CLICK HERE FOR BLOGGER TEMPLATES AND MYSPACE LAYOUTS »

December 14, 2008

ليش ما تقطعون ايده وتحرقونه بقاز بعد ?


البي بي سي
محطة زوجي المفضلة
يوميا افتح عيوني الصبح على صوتها من الكمبيوتر

وهوه يشتغل عليه ..وطبعا بعد الدوام
وقبل الاكل.. وبعد الاكل
:\\

اليوم بطلت عيوني الصبح والا هوشة شالسالفة يبا
?
قاعد يناقشون موضوع مصافحة شيخ الازهر
لشمعون بيريز..الصرااااااحة العقول اللي تتصل
وتناقش حسستني بالحزن ..
شهالتفكير السطحي اللي عليهم
??
اول شيء بعد كل هالعمر وهالخيانات

من رؤسائكم العرب شادين الحيل على شيخ يمثل السماحة بالدين
لانه رد التحيه على شخصيه اسرائليه??
استحوا شوي ..اهوه مسافر الامم المتحدة عشان يحضر
حوااااااااااار الاديان

شنو اسمه?
حوااار الاديااااااااان !!
تبون الريال يعطيه
مقفاه مثلا ويقول بحاورك
من ورى ظهري لانك يهودي ?? واحد متصل مسكين توهق
قاعد يقول للمذيع: ده شيخ الازهر شخصية بنحترمها كلنا
وهوه بيمسل << بيمثل << ضمييييير الامه العربيه كلها
ماكانش مفروض يمد ايده
!
جان يصييييييدة المذيع الخبيث و قاله: طيب معنى كلامك
ان محمد حسني مبارك لا يمثل ضمير الامه العربيه عندما صافح الاسرائيليين
:D

!!!
فقير ..الريال سككككككت
اتوقع سكر السماعة من هني
وشال عمره مع عياله وراح سكن بمكان ثاني
غير بيته
وهوه يقول حق عمره
انا ادهولت على عيني وهببت ايييييييه ?

ما برد جبدي الا متصل مصري حسيته ادمي ومتزن
قال :

يااااااااااااااا جماعة
يعني الراجل وهوه ماشي جالوه شمعون بيريز
ومادد ايده عشان يسلم عليه
عاوزينه يطلع المطوه ويضربه فيها??

امال فين رد التحيه باحسن منها??
فين مباديء الاسلام وسماحته
فين الحواااااار??

انا بس مستغربه لي متى العرب على اتفه شيء
قاموا وسووا ضجة وربربه ..على شنو

?

واللي يطالبه بالاعتذار! واللي يرقع له! ويقول انه ماكان عارف منوالشخصيه
اللي يسلم عليها! يعني طلعوا الريال خبل
عشان يرقعوله ..
:~~
بالله اكو ادمي ما يعرف شمعون بيريز??بعدين
مو يصافحة ويقعد معاه يتحاور مثل البشر
احسن ما يسفل فيه بالاذاعات والخطب الرنانه جدام الناس
ويصفه بالعدو
وبعدين يسافر بالخفااااء يتعشى معاه ويناديه ايها الصديق
والمكالمات السرية شغاله طول الوقت
مثل بعض الرؤساء?

ادري انه الحره اللي بقلوب الناس على فلسطين تخليهم يتحمسون
وكلنا عارفين شنو اليهود
بس ليش نطلع نفسنا دفشين....لييييش نشوه صوره ديننا
اكثر مما قاعدين يشوهونه اعداءه
معقوله لما الحين الشعوب متصورين انه
الجلافة والتجهم والشتايم والكلاااااااااااااام
اهوه اللي بيرجع حقوقهم المسلوبه
????

انا اقول ليش ما تقطعون ايده ..
وتحرقونه بقاز بعد
عقاب لشيخ الازهر انه مده ايده وسلم
يمكن ترجع فلسطين
!!

45 comments:

بس said...

هذا و دينا دين يسر مو عسر لا حول و لاقوة ؟ و الله ابتلشنا بالمتعصبين

الابتسامة بالدين صدقة يارب نور عقولهم

-mate said...

مخوخ إمصينة ماكو فايدة

Kuwait said...

