CLICK HERE FOR BLOGGER TEMPLATES AND MYSPACE LAYOUTS »

December 01, 2008

بوست حريمي خااااااالص

وييييييييه عاد ياكثر التماسيح اللي بييون ركضة من ورى هالعنوان

لوووول
لا يبا انذار كاذب.. قصدي بوست حريمي

يعني السوالف اللي باقولها

فقط الحريم يفهمونها اما الرياييل يشوفون

هالسوالف مالقة وما اظن تدور اصلا عندهم

-----



صارلي فتره ليست بالقليله ..تعبانه باللفظ ترى

:P

منبطة جبدي حيييييييل من تصرف معين الا وهوه

بنات تجمعهم الظروف في مكان واحد لفتره ما

يتعرفون على بعض ..ممكن لفتره تقوى العلاقة


بس بعدين كل وحده تكتشف منو ممكن تكون قريبه منها فعلا ومنو اللي

ما تتوالم معاها ..اللي مستغربه منه

لما وحده تحس انه فلانه غريبه الاطوار! وما تعرف السنع

وتخووووووره بالتصرفات والحجي



ليششششششش تغصبين نفسج على الاستمرار بالعلاقة معاها

رغم انج تحشين فيها وشايله بقلبج ومتضايقة حدج

ليييييش ?? منو اللي يجبر احد يخالط ناس ما تعرف الذوق

طبعا لما وصلت فكرتي ياني الرد ..من طقة

انا اسوي باصلي ..انا اسوي الواجب

وفلانه ما تهمني.. بس عشان الواجب

الخ....



سوري يعني بس اي واجب ??

مو الواجب والاولى

اني ياما اطووووف واسااامح وما احط بقلبي

ولا احححححش ولا اقرض بفلانه ولا اظن فيها ظن شين..

وهنيه اوكيه استمر معاها

او ...اقققققققققطع واريح بالي ..ولسسسساني

!!


خاصه انه الواحد عرف مع منو يتعامل يعني اكو ناس

خلاص اشكره تصرفاتهم صارت ماهي سنعة

!

علبونا معلش ..كنا ربع ..كنا رفيجات

صداقتنا انفرضت علينا بوقت معين,,الخ الخ

اقوم اييب الغثا حق عمري
?

انا اللي مؤمنه فيه وبشده انه اذا بعمل باصلي

ما اييب طاري فلانه بالشينه واصصصصصصد عنها

عشان ما تغثني واضطر اتكلم فيهاعدل? والا انا غلطانه


ما ادري وايد حوالي يحسسوني انه هالشي غلط
علما باني اشوف الحش الللعن ستاالاف مره من اني

اوصل وحده ما تصيرلي يعني لا فيها صله رحم ولا شيء



شكو اجبر عمري على صداقة مافيه ريحة الصداقة


لدرجه قام الحش يصير عبر الاثير :O

من دوله.. لي دوله لييييييييييييييييش

???????????????


شفايده الصلاة والصيام والاتزااام

وانا اقول هالشيء ما اعتبر نفسي ملتزمه للاسف

فكنت اشوف غيري احسن مني بوايد



اقول ماشاءالله الصلاة ما تتاخر عشر دقايق عن موعدها

غير الجيام والتروايح والنوافل

اول باول ولو شنو ما يوقفونها

??!!!
كل هذا تقطووووونه ورى ظهوركم

وغصب تتصلون وتحاجون وتستمرون بصداقة مع فلانه من الناس

علبونا قاعدين نسوي خيييييييييييييييييير وشيء زييييييين

!!




امبيه ترى انا ماني قادره افهم

ايهو الاحسن بالله عليكم

ابتعد خييييييييييير شر عن انسانه كانت في يوم من الايام

ضمن دائره الصدييقات بعد ما اكتشفت انها مو كفو



والا استمر واتصل واسال عن اخبارها واسوي الواجب معاها

بكل مناسبه بس قلبي شااايل وانتهز اي وكل فرصة عشان

اقرض فيها وبعدم سنعها ???
فهموني ترى حييييييييييل منبطه جبدي

وقاعدين يحسسنوني بتصرفاتهم اني ما اسوي باصلي

ولا اعرف اوجب

???????

-------------



ودي اعرف جم تمساح وصل لي اخر البوست

??

لوووول


63 comments:

vancouver said...

على فكره انا اقصد اقطع
يعني اقطع من قللللللب

بمعني لا اتصال ولا كلام ولا سؤال

اللهم لما نتشاوف بمكان اسلم
فقط لااااغيييير

وهذا اللي مخلي الباجي
يحسسوني اني اوفر
بالقطاعة
يا ربي مو انتو حتى
من ورى السلام بس
تحشووون
!
فايهو الاحسن
??


لا احد يجاملني
!!!

Kuwait said...

الصج الصجججججججج الصجججججججججج
بدون ما أجاملج بس انا مثلج ..
الي أكتشف انها ما تستاهل الصداقه من امه أسحب عليها الااذا شفتها فيس 2 فيس أسلم عليها .. :D
وهالموقف صار معاي مع وحده بالدوام شحليلي معاها فجأه بيوم وليله البنت اقلبت عسى ماشر يالطيبه ..
جان تصعقني أنا أحب أنوع رفيجاتي وأبدلهم بين فتره وفتره :\
اصدمتني إطلعت مزاجيه وفعلا لاحظتها كل رفيجاتها ما يتمون شهرين الا حاربتهم وغيرتهم :\
عاد لقيتينيييييييي انا الي أدق وأسأل على وحده مزاجيه :)
أحلى طاااااااااااااااااااف وبلا هم وبلا عوار راس ..
والدنيا حلوه وفيها ناس حلوين مثلج خلج على الحلوين يا عسل :*

البحث عن أنا شىء جنونى said...

اسف انى هكتب خارج نص الموضوع

يله ضيف / ضيفى مدونتك حسب القسم بتاعك وخلى العالم يتعرف عليك

وادى لغيرك فرصة يقرا خطوط قلمك

خلى البحث عنك اسهل

اتبع اللينك ده

مدونه كل العرب

http://arabwriters.blogspot.com/

Um il sa3af wil leef said...

