CLICK HERE FOR BLOGGER TEMPLATES AND MYSPACE LAYOUTS »

July 05, 2007

موقف هزني


موقف هزني بالسفر
اثناء رحلتي القصيرة الاسبوع اللي فات
صار موقف جدامي واااايد هزني
وتاثرت حيل فيه
،
كنت قاعدة بمطعم الفندق انا وزوجي نتريق الصبح
وحوالينا وايد طاولات واوادم
شوي والا من بعيد ريال شااااايب
عمرة ما يقل عن الثمانين بلا مبالغة
يالله يمشي ومحندب وحالته حالة ماسك
بكل حناااان وحب ورقة
ايد زوجته اللي يالله تمشي
مهتمين بلبسهم ما كانوا مبهذلين
رغم اعمارهم
بالعكس مرتبين حيل
ومليون تجعيدة وتجعيدة بويوهم
والمرة حاطة نتفة ميك اب ولابسة طقم لولو نااااعم
واهمة مبتسمين
شوي جان المرة
تعر صوبنا وقامت تسالني عن ولدي كانها تعرفه
زوجها استحى منا وشد ايدها برقة وقالها
تعالي لا توقفين عند الناس
خذاها من ايدها ووداها تكرمون الحمام
دخلها لي داخل يعني دش معاها
صوب الحمام الخاص للحريم
طلع برة وقف ينطرها
تباطاها
قام فتح الباب شوي ونادها
ار يو اوكي هني ?? ردت علي انها اوكي
وقف برة ينطر
بحكم انه كنا قاعدين على مسافة مو بعيدة
منهم فكل شيء واضح بالنسبة لنا
وانا اطالع هالمسكين ينطر
شوي شان تناديه من الداخل
رجع بطل الباب وخذاها من ايديها
و اهي تبتسم بدلع شنها عروس
رجعت الفقيرة واهي تمشي تكلم كل الطاولات
!!!!
والناس اللي ما تعرفهم
!!!
اهوه مستحي من الناس بس يطالعنا
بنظرة تقول
ماعليه تعاطفوا معاها لانها
مخررررررررفة
وعليه ، كسر اهوه خاطري اكثر منها
شنو هالحب الكبير شنو هالعطاء اللي
يخلي ريال بالثمانين يشفق على زوجتها بهالطريفة
ترى ما كو اكثر من دور العجزة عندهم
بس هالريال مصر
بايييييده يوديها الحمام كرم السامع
وبايده يمشي معاها
ومو بس جذيه اهيه مخرفة
ومع هذا تتدلل وتتدلع عليه
والله تاثرت
طبعا اووووووووول شيء
مسكت المسكين اللي معاي
لو انا جذيه تتحملني
????
لو انا بهالعمر تطل بويهي
?!!!
LOOOOOL
عاد زوجي ما كو احن منه والله
بس هم اشك بذاك العمر بيدري عن هوى داري
ادري طولت بس ما ني قادرة
انسي ابتسامة العيوز واهي مستاااااااانسة
انه مراعيها وماخذ باله منها
الله يهنيهم ويهني كل حبيبه مع بعضهم
+++++++++++++++++++++++
++++++
اشصاير بالدنيا
??
رحت ورجعت والا شاشوف ???? بعد عمري
يا كريزما
خنت حيلي البنية
من حبها لها خاست لها بالحر ،
ساااااااااحت البنية
بالاول ترى ما عرفتها المسيكينه تغيرت ملامحها من الواهي
حسبي الله عليهم على اللي سووه بهالبنت
استاثموا فيها
ابد كلشي ساح مابقى في البنية
غير عيون وبراطم!!!
مو مصدقيني ?? شوفوا الصورة
اللي تحت
>>>>>>>>>>>>>>>>>>>>>>>>>>>>>>>>>>
>>>>>>>>>>>>>>>>>>>>>>>>>>
>>>>>>>>>>>>>>>>>>
>>>>>>>>>>>>>>>
>>>>>>>>>>>>>
>>>>>>>>
>>>>>>
>>>>
>>>>
>>>
>>
>>
>
>
>
هاهاهاهاهاهاهاها مو تزعلين كاريزما عزيزة وغالية انتي










40 comments:

الحارث بن همّام said...

