CLICK HERE FOR BLOGGER TEMPLATES AND MYSPACE LAYOUTS »

April 01, 2009

انانيه الرجل الخليجي.. والكويتي خاصة


موضوع ترددت في كتابته واااايد
ما ابي اجرح احد حتى لو كان شخص ما اعرفه


بس فكرت ..يمكن من خلال الكلام بهالفضاااء

شخص ..اثنين.. عشره

يستفيدون على المستوى الشخصي
----

كنت مثل الكثير من بنات جيلي

اللي يتحلطمون على الزواج والرياييل

عادي ...

كلنا مرينا بهالحاله

بس اكو حاله فريده قاعدة اعيشها انا من واقع وجودي بهالغربه

اللي لوعت جبودكم فيها

:)


معقوله اكو رياييل توصل فيهم الانانيه انهم يحسرون في بنات العالم

حتى وهمه شايلين الشقا والهم عنهم بهالغربه

ليش يعني

بنت تترك ديرتها واهلها وتتغرب وتشيل بيتها

و عيالها وزوجها عشان اهوه يهدها بالاياااااااااام

لانه الاخ مسافر ويه ربعة يتونس

!!!

ياربي ليييش اكو ناس جذيه

ماكو احساس موليه

?
والا واحد صببببببببحيه العيد يقول حق مرته زهبي الجنطة

بروح كامبينج مع الربع?

استح على ويهك

بنت الاوادم ما تستاهل تعيد معاها

??

اوكيه اهيه ما تستاهل

وعياااالك ?


والا اللي ما يركب مرته بالسياره الا لمشوار الجمعيه بس

لكن مستعد يطق طريييج 3 ساعات عشان مشتهي

ياكل مع ربعة في فرايديز ويرد

??!!!!!وبنت الاوادم

ما تشتهي يعني انك خلال السنين اللي مجابلتك فيهم ويه ويهك

انك تطق فيها ساعة درب تتعشى معاها
برة البيت

??
تصدقون بنات صارلهم خمس وست سنيييييييييييين
ما يعرفون شنو المطاعم اللي بالمدينة اللي عايشين فيها
يا يطبخوووون
يا يطلبون ديليفري بيتزا
!!
لانه الاخ ما يحب يطلع مع عيالة ومرته
والي يقققققهر
نكون قاعدين نتعشى يوم ويييييك اند بره البيت
الجح لكم الشباب سهراااانين
يتعشون بروهم بره البيوت
ومخلين حريمهم يولون
!!!!!

شفت نماااااااين الله لا يوريكم

ادري بالكويت اكو بلاااوي

بس الوحده عندها دوامها.. اهللللللها.. رفيجاتها

جوها ..حياااااتها

مع انه كل هذا ما يغنيها عن زوجها

بس على الاقل تقص على نفسها شوي

لكن
شنو ذنب اللي هاده الدنيا ويايه معاااااااااااك ..

ليش رياييل الخليج والكويت خاصة واااايد منهم نحيسين

?

ياربي
قلبي يتقطع على بنات بس ما احب انصحهم

لا اخرررب بيت بيتهم

المشكله الوحده تقول السالفة وتضحك عقب

مع انه عيونها تغورق شويا

و تلقونها تتلاقط عيونها لما وحده تقول ستانست مع ريلي سافرت معاه

وداني ..يابني.. قالي ..سولفلي

ترى حريمكم واااايد منهم سنعين ما يتحجون

بس قلووووووبهم فايضة قهر

!

انته مجابل دراااااستك طول الوقت ولما تييك عطله تشفط بويه المره

والعيال وتذلف مع ربعك ?

واالا تسافر يومين عشان مشتهي تشيش ?!!

وتقعد بالقهاوي وبالمولات مع ربعك

استحووووووا على ويوهكم

كل واحد تناصف عمره

وقاعد يدرس دراسات عليا

وكله على الطل

!
واللي يقهر ثلث ارباعهم ملتزمين


ويييييييين الاتزام?

الله يرضى تسوون جذيه ببنات العالم

طرشششششها يبا ديرتها مع عيالها خلها

بين اهلها وتعال لها بالاجازات ابرك

اي بس منو اللي بيطبخ وينفخ حقك وحق ربعك

منو اللي بينظف بيتك ويغسل هدومك ويقوم بطلباتك
تصدقون كنت طول عمري اشوف غالبيه بنات الكويت


مدللين ويتطلبون وايد
بس اللي شفته هني غير
حتى بالمصرف يا شقول محسرين فيهم

تطر منك طراره

لييييييييش?
ياربي اهمه يقطون السوالف وانا ارجع بيتي افكر فيييييهم


ومن القهر اكتئب عليهم وايد

شكو?

عيل المسكينة عندها اربع يهال طالعة من ولااااادة

عقب خمس ايام تقوم تنظف البيت والحمامات وهية ما تقدر تسند طووولها
اقولها فلانة ليش ما دقيتي على شركة تنظيف

ايونج حريم بالساعة ينظفون البيت كله ويغسلون ملابس بناتج ويطلعون

تقولي زوووووووجي مو راضي! يقول ماله داعي

اي شي تبينه انا اسويه نطرت يوم يومين البيت بيمشي من الوصخ

قااااامت بنفسها تعابل

والريل ووووووينه
مع ربعة

!!!!!
واااااااي شهالحالة

حتى سندريللا اللي حسرت فيها مرت ابوها مو زوجها

!!!!