@@
عادييييييييي جان اعزموني انا بداله امشي وأصافح ماعندي أي مشكله نهائيا ;p
اشفيييييج يا فانكوفررر احنا والتخلف والرجعيه والعقليـه المتحجره ربــع من زماااااااان :)
والا كا نبيل العوضي ينام ويقوم ويقول ديارالكفر وتاليها رايح يدرس عندهم مو لو ماسك لسانه ومو متكلم عنهم احسنله ؟؟ :D

esTeKaNa said...

للاسف اصبحنا نتهم بتوافه الامور اكثر من امورنا المهمه
!!
لو كان مناسبه غير هذي المناسبه ممكن نقول وتناقش نوعا ما
لكن المناسبه حوار الاديان
واسلامنا اسلام يسر يالله من فضلك
بس وين اللي يفتهم
:(
واظنتي ذاك اللي سكت
وقف نفسه
!!
توهق وعليه

:)

chatterbox said...

لووووووووووووووول
العنوان يعبر ويضحك :)

أتيت متاخرة said...

وييييييييييييييه يا فانكوفر
يا وخيتي
لا تحرقين اعصابج وياهم
وتغثين روحج
هذولا نسوا اهم شي في الدين
الدين معاملة
معاملة يبه
موب صوت عالي
ولا هواش
ولا صراخ
معاملة

mtfa2el said...

مشكلنا ربعنا عبالهم بالصراخ و الزيطة و الزمبليطة بيحلون مشاكل الأمة العربية
ما يدرون إن العالم يتطور و إحنا كل ما له و نرد ورا
العالم المتطور اللي انتقل بظرف ثلاثين سنة من مجتمع أمريكي عنصري إلى مجتمع أمريكي يصوت لشخص كيني أسود
و احنا لي الحين ربعنا عايشين على حكومة المحاصصة اللي مو عارفة تردنا حق كاس الخليج
و هذيل يناقشون صافحه ولا ما صافحه

يا أمة ضحكت من جهلها الأمم!!

the.thinker said...

تسلم ايدج على هالطرح المتفتح ^_^

حال الضعيف !! يدور الشغلات البسيطة !!

بس عجبني المذيع والله ، يوم قال عن حسني مبارك لوول :P

THE BOSS said...

عزيزتي
تخيلي لو مو مسلم عليه
شنو راح تكتب الصحافة العالمية عن الاسلام و المسلمين
وشلون كانوا راح يطلعونا متشددين و ارهابيين
ولكني اعتقد بأن شيخ الازهر فعل الصح و عطى فكرة ممتازة عن الاسلام في هذا المحفل العالمي وامام العالم وليس خفيه

بسنا تعصب و تطرف
خل نلعب سياسة صح

وعطني ولعه

vancouver said...

بس


متعصبين ومتخلفين وشايشين على اي شيء
وبالصج
تلقينهم دياي مكينه
:\

امين

_-----------------------------_


مييت

ايه والله
ومتنيله كمان
هاهاهاها


_----------------------------------_



كويت

لووووووووووووووول
عاد انتي الاوبوزيت
اتوقع تحطين ايدج على جتفة وتصورين
لووووووووووول
وعقب تكتبين بوست
LooooooooooooooooooooooooL

اشفييييييج اوهوه قال ديار كفر
ماقال ديار تخلف
رايح يتعلم منهم
ويرجع تالي يحاربهم
سيااااااااااااسة اشفهمكم انتوا
:Pp
اتصدقين ودي اكتب بوست
اشللللخ فيه عايلة عندنا
في كندا
تقولين ياين من تورا بورا
تسفل بالكنديين ولعن وسب
وحتى سلام مايسلمون على الكفاااار
بس الله يسلمج يدرسون
بجامعاتهم
ومقدمين على الهجره
شلوووووووووووووووووووووووووون
ماني فاهمه
!!

_-------------------------------_



استكاااااااااااانه

الله قاعدة اشم ريحة لبنان
معلقة فيج لما الحين
:D

صاجة دين يسر ومحبة وسلام
كل هذا ترى بس كلام
عند التطبيق
يصير العكس للاسف

_-------------------------_





شاتربوكس


لوووول
اذا عجبج معناته انج عنيييييييفة
وتشجعين العنف
لوووول

_-------------------------------_


اتيت متاخره

والله اني انغثيت من الصبح
لو تسمعينهم شلون يصارخون بالاذاعة
وكل واحد عرجه ناط
تقولين صايره مذبحة
وبالاخير على السالفة على مصافحة
:\
ايه والله الدين المعامله

منو اللي يفهم
?