يوم قريت الموقف .. للأمانة شعرت بقشعريرة هزتني .. أي مرحلة من الحب وصلوا له هالزوجين الرائعين .. لا شك إنها مرحلة من الصعب الوصل لها ..

salfa3ajeeba said...

il7imdillah 3la ilsalamah taw ma nawr ilblogger sphere 3la golathom,

3ad ana kil yom amor a6ol ashof raddeti wila la, wi yitheeg '7ilgi itha ma ligeetich,

ama halzojeen fa ya rab ihaneehom iba3ath wi izeedhom 7ob liba3ath wi y36eena lo rob3 il7ob ili beenhom goli ameen:)

بنت الكويت said...

هالموقف واايد أشوفه بين الكبار بالسن هنييه
تحسين ان كل واحد فيهم خايف على الثاني ويدلع الثاني كأنهم توهم
متزوجين
وتشوفينهم مرتبين ونظاف
فأظن ان الحب بهالعمر يتجدد

تهقين عاد يتجدد عندنا احنا ؟؟

حمدالله على السلامة :)

Nescafé said...

بالنسبه للموقف في رايي ان الحب هذا موبس موجود عندهم
كنت اشوف حب بهالمستوى وارقى واحلى بين يدي ويدتي .. رحمة الله عليهم
على كبر سنهم على قولتج الا ان الحنان والحب ظل موجود بينهم واكيد مع العشره يزيد الحب
سبحان الله يدتي توفت وكنا خاشين عن يدي.. بعد ماعرف تعب وطاح بالمستشفى وكان دايما يقول راحت الغاليه
عقب 3 اسابيع من وفاتها .. اهو توفى

تخيلي الموقف
:)

والله احبهم

barrak said...

ههههههههههههههههههههههه

عجيبه الصوره

loyalty said...

موقف مؤثر للغاية
ليس من باب التعاطف مع هذين العجوزين .. بل لأنه يتعلق بأوثق رابطة في حياتنا وهي الزواج ..
نرى في حياتنا مواقف شبيهة و مماثلة بذلك الموقف ، و مع هذا نسمع من ناس كثيرين بان هذا ضرب من ضروب الخيال الذي لا وجود له في واقعنا .. أصحاب هذه النظرة .. سلبيون ، أعمت نظرتهم الماديات فلم يستطيعوا أن يروا جمال الحياة!

أسأل الله أن يوثق رابطتك بزوجك الكريم ، و يديم محبتكم إلى آخر العمر و لغير المتزوجات أقول : رزقكم الله زوجاً صالحاً تقياً =)

charisma said...

واى واى يا شقووول لووووووووووول
مت مت مت مت ضحك
ههههههههههههههههههههههههه
لووووووووووووووووووول
مسكييينه حسرتيى فيها هالكريزماا خنت حيلى
هههههههههههههههههههههه

شيييييييييييييييفه شيييييفه
لووووووووووووووول

واى ذبحتينى
شطرى عليييج تمقطينها هالمقطه المسكينه قمه بالنعومه صورتى عاد
لول
تعبانه عليها
هههههههههههههههههه
لى درجه بغيرها مانى قادره تخيلى
احسها قريبه

الحييين ضرورى تتغير
لوووووووووووووووووووووووووووووول

وسعتى صدرى

بس صج سحت من الحر
بس ما وصلت هالمواصيل
لول
:**

charisma said...

نخش على موضوع البوست
:)))))))))))
لوول

حدى تاثرت
يحليلهم
بس انا ملاحظه الاجانب عموما وايد اتلاقين العيايز والشياب لازقين ابعض
وخصوصا اخر العمر
شوفى بالسفر الكبلز اغلبهم كبار بالسن
واحد يصور الثانى ويتحلون على بعض على الرغم من ويوهم المعرفطه

واحنا اهنى ما يشتهون يطلون ابويه بعض

احنا الله يخليهم لنا ذخر اهم الخير والبركه بس اسم الله عليهم من يكبرون اتزيد العساره واتزيد اللبحه
:))))))))))
واى تذكرت يدتى الله يرحمها

Mamloo7a Q8ia said...