تقولي تصدقين ما شال عود في البيت ولا سوى اللي وعدني

وما اقدر ادق على شركة التنظيف ايووني

اخااااااف يعصصب لانه قالي انسي هالموضوع

قههههههههههههر
------------


اااااااالف الحمدلله والشكككككر
الحمدلله الف مره


اذا اكو فااااايده وحده بس من كندا

بتكون
اني عرفت قدر زوجي عدل

!
-----


جان زين واحد فيهم يقرى ويستحي شوي من نفسه
!!


واكيد اكو رياييل خايفين الله وكلهم سنع

والصج ينقال

في شباب سنعيين

بس الغالبيه اللي اشوفها ما يعرفون ريحه السنع

خااااااايفة من نفسي لا اتحلطم عدل

على الوضع جدام حريمهم

قاااااااااضبه نفسي انا

ما ابي اششششششيش احد

51 comments:

أتيت متاخرة said...

أقول حبيبتي فاكوفر
خليني ساكتة وحليوه
لان اذا بطلت حلجي ما بسكت
الريال الخليجي من شروطه للزواج ما يلي
* حلوة
* جامعية
*بنت عايلة
*موظفة وعندها راتب
تدرين ليش
اقولج آنه ليش
حلوة علشان لين تكرم وطلع وياها يقولون مرت فلان
جامعية حتى يأمن انها تقدر تربي عياله
بنت عايلة حتى تسكت على المر الليبتشوفه
موظفة وعندها راتب حتى تصرف على روحها وعلى عيالها وحبذا لو عليه بعد
لان فلوسه تضيع باللعات والسفرات
وفوقهم دعية بعد
تشتغله خدامة وطباخ ومربيةوزوجة لا تنسين
وببلاش
سكتي سكتي بنات عوايل
وربي متبهدلين مع هالرياييل
لا في ديرتهم مرتاحين ولا لين سافروا وياهم مرتاحين
خليها على الله

ابي بس سؤال واحد ريال ياوبني عليه
: ليش ثقافة عدم احترام المسؤلية منعدمة بصورةكبيرة عند الرجل الخليجي ؟؟؟
يا ربي ليش ؟؟؟
هل العادات والتقاليد لها دور ؟؟؟
والا التربية ؟؟
والا يعتمد على ثقافة الجيل نفسه ؟؟؟


بس ارد واقول لو خليت خربت

مركبنا said...

ذكرتيني بوحدة اعرفها امريكية
اهيا متزوجة كويتي واختها امريكي

تقول اقول حق اختى الله يهنيج
احنا كل شئ نسوي بالكويت والريال ولا شئ


وتقول لما اشوف اختى اتحسف واتحسر الريال يبدل حق هذا ويغسل الهدوم

وانا ماكلتها

Kuwait said...

يعني تنصحينا نتزوج أجانب ;p
لووووووووووووووووووووووووول

someone_q8 said...

السلام عليكم

اختي الكريمة الخير يخص والشر يعم

ولو خليت خربت والاخلاق والتربية ماتعرف الشخص الملتزم والغير ملتزم كل من يعمل على تربيته و ثقافته والبيئة اللي اهو عايش فيها

تبين نصيحة من اخو ؟
قولي الحمدالله على زوجج الله يوفقه ويخليه لج , وادعي لصديقاتج اللي عايشين في هذا المر انهم يتحملون ويحتسبون الاجر ليمن يرود بالسلامة
وماله داعي اتقولين لهم وتتحلطمين لهم من اللي اتشوفينه لكن حثيهم على انهم يدعون ربهم بالصبر ويدعون حق ازواجهم بالهداية والله يعينكم على غربتكم

موفقه اختي تحياتي لكم

صبا said...

فانكوفر
:**

بعد قلبي ...
والله مادري شقولج الصراحه انا احد الاسباب الي مخليتني ما فكر بالزواج بالرغم لعطشي للامومه الي قاتلتني ولاعبه فيني لعب ...وهو الي قاعده اسمعه واشوفه من اقرب المقربين صديقاتي بعد قلبي
بنات عوااااااااايل
ما عليهم قاصر ...بس شنقول غير الله معاهم ويهدي رياييلهم

:(

عيل سمعي هذي : ..
اسأل أخت صديقتي اقولها متي اخر مره طلعتو تتعشون او تتمشون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اتهقين اشقااااااالت
!!!
ردت علي : صبا ما اذكر ؟؟؟

قلت لها شنو يعني ما تتذكرين ؟؟

قالت لي يمكن من 7 او 8 سنين والله ما اذكر
@@

امبي انا اطلعت عيوني
!!!

وبعد
وبعد
وبعد
وما خفي كان اعظم

قبل لا اطلع من صفحتج خليني اذكر لج هالموقف الثاني

وحده
متزوجه من 12 سنه ولا مره سفرهااا
ولا مره سافرت معاه
ولا مره
ولا مره

آآآخ عليهم صابرين وساكتين


والحمد لله ريلج زين ومقدرج ما شالله
والله يهنيكم في بعض
انتي تستاهلين
حطي بالج عليه

Sweet Revenge said...

صباح الورد والرياحين وثلوج كندا "التوقيت عندنا 8 الصبح"
هههههههه حبيتي انتي والله فانكوف حاسة بحرارة البوست
يتشتش
ومعاج حق بكل كلمة
كافي متغربة عن اهلها هل المرة بعد تعّيد بروحها
الله يهديهم يارب ويخليلج ريلج
ومدام السالفة جذي ابي صوغتي كندي اشقر وعيونة زرق مع الضمان علشان اذا ما عجبني ابدله
زرق لاتنسين :)

esTeKaNa said...

