدل
بس يتلزقون فينا احنا الخليجيات ولا يقربون يم الفرنسيين او حتى العرب
امشي امشي خليها تولي !!!!!
انا صعقت ذهلت مشيت
وانا مو حاسة اني مشيت اولا ..لان كمية الاحراج والاحساس بالذنب تجاه
هالانسانة الفقيرة البائسة مو قادرة اوصفه ولا اطلع منه لي اليوم
ثانيا لم استطع الرد على انسانة اخرى بمثابة امي ولطيفة معي لاقصى حد
مشيت وحتى لم نرد على المسكينة التي لحقتنا حتى باب الفندق
وطبعا الدورمان مال الفندق ما قصر معاها بالزجر
====
انتهى الموقف بالنسبة لام مشاري ولكن والله لم ينتهي بالنسبة لي ابدا
انا اعلم جيدا انه هناك من يمثل دور البائس باتقان
بل ويتفننون في التسول والسؤال لكي يستغلوا ويستدروا عطف الناس
ولكن الى اليوم اسال نفسي من نكون لكي نحكم على الناس
بانهم كاذبون ونصابون ?? من نحن لكي نوصم الفقراء كلهم دون استثناء
بالدجل والنصب على مشاعرنا
===
اوكي اوكي نصابين لماذا لا اعتبر البواب الاجنبي
الذي يتقاضى راتب بانه نصاب
!!
يبتسم في وجهي ويلقي التحية لكي نجود عليه بالمقسوم ?? هو لا يحتاج
وانا لاحظته كيف يباااالغ في تحية ام مشاري بالذات
بالطالعة والنازلة من اجل حفنة اليوروهات اللي يستلمها من
يدها الكريمة !!

طيب ليش ما نحط احتمال واااااحد بالمئة انه السائلة
او الطرارة باختصار كانت صادقة ???? يالله ، ما هو عذري يوم القيامة
امام الله
عندما يسالني صرفتي مئات الدنانير -- بالنسبة لام مشاري الاف الدنانير بلا مبالغة --
في يوم واحد
وعندما سالتكم المحتاجة لم تعطوها
ولو عشرة دنانير او خمسة او دينااااار واحد
لكي تطعم اطفالها
في ذلك اليوم الاغبر حسيت وانا اتناول العشاء
مع ام مشاري بانه اللقمة تقف في بلعومي ! كلما حاولت ابتلاعها
لانني لم استطع نسيان النظرة ومدة اليد التي قامت بها السائلة
ورددناها خالية
بالمقابل لم نقصر بالتب او الاكرامية مع كل من هب ودب
اللي يفتح الباب واللي يشيل الاكياس والتاكسي والويتر وووووو كنا كرماء جدا معهم

نصيحة
لكل من يقول هالعامل عيار ما يسلم الا عشان اعطيه
او هالكناس عيار ما يكنس عند بيتي الا وقت طلوعي للدوام
والا بياع الكلينكس نصاب يبيع كلينكس بنص والدرزن بدينارين ،
او ..او.. او..
موانت ولا انا اللي نحكم نصابين
رب العالمين يحكم
مرة سويتها وان شاء الله عمري ما اعيدها
===
لا تردون السائل خائب
ولو بابتسامة ترى الابتسامة صدقة
===
انا اللي كدرني انه يومها ام مشاري صرخت بوجه المراة
صرخة اشمئزاااااز لا توصف
الله يغفرلها ويغفرلنا
مو من عادتها بس ما ادري ليش سوت جذيه
مااااااادري ???

43 comments:

بنت الكويت said...

غريب التصرف الي تصرفته
من كلامج انها مو هامها الفلوس قاعد توز ع فيهم يمين وشمال
ولناس تشتغل وعندها دخل

يعني يت على هالفقيرة المسكينه

بس نقدر نقول ان هناك اكثر من تفسير

يمكن انها لما تعطي لاحد تحب يكون بمزاجها مو احد يطلب منها

او حاطه في بالها مثل ماقلتي انها قاعده تقص عليها وهي من النوع الي ما تحب احد يستغفلها او يقص عليها

وبالنهاية هذي فقيرة مسكينه اعطيها اذا صاجه اكون كسبت اجر من وراها واذا قاعده تقص الله يحاسبها

Sara said...