حلو الواحد يعرف الناس من قريب .. والذكي هو اللي ما يسوي مشاكل مع الناس اللي يختلف معاهم ... هذا مو نفاق ولا مجاملات هذا ذكاء إجتماعي يعني الواحد يكون زين مع الكل ويقسم الناس درجات في قلبه وعقله وكل واحد يعطيه على قده.كلنا ندري إن الدنيا قصيره وما تسوى الزعل ..وأحلا شي لما تقدرين تحطين عينج بعين شخص بس هو ينزل رأسه ..ولما تحطين رأسج على المخده وإنتي مرتاحه ..بس أكيد بينه وبين نفسه يدري إنه غلطان ..وأسى أنواع العقاب تأنيب الضمير ..تحياتي هونيها وتهون

ولد الديرة said...

اول شيء انا كروكودايل مو اليغيتر

تفرق معاي

شوفي حضرتك

من قال لج اصلاً ان هذي السالفة عند الحريم؟

انا اعرف بني آدم ودي اكفخه راشدي كل مرة اشوفه والسبب انه يمشي مع الأوادم كلها

كلها

يعني السنعة

المتردية

النطيحة

ما اكل السبع والتمساح

كل ابوهم وكل امهم

شخصياً ما اعرف اماشي الا اللي انا مرتاح لهم

لو كان من كان

اللي مو مرتاح له ما يشوف شر ارض الله واسعة

تهقين التماسيح يدرون ان آخرة بعضهم جناط؟
!!

THE BOSS said...

هذا واحد من التماسيح راز ويه بيعلق
بس تمساح عود ما عنده حتى سنون

انا برأيي المتواضع ابعد عن الشر و غنيلوه

بس اذا تحسين انه يمكن انج تعدلينا ليش ما تحاولين ولج الاجر
فالحياة تجارب
ولا تسأل عن المرء با اسأل عن قرينه

وعطني ولعه

mtfa2el said...

الظاهر موضوعج يستهوي التماسيح زي حضرتي اكثر من البنات
:p
لووول
لا شوفي صراحة انا من الناس اللي اسكر الجام بسرعة .. يعني اللي احس انه ردي و يتكلم علي من وراي او انه يرافجني بس عشان يتحملني جان بالجزمة على دماغه
اللي يبي يرافجني ياخذني كلي بمساوئي و محاسني و سلبيياتي و ايجابياتي
اللي تقولين عنها هالنوعية ابددد جان قاطعهم من زمان

Mamloo7a Q8ia said...

لا منتي غلطانه اللي مو كفو الصداقه تركها وترك طاريها وايد احسن
ما اصد لي شفتها واسلم عليها عادي
بس اي شي ثاني لا والف لا

وشلنا بعوار الراس
لا هي صلة رحم ولا ربي بيسألني عنها
اعور قلبي ليش؟؟؟

اللي مافيه خير تركه اخير
قالوها اللي قبلنا وما قالوها عبث

وهذا رايي بدون مجامله

حسافتج يا كويت said...

لاكوست وصل

Enter-Q8 said...

ما بغيت ادش بس بغيت اسلم
تماسيح اوكي اوكي

صبا said...

للأسف يا فانكوفر

هذا نوع من انواع المرض الاجتماعي
..بمنتهي قلة الذوق والادب,اعطيها ظهري تنهش وتقرض فيني ..انزين ليش اذا مو حابتني ومنغثه مني ليش مجابلتني ؟؟؟

في ناس تركيبتهم جذيه يحبون النميمه
والحجي الي لا يودي ولا اييب

فا احسن ان الوحده فينا تقطع وتبتعد عن هالبشر ,لانه التواصل معاهم يضر وما ينفع


ليش عوار الراس يا وخيتي

طاااااااااف

من قلب

اذا شفتيهم بالمناسبات سلام وانتهي الموضوع ..اما ادق واتصل واقوي العلاقه لا هالحجي مأخوذ خيره
ما منهم فايده

بالعكس هالنوعيه طاقه سلبيه
سهل انه ينقلون لج طاقتهم ,ويغثونج علي ولا شي ,,وبالتالي محد يتعب وقلبه يعور الا انت

الحمد لله انا من زمان ما ادري عن هالاشكال فاكه عمري منهم

واذا شفتهم سلام فقط
طلعات واتصالات وسوالف لا ينسون

اصلا والله ترتاحين تحسين هم وانزاح


وسوي الي ريحج
اذا اهمه بهالمستوي


واتوقع كل الشباب الي بالبلوق قرو الموضوع قبلنا احنا البنات

:)))

يا زينهم ميخالف حتي اهمه يعانون
مثلنا ,,خبرج الرياييل صارو العن من الحريم

امبي

الحين انطق ,,,خل اروح

وصباحج عسل يا رب
:)

Sweet Revenge said...

واي يا حلاتج يا فانكوفر تبردين القلب والله اليوم
نفس الموضوع اتكلم فيه
ليش اجبر نفسي علي ناس
لا اسلوب ولاتعامل لا وتبيلج المضره بعد
وقاضبين علينا عيب ومايصير يبا ماابيها
خلاص طــــــــــــاب خاطري منها
نفسي لها حق علي
وانا معاج قلبا وقالبا
ويا حلو سوالف الحريم ;)

دلة said...

صباح الخير والخيرات

شوفي انا باتكلم عن نفسي
فانكوفر ابوي دايما يقول لنا لاتعادون احد
ولا تخلون احد ياخذ بخاطره منكم لان الحياة قصيرة
وماااااااااكو شي يسوى

والحمدلله كلنا انا مع اخواني هذي طبايعنا
وهالطبع ابدا ابدا مو شين وفيه كل الخير
((خبرة ثلاثين سنة هههههههه))

انا لما عشت بره شفت نماااااااااااااااين بققت عيوني منها هههههههه
اللي تدرعم شقتي وانا ماصارلي يومين اعرفها
واللي تسطر جبال تسريحتي وتبري قلم كحلها على الارض وانا ماشوفها الا مرة بالاسبوع
واللي تاكل اكلي وانا اطالعها ويوعانة
كلللللللللللللل هذا من باب الميانة واحنا مو بالكويت وخفيفين
هههههههههههههههههههههههه نماين اقول لج

بس تدرين؟ ترى على نياتهم ومايدرون انهم مؤذيين. القلوب صافية بغض النظر عن قل سنعهم وهذا اهمممممممم شيييييييي
الحمدلله الف الحمدلله ياربي

لقيت احسن حل ابتعد شوي عنهم
بس بالوقت نفسه ما احسسهم اني متضايقة منهم
ولا اقطع - يعني ابارك بالاعياد .. بعد كلهم كلمتين حلوين لدقيقة على التلفون
مايستاهلون نعاديهم واعليه

الحقودين انا هذيله اللي اشوفهم مصايب اللهم ياكافي!!! والحمدالله انهم قليلين بهالدنيا

انا نسيت اشكنت باقول ياربي ناقصتني قهوة الصبح
ههههههه
بس بالاخير ارض الله واسعة
وكل له دربه والدنيا فانية ماتسوى الحش والنميمة
((تبين الصج؟ مايقرض ويحش الا اللي عقله هالنتفة))

انا اقول خلج على ما انتي عليه
وان كانت قطاعتج لهم ماتسبب زعل وحزازات
مالج شغل باحد
وخلج سالمة

Fashionista said...

i'm with you all the way

اللي ما يعجبني يطلع من حياتي

simple as that


وين صور الثلج؟

Corpse Bride said...