صباحج خير وورد ونوير
:*
بدعتي بالبوست
الحين حرضتي كل بنت تتكلم عن لللي تشوفه
نتفق على فكرة مبدئيه:
لو خليت لخربت
والدليل:
زوجج واهالينا الله يحفظهم

بس ..الوضع العام يخوف
ذاك اليوم بنت مناديتني بالدوام ومساسر وحالتنا حاله تقولي عن واحد تدرين شنو شروطه؟
الشرط الأول:
تشتغل بالنفط
او الاستثمار او اي هيئه
الشرط الثاني:
حاجة وخالصه
شرط الثالث:
ما عليها اقساط سياره


وبس ما يهمه ل الجمال والبياض اهم شي الاخلاق
@@
يا راااااجل
بعد مو هامك الجمال والبياض
وايد عليك
انا سئلتها:
ما يبي عيال باكج واحد؟
:))
الله يهديهم لحريمهم ويهدي حريمهم لهم
يارب ويبرد قلب رفيجتي الحلوة فانكوفر اللي محتره وهي تكتب هالبوست
ونصيحة ..لا تفكرين تفتحين هالمواضيع مع اي بنت،الانسان في طبيعه يتكلم ويفضفض ممكن بس احد ينصحة ويقوله صعبه!!
وايد ناس تتحسس من هالسوالف
فابعد عن الشر وغنيله
ومالج الا الدعاء لهم

عسى ربي يحفظج ويسعد قلبج ويبلغج بالمزيون الصغير
:)

عثماني said...

انا من زمان قايل لكم .. الريال من ينولد يركبه الغلط

انا معاج فانكوفر .. اهو غلطان .. اصلا من قال له يتزوج ؟؟؟

:)

سليمان القصار said...

السلام عليكم

انا معاج في كل كلمه فصلتيها وذكرتيها .. شوفي وان اخوج العالم هذا به الصالح والطالح والأمر ينطبق على الرجل والمرأه يعني المنطق يقول كل جنس له اخطاءة وعيوبه ...

المراد سلمج الله

احنا بالكويت تأثرنا بالعالم اللي حوالينا ذاك التأثير السلبي اصبحت المسؤوليه معدومه والاخلاق اضيق والرجوله اصبحت مهمشه الى مرحلة سن الرشد وتالي يلبس الغتره والعقال ويقول انا رجل .. اقولج جبح من رجل اللي على راسه عقال وفكره السعي ورا اللذه الشخصيه متناسي امور بيته وناسه

لعمرك ما ضاقت بلاد بأهلها لكن اخلاق الرجال تضيق

بأمان الله

maha said...

صباح الخير فانكوفر
عسى المووود مرتاح؟؟؟
في مثل عالمي يقول
المرأة هي نصف المجتمع ، وهي التي تلد و تربي النصف الآخر

أتوقع شخصية المره لها دور

وبعدبن استكانه ما حط شرط بيمة شاملة بعد ؟؟؟

mtfa2el said...

لووول

شهالرياييل فشلونا
ما أدش بلوق إلا مطلعين فضايحهم
و الله تصدقين أنا أستغرب من اللي يتزوج و يسوي بمرته جذي
شالله حادك و تتزوج دامك مو كفو
بس همينة على قولة المعلقين والمعلقات المسلمين و المسلمات
لو خليت خربت
بعدين في حالات العكس
حريم أساتذة بالأنانية
:p


عثماني
لووووول

kalakchi said...

صباح الخير او مساء الخير

قولي لا اله الا الله

شفيج يبا عسى ما شر!!!

يبا بكل ديره في الزين والشين

وكل واحد عايش حياته على هواه ومستانس

خل اقولج شغله انا عندي من ربعي كل ويك اند الشاليه مع ربعه

بس مرته مستانسه منه واهو مستانس منها

!!!!
يمكن انتي جذي ما يعجبج
بس اهم على ظروفهم حيل مرتاحين جذي وما يشوفونه غلط

اعرف واحد ثاني مرته اتضايق اذا كل اسبوع راح شاليه ربعه

عاد اهو مخليها اسبوع واسبوع فارتحات البنت

يمكن وحده غيرها ما يعجبها جذي

دام الأثنين مرتاحين وما يحسون بقصور ما يخالف

يعني في واحد من ربعي متفق مع مرته ان يسافر مع مرته بس على شرط لما يرجع يسفرها سفره نفس المستوى

!!!
فهو قبل لا يسافر يكسر حساباته يقدر والا لا
;p

فالمهم الريال ومرته متفاهمين

يعني نفترض لو الريال على قد حاله ما يقدر يصرف على المطاعم حق شخصين بالاسبوع 5 مرات

فيخلي متره تطلع مع اهلها ويعطيها واهو ما يطلع

في ناس على قدهم عادي

بس عدل كلامج في ناس فيهم جلت حيا
لا يساعدون وكلا مطنشي اهلهم ولا يعيد معاهم

هذا ما يستحي

بس في الزين والشين يا اختي الغالية

Um il sa3af wil leef said...

أنا أقول إن البنت لازم بعد تتشرط مثل ما يتشرط الريال ..وبعدين في شغله.. كل واحد حاسب نفسه براد بيت علشان يتشرط ؟؟

chandal/danchal!! said...

