CLICK HERE FOR BLOGGER TEMPLATES AND MYSPACE LAYOUTS »

November 05, 2008

تحديث

تحدييييييث
الفوز التاريخي لهذا الرجل هو فوز للارادة
مبروووووووووووووووووووووووك اوباما
ليلة لا تنسى ابدا
وخطبة ولا اقوى ..ولا ابدع
مبروك سيادة الرئيييييس
كسرت القاعدة بكل المقاييس
ومبروك علينا صداقة امريكا في ظل السلام

وانت عطنا مقفااااااااااااااااك

جبح ويه ما حلااااااه ربي

:Pp~
=============================================
الزبيدي \\\ المرزوق









صبحكم الله بالخير ومساكم الله بالنور
كله مع بعض
ههههه
اليوم موضوعي يا محفوظين السلامة عن اخر اكتشافاتنا
الصج هالاكتشاف من زمان مكتشفينه

بس تعييزت اكتب عنه
ههههههه


الاكتشاااااف الخطير اهوه الزبيدي في ارض المهجر



لووووول
كنه نحوس بالمحلات الصينيه
جان نطيح على زبيدي تايلندي ..مستورد ومثلج طبعا
وانتشر الخبر انتشار النار في الهشييييييم بين الكويتيين
:pp
لووووول


اللي يضحك انه حده حده صغير ..عنونو



كبر جف ايدي او اصغر بعد..نتتتتتتفة



يونس بالتنظيف ما يتعب



صج الطعم يففففففففففففففرق عن زبيدينا بالكويت



بس ميخالف العوض ولا القطيعة
اسمه من رييييحة الحباااااااااااايب



هاهاهاها




طبعا حطيت الموبايل بس كوحدة قياس للحجم




هههههه




ترى التلفون هذا نتتتتفة ومع هذا اكبر من الزبيديه




لووووول





المهم ..عقب ما طبخت ذيج الطبخة المعتبره




وسويت معبوووووج




:))





ييت بصور عقب النجاب




ولا الاخت ..البطاريه.. خااااااااالصة
حسااااااااافة




:(((((
المشكله ابو الشباب ماااااااااا نطرر




من صجكم زبيدي وينطر???




قال مره ثانيه صوريه ..مو مشكله




!
اقولكم بعد شنو الاكتشاف الخطير والا اسكت




??




اخاف تقولون عني بطينيه




لووووووووووووووووووووووول





الاسبوع اللي طاف فاتح محل باكستاني
رحت احوس فيه




جان القى سمجة غريبه ..كبيييره قلت تصلح للشوي




شريتها ويبتها البيت ..زوجي مات من الضحك علي
يقولي من وييييييييييييين يايبه




صبوووووووووووووور?????
هاهاهاهاها
هاو.. صبور ? شصبوره




لا لا غلطان




انا ما اعرف باشكال السمج قبل الطبخ ترى




:\




المهم قتله يتروااالك بس




تبلتها وحشيتها ....وبالفرن




والله لا يوريييييييييييكم




الله ياااااااااهي ريحة زفره لوووووول




البيت تبخر عددددددل




والمطابخ اهنيه مفتوحة على الصالات




فتخيلوا الوضع
وفعلاااا طلعت صبورحسينا نفسنا عتاويه




لوووووول







طبعا الف وخمس اميه شوكة بكل لقمه




بس ميخاااالف شي من ريحة الديره حلووووو




:)))
وهم للاسف راح عن بالي اصوره




عاد هذا اللي ما اعتقد برجع اطبخة ..الله وكيلكم
بخرت البيت بنفس اليوم اربع مرااااات
ويتروالي اني لما الحين اشم الزفره




و بس سلااامتكم




:)
انزين خل نفتح باب للمناقشه




هاهاهاهاها
شنو اكثر اكله كويتيه تحرصون تاكلونها بالسفر والسؤال للناس




اللي يشيلون ماجلتهم معاهم ويحبون الطباخ والنفاخ بالسفر




?????????????




====================




============





عسى الله يرحمك يا بوسليمان ويغمد روحك الينه




والله هالبني ادم كان نادر بتواضعة وخف طينته ونزاهته




مهما قلت قليل بحقك




:(




حسيت حزتها ..بس عرفت الخبر




اني فقدت ابو




وفكرت اكتب بوست بس الكلام ماراح يفيدك




اللي يفيدك دعائنا لك انه الله يرحمك ويغفرلك




ويصبر اهلك بفقدهم لك




اتمنى الكويت ..يكثرون فيها امثالك




مع انه امثالك نادرين




الله يصبر اهلك والبركه في براك الصغير ان شاءالله


61 comments:

Fashionista said...