الصراحة انا وايد شايفة ناس جذي .. وانا من الناس اللي صج اتضايق من اللي يطرون وساعات اتنرفز ليش ما يشتغلون بدال لايطرون .. الشغل وايد اشرف لهم من الطرارة ممكن يسوون اي شي حتى لو بيدهم ويبيعونه بالشارع بالبيت بأي مكان على الأقل يكسبون واسم بايعين مو طارين .. بس بنفس الوقت يكسرون خاطري ولازم ما نردهم خايبين .. تبين الصج ماحب يدعون علي سو اعطيهم اي شي ولا اني اردهم خايبين وكارهيني ..

وعسى الله يسامح الجميع

Dana__23 said...

فعلا وااايد ناس جذي تفكيرهم ..
أنا أحياناً أفكر جذي بس ماعمري صرخت بويه أحد منهم والله ..
أمشي عنهم وأقولهم الله يعطيكم ..

بالمواضيع هذي أنا وااايد حريصه ..
الحمدلله :)

esTeKaNa said...

يعطيكم العافيه صراحة
عسى بس دهنتي رويلاتج وريحتي عقب اللويه بالسوق؟
:))
عليج بالعافيه كل شي شريتيه
واله يبارك لها في حلالها يارب

وايد عجبني البوست
ودايما اقول حق نفسي لما يؤك
ون لي انه هالشخص نصاب
او انه يستغلني
انه هالشي بينه وبين رب العالمين
ولكن مابيني وبين ربي نيتي
والنيه مطيه
والنيه هي باب للاجر ماله اول ولا اخر
لو نحتسب الاجر بكل فعل
وكلمه
وحتى احساس
ما كان راح يضيق كل عمل لنا

تخيلي لو انه كل من عطته المقسوم نوت انها تفرج عنه كان ربي زادها وبارك لها
غير لما تكون النيه رياء الناس
او رغبه منها في تحقيق اهتمام اكبر
:)


ام مشاري طيبه
يا ليتج نبهتيها بطريقه غير مباشره

Shaima'a Alkandari said...

انما الاعمال بالنيات لي عطيتيهم اهم شي انتى نيتج شنو بتكون يعني لو هالطرار كان صج جذاب ففي واحد فوقه يحاسبه وانتى نيتج زينه وساعدتيه فخلاص طالما احنا مرتاحين

مادري موقفها كلش موشي يعني حلو ان الانسان يساعد الثاني ومايقول عنه جذاب

الحين شرت ويابت وحطت وفسفست فلوسها على هالخرابيط ومتحسفه تعطي هالفقيره

الله يرزقنا ويرحمنا ومايخلينا نصير جذي

Mishari said...

تصدقين ما ابى اظلم المرة
بس احس الله اذا يبى يعاقب واحد يخليق يفسق بفلوسه

يعنى الويتر عااااااااادى يقول شوف هالعجوز الخبلة تعطينى شكثر
ولما تشترى هالكثر من السوووق عااااااادى تقول اللى تحاسب صج العرب متخلفين

وعلى غرار كل هالامور بس لما الانسان يتجرد من انسايته على انسان مسلم مثله انا ما احترمه
اتفق معاج في منهم نصابين وحرامية
ولكن انا اعطي لوجه الله
مو لوجه احد

فراوله said...

مساالورد والكادي
غاليتي الحبيبة
والله القصة عورت قلبي ...وبصراحة الله لايخلينا ننحط بهالموقف موقف السؤال والحاجه للناس
والله لايجعل قلوبنا تتقطع علي الناس اللي يحتاجون لنا
وكثر مانقدر بنعطي..لان اللي نعطيه اليوم بيديعيلنا ليما الله ياخذ امانتنا
الله يعطينا وياج طولت العمر وخلي ايامنا كلها فعل خير بخير
دمت بحب وود
ابدا
:)

sologa-bologa said...

وأما السائل فلا تنهر

أتفق معاكم على سالفة النزرة
المفروض ما نرفع صوتنا أو نهين
المحتاج
لنقول له خلاص الله يعطيك
ونفس طيبة
لكن في بعض الطرارين مشكلة
غصب تعطيني
!!