_---------------------------------_


متفائل

صاج والله صاروا على اااااي شيء
يصارخون
لا العلم فادهم ولا ثقافتهم التعبانه
شفايدة هالشهادات
وانتوا مخوخكم موليه
?
ضحكت وكركرت الامم علينا
ليييييييين قالوا بس
:\\


_-------------------------------_



المفكر
ذا ثنكر


الله يسلمك على ثنائك ومرورك الكريم

هههههههه فعلا المذيع
كان نبيه وخبيث
هاهاهاهاها افحمه

Purplecious said...

بعد عمري و الله انتي

شنو هالبي بس سي؟؟ دواء؟؟

قبل الاكل و بعد الاكل

شوفي جني سامعه اكو منه مضمضه

هاها هوهو هي هي

أمـــــــــــــــــــلــــــــــق

;p

ياختج عرب بعد شنسوي

كله ماخذين الامور بالصيحه و جان زين يابت فايده

احنا مسلمين بالاسم بسسسسسسسسس

و لا اسلامنا دين سماحه

يسرّوا و لا تعسّروا

بشّروا و لا تنفّروا

!!!!!!!!!!

شتبون أكثر من جذي بعد

لا حول و لا قوة الا بالله

بس قتلتيني على اللي وهقه المذيع
لووووووووووووووووووول

كسر خاطري هههههههههههه

و الثاني صج برد جبدي انا بعد

و مشكووووووووره على ردج السريع و تفاعلج مع البوست

شلوووون جبوري؟؟
:**

vancouver said...

ذا بوس


ايوا جبتها من الاااااااخر
لو مسوي العكس
شنو اللي راح نجنيه
??

اهمه عندهم ترى انه لو معطيه طاف
وحاقره
معناته انا الاقوى
معناته راح يلتفتون لحقوقنا
معناته واقف مع اهل غزه
ودافع عن فلسطييييييييييين
!!

وينهم وين السياسة
اذا سياستهم
انه يهتفون باسم الرئيس
اللي ينجح ب99%
من الاصوات
هذول ويه سياااااسة
?

اخاف اعطيك ولعة
ياخذونها ويشبون في شيخ الازهر مسكين
:Pp

vancouver said...

عاد جنه الحين تعععععععععععبت
وايدي تعورني

ارد عليكم باجر او عقبه




مع السلامة

vancouver said...

:PPPPPPpppp


لا يبا

تعالي بربلوووووشة اضحك معاج
عاد انتي زعوووول

مو تصدقين افا عليج
ادهن ايدي بفكس واكتب الرد عشانج
لوووول

---


اي اي دواء
انا الاخبار عند زوجي دواااء
عند اللزوم
وعدم اللزوم بعد
!
ذابحني بالاخبار
:\


ايه والله ديننا سمح
بس المسلمين اغلبهم مو سمحين
ليش ما ادري
??
جبوري يروح الداي كير
وياكل اووون فيكس
يعني كورن فليكس
هههههه

:****
مشكووره عالسؤال
بعد شششششبدي

:)

Mok said...

وليش ما يرحون الطب النغسي
:)

كبرياء وردة said...

مو شلي مشوه صورة الاسلام والمسلمين غير هذيلي
حسبي الله ونعم الوكيل بس
وجان زين يات على تشويه السمعة بس
الا اهم سبب رجعية امتنا بمخوخهم التلفانة الا جنها قواطي
فانكوفر كل شي ولا اعصابج
ترى ما يستاهلون

عثماني said...

صح السانج فانكوفر

المشكلة ان شعوبنا من تفاهتها تبي اي شي تنتقده

صدقيني هذي تفاهه .. مو اكثر

:)

charisma said...

صح الساااانج

كل جذى يسوون من الحبه قبه

ما فيهم الا حجيهم وشطه على الفاضى

ماكو العقل مجيم !! لو تمسكين الواحد فيهم واتكلمين بعقل ينطم ويفشل

الله كريم شنقول بعد

يا ستييي
لا تحرقين قلبج عليهم يولووون

صباح الورد
:**

ZooZ ZaibG said...