الزبيدية تشووووووق

انا لما كنت ادرس برة اكلتي المفضلة كانت المعدس :)

أيااااااام

4all said...

مجبوووس دياي

or

برياني لحم





But for you guys in the freezing Canada قبوط or
المرقوق will be more appropriate...?!

Kuwait said...

لوووووووووووووووووول ..
يحليلج اتعرفين تطبخين :D
انا ما آكل عيش نهائيا :)
عليكم بالعافيه بس انا منج لو شنو ما رضيت احط تلفوني يم السمج :\
الله يرحمه رجل والرجال قليل ..

Mamloo7a Q8ia said...

ههههههه
يحليلها ميني زبيدي
بعد عمري الله يهون عليكم سنين الغربه

انا في سفرتي خاصه للاماكن الشتويه
احب المموش مع دقوس الصبار

والله يرحمه بوسليمان
ويغمد روحه الجنه كان رجل لا يعوض
في زمن يحتاج لامثاله من الرجال

JD.. said...

عن ريحه الزفر بخري البيت بسكر او قشر برتقال عشان يمتص الريحه

Eng_Q8 said...

زبيديهم على مقاسهم :p

بالعافيه

Purplecious said...

لوووووووووووووووووووول

يا سلالالالالالام يا فانكوفر
هذه البوستات الزفره و الا بــــــــــــــلاش
ههههههههههه

الزبيدي في ارض المهجر

ترى ينفع عنوان لفيلم وثائقي قصير

لوووووووووووووول

يعني نقدر نقول ميني زبيدي؟؟
أي ميني الا بيبي زبيدي
ههههههههههه
و أهم شي الموبايل وحدة قياس لوووووول
وايد وايد عنونووووووو فانكوفر من صجكم تاكلونه و لا بس تحلفون عليه؟
هههههههههه
و بعدين الاخت بطارية حبكت تطفي الحين!! يالله عليكم بالعافية

و الصبور من صجج ما عرفتيه؟؟؟ (اللي يسمع يقول انا مسكته الحين) ههه

و تقولين انا ما اعرف باشكال السمج قبل الطبخ ترى

يعني السمج قبل الطبخ شي و عقب الطبخ شي ثاني؟؟
هذا دليل انج أول مره تطبخين سمششششش
هاهاهاهاها
عاد أنا أحب السمك بس طفارتي ريحة الزفرة و الشووووووووك

________________

انزين البوست الياي عن شنو؟؟؟
@@
لووول يازتلي السالفة

فانكوفر مودي هالايام ايطالي
يا ليت لو تودينا برحلة عبر بلوقج الثقافي للتعرف على معالم هذا البلد العريق و الانيق و الرقيق
هههههههههههههه مادري شوفي على ذوقج نبي شي رومانسي.. شي فيه ريحة
لأن لما نقرا بوستج و نشوف الصور نحس بالريحة و نشمها و احنا بمكانه
بس وخري عن الثوم و البصل و أدوات الخيسة اللــــــــــه لا يسفهك

:******

Enter-Q8 said...

تبين تقولين بره
اي شي من ريحة الكويت حلو
بس طبعا ما نعرف الا مجبوس دجاج هذا اللي نعرف نسويه و تصير هليله
الزين اني لما كنت بره
كانوا الكويتيين اللي يون الديرة اللي انا فيها نوعين
يا علاج يا تجارة
فا طبعا صحبة اهل العلاج
و ما يقصرون اذا طرينا اكل الكويت
وانا عندي شقة بكامل معداتها
فا تلاقين صايرة الشقه مجمع الكويتيين بالويك اند هناك
بس احلى شي اذا ام عمر الله يشافي بنتها
ايام
المربيين
و المطبق
ياعيني ياليل
الله يطول بعمرها

على طاري ريحة الكويت
مره دزولي
درابيل يعني هدية

kuwaitawy said...

متى تعزمينا؟؟؟؟



------


الله يرحمه ويغمد روحه الينه انشاءلله

عثماني said...

انا من انصار المموش

خاصة اذا صارت الديرة باردة

ايباااااااااااه

اسلطن على المموش

:)

والله يرحمه و يغر له

JooJ o MaJooJ said...

الزبيدية شكلها مافيها لحم من صغرها من وين يايبتها هاهاها
عثماني...مع دقوس صبار ولا بروحة :p
الله يرحمة و غمد روحة الينة
jooj :(

Anonymous said...