صباح الخير..

انا اتفق مع صبا مع تعليق صغير..

تقطعين بدبلوماسيه..

وبنفس الوقت.. تقطعين الدرب على الي يحشون..

ما عاجبتج البنت وما تقدرين اتعايشين معاها.. شي طبيعي..بس مو تاكلين لحمها حي..

ومن الاخير الي حجى لك يحجي فيك.. مثل ما يقرضون بفلانه جدامج .. باجر ينقرض فيج جدام فلانه.. هذا المرض الي على اصوله..

ويعطيج العافيه على فشه الخلق هذي :)

elq87obi said...

سهالات ما يشوفون شر إن شاء الله

خلي ردج دايما يكون مو مهم

الصديق الحقيقي اللي يظل معاج بكل لحظة بكل وقت لما تحتاجينه و الا ما تحتاجينه تلقينه يمج
و هالصديق صعب ينلقى بوقتنا الحالي يعني دايما وجود هالصديق يكون مستحيل

شنو يعني وحدة تحب تبدل رفيجتها ؟ ليش ؟
سيارة ؟
تلفون ؟
بدلة ؟

و الله انتوا يالبنات عليكم سوالف أول مرة أسمع فيها :)

joy said...

انا ككنت اجامل واستمر بالعلاقة
بس اكتشفت انه محد متضرر ومتازم غيري


فخذيت الدنيا طاف وطز



ولاقمت افكر مرتين بالموضوع
مادري شنو المثل بس يدتي كلله تقوول بما معناه اللي مايعدك خسارة لاتعده ربح
وانتهى وصدقيني اللي معدنه اصيل وسنع وزينن ايبين اصله

تحياتي

om comment kuwait said...

المشكلة يا فانكوفر انها هذي مشكلتنا مافي صراحة و ضوح في علاقاتنا اب بعض سواء كانت زمالة او حتى صداقة الوحدة يا اتقزرها فيج او انها اتمصلح لهدف معين (حدي مقروصة من هالسوالف
----------------------------
اما بالنسبة لي انا واضحة و صريحة و اللي اب قلبي على لساني حبيت الشخص حبيته ما حبيتاه ما اغصب روحي علشان اسلم او اسوي روحي فاقدته و اعتقد انه احنا نتفق اب هالاسلوب
-----------------------------
اما بالنسبة للحش و ما ادراك ما الحش صراحة في ناس تستاهل الحش بس انا مو ماخذتها هواية ادور سوالف خلق الله و اتشمت فيهم بس اللي ايخليني احش اذا كانت التصرفات خارج مفهومنا و عاداتانا و تقاليدنا في هالحالة صج افقد اعصابي
-------------------------------
و لدي دائما تعليق :)

JooJ o MaJooJ said...

خوووش موضوع...أنا بالنسبة لي إذا مارتحت حق و حدة او كانت رفيجتي ما أكمل معاها ماقدر أجامل و أنافق يمكن أحش فيها أيي او مع الأسف انحش وايد ونقص على أنفسنا إنا هذا نقد :/
بس انا وحدة ماقدر أعيش وتقصب صديقة دعلة مليقة افج عنها احسنلي او بس أوقف حش ماني ناقصة ذنوب
او الحمدالله انا واااايد خافة حش عن قبل لأن سج اثاااام كبيرة وحنا مانحس فيها
سوري طولت عليج
جووج

حسافتج يا كويت said...

ألحين إحنا صرنا تماسيح؟؟


شفيكم على الريايل هااا؟


يصير خير


انا قاعد اسمع طبول الحرب تقرع منج ومن نانو ولكن انا لكم بالمرصاد

انا اقول انسحبي مثل ما انسحبت بنت الشامية

وإلا......!! ترى لحم التماسيح عرد

charisma said...

ايييييييييييه ايييه يا فانكووفر
استغفر الله الواحد ما يدرى شسوى بعمره
اليوم انا فاتحه نفس الموضوع محسووبه على صديقه وانا مو حاسه بهالشى بس مجبوووره اهى من ضمن الشله الكلوز واشوفها باستمرار مع انى احس وتحس ان ما نتوالم ما نكره بعض لالا بس مو طابقيين
فنفس حالتج ودى اوخر ومو قارده
://


المراد

الحين انتى سوى الى يريحج دام مو مرتاحه وخرى عنها وخلصنا ما عليج من احد اهم شى لا يصير نفاق خصوصا بالصداقات لا تجبرين فنسج على احد ما تبينا ولا ترتاحين معاه

تصبحين على خير حبيبتى
:**

بس said...

شوفي يا اوخيتي

:)

مسيك بالخير و الكرامة


المثل يقول

اللي مايعدك راس مال لا تهده فايده

يعني قطعي و انتي تضحكين

:)

Cr8ivia said...

اصلها يقولها تدق عليها و تواصلها و لي سدت السماعه قطعت ينبها حش ؟

لا بالله خوش اصل !!
و النعم باصلج :/

اللي ما فيه خير تركه ترا اخير

الزين said...

اللي ما يعجبج

سحبي عليه

ولا تحسين بتأنيب الضمير

واللي تشوفينها تقرض بالناس نبهيها

هذا واجبج كمسلمة

واذا استمرت وخري عنها

اللي تحش بغيرج باجر بتحش فيج

Purplecious said...