يا بعد جبدي يا فانكوفره

عندي تصليح للسيناريو

شوفي يا محفوظة السلامة

اهو راح مؤتمر حوار الاديان
وكان في وايد رؤساء دول
من بينهم ملك السعودية
فكان يمشي الشيخ ويسلم
لأن الأزهر من رعاة المؤتمر
ودعاة التسامح والتوافق
فاللي صار انه سلم على شيمونو
وكمل مشوار التسلم على البشر
والناس أقوامٌ أقوام
عاد كانوا متحبلينله المتشددين
ما تكلموا على العشاء الملكي اللي تم بين اكثر من 20 ملك ورئيس منهم شيمونو والملك عبدالله
لأن أبوي ما يقدر إلا على أمي
قاموا قالوا
إنت شكو تسلم على بيريزو
قام قال
جرى إيه أنا ما سلمتش عليه
قامت الصحف الاسرائيلية طلعت صور السلام
ولا زادت من الشعر بيت
قالت ان السلام ما كان عابر
جرت محادثة بينهم لعدة دقائق
فتولوا الريال وراح فيها
جان يقوم يقول
أنا ما كنتش عارف ده مين وسلمت عالكل

فمن يومها واهم يقولون عزلوه شيلوه
واهو يقول وانا مالي بالسياسة حتى انه تحلطم حيل في وحده من المقابلات وقال حجي قوي من طقة ولاد ...ء

كنت متابعه القصة وعندي الأخبار الخاصة بالتغطية
وكنت بكتب عن الموضوع وسبقتيني


الحق ينقال
وقتها كانت الاصوات العاقلة تقول
ليش هذا مع انه ما يمثل الدين اليهودي
الحاخامات يمثلون الدين
وهذا يمثل السياسه اليهودية
وغزه وقتها كانت تئن من الحصار
يعني تخيلي قاطعين الماي والكهربا
مانعين الاكل والدوا
بعز البرد الزمهرير عندهم
عشان جذي كان سلامهم عليه وايد يحز بالنفس
بس عمج اصمخ
وارد اقول
أبوي ما يقدر الا على امي

وماراح يهدونه بمكانه
لان احنا العرب نحب نظرية كبش الفدا

Enter-Q8 said...

شوفي فانكوفر
انا شيخ الازهر مو بالعة خلقه لله في لله كده
بس اللي سواه صح
ربعنا الثورجيه و القومجية
لو مكانه كان سوو نفس الشي

ARTFUL said...

قمنا اناقش توافه الامور ونعطيها اكبر من حجمها حتى صارت اهي مشاكلنا الاساسية

وشوفي هالشي بمجلسنا

!!!!!!

صبا said...

مساء الخير أخيتي الغاليه

كل عام انت والاهل بخير وصحه يارب

شخبار العيد بالغربه ..انشالله تمام

........

للاسغ المتعصبين نسوا ان الدين معامل ويسر ..

حالهم يبجي ويضحك

يلهون بتوافه الامور وينسون

الاهم

للاسف عقول تافهه

صبا said...

للاسغ =للاسف

عادي طوفي
:)

joy said...

عيدج مبارك اولا
ثانيا هذا احنا يالعرب والمسلمين مادودهنا الا قلة العقل والدين




والا ماصار هذا حالنا
حمدالله والشكر على كل حال

اجار الدين كشمش said...

هدي هدي ما شفتي شئ لانج عايشه بكندا صار لج مده

عيل احنا شنقول من رمضان الي الحين واحنا نسمع الدويله وهايف والله حتى ما اعرف اسمائهم

ينظرون للنظام السياسي الكويتي
حتى الجرايد تلوع اقصى مافي الجبد من تصريحاتهم
انا اقولج تجنسوا بكندا ..على الاقل عيالج للمستقبل ..ديرتنا احنا ندفش ويالله قادريين عليهم ...اشلون جيل عيالج وعيالنا ..اشلون يقدر يخلص احدى معاملاته في الوزارات ..تذكري كلامي
بس للعلم ان الدور في وزارة الاسكان الان 2008
حتى تأخذ حقك بالسكن 51الف
طلب
ما تقولين لي جيل الابناء متى يوصل دورهم

لااااااااااااااترجعين انتي وزوجك اليما يوصل عمرج كبر فكتوريا ملكة انجلترا
يحفظكم الله انتي وعائلتج
فمالله

لبنة said...

اذبحتنا هالالسنة الجاهلة
!!!

مادروا ان الرسول تزوج يهودية؟
مادروا انه توفى وكان على عقد تجاري مع انسان يهودي؟

لا طبعا مادروا

اشلون بيدرون
واهم لا ارى
لا اسمع
بس اتكلم

mtfa2el said...