يازينه هل براك لصغير خفطينة الله يخليه
سليمان او فهد عندج يكملون مسيرته بالعطاء :)
و الله يصبرنا ويعينا

دلة said...

الزبيدي مت ضحك عليه هههههههه
اثري هالصينيين خابرين عيشتنا كل شي قلدونا فيه
شوفيهم
http://www.youtube.com/watch?v=PADD9NId6vk


ايام الجامعة كنت محترفة شوربة عدس بالبطاط
البطاط مو المطحوووون لا
اقشره واقصه واحطه بالشوربة ههههههههههه

Shaima'a Alkandari said...

ريحة زفره

عاد تدرين انى مااواطن شي اسمه سمج مادري ليش ماحب اكله

على العموم عليكم بالعافيه

طلعتى طبااااخه ياسلااام يبيله نذوووق طبااخج المره اليايه تنقصي لنا شي بس عاد شنو مو سمج

ويحليلها الزبيديه شكلها توها صغيرونه ماكبرت

وخوش مقياااس ياوخيتي :)

وبالسفر مادرى بس ماكو مجال احد يطبخ نلهى بالطلعه والتمشي وناكل اى شي


والله يرحمه ويرحم جميع موتى المسلمين يارب

الخيلاء said...

مو من ربع الطبخ بالسفر موليه
حتى الخفايف ماناخذهم معانا

بس الزبيديه هذي بيبي زبيدي
ياحلوها تطلع قزمه عند زبيدينا

و الله يرحم بوسليمان
و يصبر اهله

يا سْديرَه said...

الله يرحم بو سليمان ويجعل قبره روضة من رياض الجنة اللهم آمين فعلا فقيده اللي مثله ما يتعوض ياشين الشاميه من عقبه

________

لحظة اشوي جنه بدا يحوشني طشار التلج :) برد عندكم خليني اتلبجن ابشتي جني استبردت حيل صراحة مو وقته يلفحني هوا
:)


اخيتي جان نطرتي عليه هالفقير يزغددويطول اشوي
:)
سبحان الله هالزبيدي نسبة وتناسب بينه وبين ربعه اللي ياي منهم
:)
فديته نتفه :)يتراوالي مافيه شي حده ناشف :) يالله تاكلين درزن تالي يمكن يمكن تحسين انج اكلتي زبيدي


بالنسبة لسؤالج شوفي يالغاليه
ماني اكيله فلما اسافر طبيعي ما اطلع الا بطرق الجنطة اللي فيها اثيابي :) بس اكثر شي يطري علي وآنا بره الزفر وخاصة مطبق ازبيدي مع ذاك الدقوس والأجار السنع !! بس مستحيل آكل الزفر الا في ديرتي وبين اهلي .. على طاري الزفر احلى شي وآنا آكل الميد @@ الوحيد اللي آكله غصب وآنا لابسه بديني
Gloves
اشدعوه داشه غرفة عمليات

اهو الوحيداللي ما اتحمل ريحته ولا اتحمل يحوش ايديني بس فايدته الغذائية اتخليني اضحي بخياشيمي واتحمله غصب

ويه جنه طقني اليوع تالي هالليل يالله الجدوة كلش مو وقته

تصبحين على خير يالغالية والله يردج والعايلة الكريمة بالسلامة وتاكلين ذاك الزبيدي المربرب اللي يخليج تقولين ويييييييين المخده ييبولييييي المخده
:)

charisma said...

يختى يا حلالالات الزبيدى ههههههههههه
هذا ما يسوى شى شلون كليتووو
:))))
عجيييب فانكوفر
حسااافه ليتج مصورته بعد الطباخ
ما كشش
;P

البوست ايوع
وااى فانكووفر هاابه ما اتعشا وقريت بوستج الحين الساعه وحده بالليل بموووووووووت يوووع

بس والله ماشاءالله عليييج يعجبنى اصرارج بالاطباق الكويتيه
هههههههههههههه

اصدقين ولا مره تعاملت مع السمج !! احسه يبيله حوف لان زفر
:/

انا من عشاق المجابيييس
وغرامى المطبق
مع الاجارات
:)

عواافى ياالغاليه والله يرحم بوسليمان برحمته الواسعه

عــــــابره said...

يوعاااااانه

اشتهي اكثر شي بالسفر

رز والمرق بكل انواعه

والقبووووووووووووط

وتشرررررريب والعصيده

Anonymous said...