أنا رديـــــــــــت لعيونج أنا رديــــــــت
و لج حنيـــــــــت مثل ما يحن حمام البيــــــــــت

:********

يا حبيبة قلبي يا فانكوفر أنتي ما تحتاجين رأينا يا أم السنع أكيــــــــد اللي قاعده تسوينه انتي هو الصح

لا يضيق خلقج و لا تنبط جبدج بتااااااااتا البتة

لأن هاللي قاعدين يسونه اللي حوالينج يسمونه باختصار

نـــــــــفـــــــــــــاق

!!!!!!

و العياذ بالله

يظهرون أمام الناس ما لا يبطنون

أي أصل و أي واجب هذا!!!! بشيــــــــــه بشيــــــــه

خليج متمسكه باللي انتي مؤمنه فيه و لا انتي غلطانه و لا شي

بالعكس الغلط راكب هالمنافقين من راسهم لي كرياسهم (على فكره ما هو الكرياس؟؟) ههههههههههه هل هو ولد عم البنكرياس مثلا!؟؟

أملــــــــــق
!!

;p

المهم

للأسف ان الناس حسبالها الدين مجرد عبادات يؤديها الانسان تجاه ربه ناسين أهم شي و هو الأخـــــــــــــــــــلاق

ما يدرون ان هاللي يحشون و يقرضون فيهم راح ياخذون من حسناتهم
لا حول و لا قوة الا بالله


و الحين اللي يتحجى منهم سكتيــــــه و رديه عليه انه اللي قاعد يسويه اسمه نفاق مو سنع

و أنا انصحج بعد تبتعدين عنهم هذولا المنافقين شتبين فيهم؟؟

خل يولوووووووووون زييييييييين
هههههههههههههه

:****

Live_er said...

قريت و انا تمساح ملقوف
شعندج ؟؟؟
;p

موضوع حلو وايد و صدقيني ترا مو مقتصر على الحريم بس .. هم بعد الشباب(التماسيح على قولتج) يتوههقون في صداقات مالها داعي و سألي مجرب :Sاففففففففففف

اجار الدين كشمش said...

طق طق طققق

نعم نعم

هلا هلا منو

انا اجار ..الله بالخير فانكووفر

ول ول ول انا قلت تأخر
اجار .. الحين ما قرييت ان البوست حريمي خالص اشحقه ياااي
تموووت عل سوالف الحريم
انتي دخلييني والله اقعد سسسسسسسااااكت

لا لا لا وعيييونك اتلاقط على الحريم
والله ذاك اول ...الحين بروح الحج بس السنه اليايه
موو السنه
يالله اجارووو اقضب الباب والا الا

لا لا بس بس

انزين نادي امي ..داق علي تقول تعال اخذني نص اللي قاعدين محاربيني يقولون
بسسس قاعده واتخطب حق ولدهاااا
وبعدين كل حجي ثقافي نحوي وجنهم يتحجوون بالششيوخ حجي يديد..ما عرفله
لاهم مشغليين اغاني ولا هم امأركلين

يممااه عيب ..جنج انتي مالت اركيله ..قدوو ويخب عليج
يالله طلعي انا عند الباب
فمالله

vancouver said...

قبل ما ارد عليكم
حبيت اشكركم من كل قلبي
ترى كنت اعتقد اللي بيزفوني اكثر من اللي مايديني
ما ادري ليش
بس اشوه حسستوني اني ماني شريه
وايد
كان على بالي صج اني مسويه شيء غلط
بس ردودكم ريحتني

مشكوووووووووووووورين كلكم
:**

_--------------------------------_


كويييييييت

الحمدلله والشكر هذي صاحيه
لابالله مينونه
شنو تبدل الرفيجات هاو هاو هدوم والا جناط
بعد قلبي مشكوره كويت على المؤازره والتشجيع لوووول
ريحتيني

_---------------------------------_

البحث عن انا

شكرا

_------------------------------_



ام السعف والليف

اوكي انا اللي فهمته من كلامج انه الواحد يصير اجتماعي
ويحب الناس
بس هم فهمت اه لما اقسم الناس درجات اظل على اتصال مع الجميع وهذا مو نفاق
اوكيه انا معاج واحب اكون اجتماعيه
بس لما تصادفين ناس تجذب وتلف وتدور وطبايعهم مافيها سنع كلش
ويسوون دقات فيج اشكره
ليش اظل على علاقة معاهم
انا موو زعلانه ولا اكرههم بس استمراري يخليني غصب اتحجى فيهم
مو الاحسن اقطع عنهم
وفي ناس ياحبيبتي والله ماااااايحسون بالعيب ولا يتغيرون ولا يعترفون بانهم غلط
انا ما يهمني اغيرهم بس ابي افج عنهم
والا شرايج
???

_----------------------------------_


ولد الديره

ايييييييييييي
انته اللي فاهمني بهالنقطه
ليش اماشي كل الاوادم
??
مو ضروري
ابدا
اللي يستاهل احطه على راسي
واللي مو كفو
طاااااااااااااااااااااااف

هذا قصدي

بعدين انا ودي ودي اعرف شالفرق بين التمساح والاليغيتر
ترى من صجي
لوووول

يا تمساااااااااح
لووول

_----------------------------_





ذا بوس

ياختي على اللي رازين ويوهم
حياهم الله
انا بس كان على بالي انه موضوعي ما يهم التماسيح
اثاريكم مثلنا لوووول


لا والله تبي الصراحة
اهيه لو اخلاقها سيئه ترى ممكن احاول اغيرها للاحسن
المشكله اهيه بالسنع والطبايع
لما هالاشياء الواحد ما يتربى عليها
مستحيييييييييييل يتغير لانه ما يحس انه اللي يسويه غلط
وعيييييب وفوق هذا جذب ومزاجيه
اشحقة
يبا اريح بالي ابررررك
من غير ولعاااااات قلنا

_---------------------------------_


متفائل
لووووووووووووول

اي والله ما هقيت انه اول الردود من التماسيييييح
اثاريكم مثلنا وانا على بالي هالسوالف مليييقة عندكم
هههههه

اي والله زين تسوي
مو عيب الواحد ينقي من يرافج ويماشي
العيب اني اجاملهم وبعدين احش فيهم
يبا اكو ناس البعد عنهم غنييييييييمه

vancouver said...