بس تصحيح حق الأخت لبنة

الرسول عليه الصلاة و السلام ما تزوج يهودية
تزوج صفية بنت حيي بن أخطب لما أسلمت
كانت يهودية و أسلمت

ZooZ ZaibG said...

فانكوفر حبيبتي

عيزت على ما دورته
بس عشان اوثق كلامي
واوريج انه المقرود
ياب الحجي حق نفسه
ولا انسان بموقعه لازم يكون احرص


هذا لنك الخبر

http://www.alraimedia.com/alrai/Article.aspx?id=97360
8-12-2008



وهذا الخبر

«كذابين وأولاد ستين...»
شيخ الأزهر يتهم «معاريف» بـ «الكذب» حول مصافحته بيريس

القاهرة - يو بي آي، ا ف ب - اتهم شيخ الازهر محمد سيد طنطاوي، صحيفة «معاريف» بـ «الكذب» في شأن مصافحته الرئيس الاسرائيلي شمعون بيريس، في مؤتمر حوار الاديان في الامم المتحدة الشهر الماضي.

وصرح طنطاوي الاسبوع الماضي، بأنه لا يعرف بيريس

وكان نشر صورته وهو يصافح رئيس اسرائيل خلال المؤتمر، اثار غضب صحافة المعارضة المصرية، وطالب احد نواب المعارضة باقالة طنطاوي من منصبه. واوردت «معاريف» تفاصيل عن المصافحة، موضحة ان طنطاوي اقترب من بيريس وتحدث اليه.
الا ان طنطاوي، وحسبما ذكرت صحيفة «المصري اليوم»، امس، رد بحدة على تقرير الصحيفة الاسرائيلية

وصرح في مقابلة ضمن برنامج تلفزيوني بثه التلفزيون المصري الأسبوع الماضي، «كذابين واولاد ستين...» واضاف: «سلمت على عدد (من الشخصيات) لكن هذا الوجه (بيريس) ليس غريبا علي». وتساءل «افرض اني انا سلمت عليه هل اتهدت فلسطين؟ لماذا؟ انه من دولة نحن نعترف بها»؟
وتابع: «واحد قابلني في السكة سلمت عليه. هذه هي كل المسألة. هو موجود في مكان وانا في المكان نفسه، وماشي فقابلني مد ايده سلمت عليه».ء

وعن مصافحته بيريس، بينما تضرب اسرائيل حصارا على غزة عززته بعد سيطرة حركة «حماس» على القطاع في يونيو 2007، قال طنطاوي

«اسألوا الخارجية»
واضاف: «لا اعرف ان هناك حصارا على غزة. هل هذه شغلتي انا؟ ما تسألوا وزير الخارجية». وتابع: «اي حصار واي قرف. الحصار موجود من شهور».ء




الحين شرايج؟

ZooZ ZaibG said...

على فكره
ما ادافع عنهم
لاني ما احب التعصب بكل شي
بس طنطاوي صارله فتره من التخبط
يمين شمال يمين شمال
وهذي صارت الضربة القاضية

مسلم للأبد said...

اعزائي المدونين و المدونات أرجو انكم تعرفون ان بيريز يمثل الكيان الصهيوني وليس الديانة اليهودية

و هذا عار على شخص يمثل الأزهر ان يسلم على من يمثل الكيان الصهيوني الغاصب اللي مبهذل مسلمين مثلكم

بينما السيد حسن نصر الله معرض حياته للخطر في سبيل الإسلام و معاداة إسرائيل

هذا الفرق بين الإنسان الشريف و الإنسان الخاين

vancouver said...

موك


منو اللي تبيه يروح الطب النفسي بالضبط
الشعوب العربيه
والا حكامنا الدايخين
?

انا اظن انه احنا كلنا بالوطن العربي
عايشين في الطب النفسي
والعقلاء يا مسجونين يا هاجين


_-------------------------_


كبرياء ورده

صاجة
مخوخهم بو بس قواطي
الا قواطي مصديه
!
الله يعيني لما ارجع
انا بالغربه ترى واااايد صادة عن هالاخبار
واتابعها من بعيد لي بعيد


_-----------------------------_


عثماني

هلا بخوي العزيز
صح بدنك
اي والله
تفاهة وسخافة بعد
!