اففففف والى مايعرف يطبخ ومومتزوج يموت يوع بالغربة؟
كل ما شوف كوبل اقول بتعرف عليهم جود المره تطبخ وتتنقصلي:(

عثماني said...

جووج

لا .. وياه دقوس صبار و بيديان

و راس بصل على كتر .. جني ما ادري

وغرشة فلفل

يا عيني

يا ليل

ابي ممووووووووووووووووووووووش

:(

Mishari said...

سواها الاسمر
بس كلهم نفس الشى والله

والزبيدي عليكم بالعافية

واذا تبين ادزلكم مثلج يوصلكم كندا عندي واحد رايح بعد جم يوم
حاضرين اذا تبون هامور وزبيدي وضلع خروف بعد :))

Purplecious said...

مبـــــــــــــرووووووك
فانكـــــــــــــوفر

ترى انا فرحانه لفرحتج خنت حيلي أشوفج من الصبح تفترين و مسيره من كندا ليما الكويت

هههههههههههههه

vancouver said...

فاشونيستا

ثانكيو فاشونيستا
والمعدس احبه بس بالسنه مره
:)

_-----------------------_

فورالل

ها اشوفك من ربع المجااابيس
:)

وي وي اش قبوطه
لا لا ماعرف اسوي قبوووط
والمرقوق شكله مااا يشوق
معنه ادري طعمه لذيذ
بس انا احب اسوي الاطباق اللي شكلها يصير يشهي
لوووول

الشكل واايد مهم بالنسبه لي
:)


_---------------------_

كويت
لاااااااااا ما تاكلين عيش
لا بالله منتي كويتيه
ههههههه

الله يعافيج
هههههه

ناديت زوجي يحطه عالصينيه عشان
مقياس الحجم يصير واضح
لووووول

_------------------------_


مملوووووووووحة

هلا بالطش والرش
اي والله يبتيها ميني زبيدي
ترى هم بالتصوير مبينه اكبر من حجمها الصجي
نتووووفة
كلش
امييييييين حبيبتي

الللللللللللللللللله على المموش
يا سلاااااام
علييييييج

_--------------------------_

ج د

ثاااااااانكيو
بجرب ان شاءالله المره اليايه
لاني فعلا تاذييييييت من الريحة مو شويه

_-------------------------_



مهندسنا

ههههههه صاج

الله يعافيييييييك

vancouver said...

بربلووووووووووووووشة

جنه ايدي عورتني من الكتابه

ارجع بااااااجر

لووووووووووووووووووووووووول


لا لا افا عليج

بكمل عشان خاطر القذله وصاحبتها
هاهاهاهاها


بوستات ززززززفره

اش قصدج ياهاااانم
??

عنوان فيلم
اي اي يصلح
ههههه

بيبي زبيدي والله

تصدقين يكسر خاااطري بالطباخ
اقول ليش ما صبروا عليهم مساكين لما يكبرون
يابوا اجلهم مبجر
ههههههه



لا لا نحلف عليه طبعا
هههههه

طببببببببعا السمج قبل الطباخ غير
لما تشوفينه مع زعااانفة
يصير شكله غير

مثال
اعرف الهامور لما ينطبخ
وافرقه عن باقي السمج
بس لا تيبيلي
عشر سمجات توهم طالعين
من البحر
وتقوليلي ايهي الهاموره
ترى حدي مااااعرف
:\

-----

الله مودج ايطاااااااالي

يازين ايطاليا ويازين شوارعها واهلها واكلها وكل شيء فيها

هههههههه

حاااااااااااضر تامرين امر بربلوشتي

من هالعين لي هالعييييين
:)

اطلب من عيوني الثنتين
مثلك تلبى مطاااااااااااااليبه
:**********

vancouver said...

حاكي عقالي


هلا بخوي
اي والله كل شيء من ريحة الكويت عسسسسسسل

الله يعطيها العافيه ويشافي بنيتها ام عمر
تسوي لكم مربين
صج مدلعتتتتتتتتتتتكم

اي
احنا الاهل على طول
يدزون
الدرابيل
الرهش
الحلوى
القهوه
التمر
الهيل والزعفران
البخور والعود
الله وكيلك حتى
استكاناتي وفناييلي
اهمه دازينهم لي

لا ولما زاروني
مهربين
اجااااار
قيمر كويتي
وزيتون سوري
وبهارات اشكاااال وانواع
لووووووووول

نعجبك بهالسوالف
هههههه

_----------------------_



كويتياوي

افا عليك
حيااااااااااااااك
الله

باجر غداك عندنا اشرايك
?
:)

__
اميييييييييين

_------------------------_


عثماني

هلا بخوي عصماااني
هلا بعزوبي السالميه
لووووول

لا لا عزوبي النزهه
ههههه


الله على المموش
ياسلااااااام
احنه على طول براد الله وكيلك فرييييييييزر

:\

امييييييين

vancouver said...