مملوحه

هلا بالشيخة
:)

اشوووووه
انا اسلم اوكيه
بس غير جذيه خلاص
عافك الخاطر من قلب
!
ايه والله مو بس مافي خير
الا وراه بلاوي ودقااااااااات
:\
مشكووووووره مملوحة
حبيبتي

_-------------------------------_


حسافتج يا كويت

لووووووووووووووووووووووووووووووووووول

ياحلو التماسيح الانيقة
هههههههه

يعني هم تطمشت وانا قايله للحريم فقققط
لووووول


_-----------------------------------_


حاكي عقلي

لووووووول خلاص يبا مو تماسيييح

لاكووووووووست على قوله حسافتج

الله يسلمك يا خوي
:)

_-------------------------------_



صبا

لا بس بعدلج شغله
ترى انا اللي منغثة منها
لانها تسوي دقات وتنقل حجي
اهيا عادي ما عندها مشكله تجابلنا
انا اللي عاااااااافك الخاطر
وقطعت
اي والله لييييش عوار الراس
المشكله كنت حاسه اني شرانيه
لاني لا قمت اتصل ولا اسال
بس ردودكم ريحتني

اي والله صاااااااجة

طاقة سلبيه يبتيها يييييييب
يا صبا

فعلا عقب كل مره اشوفها
يضييييق خلقي
لوووول
لانها ما تعرف السنع
وتسوي حركات تبط الجبد
حيل مو شويه
وفوق هذا دقات
اشتبين بعد
اي اي وغريبه الاطوار
اليوم تحبج
باجر تروح تقول حق فلانه انها زعلانه منج
من غير سبب
!!

ناس معقده صج
لووووول

اي اي الشباب سرا عند الباب ومدازز
بيشوفون شنو هالبوست الحريمي
لووووول
صبااااااحج ورد يا ورررررده

:**

The Simper said...

3ad why timaseee7?? leesh leesh?!
but i think ako timasee7 aleeefa.. sa7? ;)


as for the main issue, i go with the simple creed of:

whom ever is of no bad-effect to me, is a friend indeed!

i always take it this way, i look for friends for the simple reason to support me and make me forget the not-so-good aspects of life. so, if someone does bring more bad to me, then skip action has to come.

may God bless all!

Eng_Q8 said...

ما قريت البوست :)


عيدج مبارك وعساج من عواده

أتيت متاخرة said...

vancouver يا غالية
أنتي صح
أنتي صح
ولا تشكين بعمرج وتشككينا
هذا العدل

بنت الشاميه said...

اول شيئ تقبل الله طاعتج وعيدج مبارك انت وعائلتج الصغيره

شوفى فانكوفر.....انا من زمااان مريحة روحي...الواحد قاعد يكبر ما يصغر
وضغوط الحياة كل ما لها تزيد علينا
وبعد هم الناس ومغثتهم وصحبتهم اللى تقمت القلب
الحين انا ما اصادق ناس يدد موليه....خل اتمتع بربعى القدامي
اللى اصلا ما عندى لهم وقت ....افضى نفسي غصب علشان نتشاوف ونتيمع
هالمره تنفرض على صداقات ما استحملها
لا يطوف ...يطوف ويالثلث بعد
سوى الواجب باضيق الحدود وبس
واللى تقدرين تقطعينه قطعيه وجنه العيد ولا تستحين
شتسون بالعيد...؟؟؟؟
الله يكون فى عونكم وياجركم

charisma said...

حبيييبتى
عييدج مبااارك ومن عواده
كل عام وانت بخير وصحه وسلامه
:*****

ZooZ ZaibG said...

والله ماني قادرة
لووووووووووووووول
الله يهداك يا حسافتج
موتني ضحك نسيت شنو بكتب

بس انا معاج قلبا وقالبا
اللي يغثني فمان الكريم
يواصلون اهم ميخالف
انا اواصل اي خير انشاالله
لاني اللي احبهم يالله الاقيلهم وقت
اقوم اروح حق ناس يستوجبون الحش
وانا ما احبه خير شر
فالقطاعه بهالحالة اوجب وانا اخيتج




سويت فانكوفر انتي وغاليج

عيدكم مبارك

كل عام وانتوا بألف خير

وعساكم من عواده

:")

LonDonY said...

--
مشاركة تمساح
--


فانكوفر


المتنبي مرة قال:
ومن نكد الدنيا على الحر أن يرى"
"عدوَّا له.. ما من صداقته بد

-بس غيري كلمة عدو الى.. إعلـل-
فيعني حتى المتنبي مبتلش مع هالاشكال


نوعهم نوع اللي يهتم
بالمظهر اكثر من الجوهر
من بره هالله هالله ومن داخل
يعلم الله

بالله اللي جذيه شاستفادة من قيامها
وركوعها وهي فنانة بالحش والقراض؟

الرسول صلى الله عليه وسلم
يقوول: "رب قائم حظه من
قيامه التعب، ورب صائم
حظه من صيامه الجوع والعطش"

عموما، انتي بس تذكري هاللي
يستاهل.. وطولي بالج كرماله
-زوجج طبعا-
ولأجــل عـيـن، تكرم.. ألـــففف

LonDonY said...

وعيدكم مبارررك .. الله يعودكم
عليه مع الاهل والحبايب بصحة وعافيه
:)

كبرياء وردة said...

فانكوفر
أسرتني مدونتج
ظليت أقرأ ساعة كاملة ولا حسيت بالوقت
يا زينج ويا زين سوالفج
انا معاج في أن القطيعة بهالحالة أحسن، نريح قلبنا ولساننا من الحنة وبنفس الوقت ما نجامل على حساب نفسنا
كل عام وانتي بألف خير

فراوله said...

مساالورد والجوري
غاليتي الحبيبه
عيدج مبارك وعساج من العايدين والفايزين
وعلي جبل عرفاات السنه اليايه من الواقفين
قولي آمين
:***

شـقـــــران said...

العزيزة فانكوفر

عيدك مبارك
وكل عام وإنتي والأهل بألف خير

---------

شوفي أنا صرت تمساح محترم وما قريت إلآ الفقرة الأولى
:)



مع وافر الأماني الطيبة

Sweet Revenge said...

كل عام وانت بخير يا عسل ;)

Aldenya said...