اللي يهمني في الموضوع كله
ليش أسلوب السؤال ومد الأيادي
؟؟

في أغلب الدول الواحد يستغل أي موهبة
عنده علشان يكسب رزقه بدال لا يطر
مثلا اللي يعزف غيتار
أو كمان أو أي آلة موسيقية
أو بعضهم يظهرون مواهبهم
ألعاب سحرية أو تقليد الأصوات
يعني أعطيه مقابل عمل قام فيه
أحسن من الطرارة


ودمتم بحب وود

Vancouver said...

بنت الكويت

منورة ياختي البلوغ بطلتج

صح انا بعد فكرت وقلت يمكن ما تبي تعطي الا بمازجها وما تحب هالاسلوب

بس المرة مااااعندها غير هالاسلوب شتسوي المسكينة ???

Vancouver said...

هلا والله بسارة ، حياج الله

صاجة المفروض الواحد يشتغل
اي شغلة شريفة ما تخليه
بعازة السؤال هذا المفروض


بس هم هالناس لهم ظروف ما يعلم فيها الا رب العالمين

اذا ما تفرق معاي خل اعطي واجري على الله

Vancouver said...

دانة 23


الله يوفقج ويعطيج
على نيتك دااااايما

Vancouver said...

استكانة الحلوة
هههههه والله هالسالفة من زمان
بس هم اذكر اني لا ما دهنت رويلاتي
ما كان عندي وقت ابدا
للاستجمام ههههه


مشكورة الله يعافيج




صح صح بما انا احنه نعطي
عشان الثواب فالله سبحانه
اهو العالم بالنيات مو احنه



ام مشاري فعلا طيبة
ولما الحين انا زعلانه من نفسي
ليش ما قتلها حراااام تكسر الخاطر خل نعطيها
ونيتها الله العالم فيها
بس بوقتها استحيييييييييت ارد عليها للاسف ما عطتني فرصة
والموقف صار بسرعة

اهي بمثابة امي استحيت ارد عليها مع انه امي اراددها بوايد اشياء
;)
لوووووول

بس الشيطان اعوذ بالله منه


واااايد متحسفة

احس الله ما باركلي بولا شيء
شريته بذاك اليوم
اتصدقين ???

:((

Vancouver said...

شيماء الكندري

اشلونج حبوبة وااااي قصتج الاخيرة ببلوغج
عوااااااااار قلب
بارد عليج هناك ان شاءالله بس لهيت عقب
ما قريتها




صح صح الاعمال بالنيات
لو تعطين الف دينار
عشان رياء الناس ماراح ينكتب
شيء منها للاخرة


ولو تعطين تمرة بنية الصدقة
لوجه الله راح يتضاااااعف الاجر
حتى يشاء الله ونحسب في ميزان
اعمالج



يا ربي سامحنا واغفر لنا

Vancouver said...

مشاري

واااااي لا لا لاتقول جذيه

المرة حرام ترى طيبة حدها
بس ما ادري اشمئزت من المرة عشان خرعتها
او الزقت فيها
??

بس حرام اهي مصلية مسمية




الحين اشقصدك
يعني انا متخخخخخخخخلفة ???? خو كنت معاها
واشتري .. صج مو كثرها بس وياها كنت
لالالا مو جنك طبيت :P

هاهاهاها


والله ما ادري شنو قالو بقلوبهم
اللي مكدرني بالموضوع الفقيرة
فوق ما انها انسانة محتاجة
مسلمة بعد


يا ربي سامحنا واغفر لنا ،

Vancouver said...

فراولة الحلوة

مشكورة على طلتج الفراولية
هاهاها

انا معاج
والله دعاء المسكين لما تفرجين
كربته يسوى الدنيا
عندي

Vancouver said...

سلوقا عندنا
يا مرحبا يا مرحبا


المشكلة يا سلوقا لما الواحدة اللي بحالة المرة
ياهل بايدها وما يندرى جم
ياهل وراها لا شهادة لا عماة عين
ماكو موهبة معينة بشيء
شتسوي ???