_---------------------------------_



كرموووووووزتي

صح بدنج

قلتيها العقل مجييييم ومصدي بعد
!!
صباااااااااحج عسل وورد وماروووووون جلاسيييييييييه
:)))))))


_---------------------------------_



زوووووووووز

مشكوووووووووووره على كل اضافة قلتيها
ترى انا بعد ما كتبت البوست
ما قريت الاخبار عالنت
فماادري شنو ملاااااااابسات الموضوع
:)

على سالفة ابوي ما يقدر الا على امي
شفتي الشيييرز اللي سواها
الملك عبدالله مع بوش
طبعا اكيد حاطينله تفااااح من غير كحووول
لوووول
بس مو المهم شنو شرب
المهم وييييينهم اللي ذابحينه بالبدعة والبدعة
اشوف محد تكلم
خااااموش
??

وهذا مسكيييين شلخوه على مده الايد

بس معقوله قال
ولاد
*&^@#??!

لا بالله استخف وقعد
:‘

بس رجاااااااااااااااء زوز كتبي في الموضوع
ونزلي البوست
ودي اقراه وشوف شالسالفة اكثر
بليييييييز

شوفي بالنسبة لموضع
انه تعاطفا مع غزه
ما اسلم عليه بالايد
يعني بالعقل
لما يطوفة وهوه يسلم تعتقدين هالشيء
راح يكسبه احترام الاخرين له كرجل دين
??
او يكسب احترام الاخرين للدين الاسلامي مثلا
?
مااهوه مسااافر لحوار الاديان
موضوع فلسطين شيء
وحوار الاديان شيء ثاني
اي نعم في ارتباط بالموضوع
بس حوار الاديان المفروض
يكون ديني/اجتماعي وليس سياسي
لانه اذا بنبتدي بالسياسة
يبيلهم على الاقل ستالاف سنه ضوئيه
عشان يتفقون على محور من المحاور

مشكوووووره يا عسل
_----------------------------------_



انتر كويت

ليييييييييييييييش ده غلباااااان
ههههههه
انزين اشرب وراه ماي
يمكن يندز وتبلعه
:Pp

ربعنا القومجيه
جان لموه وصوروا معاه
وقالوا نحن نحترم من يخالفنا في الراي
:))))

vancouver said...

صبا

مسااااااء النور عالبنووور
اهلين صبويه حمدالله عالسلاااااااامة
ياجاي من السفر
وحشانا الابتسامه
وشك ولا القمر
:)

وانتي بصحة وسلااااااااامة
الحمدلله اول يوم صلاة العيد وطلعات
وثاني يوم دوام
:((

ايه والله صاجة
عقولهم فاضيه وتافهه
للاسف


_---------------------------_



جوي



اهلييييييييييين
ايامج سعيييييدة يا جوي
ايه والله
مستخفين وقاعدين هالشعب العربي
ما ادري شنو اللي يرضيهم
اللي يعاملهم بالجزمه يسكتونله
واللي يعطيهم ويه يااااااكلونه

_--------------------------------------_


اجار الدين كشمش

ايه والله ترى انا وااايد صاده عن الاخبار
بالكويت
اول شيء من صباح الله خير اسويه
اقرى الجرايد كلللللها
انغث
عقب احول على النت
انغث اكثر
اخر اليوم اشوف اخبار التلفزيون واولهم الجزيره
لمزيد من الغثثاااان
الحين شزيني
من اسبوع لي اسبوع اطقطق
بس

ويييييييييييه لا تذكرني بالاسكان
بروووووووووحي فاقده الامل
تصدق عاد
زوجي يقولي ماكو امل القالج البيت اللي ببالج
تبين واحد من اثنين
يا تروحين قلعة وادرين
يا اشتغل بره الكويت جم سنه
عشان اعطيج اللي ببالج
:((((((

لا بالله خوش كومنت
واااااااااااااايد ريحتني
الله يريحك دنيا واخره
ياخي ليش ماتفتح مدونتك
عشان
كل ما بغيت
اتفااااااااااااءل اكثر
>>>
ازورك
:PPp

vancouver said...