جوج وماجوج

اي والله مسويه رجيم الاخت
هاهاهاها

بس هم حتتااااكل يعني حتتااااكل
:)
وعثماني جاوب على السؤال

اميييييييييين


_-------------------------_



غير معرف

الله يحفظه لهم ان شاءالله
والبركه في كل عياله
وبالذات سميه
امييييييييييييييين

vancouver said...

دله

معقووووله
صج ماخلو شيء هالصينين
مشكووووووره هالراابط

احلى شيء شوربه العدس
بس انا ما ادري ليش
العدس والمعدس احبها واشتهيه
بالسنه مره مرتين
بس موووو على طول
احسه يدفي زيااادة عن اللزوم
وابق من الحر
لووووول


_-------------------------_

شيماااااااااااااااااااااااء
لا لا اكيد انا حلمانه
هلا بشيوووووووووومة الشيخة
اشلووووووووووونج

جذيه تضيقين خلوقنا باخر بوست كان عندج وتختفين

:(

والله مكانك خالي

وااااي جنج اخوي
مايوااااااااطن السمج

الله يعافيج

هذي بركات الغربه الله يسلمج
صرنا ستات بيوت عدددددددل
واحنا في اوج الشباب
لوووول

اميييييييين


مشكووووووووره شيوم على طلتج الحلوه

_---------------------------_


الخيلاء

زين تسوين
ترى انا مستحيييييل اطبخ اذا مسافره سياحة
بس الحين مقيمييين غصب علينا
اي والله قزمه
ههه


الله يرحمه

اميييييييييييين

ARTFUL said...

عليج بالعافيه ومبروك على اوباما

بس تنظفين سميجات

والله على راسي

ايي هذول الحريم والا بلاش

;D

بنت الشامية said...

مبروك عليكم اوباااااما
بس عاد ماارضى على ماكين
=====
ماكول العافيه ان شاءالله
ومطرح ما يسري يمري

والله يابعد عمرى يزاكم بالجنه ان شاء الله....غربه وبرد وماكو زبيدى

اما عاد الصبور...ههههههههههههههه
والله انج بطله اللى شويتيه بالشقه
ثانى مره اذا اك ريحة زفره بعد السمج...حرقى شاي ورق...او قهوة
تمص الريحه بسرعه وبعدين بخري الشقه

شوفى انا بقول الصج...انا مو بطينيه
بس ما احب اكل المطاعم وايد.... اتحمل الاكل فيهم اسبوع وبعدين بس خلاص
احب المعدس....الكشري....مرق خضره
بريانى خضره ..بريانى ربيان...بريانى سمج .لوووووول خبرج ماااا حب اللحم
بس الحين كل شيئ تلقينه لما تسافرين مافي داعى تودينه معاج
والالاهم احب الطبخ ...والطباخ عندى وايد سهل اصعب شيئ ..غساااال الجدور
ههههههههههههه

THE BOSS said...

مبروك فوز الخال البركي

على هل حجم هذا ميد مو زبيدي

وعطني ولعه

بوتشخيص said...

ويسلم قلبهم الزبيدية لوول :)

اجار الدين كشمش said...

سيدة كندا.. اول انا خايف منج بعدين قريت المعوذات ..وتوكلت على الله ..وانشرح صدري
ورديت عليج عند اخت الجميع دولي
""""""""""""
اقري على رواق حتى لا تروح نشوة الزبيدي على فكره بلندن كان موجود في هارودز وبعدين الكويتين لقوه بالبقالات الصينيه في سوهو
وبطنك مايشوف الا النور
هههههه
وخاصة بالغزو الصينينين
اخترعوا ولا يوم التحرير
المهم الاباء يسمون الزبيدي الصغير مشوط
على شكل المشط الخشب القديم
مال العيايز

صحتين على البكم والزوج الكريم بس لا تعزمون احد
من الصور يالله يكفيكم
فمالله

-mate said...

أهل فانكوفر، إستانسوا لما نجحالخال؟

مدونة ممتعة تستحق المتابعة، بضيفج في لستتي
:)

يا سْديرَه said...