صح بعضهم يعزفون او يرسمون او حتى ينظفون تكرم الجواتي

بس اكيد في ناس مااااتقدر تسوي اي شيئ من هذا
الله يرحم حالهم

وادري الطرارة تربي جيل طرار
لانه عيالها ممكن يحترفون
المهنة عقب بس شنسوي
هم الصدقة للمحتاج مطلوبة

ButterFlier said...

كلامج يكدر

الحجيه كبيره بالسن و صغيره بالعقل

Alfajer alba3eeed said...

وأما السائل فلا تنهر

يعني صرفت صرف الدنيا على اللي يسوى واللي مايسوى يت على الفقيرة !!!!


والله قلبي عورني ... صح ان في وايد متسولين ويكون جذابين بهالشي بس ماينع انها تستحقر هالضعيفة والفقيرة..

انا قلبي يعورني يوم اييني حد يمد ايده ومايكون عندي شي اعطيه

الله يهديها يارب

Mishari said...

عيل انشاء الله الله يسامحنى عن كلامى

charisma said...

احلى صباح

والله كش شعر ينبى فاكوفر
الله يهنيج بهالقلب العطوف الحنون
وصاجه مو احنا الى نحكم على الناس وانقيمهم
الله عالم بالنوايا وبيحاسبج على نيتج
نيتج تعطين فقير صدقه لله دافعه ومانعه
وصدقيييينى بتلاقينها بدنيتج
الله يدفع عنج البلاء

حبيبتى انتى
:*

SHAHAD said...

عموما العطية لازم تكون لوجه الله
صج ان في ناس ياربي تحسين انهم جذابين
وانا اكثر من مرة جاكتهم خاصة اللي عند مواقف الجامعة يطروون
بس غن كان معاي شي بسيط ماراح يضرني شي
والأجر عند الله ويعطيني على قد نيتي
.
.
والله يهدي ام مشاري
حرام هالأشياء البسيطة تشوه صورتها
وحرام بعد تلعب بالفلوس بهالطريقة !!
الله حرم الاسراف ترى

امبراطـــورة اشعاري said...

مساء الخير غاليتي..

شوفي ام مشاري على قولتج انسانه حبوبه وطيبه بس يمكن صادفها موقف خلاها تتصرف هالتصرف مع كل متسول او شحاذ يطلب الفلوس..

وفعلآ مثل ماقلتي فيه ناس يتقنون دور المسكين بس احنا شنسوي مانقول الا الله لهم واللي علينا انا نعطي وربج انشالله ماينساها لنا..

وانتي لاتشيلين هم انشالله اذا المسكينه اللي جاتكم وماعطيتوها يمكن ربج رزقها من بعدكم :))

bo3moor said...

احنا لازم نتعامل على اللي نشوفه
وحتى لو ماعطيناهم شي لا نبين غضب او زعل

حتى لو نصابيين انا وايد افكر ان اللي يطر ولو اهوو جذاب كفايه انه تحمل يعرض ويهه ويسأل عند اللي يسوى واللي مايسوى

Nachla said...

اسوا شي
ان يكون الانسان في موقف قوة ويمارس فوقيته على الاخر

الرحمة وينها من قلوبهم

Ony said...

ouch!

salfa3ajeeba said...

msa'a il3asal wi ilnoor i'7ti vancouver,

ishlonich inshala tmam

mashkora 3la ilso2al wi ma gassarti wallah wi inshala ma tfgideen '3ali,
ana wallah kint ta3banah ishway + loyat ildirasah, allah i3eni

aham shy inti shlonich 6amneena 3leech:)

ama 3n ilpost fa allah ihdeeha lianna ilajir ra7 ta'7thah 3la ilmi7taj,
sawa2an kant sajjah wila la2 inma ila3malo bilniyyat,
7afthich allah:*

om-bukhnag-zare said...