ما ألومك اذا حطيتي حرتك بالتدوين


ما ينتوهق فيهم!!!


بس تصدقين!!!... العيب في البنت!!! وايد معطينهم ويه!!!

ما عرفت شلون تتعامل مع زوجها

ومعظمهم يتشيمون من رياييلهم وينطرون المبادرة!!

اكو ريا ل يبادر!!!

بتبزر العين والمساحل وبطلعة الروح ويالله يتحركون


لازم تكون شخصيتهم أقوى من جذي... يبيلهم كورسات مكثفة عن شخصية النسرة أو الذيبة ويالله يلحقون راس مع رياييل هالوقت!

عيل مسطرتله 4 يهاهيل وتنظف بلنفاس!!! مع احترامي... بس مو صاحية... الا ادق وادق وادق على التنظيف وخنشوف شبسوي عنتر زمانه برطم!

أنا ما أتحمل أجابل هالنوعية من البنات!!!

الله يكون بعونك

Anonymous said...

أختي الكريمة

الخير يخص والشر يعم

ومثل ما فيه ذكور (مو رياييل) ما يقدرون حريمهم ولا يقدرون بيتهم وحياتهم

في حريم كاسرين ويوه رياييلهم

أنا ما أقصد في تعليقي المقارنة بس القصد أن الموضوع يرجع كله على التربية في الاساس ... سواء ريال ولا مره

الامثلة اللي طرحتيها كنت أشوفها بالديرة .. بس مثل ما قلتي على الاقل البنت بين أهلها ...وقمت أشوفها بشكل أقسى لما شفت بعض الامثلة برة الديرة


الحقيقة .. لو الواحد منهم بس يحط أخته محل زوجته شلون بيكون رايه باللي قاعد يسويه في بنت الاوادم اللي صابرة وساكتة على الضيم

أرد واقول هذول ذكور وليسوا رجال

بس بعد اذنج ابي ارد على الأخت الكريمة " أتيت متأخرة"

أخيتي ...
1- شوفي البيت اللي تربى فيه هذا الزوج وانتي بهولة ممكن تتوقعين مستقبل بيته وحياته الزوجية.
2- في حالات شاذة مو مقبول تعميمها
3- القصص اللي نسمعها عن المشاكل الاسرية اهي مثل زبد البحر .. يعني هي أكثر شي تشوفينه لما تكونين واقفة على اليال جدام البحر بسبب الامواج .. بس ورا هذي الامواج بحر كبير أكبر من زبد البحر.. محد يتكلم عنه.

enter-q8 said...

لا حول ولا قوة الا بالله
انتي شكلك مضيعة
انتي قاعده تتكلمين عن زوجة و الا خدامه

اجار الدين كشمش said...

ههههههههههههههه

ليشششششش متزوجين طلااااب

اسسسمه طااالب علم !!!1
هي قبلت به

حتى الدراسات العليا بعد

الجامعه يعني عمره 22سنه

تتحمل قرارها

وعيااال بعد
!!1
طالب لم يشبع من الدنيا قراره ...للزواج ان الزوجه تطبخ وتغسل وتربي له
وممنوع تطلع المطاعم لان الطبخ البيتي ارخص اولا وثانيا لا يجوز الاختلاط
واكيد قرار الزواج من ابوه او امه

يعني الزوجه عند بعضهم خدامه بالغربه وبعضهم اذا رجع اخذ عليها
يعني بذمتج الحين ..ما تعرفين بعض البنات واتحسرين عليهم !!1 ليش متزوجه طالب وليش ياي اصلا ..وعلى شنو ماخذه هالريال البربس بالعمر و ياهل و مايسوى

اكيد اتعرفين كثير منهم

وهي يمكن مخلصه ثانويه ...بس

او معهد ...يتعمدون يأخذون هالمستوى العلمي فقط ..حتى يفترسها الجبان
واذا هي جامعيه يأخذ راتبها كله ..لا يحرم زلا يحلله والعياذ بالله
ولحيتة الي سسره

بس فمالله احتريت عليهم لاني اعرفهم واعرف ماسي الزوجات

فمالله

@alhaidar said...

وييييه قلبكم متروس ;p

بس كونوا حقانيين مو الكل ..

وبعدين لا تزعلون انتو ساعات تمصخونها ..

يعني لو الريال من الصبح لي المغرب يكون بمشاوير مع او لزوجته .. بالليل يقول بروح الديوانية .. تقوله ما تمل من ربعك بالديوانية كل يوم !!

الزين والشين موجود بالصوبين ...

العادة انا نصيركن بس اليوم اشوف مبالغة :))

تحياتي ..

حسافتج يا كويت said...

فانكوفر


والله كلامج عدل

بس أنا عرفت شي في هذي الدنيا قبل لا احكم على احد

لا ياني واحد وقال عيني مبطوطة من هذا
لازم انادي الثاني واسمعلة واشوفة يمكن تكون عيونة الثنتين مبطوطين

المراد

البيوت اسرار وحنا مالنا إلا الظاهر
إن كانت قايمة فية وهو يكشت فيها فهذي قلة أدب ووقاحة ونقاصة منة
أما إن كانت امسودة عيشتة او غلطانة يمكن لة مغزى فالشي اللي قاعد يسوية


نعم إهي تركت اهلها ويات معاة بس هم محد يدري شنو بين الريال ومرتة


يمكن يكون خيرة اللي يسوية
ما تدرييييين

إن كانت مرتة سنعة ويجازيها بالنكران والحقران ويسافر مع ربعة فهذي نقاصة وقلة ادب والله يهدية

وإن كان بين الريال ومرتة قمندة فالله يهدي الاثنين يا رب


خوش موضوع

أتيت متاخرة said...