لبنه

بالزيت والا الزعتر
ترى قاعدة اهزر مو تزعلييين

:)

اظن الاخ متفاءل صحح
المعلومه
بالنسبه لزواج الرسول من يهوديه
بس فعلا المسلمين رغم عداء اليهود
كان فيه تعامل مالي معاهم
هالشيء ماكان محرم
بس المشكله الناس الحين
ينظرون لليهود كل اليهود على انهم صهاينه
وحتى الصهاينه
ملوكنا تكلموا معاهم وتعاهدوا وياهم
واهل الكضيه بنفسهم تحاوروا معاهم
والحين خابين الدنيا على مصافحة
لا تودي ولا تييب
:\\

_---------------------------_


متفائل

مشكوووووووووور على التصحيح
وعليه افضل الصلاة والسلام


_------------------------------_



زوووووووووز

ميرسييييييييي
اوي اوي

والله تعبتي نفسج حبيبتي
بس مشكوووووره ترى انا ما تابعت الموضوع
والحين جني انا بقلب عليه بعد
هاو شفيه استخبل مسكين

الصرااااااااحة

بعد قراءة مداخلتج واللنكات


اثبتلي طنطاوي
شيء واااااااااااااحد


انه فعلا مصري
بحء و حئيئي
:\\

vancouver said...

الاخ
مسلم للابد


نعم بيريز يمثل الكيان الصهيوني

ولكن لنفكر بعقل

انت عندما تحضر بنفسك لمؤتمر تنوي فيه
كسب تاييد الناس لارائك
ولفت الاخرين لحقوقك
ومحاوره الاخر والتوصل معه
لنقاط التقاء

هل تبدأ كل السير نحو اهدافك
باهااااااانه الطرف الاخر وعدم مصافحته
وتطنييييييييشه اما الناس والاعلام

اذا كنت بهذه العقليه السطحيه
عدم حضورك ومقاطعتك للمؤتمر
اشرف

اما ان تتحاور كبشر وتتعامل كبشر وتعبر عن راييك بالكلام
والتصريحات وليس قله الذوق والهمجيه
او لا تتحاور واجلس في بيتك
بالنهايه انت من تحتاج لهذه الفرصة وليس عدوك
لان عدوك مسيطر اصلا على كل القنوات الخارجيه


ومصافحة شيخ الازهر ليست بعار
العار هو قتل الابرياء
وهدم الديار
وزج لبنان في حرب لم تتطلع اليها
ولم ترغب بها
بطريقة دنيئة وهي اختطاف رهائن
هم اعتبار ان ما حصل
هو
انتصاااااااااااااار
الانسان الخائن
هو من يعرض بلده وابناء شعبه للخطر
مقابل جنديين اسرائيليين لا يساوون جزمه

!!!!!!!!




الحسن حفيد رسول الله
عليهما الصلاة والسلام
تنازل عن الخلافة وهوه احق بها
حقنا لدماء المسلمين ودرءا للفتن

وغيره
يعرض الاف للقتل والتشريد
وبلد كامل للدماااااااار
من اجل اعلان العداء والكراهيه
ويسمي ذلك نصراااااا

!

JooJ o MaJooJ said...

لوعوا جبوودنا
محد رادنا لي ورا إلا هالاشكال
استغفر الله
الله يعيننا عليهم ويعينج على حنّه ال بي بي سي
....امجربتها
اتنرفزززززززز


Majooooooooooooooooooooj

vancouver said...

جوووووج

لووووووووووول
اذا مجربتها
عيل فاهمتني
عدل
:S

الإعلامي أحمد الحيدر said...

شيخ الأزهر بالنهاية يمثل جهة رسمية مصرية .. ومصر كدولة ما بينها وبين إسرائيل كدولة إلا كل محبة وخير وتعاون لحماية المصالح ..

ففيم العجب ؟ الله أعلم !

حسافتج يا كويت said...

فانكوفر

انا يايج ومبرطم عليج بس ما اقجر ما ازور مدونتج



عموما
احنا العرب ماكو فايدة فينا ولا لو شنو لو شيصير ماكو فايدة

وفي النهاية احب اسمع في قناة البي بي سي العربة اغنية

مصاطيييييييييييل يا قلب العنى

مهابيييييل وش ذنبي انا


وشكرا

حسافتج يا كويت said...

اي اي لحظة لحظة نسيت


الرسول علية الصلاة والسلام

مات ودرعة مرهون عند يهودي؟؟


يعني شلون باللة الرسول اول ما قرر يروح حق اليهودي ويرهن درعة دش علية وماسلم؟؟


معقولة قالة هاك الدرع من غير لا يصافحة؟؟؟



وبعديين الرسول ماسوى هالشي عبث
المسلمين وايد كان فيهم من يسد ويقدر يدفع للرسول ثمن الرهان

بس فيها حكمة يا عرب


بس وين اللي يفهم




-----------------



ملاحظة كل هذا وانا مبرطم عليج عيل لو مو امبرطم وزعلان جان شكتبت؟؟

JooJ o MaJooJ said...

vancouver...
ana MaJoooooJ..
jooj msafra bs enshala rada elyom.. :)
adree dodahnakom bsameeena bs ma
3leeh enshalla beta3awedoon :*

ميرامار said...