صباح الخير حبوبة :)ا

الله يبارك لأم مشاري في حلالها ويهديها ويصلحها .. تصرفها يعتبر عادي لأنهااكيد تصرفت حسب تجاربها أو لأنها يمكن تعرضت للنصب من امثالهم

تعلمت من الشعراوي رحمة الله عليه ومن سيده فاضلة الله معطيها خير من الله اني ما ارد سائل أيا كان حتى لو تاكدت انه نصاب لسبب أن أجري ماراح يضيع وأكيد باخذه من الله وهو إن اذا نصاب احسابه عند الله .. واتصدقين حاسه فيج حيل لأني ب99 كنت بشارع الشانزليزيه وبروح فندقنا وكان في الشارع لوية ويضه من المغاربة وغيرهم فما وعيت الا وحده تمسكني من ايدي وكانت بنفس المواصفات اللي ذكرتيها والله يشهد اني فتحت جنطتي عشان اعطيها المجسوم ماوعيت الا صديقتي تسحبني واتقولي انتي ينيتي اول شي هاذي نصابة اتوزعهم شركة معروفة في اوربا كلها وثاني شي ان طلعتي افلوس جدام هالأشكال اللي واقفه وتطالع فيج والله ماتصبح عليج شمس :( من الخرعة مشيت وخليتها وقامت الفقيرة اتبرطم علي :( وكنت من باجر بروح لندن تلعوزت بالمطار وصارت لويه قلت هاذي اكيد حوبتها :( صج ضاق خلقي والله اني ليومج اذكرها ما نسيتها

امبيه صج طحست عليج اسمحيلي بس بوست اليوم قلب المواجع :(ا

حافظج الله

3AJEL said...

اهي متزوجة؟؟؟؟؟؟؟؟؟؟؟؟؟؟

عيون الحب said...

اسلوبج في سرد الموقف كثير حلو
بس شو كان بيصير فيها لو عطتها بس دينار؟

الله يهديها ان شاء الله
بس لو مكانج كان لمّحت لها من بعيد لبعيد انه اللي سوته مو شي :(

Mamloo7a Q8ia said...

غريب تصرفها
بس يمكن لها عذرها
يمكن مرت بتجربة
نصب من احد
وعممت الموضوع على الكل

بس ارد و اقول حتى الابتسامة في وجه الفقير صدقة حتى لو ما عطتها شي
يعني ما كان في داعي للصراخ

Shather said...

فان كوفر

الموقف اللي ذكرتيه خلاني اشمئز من تصرف صاحبته

صج ان في ناس يصطنعون و يتمسكنون لكن ما احط في ذمتي .. دام اني قادره اعطيهم ولو شي بسيط اعطيهم ليش لاء

و حقيقه الثواب ماهي متوقفه عالاشخاص اللي تقدمين لهم الصدقه
الثواب متوقف عالنيه اللي في قلبج و السلوك اللي تقدمين عليه
و الله سبحانه و تعالى بصير بالعباد و كذلك هو اعلم بما في الصدور


بعدين الصدقه تنمي المال و الرزق
فما دامت ابواب الرزق مفتوحه بالصدقات .. شنو يمنعني ؟؟

لو كنت مكانج .. كنت راح انصعق من رده فعلها ما الومج

على احساسج بالاستنكار و الصدمه

و استنكارج للموقف يدل على نقاء قلبج و صفاء نيتج

وانا مااشك بهالشي :)

Vancouver said...

هلا بالغالين
واسفة تاخرت عليكم بالرد
بس كنت مسافرة جم يوم
وها نحن عدنا من جديد
هههههه






بترفلاير
اسفة اني كدرتك ، شكرا عالمرور






الفجر البعيد

متى تقربين
??
هاهاهاها
يا اهلا وسهلا بهالطلة الحلوة
اي والله الله يهديها
ويهدينا اجمعين
هذي عبرة لنا بانه مهما
كثرت فلوسنا ما لا زم ابدا
ننسى ادميتناوانسانيتنا

:)))









مشاري
هههههه
شكلك خفت تاخذ ذنب
ههههه

الله يغفرلنا اجمعين
:)













كاريزما الحلوة

اشلونج مع الحر
اكييييد تعودتي
:P
الله يعينكم
نور البوست بمرورج


انتي اللي حبيبتي ، اي والله
سبحانه عالم بالنوايا

الله يحنن قلوبنا
اكثر
:)