اول شي

ولهت عليج

وثاني شي
شخبارج :>
ان شاءالله مرتاحة واشلون الغربة
توني أجرب طعمها
وللأسف لقيته مر وعلقم
بس يقولون مصيرنا نتعود
صح


وثالث شي
نخش بالموضوع دوقري
الحش للأسف صارت صفة ملازمة لاغلب البنات
يعني التجمعات ماتحلى الا ان يابوا طاري فلانة وعلنتانة
ومافي شي يعور القلب
ان كانت صديقتج او اللى عادتها صديقتج هي من يحش فيج
ويقرض فيج

عن نفسي
اشوف واسمع
وحاطه قاعده
اللى يحش ويقرض بالناس
اكيد بييله يوم ويقرض فيني

فما اعطيه مجال انه يحش
علاقة سطحية
سلام واخبار حلوة
والسلام عليكم
لانهم باختصار
مو كفو

:>
ولا تضيقين بالج يالغالية
عطيهم طاف
سلام ويخب عليهم

بس said...

عيدج مبارك

وكل عام و انتي بالف خير

vancouver said...

اسسسسسسسسسسفة مره ثانيه اني تاخرت عليكم

والله لهيت حدي مع العيد

______


سويت ريفنج

اشششششوه انج معاي قلبا وقالبا
اثاري اكو ناس مثلي
ريحتوني
المشكله يا سويت مو بس الاسلوب والتعامل الخايس
المشكله لما يسوون دقة فيج
هني غصب تتحجين وانتي ماودج تطرينهم بالشينه
بس يطلعونج من طورج
واهمه بكل بروووود يسووون الدقات
لوووول

عشان جذيه فعلا طاااااااااااااب خااااااااااااطري

يا حلوج انتي والله

:)


_---------------------------------_



دلة

اول شيء باسئلج متى ان شاءالله بتفتحين مدونتج
عشان نسولف فيها
????
ترى مالج عذر الحين
يالله نبي نشوف بلوغج منووووور بيننا
:))

صباح الخيرات والنيييرات

صاج ابوج
الدنيا ما تسوى
بس هم الدنيا ما تسوى اغث عمري
على ناس معرفتهم زي قلتهم
بالعكس
معرفتهم تسبب مشاكل وحش ونميمه وزعل

ايييييييييييييييي والله
انا بعد هالنماين ما شفتها الا بالغربه
شيى ماكنت اتخيل انه موجود
اوادم طبايعها عجيييييييييييبه والله
لوووول
امبيييييه والله تبري القلم على الارررض
لوووول

لا لا مو سالفة اعاديهم يا دلة
بس مثلا مثلا
يسووون دقة فيج جدام العالم علبونه سفاهة وعلى نياتهم
شكو اتحملهم
??
او ينقلون حجي عنج عند الاوادم والاوادم اشكره يقولون
سمعنا حجي بس والله اللي شفناه شيء ثاني
ليييييش
?
او يحقدون عليج لانج مستانسه ومرتاحة
ليييييييش??
والحقد اشكره يبين
ويربطون عصاعص
وسوالف وايده ماتنقال
اهنيه قوليلي بالله معرفتهم شبتفيدني فيييه ??
اصلا حياتي صارت وااايد اريح من غيرهم ومن غير شوفتهم
واهم شيء
ماااااااكو حش
ولا حجي ولا نميمه
الحمدلله
بالمقابل الاصدقاء موجودين
والناس اللي تعرف السنع ينحطون عالراس
والحياة حلللللوه من غير العاهات
لوووووول

حبيبتي دلة
منورتي بتعليقاتج الحلوه
والود ودي افتح كوفي شوب
على عاير البلوغ
عشان تتقهوون وانتوا تعلقون

:)))))

vancouver said...

فاشونيستا

خووووووش مبدا
تعجبيني
ههههه

بالطريج ان شاءالله

:)

_----------------------------_


كوربس برايد

صباح النور
الصراااااااحة ما اقدر اقطع الدرب
على اللي يحشون
لاني انا بعد من عقب الدقات قمت اتحجى معاهم
للاسف
عشان جذيه خذيت قراري وقلت
فلانه تطلع من حياتي احسن بدال ما اجاملها وبعدين احش فيها

صح صح انا معاج اللي يتكلم بالناس جدامج
يتكلم عنج جدام الناس
انا عااارفة هالشيء عشان جذيه وايد حذره ومااحب اييب طاري احد
وكنت ما احب احد يتكلم جدامي
بس المشكله لما انا صارلتي الدقات من القهر تحجييييت
وندمت
ولهالسبب قلت خلاص عافك الخاااااطر

الله يعافيييج

_------------------------------_


الكويت حبي

ايييييييه والله الصداقة الحقيقيه
ترى وااااااايد نادره
بس الحمدلله موجوده عندي
لكن الامر ما يخلى من المعارف
والاصدقاء العاديين
الواحد يحب يلقى الناس الحلوه معاه
وين ما يكون

لوووووووووول لا تعيب علينا وعلى سوالف البنات
اشوه انه جم تمساح اعترف انه هالسوالف موجوده عند الشباب بعد
:))

_------------------------------_



جولي


ايه والله صاجة
هذا المثل وايد احبه
اللي ما يعدك تجاره لا تعده راس مال

احنا اللي ذابحنا بالكويت
المجاااااااااامله
والحشششششش
لووووول

انزين من الاول يبا لا تجاملون وفكونا
ههههه

_-----------------------_


ام كومنت كويت

ايه والله
يبتيها ييييب
المصلحة وما ادراكي ماالمصلحة
عرففففففففت عدل بالغربه انه اللي يتمصلح من وراك
اكثثثثثثر من اللي يرافجك لانه يعتبرك صديق
:\\\\


ايه والله ولا انا احب الحش بس اكو ناس تصرفاتها تطلعج من طووووورج
وبلحظة الغضب تتكلمين
وعقب تتحسفييييين
:((

ياحلوج ويا حلو تعليقاتج
:)

_--------------------------_



جوج وماجوج


لووووووووول صاجة دايما نقول هذا نقد للتصرفات مو حشش
:\ ما ادري شنو الفرق يعني
هههههه

اي والله وانا معاج على هالمبدا
وووايد ارتحت
اللي مافي خير تركه ابرك
:)
حياج الله يا جوج

_------------------------------_


حسافتج
لوووووووووووووول

لا لا انتوا لاكوست
التمساح الانييييييييق
لوووول

لوووووووول
بلاك ما تعرفني يا حسافتج
اذا لحمك عرد
انا لحمي علقم
لوووووووووووووووووووووووول
ومن يوم ورايح بنرفع شعار
لااااااا للرجال
هههههههه
عاد اتصدق كان بيت سبعة اول ما فتح
حاط بالمنيو لحم تمساح
يسويه ستيك
الله يزيد النعمه
:\\\\
يعني هم لحمكم ينووووووكل
هههههه


_--------------------------------_



العزييييييزه كرمووووووزه

شفتي المشكله لما تنجبرين بصداقة دعله
لوووول
اشوه انكم بس ما تتوالمون
بس المصيبه لما تسوي فيج دقة
ولما تربط عصاااااعص
وتحقد
اهنيه المشكله العويصة يا كرموزه
شوفي لا توخرين بس كله حقريييييييييييها
بعد شتسوين
??
وانتي من اهل الخير والسعااااده
:********

_-----------------------------_



بس

مسييييييييك بالنور والسعاااااده
:))

ايه والله وايد احب هالمثل
صج خوش مثل

الحمدلله ماشيه انا على الخطه
ووايد مرتاحة
:))

_-----------------------_




كريتيفيا

لووووووووووووووول
شفتي شلووووووون
??