هههههههههههه
يعجبني التحديث
:)

صارلي تقريبا شهرين وآنا اغني اسمر عبر مثل القمر اعناد في الأهل :) ليش ؟؟ لأنهم عشتو كلهم عن بكرة ابيهم جمهوريين

:)

اللي يسمع يقول كلش الحين دروا عنهم
أهم شي ان
law of attraction
مسوي شغله معاي
:)ههههههههههههههه
بس ماش شكله كلش مو ماشي معاي داخل الديره

الناس ملت من مجابل بو البدليات وربعه:) ملت من حزب الدمار .. ملت من كثر هالحروب

المهم يالغاليه

نطري الإهداء الياي :) مخصوص لبعض الناس العسل واللي ياخذهم الطرب على
غفله
;r

وتصبحين وتمسين على خير
:**

حسافتج يا كويت said...

فعلا ويها ودر ماكين


--------

الزبيدي هذا جربتة واللة مو بطال لكن موذي بالاكل مسرع ما تخلص الزبيدية

بس اللي احلى من السمجة يا فانكوفر هة ((سماطكم))إهبل عجيييب

-----------------

فعلا رحم اللة بو سليمان فلقد تم يخدم الكويت لاخر يوم في حياتة وبجهاز حساس بالدولة

والبركة إنشاء اللة في ذريتة من بعدة


ومثواة الينة يا رب


---------------------

فانكوفر دزيلنا بالكويت سماطكم تراهو خذا عقلي

Alia said...

فوز تاريخي يحسب للشعب الأمريكي
طلعوا خوش اوادم

اقصوصه said...

ماا شالله عليج

شكلج من هواة الطبخ

ولج مغامراتج فالمطبخ

حلوه وايد التدوينه:)

بانتظار اليديد :)

نقوشيه said...

first, mbrOk for Obama, yestahel walla ;)
2nd, lezbeedi 7da 56eeer ;p awl mra ashof chethy size hehe ;p

interesting blog ;)

سدرة العشـــاق said...

السلام عليكم

الزبيدية تشوق

على ايام دراستي بره كانوا الوالد و الوالدة الله يحفظهم اذا يوني يابوا معاهم السمج و الربيان و القباقب لوول البيت ما ينبغى من ريحته بس الصراحة الاكل عجيب و ايد الوالدة ... يعت لووول
كنت اعزم البنات لووول كان عيد بالنسبة لنا صج ايااام

هني و عافية و عساج على القوة

: )

صبا said...

الله قريت البوست وانا يوعانه

يا حلو السمج شكله يونس عنون
صغيرون ..ما شالله عليج تحبين الطبخ
وعليكم بالعافيه

انا احب السمج وبالذات الزبيدي
بس ما حب الربيان
:((

بالسفر كلش ما اطبخ
بس احب الطبخ ,,وممنوعه من دخول المطبخ مادري ليش ,,ماكو ثقه ,,
امي الله يهديها كله طاردتني
:)
ومبروك الفوز لاوباما
يستاهل ,,

والله يرحم بو سليمان برحمته يارب
ويغفرله ,,مثواه الجنه انشالله


متي تردين الكويت
طولتي واااايد
:***

Barrak said...

من ياب طاري اسمي

حبيت اسلم

Sweet Revenge said...

صاجة والله فوز للارادة عجيبين هالامريكان والله بس يجبرونج علي احترامهم عندهم مخ ,مو يتحلطمون من واحد تالي يردون وينتخبونة
اما الزبيدي بس شقول شهيتينا الله يسامحج :)

om comment kuwait said...

انا ما احب السمج بس شوقتيني على الزبيدي ادزيلي وحده :) على ال dhl

vancouver said...

ساااااااااااااااامحوني واااايد

كنت مسافره سفره قصيره واول ما رجعت
استمرض ولدي
ولهيت معاه

اسفة على التاخييييير
:(

vancouver said...

يا سدييييييره

امييييين
ايه والله
اتصدقين وااايد زعلانه
انه شخصين توفوا وانا بره الديره

بابا جااااااااااابر الله يرحمه
وبوسليمان
الله يجعلها اخر الاحزان ان شاءالله

----


هههههههه
عاد صج بردنا ما يغشمر
فظييييع يا سديره
مره ثانيه بشب الدوه واحطها عند باب بلوغي
ههههههه

والله صغير الزبيدي وناشف ومافيه لحم
بس هم نااااكله عشان اسمه من ريحة الديره
ويذكرنا باكلاتنا الشعبيه لووووول

طلعتي مو من ربع الطباخ في السفر
زييييين تسوييييين
عيل الواحد شلون يحس بالتغيير لما يسافر

لووووووووول
جلوفز حق الميد
لووووول حدج رقيقة
سوي مثلي
انا اذا الميد عالسفرة ما اقعد اصلا
هههههههه
حده زفر
يبا ماكو الحين شيء ما تحصلينه بحبوب
شوفي شنو القيمه الغذائيه اللي بالميد
واكليه بالحبوب
اسسسسسسسهل
ولا هالعذاب
ههههه

وانتي من اهله حبيبتي
ياااااااااااا فرحتي من اشوف طلتج
يا سديره


:***

vancouver said...