شهد
يا هلا بشهد


الله يحازيج خير على نيتج
والعطية مهما تكون صغيرة
عند الله كبيرة


الله مرهي عليها فما تشوف
انه هذا اسراف


الاسراف احسه شيء نسبي
:/

غيرج يشوف لما تروحين يومين
بالاسبوع مطعم
اسرااااااااف لانه مو قادر
ياكل وجبتين باليوم
فاهمتني


الله يزيدها ويبارك لها بس
اتمنى تحس بالمساكين اكثر






امبراطورة اشعاري

يا هلا بالامبراطورة
نطق لج سلام والا كفاية الترحيب
:P
ههههه




صح
انا اقول اكيييييد شايفة
موقف مزعج وعممت عالكل

بس ولو
كسرت الخاطر للمسكين
ما تنجبر

Vancouver said...

بوعمور
يا هلا ، صااااج

كفاية انهم عرضوا ويهم
:) نورت








نجلا
مشكورة عالمرور
الله لا يبلينا
بالفوقية والغرور :(


نورتي









اوني
اوجييييييين !!!


وينج من زمان
انا واااايد من
المتابعين والمهتمين بمواضيع بلوقج
بس ياريت اتردين علي

اذا كانت عندي اسئلة
اشلون اوصلها وما عندكم
خانة للكومنتس ???
:((

ياريت اتردين
وانا اتفق معاج بوايد
اشياء تطرحينها

:)
مواضيعج تشدني

Vancouver said...

سالفة عجيبة
حبيبة قلبي
:))))))))))
اسفرت وانورت
واستهلت وامطرت
كلوووولووووووش
:P
الحمدلله عالسلامة
وينج غطيتي
وخليتينا على نار انحاتيج
الحمدلله
وماجورة ماتشوفين شر

جان قلتيني مريضة
عشان اطرشلج زهورات
وزعتر ودارسين ونعناع
حشى فانكوفر للعطارة ;P

هاهاهاها
الله يحفظج وكلامج
صح 100 %

Vancouver said...

ام بخنق زري
مترتر
مطرز بماي الذهب
:))
اسفرت وانورت
هلا والله


الله يبارك لها بحلالها والمسلمين اجمعين

شفتي يعني في ناس اتخاف منهم

اسفة قلبت المواجع
بس تدرين لانج فتحتي
جنطتج وناوية تتصدقين
انكتبلج الاجر
اللي اعرفة اذا فكرتي بفعل
خير وماسويتيه تاخذين اجر
الله يهدي الجميع


منوووووورة

Vancouver said...

عاجل
هاهاهاهاهاهاهها
افا راحت عليك
;P
المرة يده مو بس متزوجة
بس عندها بنات
ها.. اشرايك ? المهر مو اقل
من 50 الف

:))

قدها ????
;P









عيون الحب
نورتي بطلتج علينا
الاسلوب حلو ....مشكوووورة
بس الموقف كلش مو حلو
:((

صح ..كان المفروض انبهها
بس يالله خيرها بغيرها
وان شاءالله ما يتكرر الموقف










مملوحة كويتية
هلا والله ومسهله بالملح كله
صح كلامج
مالازم نعمم، واذا ما نبي نعطي
ما نعبس الوجه على الاقل
الله يغفرلنا اجمعين











شذر العزيزة
صاااجة والله النية اهم
من العطية
الله بس اللي عالم بنوايا البشر

حبيبتي انتي ..الصدمة لما اليوم
احس بمرارتها والله... مع انه
الموقف صار من زماااااااااان
وايد... طافت اسنين ترى
بس والله ما انساه


مننننننورة

hamdool said...

صارت وايد وياي وآنا في بيروت
المشكله إن نفس الأشكال أشوفهم
خلال أربع سنوات فترة الدراسه

النموذج الأول

واحده كانت تقول
آنا مش شحاتي وببيع كلسات لأن
بنتي مريضه بالمستشفى

وبعد سنه
كانت تقول أنا جوزي مريض
وبنتي عم تدرس بالجامعه
وعم وفرلا مصريات

النموذج الثاني

واحد وواحده يجمعون التبرعات
لدار الأيتام بالسوليدير
وبآخر الليل يتعشون بأفخم
المطاعم اللي هناك وفاتورتهم
أحلى مافي الموضوع