ايه والله
اتصدقين من ابتعدت وانا مرتاحة
لا حش ولا هم يحزنون

vancouver said...

الزين

لووووووووووول

صاجة والله
وااااااااايد ارتحت من ابتعدت
المشكله اني ما انصح غيري
لاني الاولى انصح نفسي
:\\

عشان جذيه كان احسن حل الابتعاااد

vancouver said...

بربلووووشتي

احبج حب يا روحي يا روحي
ما حبه ابد انساااااااااااااااااان
:********

بعد قلبي
بالعكس كنت محتاجة اسمع رايكم
لاني شكيييت بعمري
حسيت اني بابتعادي عن مصدر الهم والكدر
مسويه غلط وقاطعة
بس اشوه انج الاغلبيه شايفة انه هالقرار
صح

لوووووووووول
حرام عليج اهمه ما ينافقون
بس حاسين انه العشره ما تهون عليهم
وانه البنت صج ما تعرف السنع وتصرفاتها تبط الجبد
بس حاسين انها لازالت صديقة
انا كلللللللش مو حاستها صديقة ولا ابيها تكون صديقة

لوووووووول
بشششششششيه بششششششيه اي والله
ههههه
لووووووول الكرياس والبنكرياس
اخوان بالرضاع على ارجح الاقوال
اممممممممممملقين
لوووول
!!!

لا لا بربل حرام عليج اهمه مو قصدهم
قاعده اقولج حتى انا لما انبطت جبدي تكلمت
وقلت من القهر
بس اهمه متمسكين بهالصداقة الباااايخة
بس حرام ترى خوش ناس احببهم
والله شكلي اذا انياب الطاري
ببط البرمه
بس عالخفيف
وبقولهم انتوا الحين مو منقهرين ومقروصين
شكو تدقدقون وتسئلون
??

لااااااااااااااااا حرام عليج ما ارضى عليهم
الدعله خل تولي
بس اهمه لاااااا ابيهم
:)))

انزين ما قلتي وين قزيتي بالعيد
?????????

ههههههه

_--------------------------------_

ليف_ير

لووووووووووووووووووول
تمساح وبعد ملقووووووووووف
ههههههههه

انزين ولما تتوهقون شاللي يجبركم
تستمرون
?????????

حياك الله

vancouver said...

اجاااااااار الدين كشششمشششش
لوووووووووول


يا حلوك
خف طييييينه والله
لوووول
اثاري الوالده مثلك تدور الاغاني والطقطقة
لووول
عاد دللي وميللي ما نصبت خيمتها مثل السنه اللي طافت
عشان نحركم ونتيمع احنا الحريم فيها
ونخليكم بره مع البدي قاردات تحرمصووووووون
لوووووول

لوووووووووول قدو و اركيله يا يبا مضيعين الطريج انته والوالده
القهوه الشعبيه مو هني يمه
اجاااااااااار
امنيتي تفتح بلوووووووووووغك
والله ودي ودي تكتب مواضيع كاااااامله
عاد حققلي امنيتي
لاتصير عسسر ومليق
لوووووول

تدري الوالده تينن وتدخل القلب
انا بطرشلك معجنات وموالح
اقعد بره بالسياره تسلى فيهم
وخل الوالده عندنا بعد شويه
ما شبعنا منها
ومن سوالفها

لووووووووووول

تبي بعد اطرشلك كيييييك
:p
ههههههه

حشى ولا اقدعها سااايق
لوووول
!!!

vancouver said...

سمبر

هههههه
ليششش تماسييييح
لانكم خشووونه بخشوووونه
لووول
لالا ماكو تماسيح اليفة
الا بالصور
بس
:)

عجبني وايد مفهومك للصداقة
وفعلا كلامك صح
وسكييييييييييييب من قلب
!!
:pp

_------------------------_



مهندسنا

لا احلف
?
شكلك يقوووووووووووووووول
قريته سبعة وعشرين مره
:pP~

ايامك سعيييييده ومشكوووووور على التهنئه يا باش مهندس

_------------------------_


اتيت متأخره

حبيييييييبتي انتي
مشكوره عالمؤازره الحلوه
:))

_-------------------------------_



بنت الشاميه

منا ومنج صالح الاعمال
بعد قلبي ايامج سعيييده وكل من يعز عليج

ايه والله صاااااااجة
عاد انا احب ولازلت احب اتعرف واصادق ناس يديده
والله فيه ناس ذهب وتينن
بس المشكله فعلا انه الواحد ماعنده وقت يوجب كل الاصدقاء
ويستمتع معاهم

لووول
لا يطوف من قلب
هههه
كلامج صصصح والله
اكتشفت اني وااااايد ارتحت لما ما قمت اجامل

اممممم شنسوي بالعيد
والله اللي سويناه
تيمعنا مع حبايبنا
ودينا اليهال السينما
وتعشينا مع بعض ويا ربوعنا
وسلااااااااااامتج
خلص عيدنا بيوم واحد
ثاني يوم دوامات والكل لاهي
امييييييين
مشكووووووره تسلمين

_-----------------------------_


كرييييييييييزما

هلا بالطيبه ام الطيب
اياااااامج سعييييده وعساج من العايدين والفايزين
امييين اجمعين حبيبتي
:**********

_---------------------------------_


زوووووووووووز


صااااااااجة
يعني انتي معاي عالشر
لوووووووووووووول
قصدي عالقطاعة
هههههه

والله الواحد مجبور يترك اللي ما يريحه
احسن واسلم

ايااااااامج سعييييييدة بعد قلبي
وانتي بصحة وسلامه

ماقصرتي

:))))))))))


_-----------------------------_


لندني

اهلا وسهلا بالتمااااااااسيح

هههه

واااااااايد عجبني بيت الشعر
والاعلل تركب عدل مكان كلمه العدو
هههههههه
والله يبتها ييييب

ايه والله صاج
اتصدق
وايد اسال نفسي
اشكثر ضيعوا من طاعتهم بهالحشششششش
والله حرام


عاد بعد قلبي زوجي
يستاهل مو بس اطول بالي
الا يستاهل عيوني والله
المشكله انه اهوه اللي مطووووووول باله
علي انا


اياااااااااااااامك سعييييده يا لندني
اميييييييين
مشكووووووور على ذوقك

vancouver said...