يا حلاتهم والله
هذا الحب الحقيقي
عسى الله يرزقنا بمثل هالحب الرائع


بعدين مسكينة كاريزما
مو بس قطع مبرمج
طايحين فيها تلفونات مغثة بعد

SolaimaN said...

Vancouver

اول شي الحمدلله على السلامه يا اختي

وانشالله تكونون استمتعتو واستانستو بهالاجازه

هنيالهم والله هالكبلز ،وهنيالها بالزوج الطيب

احنا على فكره مانوصل هالعمر حدنا ستين سنه

وبعدين اسبوع بالاميري وعلى طول صليبيخات

:P

واتمنى انشالله طول العمر لج واحبابج على الطاعه والعباده

:)

مسكينه كريزما والله من قامت تطفي الكهربا عندهم وحالها غبر

خنت حيلي

:P

Mishari said...

اولا حرام عليج ترى كاريزما طييييييييبة
:) ومال واحد يطفرها جذى

:)))
بس ميخالف حركشت صيف وخصوصا انها لعنت خير البنت اللى متصله عليها

الحب يا عزيزتى موجود بين الشياب اللى عندنا ولكن طرق التعبير غير زائد ان الناس عندنا غير
يكفى الحر يخلى النفسية بالخشم شوفيهم لى راحو لبنان كل واحد فيهم لازق بمرته تالى الليل تقول كنارى عسى الله يحفظ الجميع :)

Vancouver said...

الحارث بن همام
مرحلة جميلة من الحب
اللي وصلولها

الله يرزق كل زوجين
مثل هالحب

شكرااااااا عالمرور الطيب
حياك الله

Vancouver said...

سالفة عجيبة


حبيتي.. منور البلوغ
بزياراتج الخفيفة عالقلب

لو ادري كل يوم اتمرين
جان وقفت عند الباب
انطرج وبايدي غرشة ماي الورد والبخوووور
هاهاهاها


قولي امين
عسى الله يرزقج
اضعاااف هالحب والانسجام

لا تقولين ربع هالحب
الله ترى كرييييييييم
سبحانه
طلبي اقصى ما تتمنين
والله بيعطيج
على قد نيتج


حياج الله
اليوم وكل يووووووم
هاهاها

What Will Be , Will Be .. said...

الللللللللللللللللللللله

صج تأثرت بهالموقف

الله

صح كلامج ان اكو واايد رياييل حنونين
بس تعتقدين يتحملون

!!!

يتحملونا مخرفين!!! والحمام عزكم الله !!! لااااا ما اعتقد

الحريم ممكن عندنا يسوون بس الرياييل !! اتمنى


بقولج قصة وااحد نعرفه من بعييييد
مرته دشت في غيبوبه
ولمده سنين ومازالت

كل يوم الصبح يعقد عندها ويقرالها الجريده

كل اسبوع مره اييب لها وحده اتسويلها بدي كير ومناكير

وطول مااهوا قاعد عندها يسولف معاها

جهز لها غرفه بالبيت بااحسن معدات الغيبوبه

اتمنى يكون هذا يصيص امل لنا لان بالكويت

:)))


اما صورة كاريزمااا لوووووووووووووووول حدهااا ههههههههه


:)))

What Will Be , Will Be .. said...

الموقف وااايد شدني ونسيت اقولج الحمدالله على السلامه

:)

Vancouver said...

بنت الكويت
بنت ديرتي
الله يسلمج من الشر يارب

صاجة
اللي يونس فيهم
مو بس حبهم لبعض
لا واهتمامهم بادق تفاصيل
مظهرهم يشرحون القلب
والنظر والله

احلى ما بعيايزهم
حتى اظافر ريولهم
مصبغة
اشي احمر.. واشي فوشيا
هاهاها

جان زين يتجدد الحب عندنا بهالعمر ، الله يسمع منج

Vancouver said...

نسكافيه

قولييييييي اميييييين

الله يجمع يدج ويدتج بالجنة :)

ويرزقج مثل هالحب واكثر

استااااانس من اعرف انه
في اثنين عدوا السبعين
بس قلوبهم بالعشرين
والله استاااااانس

Vancouver said...

براك
عجيبة صح

اول ما شفتها فجيت ضحك ، حياااااااااك

Vancouver said...