النموذج الثالث

شخص يرسل ولده لمكان
عام علشان يطر
بعد الساعه 12 بالليل

والله آنا ورفيجي عطيناه مبلغ
وطلبنا منه يرجع البيت
وعطيناه فلوس التاكسي
وأخذنا منه رقم أبوه ودقينا عليه
جان يقول أنا ما بعرف وينو

والصبي مسكين يقول شو خصكن فيه
هايدا شربان

النموذج الرابع

واحد لحقنا آنا ورفيجي
من فندق هوليدي إن
للسياره ويطر يقول
بدي هيك وبدي هيك
وفجأه وقف ونادى رفيجي
وقال لهأنا عرفتك إنت اللي
بتغني ما أرفعك

قال له لأ مو آنا
قال بلى إنت نبيل الجسمي

LOOOOOOOOOOOOOOOOOOL

وكمل وقال آنا شفتك بالتلفزيون

رفيجي قال له
عندك تليفزيون وتطر؟!؟
قال هيدا
مش لإلي
شفتك من تليفزبون الأوتيل

قال له رفيجي: بععععد
ساكن بأوتيل!؟

بالنهايه اللي كنت
أصادفهم كانوا نصابين
وأغلب المحتاجين
كانوا ما يطلعون من البيت

وغيره وغيرها
وأكو وااايد كانوا يستغلون
العايله كلهم في الطراره
واليهال ينطرون إشاره
من البوس أم علي !!!!!

مشكوره واااااايد

Ghasheema said...

omg

sij very sad

waaay..ana etha achoof masakeen bel TV shyseer fini..shloon etha kanaw jedami :(

ana lw mekanich chan 3a6et hal maskeenah...oe etha 3ala golat om mishari hathie nasabah...then ma 3aleh sweetie ykoon ana saweet alkhair oe ehya "alnasabah" sawat alshar....fa ana ma 3alay shay...i do what i have to...methel ma geltay ana eshdarani etha ehya fi3lan nasabah wala la2

allah ysame7ha hal om mishari

5roofa said...

انا كنت معلقة بس لووول مادري وين راح

المهم يعطيج العافيه على الموضوع الحلو

الصراحه مادري سؤالج يحير لانه هالايام التسول على افا من يشيل و ماتدرين منو الصاج من الجذاب

بس انا و اعوذ بالله من كلمة انا اعطي اي فقير و على النيه

يعني انويها صدقة ولا دفعة بله و اعطي و اهو عاد وذمتة اذا صج او لا

بس في ناس تكسر الخاطر و تعور القلب يعني ولا العمال تدرين انه العامل الي يوقف و يسلم بديرتنا الحبيبة معاشا 19 دينار بالشهر و يمكن اقل و لا هال 19 دينار يشتري فيها اكله و يسافر فيها، الدولة بس عليها توفر السكن و المواصلات من العمل لي السكن

يعني الربع او حتى 100 فلس تأثر

سامحيني على الهذرة الوايد انشالله ما اكون مللتج

nice post wala

salamz...

vancouver said...

حمدول


ميرسي عالمرور العسل

ادري ..ادري.. وايد جذابين
ونصابين وما يكسرون الخاطر

بس هم اكو بعد اوادم محتاجة صح ..

الله يرزقك على نيتك دايما


والامثال اللي ضربتها
:P
خطيييييييرة

vancouver said...

غشيمة

صاجة والله
انا لما الحين اتحسف على هالموقف


فعلا الله عالم بالنيات
مشكورة اختي
على مرورك

vancouver said...

خروفة... يا هلا
ادري تصير ساعات
تكتبين تعليق ويطير
ما ادري وين
ما عليه ..ومشكورة انج رديتي كتبتي


صح مساكين شنو معاشاتهم
هالفقارة واحنا اللي نقططه
اهني و هناك يعيش اسرته كلها
مدة اشهر ، الله يساعدهم

ghurba2 said...

ana ma3tiqid ina il mara itsarifat ghalat ... hathayla maloot paris nawar wa shghlat-hum il tasaku3 wil trara yalbsoon7jab wa hdoom waskha wa kil wa7da ma3aha yahil...