كبرياء ورده

مشكووووووووره بعد قلبي
هذا من ذوقك والله

تمام يعني انتي معاي على الخط
:)))

وانتي بصحة وسعااااااده يارب

مشكووووووره على مرورج الحلو

_----------------------------------_


فرااااااااااااوله
اهليين اشلووونج
يالغاليه
?
مسااااااائج ورود وعطووور وزهووور
اياااااامج سعييده
امييييييييييييييييييييييييييييين الله يسمع منج
اميييييين
امين
:********

_----------------------------_


الاخ العزيز شقران

ايااااامك سعييده
وانت بصحة وسلاااااااامه

لووووووول
احلللللللف
طيب حط عينك بعيني
ما قريت الا الفقره الاولى
وشوي من الثانيه
ونص الرابعة
والخامسه كلها
وربع السادسه

صح
?
لوووووووول

_-----------------------------_

سويت ريفنج

وانتي بصحة وسلاااااااامه
مشكوووووره سووووويت

_-----------------------------_



الدنيا

معقووووووله
لا خل احك عيوني
عدل
اي اي الدنيا
شلووووووووووووونج
??
والله احنا اللي ولهنا عليج
صج جربتيها
:(
الله يعيييييييييييينج من كل قلبي اقولها
والله
عن نفسي ماااااا تعودت
ولا حابتها
وابي ارجع اليوم قبل باجر
بس يعتمد عالمكان ترى
مشكلتنا باااااااخر الدنيا
ووايد بعيدين عن الكويت
انتي وين
يمكن المكان يكون اهون
??

والله حرام
ترى البنات اللي اعرفهم مو جذيه
يعني مو اربعة وعشرين ساعة حش
بس المشكله
انه مصدر الحش لازالوا متواصلين معاه
عشان جذيه مستمرين
انا قطعت وارتحت

صاااااجة
اللي يتكلم بالناس
مصيره يتكلم فيج عند الناس

طاااااااااااااااااااااااااف من قلب
ههههههههههه


_---------------------------------_


بس


ايااااااامج سعيييده
وانتي باااالف صحة وسعاده يا رب

مشكوووووووره

-mate said...

آنا وياج قلبا وقالباً وثقي تماماً. شغلج أحسن وشغلهم غلط

عطيني عنوانكم بتنقصلكم خروف إنعيمي دي اتش ال
:p

كل عام وإنتي بخير الشيخة
:)

-mate said...

وسامحيني ردي ياي عقب سنة، لأنه بوستج حريمي خاص. وماله داعي اللقافة

اي خير
:p

الحارث بن همّام said...

قريت اول سطرين من البوست وقريت انها سوالف حريم .. قلت شلي بعوار الراس.. فجبّلت على التعليقات تحت .. وقريت آخر سطر ..
:)


بس هو عموماً خوش موضوع .. ووايد مهم .. انا متأكد انه وايد مهم ومفيد بعد
:P

vancouver said...

مييت

اشوووووه
اغلبكم معاي
:)))))

لووووووووووول
عاد والله زوجي اللي بيدعييييييلك شهر كامل
يمووووت على الذبايح
اذا مصر مصر يعني تطرشلي شيء
طرشلي الكويت بكبرها
يا جذيه يا ازعل
:(



وانت بصحة وسلامة
وعساااااك من عواده


اي اي واااااااااضح
وانا متاكده الف بالاميه انك ماقريب شيء
:P

vancouver said...

الحارث بن همام


هاهاهاها
يكفي طلتك ياخوي
تسوى اميه بوووووووست

والموضوع مهم على الاقل لي انا
:)))

عيدك مبارك
:)

qesat_5ayal said...

أنت صح

والصديقة مافيها رحم
تركها أخير

بس الناس تفكيرها غريب
!

Anonymous said...

افا طلعنا تماسيح الله يسامح:(

لين said...

أتوقع كل واحد ينام على الجنب إللي يريحه ;)

mantovani said...

كل عام و انتي بخير

كل عام و كندا جميلة بمقيمينها

====

الحين للاسف ان الرياييل صاروا اردى من الحريم ... تصرفات بعض الرياييل صارت
خرطي و صدقيني نفس المضمون اللي بموضوعج عادي تلاقينه بين اللي يفترض ان عندهم الحكمة ... الخ


المهم كل عام و انتي بالف خير

مانتوفاني

vancouver said...

قصة خيال

فعلا هذا اللي انا اقوله لنفسي
الصداقة ما فيها رحم
سو ليش اغصب نفسي على وضع مو تمام
??
مشكوووووووره قصة على مرورج
:)

_---------------------------------_


انونيمس

سوري سوووووووري
مو قصدي
بس من خشونتكم الله يهديكم
بعدين فكر فيها كمدح
التمساح عنده
شمووووخ
:p


>>بترقع<<
:D

vancouver said...

لين

صاجة والله
:)

_-------------------------------------_


مانتوفاني

اهلييييييييين شلونك
??

كل عام وانت بصحة وسلاااااامة يا رب
مشكوووووور والله من ذوقك
:)


اتصدق توقعت هالبوست ماراح يرد علي ولا شاب
الا اذا طفاره بس
لكن اغلب ردودكم تقول انه بين الريايييل تصير هالسوالف
استغرببببت الصراحة

وانته بصحة وسعادة وكل من يعز عليك
يا مانتوفاني

bent el deera said...
This comment has been removed by the author.
bent el deera said...

ل عام وانتي بخير في البدايه ويعلها سنه كلها افراح واتراح

بالنسبه لهالبوست ادري انه قديم. بس بدايته عجبتني
وراده اكمل قرايه واعلق