أخوي دروازة
اايد كلامك واعقب عليه بعد اذن فانكوفر

مرة طرحت اسئلة في بوست عندك وكان من ضمنها : رايك بالرجل وكانت اجابتي ان معظمهم ذكور فقط

أخوي طيب ليش الرجولة مختفية هل حاشها ازمة اقتصادية مثلا ؟؟

فعلا التربية لها دور كبير ومهم وايد
بس بنت الناس لمن تتزوج هذا الذكر شنو ذنبها ؟؟؟
اذا يعرف انه موكفو ليش يبهدلها وياه
من واقع عملي التربوي
وخلال الفترة الي اشتغلت فيها اكثر المشاكل الي تصير سببها
1- عدم تحمل الزوج كمسؤل
ما بتكلم عن ماجلة بيت ولا صرف ولا عن طلعات
بتكلم عن طفل صغير بكرة بيكون رجل
وانت عارف في سن معين لازم الاب ياخذ زمام تربيته بعد ما يعدي 7او 8 السنين لانه هذي الفترة فترة صعبة
بالله شبيطلع الولد اذا الابو طول اليوم موموجود والام حاملة المسؤلية ؟؟
شنو النموذج اللي بينعطى للولد ؟؟؟

يعني بنت الناس اهوا ما بيتحاسب عليها عند ربه؟؟


اخوي دروازة اعيد واكرر لو خليت خربت
بس هالايام هذا الموديل منتشر حده صار جنه حجاب بو نفخة كل مكان تشوفه



القصص اللي نسمعها عن المشاكل الاسرية ((اهي مثل زبد البحر .. يعني هي أكثر شي تشوفينه لما تكونين واقفة على اليال جدام البحر بسبب الامواج .. بس ورا هذي الامواج بحر كبير أكبر من زبد
البحر.. محد يتكلم عنه

البحر للاسف صايدته بقعة زيت غاثتة
بقعة الزيت هاذي دخيلة مومن دينا ولا من عاداتنا
احنا ما كنا جذيه
احنا نقول مثل ما قال صلى الله عليه وسلم
كلكم راع وكلكم مسؤول عن رعيته
سواء مره او ريال
والي مو قد الزواج وهالمسؤلية لا يتزوج
ابرك له

-mate said...

إختي العزيزة فانكوفر

رأيت نماين مثل اللي قلتيهم والله

خليني أقولج عن واحد عندنا، الريال خريج وعنده دراسه مو طبيعية بيصير دكتور. تزوج وياب مرته وياه. أجرله شقه غير مفروشة علسريع

ماعنده وقت يأثث شقته خلال شهرين، لزوم دراسته وامتحاناته

ومو حاط لا نت ولا تلفزيون ولا اي شي انترتينمنت بالشقة.. مسكينه مرته إمجزرتها على سودوكو 24 ساعة، واهي من النوع البيتوتي اللي ما تطلع وايد

الداد حق مرته المسيجينة

Anonymous said...

وفي رياييل يدارون حريمهم والحرمه لاتحشم ولاتقدر

ReLaaaX said...

مالتهم علييييييييهم وكمه فوقها بعد !


آنا الحين محتره ووراي مشيوير مهم ... بروح وارد ان شالله عشان افش خلئي



والله مو كفو!



فانكوفر تكفين .. انتي اللي تشوفينه من الاجيال اللي الحين مال مسؤوليه ؟ تكفين شوفيهم ؟
شوفي اهتماماتهم ؟
شوفي طموحاتهم ؟



اااااااااااااااااااااااااااااااااااااااااااااااااااااااااااااااه آنا معصبه

ان دعمت ياويلج :p

Anonymous said...

أختي الكريمة

أتيت متأخرة

أنا معج في كل ما طرحتيه

ولا يوجد اختلاف بين ما طرحتيه وما طرحته

اللي أنا قلته يمكن يفسر سبب وجود هذه المشكلة

واللي انتي تفضلتي فيه واعدتيه في تعقيبج هو نتائج هذه المشكلة

...

أنا اتفق معاج على طول الخط

واعيد ...

الاولين ربوا عيالهم ... اللي هم ابهاتنا .. ربوهم وحرصوا على تربيتهم ....

بس للاسف دبت اللامبالاة وعدم المسؤولية في الاجيال اللي من عقب ... وكل مرة تزيد حجمها... وكل ما زاد حجمها كبرت نتائجها

....


الله يستر على عيالنا والله يقوي كل من يعمل في مجال التربية على ترميم الاسر التائهة


قواج الله أخيتي


ومع كل الشكر والتقدير لج أختي فانكوفر انج طرحتي هذا الموضوع وتركتي لنا المجال للتحاور :)

|:| DUBAI |:| said...

و يقولون ليش نسبة الطلاق مرتفعة

: )

ميرامار said...

اووووه

بوستج يضيق الخلق فانكوفر


:(

فريج سعود said...

هذي منو الي مسولفة لج ومشيشتج ؟

Anonymous said...