لويالتي

اااااااامين يالغالية
عسى ينعم على المسلمين
كلهم بنعمة الحب

مشكورة على مرورج وكلامج الحلو
:)))

Vancouver said...

كاريزماااااااااا
هاهاهاهاها
عفيه مو تحذفيني بشيء
هاهاها

انا شفت الصورة بالصدفة
وانا احوس بالنت
متتتتتتتتتت ضحك
وتخيلت انه هذي نتيجة
الحملة الفاشلة
لووووووول


بس بيني وبينج خفت تاخذين
بخاطرج :+

اششششششششوة
انه روحج رياضيه
وتنمغط مع الظروف
هاهاهاهاا ،
بس الزين زين لو شنو
ولا يهمج لا تغيرين الصورة
واااايد نعومة

بالنسبة حق عيايزنا
الله يهديهم مو الا يحبون بعض
ويبون هالحب بالدلع

بس عالاقل
خل يونسون عمرهم
مو يحسون انها نهاية الدنيا

انا ما لحقت على يدي ويدتي
من الصوبين بس وايد اشوف
عيايز يكسرون الخاطر
من كثر ما مكسفين
باعمارهم

Vancouver said...

مملوحة كويتية

امييييييييين
بس الحب هذا يبيلة عطاء من الصوبين
الله يرزقج الحب هذا
واكثر ياااااارب

كاريزما مسكينه من شيء لي شيء
كله كوم والدوام بالحر كوم

:)) حياك الله ولا تقاطعين

Vancouver said...

سليمان

حياك الله عندنا
لا...لا... لا تقول جذيه
عسى الله يعطيك
طولة العمر
بصحة وعافية
وعلى طاعة قول امين


مشكووور والله يسلمك
الحمدلله استانسنا بفلوريدا
بس الرطوبة اذبحتنا
كلش مو مال ينراحلها بالصيف


:))) نورررررت

Vancouver said...

مشاري

اشووووووة
عقب الحركشة قالت
اني وسعت صدرها
يعني البنية
اضحكت ما زعلت
هاهاهاها


كلامك فيه جانب كبير
من الصحة
الجوووووووووو وايد يلعب
دور بالتعبير عن الحب

بس انا احس حتى داخل البيوت
العيايز ما يدلعون بعض
والعيوز من تعدي السبعين
ما اظن تحط ميك اب
وتلبس اكسسوارات
وتكشخ حق نفسها اولا
وحق الشايب اللي مجابلها

نفس الشي الشايب
ما اعتقد يفكر انه يلاطف ام عياله
و احفادة

طبعاااااا مو الكل
بس الغالبية


/ مشكوووووور

Vancouver said...

وت ول بي .. ول بي ،،،

حبيبة انتي
الله يسلمج من الشر

كسر خاطري اللي قلتي عنه
الله يرحم حاله وحالها
بس في سؤال ? جم اعمارهم ??? اذا عده الستين
ويسوي جذيه
هذا فعلااااااا عايش
قصة الحب بهالعمر

بس اذا اصغر
طبيعي تكون ردة فعلة
جذيه لانه يحب مرته

احنا مشكلتنا الابدية
الخلق والمزااااااج
لو الله ينعم علينا بالنشاط
والحيوية جان وايد امور تغيرت

اذا شباب عقب جم ياهل كل
واحد يحقر عمره واللي معاه
هالمرة شياااااب

الله يرزقنا النشاط
بذاك العمر
قولي امين

لما شفت التعليقات كلها
فقدتج

سبحان الله وانا ارد على
التعليقات جان اشوف
ردج فريش
فرررررررررحت
:))))))))

الأستاذ بلاليط said...

صباح الخير

مرحبا ملايين و لا يسدن

نورتي المدونات والله برجعتج

الموقف ياخذني الى ما أبعد عن الحب العذري ديننا الحنيف علمنا هذي الاساليب الرقيقة مع اهالينا و لكننا تعلمنا القسوة

Purplecious said...

الحمدالله على السلامه

شلون أمريجا؟؟؟

والله لج وحشه يا وِحشه (بكسر الواو)ههههههههههههه

يحلوهم والله يهبلوووووون

الله يهنيهم و يرزقنا

أما صورة كاريزما
لووووووووووووووووووووووووول

عجيييييييبه

Dana__23 said...