البت دي كلها حكم

TReSTeN said...

اولا السلام عليكم واشلوونج وشخبااارج

ادري حدي قدييم

بس ظرووف

عموما بالنسبة حق الموضووع

انا اعتقد الخطأ مو بالسلام الخطأ بالتبريير ان ماعرفه

عموما انا اتوقع لو كان رده ان شيخ الاازهر يمثل الاسلام وسماحته وسلم من باااب

بياان سماحة الاسلاام

جاان كل شي صاار طبيعي ومحد لامه

بس تبرييره كونه ماعرف برييس اهني المشكلة

وسلميلي على زوجج لاني انا مانفك من سماع هالمحطة

تضعك في قلب الاحداث

ههههههههههههه

vancouver said...

الإعلامي احمد الحيدر

صح وهذي اضافة قيمه للموضوع
توجد معاهدة بين مصر واسرائيل
ومعترفين بقيام دولتهم
!!
حاله حال ابناء القضية انفسهم اللي اعترفوا باسرائيل
كدوله
!

بس شيخ الازهر مرجعيه دينيه وليس سياسية
ومن هالمنطلق معاتبين الرجل على المصافحة


_---------------------------------_


حسااااااااااااااااااااافتك يا كويت

وييييييييييه
اشهالبرطم اللي مادة
ولا وجنه عيونك مغورقة دموع بعد

حقك علي يا خوي
وشرهتك على عيني وراسي
بس اقولك الصج عاد
والله والله كل بوستاتك اللي قبل ترى
قريتهم بحزتهم
بس ما علقت
عاد لا تسالني ليش
ما ادري
?
بس من يوم ورايح ان شاءالله
راح اترك بصمتي في كل بوست
:))


ههههههههه

حرام علييييييك خربت
اغنية مداح
ههههه

---

فعلا حياة الرسول وايد فيها عبر
اكبر من فهم الكثيرين


احنا مودعين الحكمه من زماااااااااااااااااااااان
:(

---

لوووووووووووووووووول
اهم شيء انك مبرطططططططم
بس خلاص خلاص طاح الحطب
ان شاءالله
وبطرشلك ماك رويال
على مدونتك
بس اذا قصيت فيها
لا سمح الله مالي شغل
ترى مالك الا الرويال
:p

vancouver said...

ماجوووووووووووووووج


امبيه انا ااااااسفة
والله حدي اسفة
حقج علي
بس والله سالفتكم
مثل بيض الخعفق
وفرررررررررررررخ الخعنفق
الحين اذا ييتوا حق بيض الخعفق
غير عن فرخ الخعنفق

احس خعفقتووووني وقعدتوا
لوووووول

حقج علي فعلا ما انتبهت للتوقيع

الله يرد جوج بالسلامة
ماراح اتعود
الا اذا سميتج بيض الخعفق
وجوج فرخ الخعنفق
هاهاهاهاها


_------------------------------_


ميرامار

ماننحرمش يالدلعدي
ده انتي اللي اموره
وسكره


_----------------------------------_


ترستتتتتتتتتتتتتتتتتتتتتن

انتي وييييييييييييييييييييييينك
??

وعليكم السلام والرحمه
حيالله القاااطع

الله يعينك على الظروف
وتصير اقوى منها ان شاءالله

اي والله انا ترى على بالي انه محبين الشيخ
اهمه اللي مبررين له
اثاريه اهوه اللي قايل انا ماكنت اعرفه
فشل عمره اكثثثثثثر
!


وماقصرت زووووووز
وافتنا بالتفاصيل
:)



ويييييييه زوجي الله يهديه
24 ساعة اخبااار
والمشكله ينغث ويزعل

:(((

om comment kuwait said...

العقلية لازالت محدودة الابعاد على ان المفروض كل مسلم يتعامل مثل ما يتعامل الاجانب لانه اذا الواحد سافر اي مكان يحترمون الشخص و يقدرونه اي كان اصله فالواحد ايشوف الاسلام في ديرة الغير مسلمين مو عند المسلمين
يارب الله ينفخ فيهم و يرجعون مثل الاول اهل الثقافة و العلم و الحضارة و اهم شي الاخلاق العالية