اول شي سمحيلي انا وحده متبابعتج والله من بديتي مدونتج ودوم على البال والله


والله خليني ساكته بس خليني ساكته

على قوله يدتي الله يرحمها


البنت اول ليمن تزوجت تبيلها سند وظهر بهالدنيا الي مالها امان

لكن الحين.. البنت يبيلها سند وظهر على ريلها

والله انها صاجه

احنا يالبنات مساكين
نكره كراف الحمير بهالدوام

والراتب كله كله كله يروح على اليهال والخدم, واهو قاط ايده من الموضوع كله

وياريت مسؤوليه؟ ياريييييت
لأ, ياعند ربعه بالدوانيه
الياخور
حداق
مطاعم
سينمات
سفرات

طاح حظك وحظ من يابك واليهال والحرمه الي ينطرون منك لقمه مالهم حق لك؟

يقولووووون ان الريال سمله على قلبه اول شي يصير رومانسي ولما ايي اول ولد خلاص بيحس انه مسؤول وبيطلع من كل شي وبيحس انه مسؤول لدرجه ان يبي مرته بس تروح اي مكان بيت اهلها السوق اي شي المهم تفارجه اهي وعياله

انا غثوني الشباب الي ردوا واسمحولي يامعشر الرجال

ترا نادر منكم نااااادر وشعره في عجينه على قولتهم

الي يهتم بمرته وعياله ويعتبر نفسه مسؤول صج عنهم

اما الباجي وابسط مثال

لمن يبجي الياهل تالي الليل الاخ يقول لمرته طلعي انتي وياه الصاله سكتيه خليني انام..

خليها على الله بس

الرياييل جربه مقضوضه لووووول
مهما ترستيهم طيب ماكو فايده

وتسلمين لي على هالبوست ;*

- نورة النصف

lawyer said...

انا قريييييييييت مت قهر

انتي اشلوووووووووووووووووووووووووووون تشوفين و تسكتييييييين



مالت على هالرياااااااييل


الشرهه عليها ليش قاعده
ما يعرفون يطقون تذكرتهم و يردوون !!!




واي انا لو اشوووووف جذي
ما اعبر


جان اقولها
يااااااااابقره ياااااااغبيه


يايبج خدامه اهني بس عشان ينام وياج بالحلال


بسسسسسسسسس


اهووووو ما يهمه

تطبخ
تنفخ

تغسسسسسل و تكون جدام عينه ياعل عينه البط



و اهم شي عنده وحده يناااام وياها


البلوه
ان هذولا اصلااااا مو حاسين في النعمه عندهم




و اذا انحرفو الحريم و جابلووو البالتوك و غازلوووووو الريايل و حطوووو بوي فريند

ذيييييج الساعه يقول عنها مو سنعه



بس الرياااااااال لألألأ محد يقدر يتحجى فيه





في اختراع اسمه تذكره ون وااااي الكويت

lawyer said...

فانكوووووووفر والله ترا لج اجر في هالبووووست الي كتبتيه جم واحد الحين بيقرا و يتفكر في كلامج











الله يخليلج الي عندج
ويحفظه لج يارب

lawyer said...

فانكووووووووووفر ابي ادري لوعت جبدج


بس والله طول الوقت افكر من قريت البوست الصبح



تخيلاي والله تذكرت وحده خليجيه انزين ويانا في مصر كانت تدرس و ريلها يشتغل

البنت كانت نص و نص

بس عندها قابليه صياعه
ولكن ريلها صايع ضايع


انفلتت اهي انفلاااااااات مو طبيعي من تبدع زوجها و اهمالها لها في الغربه



كانت بين نفسها اتحس انه حقير في تصرفاته
و هالشي كانت تبي تنقله للكا
اشلون انتقمت رافجت كل ربعه و ظبطتهم

عشااااااان تخليه يطيح من عينهم زووووووووود




شفتاي الحريم لما يهملون اشلون ينتقمون



تصرفها غلط
و الف بالميه سيئ


بس منو الي وصلهااااا جذي


كانت اهي وياه اول السنين غربه في دوله من دول شرق اسيا مدري شسمهااااا

يوم ياها الطلق ودووها بيت ييرانهم بالتاكسي
واكتشفت بعدين ان ريلها مساااااافر ويا ربعه وناسه لا شغل و لا زياره ..





الانسان الي يهمل على مدار الاياااام
ماتدرين اشلون يظهر هذا الاهمال عليه بعدين

ولد الديرة said...

ترى هالوضع يحدث مع كثير وليس فقط مع الخليجيين والكويتيين خاصة

اغلب نساء العالم يمضون اغلب الوقت مع الأبناء بينما الرجال يسافرون ويمضون الساعات مع الأصدقاء

انا بالسنة اسافر مع الأسرة على الأقل خمس مرات

مع هذا البعلة اتحلطم
!

يصير اقول تحلطم الخليجيات والكويتيات خاصة :p

Unknown said...

هذا يعني ما تحلطمتي عدل؟

والله بيني وبينج هذا مو التزام
الالتزام اذا بتخاف الله
خاف الله بأهلك
ممكن تصير أخطاء بس لازم تنتبه
لان اللى عندك بشر مو بقرة رابطها على باب البيت

Unknown said...