كارييييييزما
هلا وغلا
بالشيخة
:)

لا لا ما كليناه
صورنا معاه بس
لوووووووووول


ليش ما تعشين
مووووووووووووووو زين

ما احب النوم على يوع
يخليج تحلمين بولاااائم
هههه

اكلي خفايف بس
مثلا مثلا
مرقوقة
بلاليييييط
محرووووووووق صبعة
يعني خفايف لا تثقليييييين
لووووووووووووووول


صاااجة السمج يبيله حوف
بس ترى سهل
ما احسه صعب
الله يعااااااافيج

اميييييين الله يرحمه


_-----------------------------_



عابره

ويييييييييييه لو ادري انج يوعانه
جان خشييييتلج صحين
لووول
لححححححححححححظه
تشتهيييييين قبوط بالسفر
لييييييييش
هههههه

التشريييييبه بس اشتهيها برمضان
وبسسسسس

حيااااااج الله يا عابره

_--------------------------------_



غير معرف

الله يعييييينكم ترى اللي بحالتكم
صج الله يعينهم تكسرون الخاطر والله

ههههههه
والله استراتيجيتك حلوه
بس انا اقول لو تتزوج احسسسسسسن
بتضمن لقمتك كل يوووووم
ما تنطر العزيمة
عاد حلااااااااااته تتعرف ويطلعون بخله
لوووووووووووول

والله كسرت خاطري

_--------------------------------_



عثماني
هلا بخوي

ايباه وبيديان بعد

خوش شيء
بس بصل لاااااااااااااااا
نو واااااااي


احلى شيء
وجنك ما تدري
لوووووول
عليك اسلوب عجيييب
ههههه

_----------------------------_


مشاري

ايه والله سواها الاسمر
صاج كلهم نفس الشيء
بس اللي عاجبني المبدا نفسه
قصة كفاااااااح
مو هينه

الله يعافيك

مااااااااااااااتقصر
مشكوووووور واااصل يا مشاري
من غير شيء والله
انا ابي غرششششششششششششة
فيها ريحة الديره بس
ما بي شيء ثاني

_-------------------------------_


بربلوووووووشتي الشيخة

الله يبااااارك فيج
ههههههه

من الوناسة ليلتها ما يانا نوم
سوووو اكسايتد
والله
احنا شكو ماادري
بس كنا مستانسين
ههههههههههه


:**

vancouver said...

ارت فل

الله يعافيييك ويبارك فيك
:)

يسسسسسلم رااااااسك

ايييييه يا ارت فل

تعلمنا ننظف السميجات
هذي الغربه وما تسوي
ترى كل بنات الكويت فيهم البرررررركه
بس الظروف ما تستاهل يزفرون ايدهم
لو ماكو خدم وحشم وطبابيخ
منو يعني اللي بيطبخ

شكرا على التشجيييييييع
هههههه

_------------------------------_


بنت الشاميه

هلا وغلا

الله يبارك فييييييييج
لووووول
خلاص خلاص بدورله صوره حلوه واحطها

تهقين اكو
?
لوووووووووووووووووووول
مسكين ماكين
اهوه ماله شغل
بس ويها صج شااااحب

الله يعافييييييج مشكروووووره

شفتي شلون غربه وبرد وكراااااف
هذا اللي ذابحني
شغل البييييييييت يلووع الجبد
استغفر الله
:(

خلاااص ان شاءالله بسوي طريقتج
وهم فيه بلوغر قالتلي اشب قشر برتقال
بجر طرقكم كلها
مشكوووووره

اذا ما تاكلين لحم معنااااته حدج رومانسيه
ترى في دراسة تقول النباتيين اكثر رومانسيه من اكله اللحوم
هههه عاد ما يندرى
?
لوووووووووووول غسااااااال الجدور
مغثه ما بعدها مغثه والله

حيااااااااج الله

_------------------------------_



ذا بوس

الله يبارك فيييييك
لوووووووووووول
سميتوه الخال البركي
هههههههه

ترى الميد اطول منه اعتقد
نتتتتفه هالزبيدي شي مو طبيعي
من غير ولعة
طبعا

_------------------------_




بو تشخيص

لووووووووووووووووول

:)

يبيلهم قرقاااااااشة
مو
??
ههههههههه

vancouver said...