هذا الحب ولا بلاش :)
وبالزمن هذا قليل ونادر نشوف جذي للأسف :(
وبالنسبه للصوره لووووول منو محسر فيها لوووووول عجيبه ;p

Joli said...

وااااااااااااااااااي
عورني قلبي


أبي مثلـــــــــــــــــه
:"(

يحلوهم والله على هالمشاعر
تشيله و يشيلها

مو مثل ثقافتنا الحلوه
اللي لي صار في الريال شي لازم المره تتحمل و تصبر بينما إذا صار فيهاإهي شي راح يركض يدور غيرها و عذرة: زوجتي مريضة
!!!!!!!!

:(

Joli said...

looooooooooooooooooool
baddda3tay b charisma
maskeena waiehha sa7 bel 9ora
men zood el7ar w el7arra as well

LOOOOOOOOOOOOOOOL


welcome back

Miss you alot :*

وقار said...

el donya 7ilwa o a7la isneen, bin3ishha wi7na ya naas 3ash'een :P

قنوعه said...

الله يعطيهم طولة العمر
ويخليهم حق يعض

والحمدالله على السلامه

Vancouver said...

الاستاذ بلاليط
منور بوجودك يا خوي
مشكور


معاك حق ديننا يحث عالرقة والمعروف والرحمة بين الزوجين

بس ويييييين التطبيق ????

Vancouver said...

بربل

امريجا تسلم عليج
ومختبة بعرسج :))))
هاهاههاهاها
اقصد ايفا






الله يرزقج ان شاءالله

وصورة كريزما
تكسر الخااااااااااااطر

Vancouver said...

دانا 23
الاخلاص والعطاء
بهالعمر
وبالطريقة
نااااااااااااادر
الله يرزقج



شكرا على مرورج
:)) نورتييي

Vancouver said...

هلا هلا بجووووووولي


اي والله يا وخيتي
المرة من واجبها الطبيعي
فمجتمعنا تشيل الريال
لو شنو فيه

بس اهوه تابى مروءته يشيل
مرته بارذل العمر
للاسسسسسسسسسسسسسسسسف

كاريزما مسكينة ملامحها بالحر
ساحت على بعض لوووووووووول


يالله عشان تسوي
ميك اوفر
وتحط صورة يديده
هاهاهاهاهها


:)))) اي مس يو تو

Vancouver said...

وقار
خوش مقطع

هاهاهاهاها


شكرا عالزيارة

Vancouver said...

قنوعة

الله يرزقج ريال قنوع مثلج
هاهاهاهاها

ويعاملج احسن من هالريال بعد
:))))


الله يسلمج
نورتيييييييييي البلوغ بزيارتج

Spoiled Royality said...

HELLOOOOOOOOO


شخباااارج صج ولهت عليج


الله صج الموقف قشعرت لما قريته

الله يرزقني وياكم ريال يحبنا هالكثر ويوقف ينطرنا عند باب الحمام كرمكم الله

ونااااااااااااااسه

المشكله انها مخرفه
ويسويلها جذي

عيل لو مو مخرفه .. اتهقين شيسوي لها ؟؟؟

Vancouver said...

الشمس من وين طااالعة
اليوووووم ??

سبويلد ايا النزغة
ويييييييينج?? غايبة
كل هالمدة

ولهنه علييييييج

الله يرزقج ولد الحلال
اللي يصونج ويحميج
لي اخر يوم بعمرج
قولي امين


موووووووووووووووو تقاطعينه ترى ازعل

:(((((


اي والله يا وخيتي اهيا
مخرررررررفة ويموت عليها

اتوقع لو صاحية جان
باس التراب اللي تمشي عليه

hamdool said...

نادر ما أدش مكان وأحس فيه بالراحه
وجد مو مجامله إرتحت من زيارتي
لصفحتج وحسيت إن فيها خلطه عجيبه
بين الحس الراقي و الدم الخفيف

:)

الله لا يحرمنا من زياراتج
وهالشياب كل شي فيهم يونس

عندنا بالكويت أكو وايد ناس
من نفس النمونه .. هذيل الخير
والبركه