فطيييييييم

سالفتح خلتني ابقق عيوني @@
بل جذى الانتقام

Anonymous said...

shway shway 3la elshbaaab

ana m3aaj bkl klamj ela a5r shay 5anch elta3beer htheel gela galelaa fee mojtma3na o mthl ma n3arf lkl ga3da shwaath !!


mthl klamj htha ngdar ngola 3n el7reem ele hayteen 24 sa3a la tadri 3n rayelhaa wla 3yalhaa wla baithaa bs 78 el3ros o el3zayem o elshopping tbi floos lkn hm ard agool hthel b3ad gela galelaa mn elmojtma3 o a9ab3j mo swaa ;Pp

Hashemy said...

حتى سندريللا اللي حسرت فيها مرت ابوها مو زوجها



لووووووووووووووول


بالفعل للاسف في من الرجال الكثير مايكون عنده احساس بالمسؤوليه يعني اذا انت واهلك بره الكويت الوضع لازم يكون مختلف عن ديرتك واذا انت ماعندك وقت تجابل اهلك بره الديره

يااخي خلهم بالديره احسن اقلها زوجتك وعيالك يكونون مع اهلها واهلك مو بالغربه ويحسون انهم وحيدين بهالدنيا وانت ولا على بالك

بعدين هذي مشكله ترى مو بس موجوده بالخليج موجوده بالعالم كله ويعطيج العافيه لاتقهرين عمرج :)

dala said...

تبين الصج؟

الاثنين غلطانين
! والا من متى الريال يتدخل بامور تنظيف ما تنظيف
انا صراحة بهالسالفة قدوتي امي! تبي البيت نظيف هي اللي تامر وتطلب الخدم يمسحون الارض مساح. ماوفوا؟ رفعي يا ام السماعة طلبي الخدمة من برة بنفسج، بعد استشارة الريال شماله؟

جانه قذر ومافرق معاه وسخ البيت ترى اكو غيره متضايق

ياربي هذا مال ينقط بجاخور كم يوم علشان يعرف الفرق بين النظافة والوساخة
^
^
جد ترى اللي طول عمره بيته سنع مايلاحظ الفرق بين هذا وذاك
مثل الريال السنع باخلاقه ليه صار على نيته ويحسب العالم كلها على مستواه، هذا نفس الشي يحسب ان البيت طول عمره بيظل نظيف بدون مايحرك ساكن لايلاهالاالله

هذا مو ظلم كثر ماهو لامبالاة من صوب الريال وسذاجة من صوب المراة
ليش تبلعون العافية وتسكتون يامالكم العافية! كله من الامهات اللي يوصون بناتهم على الصبر ليه اجبلوا على الزواج. ايه صبروا بي مو تسكتون على الظليمة!!!! ياربي تقلل من هالنمين وماتخليني اصير مثلهم

بريتني سبيرز said...

فتحت هذه المدونة لتحذير المبتدئين و الصالحين الذين لا يتوقعون من الغير ايذائهم لأنهم لم يرتكبوا أي جرم لكي يستحقوا الايذاء , اريد تحذير الجميع و التنويه من مشاغبات الهاكرز و هم اناس معتوهين و لا يملكون حياة يعيشونها فيلجؤا الى ايذاء غيرهم لتعويض النقص و الضعف الذي يعانون منه , و بما انني منافس و خصم قوي و عنيد واؤمن أن الله يريدنا أن نكون مصلحين و ليس صالحين فقط , لهذا سوف أحشر أنفي فيما لا يعنيني و أقوم بتوعية المبتدئين عن الطرق التي يستطيع أن يقتحم فيها الأجهزة و هي سهلة جدا , لكن لنبدء أولا بالمخاطر المترتبة عليها :

اختراق كاميرا جهاز اللاب توب


1- اختراق الكاميرا المرفقة بجهاز اللاب توب , هناك برامج متنوعة يستطيع الهاكر المريض أن يخترق الكاميرا و يقوم بتشغيلها من دون أي دلاية و لا إشارة ضوئية للكاميرا و لا أي شيء إطلاقا .

http://antihack-protect.blogspot.com/

احلام جوليا said...

عزيزتي فانكوفر وجعتي قلبي بجد انا حسه بك لان لي اخت غالية وعزيزة على قلبي تمر بنفس المشكلة وزوجها مصري مش كويتي ونفس الشكوى وعايزة اقول لك ان الرجال ايا كانت جنسياتهم فهم انانين وحبيبة قلبي المثل المصري بيقول ابنك على ما تربيه وجوزك على ما تعوديه اذا من اول مرة خرج مع صحابه تركتيه وما عملتيها زعله كبيرة عادي بيتعود وبرضه علشان لا اظلم الحريم الرجال طباعهم مش زي بعض وفي رجاله بيعتبروا صحابهم اهم من حريمهم وبيعودوا زوجاتهم على بعض ومهما كان البيت مثالي والزوجة مثالية مفيش فايدة فيه لكن اقول لك حاولي لو كانت مشكلتك ولو مش مشكلتك ومشكلة حد تعرفيه انصحيها تجرب وتاخد موقف او تفكر في كل الحيل الممكنة لقعاده في البيت والست لازم تدرس جوزها علشان تعرف تتعامل معاه وربنا يوفق ويهدي الرجالة

Shaima'a Alkandari said...

اممممممم

مادري اللى اسمعه وايد بصراحه غير عن اللى انتى قلتي وفي من اللى ذكرتيه


يعني تتوقعين المره ماتقدر تغير من ريلها وتعلمه من البدايه علشان يكون معاها سيده



بس اذا الكل جذي عيل الله يكون بالعون بصراحه




الله لايبليني بواحد مايدري عني

lawyer said...

مشااااااري


اي والله هذي الساااااالفه تراااااااااا شوووووووووفه عيني

و مو صاحيه المره يمنووووووووونه



بس شووووف انتقامها اشلووووووووون

Sn3a said...

اول شي ماشاءالله لا اله الا الله
ربي يحفظكم انتي وزوجج ويبعد عنكم العين

ثاني شي
من صجج اختي
توج تعرفين الكويتيين
انا من زمان فاقده الامل فيهم
الملتزمين تلاقينهم يخربطون من تحت لي تحت
والمتدينين كلش شوفي ماضيهم الاسود
اللي رايحين فيها جدامج تلاقين رايحين فيها اكثر
والساكتين شوفي شنو المصايب اللي مسوينها
اللي يقول انا مع حقوق المراه تلاقينه يعتفس ان صارت مديرته مره او ان صارت مرته اعلى منه بالمستوى العلمي
واللي يطلعلي بالتلفزيونات عيالكم وتربيتهم مينن بنات العالم بالجامعات واكبر مغازلجي

من صجج
اصلا هذول يبيلهم تجنيد عشان يصيرون مثل رياييل قبل
ويقدرون نفسهم والنعمه اللي فيها والتربيه اللي تربوها ويقدرون المسكينه اللي انقردت وخذتهم واهيا كانت تحلم بريال يشاركها حياتها حصلت معزب وبس


الله يردكم بالسلامه ويعين هالبنات
عيل وحده من معارفنا تقولي قصه واحد حسبي الله عليه
متزوج من كان عمره 19
فراحت البنت وياه البعثه
تدرين ان خلص البكالريوس والماجستير
ورد الكويت
طلقها
تزوج وحده معاه بالجامعه ورد كمل الدكتوراه
عياله ماسأل فيهم

بنات عبدالغني شربت said...

صح في وايد رياييل من هالنوعيه
تلقين المرة تشيل وتحط وتنظف وتطبخ ومجابله اليهال والريال الله بالخير وحتى معامله سنعه ما تلقى منه
في وحده كانت معاي مسكينه قعدت 6 سنين في كندا واهي غير المنطقه الي اهي فيها ما شافت
ومطاعم انسي طبعا ومشتروات من ارخص الاماكن ولا تنطر التنزيلات بعد
يعني صج شقت مسكينه وياريت على كل ه>ا لاقيه ريج حلو من الريل
تشوفين بنات ج>ي وتقعدين تسمعين بس
وتنقهرين عليهم
ولا تبين بعد في وحده كانت مع ريها بكندا وقعدت معاه طوول فتره دراسته وبالاخير اسوى فيها تزوج عيها عراقيه ورد الديرة
ه>ا بعد مرة وحده
بس تدرين الغلط من منو منهم يعني ا>ا انتي عارفه ان ريلج من هالنوعيه ليش قاعده ومتحمله عشانه لا يبه خليه وردي ديرتج ابركلج

*
حلا شربت

almar7om said...

أنا ما أتفق معاكم ..الريال مثل الطفل يبي رعايه و اهتمام و انه يحس بوجوده و للأسف بناتنا طايحيله قرقه بالتلفونات و حش بالاوادم ولا مطيحين ببيت امهاتهم و غير العروس و المناسبات أضف الى ذلك التحلطم و الحنه من غير داعي
فأكيد راح يدور الريل الفكه من عوار الرااااس

DiLLi O MiLLi said...

فاااانكوفر أشلووونج؟
:*

شوفي هالخبر بجربدة الجريدة
تذكرين البوست اللي كتبتية عن هذا المعتوه

http://www.aljarida.com/aljarida/Article.aspx?id=108951


:)

~ تيمــاء said...

والله ما تنلااامين


سنة 2007 كانت نسبة طلاق الكويتيين تحت سن الـ 25 و اللي ما كملوا سنة على الزواج 65% شنو معناته ؟؟ في خلل كبيير و واضح بتعامل المتزوجين بس وين ؟ و من منو ؟ الله أعلم


="(

Anonymous said...

اذا اكو فااااايده وحده بس من كندا



بتكون
اني عرفت قدر زوجي عدل




انا منج أبروزها

اجار الدين كشمش said...

حبييييييت

ابااارك لج ...على البوست

القديم اللي فيه ولد الشيخ زايد يعذب الافغاني المسكين

قد وقع بين يدي العداله
غصب على ديرته بضغط ن العالم ومنظمة حقوق الانسان
الانمست

مبرووك لابوظبي وشعب ابوظبي

ان الله يمهل ولا يهمل

فمالله

حسافتج يا كويت said...

وينج عسى ما شر

نحاتي ترى خو بالكويت ماعندنة شغلى إلا المحاتاه


عسى المانع خير فوق الشهر ونص

LIVE said...

انا اأيد كلامك 100 % و للأسف اغلب الشباب بس يتزوج و يجيب عيال يكشت في زوجته و عياله و يلها مع ربعه و يخون زوجته المسكينه اللي صاينته و صاينه عياله .. بس للأسف!!
انا دائما اقول لأي واحد حديث الزواج "عامل بنت الناس مثل ما تحب ان يعامل زوج اختك اختك" و الله يستر علينا على الجميع.... تحيتاتي

charisma said...

شالدنيا فيج يالغاليه
ان شاءالله تكونيين بالف خير يا رب
::**

مس يو