اجار الدييييييييييييين كشمش

هو انت شرفت يا خويا
خش برقلك اليمين
يا ريا
حضريلي المندييييييييييل

لوووووول
اشدعوه ياخوي

ترى انا ما اخرع وحدي حدي
ما اخرع
لووووووووووووول
الله يغربل ابلييييييسك شككتني بنفسي
لوووول

مشكوور على الرد قريته يا اجار
وراح ارد عليك هني
لان دللي بعد عمري قلبنا مدونتها
سااااااااحة قتال
زين منها المره ما كشتنا بره
ههههههه

انا معاك ووياك وما اختلف معاك ابدا بعقليه العرب اللي بامريكا
تدري اني معاشرتهم الحين صارلي خمس سنين
شفت شلون ناس سلبيين ومتقوقعين على نفسهم ويا الله همهم يمعون فلووووس
وبس حتى امريكا لو تحترق ما يهمهم
المهم حساباتهم في البنوك
بس
انا قصدي
لو تشجعوا وحسوا انه وجودهم والتفافهم وتكاتفهم راح يحقق احترام الناس
لهم ممكن يتغيرون
لو وصلوا صوتهم عن طريق التصويت وحسوا الاحزاب انه العربي صوته مهم
مثل الهسبانك والسود وباجي الاقليات واولهم اليهود
اهنييييه ممكن يحترمونهم اكثر
ويحترمون قضاياهم

بعدين انا حدي معجبه بكفاح هالرجل اللي اسمه اوباما
ترى من ايام مافاز وصار سيناتو وانا متابعته
انا اكره البرجوازيييين اللي يصعدون على كتف الاخرين
وبالنسبه لي حزب الجمهوريين برجوازيين
وانتهازيين
بترد تقولي بس حرروا الكويت
بقولك ارجع شوف رد دللي عليك
وبتلقاه نفس كلامي

رب العالمين حفظ ديرتنه
وسخرلها الامريكان والتحالف
هالشيء ماا اعتقد بيتغير لو الحزب كان ديموقراطي
بتقولي بس اهمه مسالمين وضد الحروب
صح بس مصالحهم بتنسييييييهم هالشيء
مصلحة امريييييييكا فوق اي مبدا
ولا تنسى الجمهوريين هم من اعطى الضوووووء الاخضر لغزوالكويت
اي اي انا مع نظريه المؤامره
ههههههههه


مشكووووووووور على اطرائك في بلوغ دللي
وانا اعتززززز بالنقاش مع انسان مثلك
امنييييييتي تفتح بلوغك للتدوين
وبتشووووفني كل يوم عندك
عافسته

!!


لوووووول

vancouver said...

ميييت

ويه استانسوا الا طاروا من الوناسه
الكنديين وااايد مستائين من بوش وربعة
وايد متاذين من سياستهم

ووايد فرحانين انه العنصريه خفت شوي
بامريكا

شكراااااااااااا
وترى الاضافة بفلوس مو ببلاش
ها
?
لوووووووووووووووول

_---------------------------_



يا سديره

لووووول
ويه يعني الاهل برجوازييييييين حدهم
لوووووول

هاهاهاهاهاها
اموت عالجاذبيه القتاله
لوووووووووووووووووووووووووووووووووول

هههههه

ايه والله مامر على التاريخ رئيس
اثوووووووووووول كثر بوش الابن
هههههه

مشكوووووووووووووره بعد قلبي

عيل اسير عليج ومحد يمي عشان اخذ راحتي
لووووووووووووول

وانتي من اهله يالغاليه

:********



_-------------------------------_



حساااااااااافتك يا كويت


وايد مو شويه
لوووول


ايه والله تقول بسكووووووووووووته مو زبيدي
هههههه

لووووووووووووووووووووول
موتني ضحك
ترى هذي صينيه يا حظي مو سمااااااااط
لووووووول
ما تغلى عليك

خلاص عرفت شنو اييبلك صوغة من كندا
لووووول
---
الله يرحمه
بس وااااااااايد تعب اخر اشهر مسكين
وما يندرى شبيصير بالديوان عقبه

?
----

شوووووووووووف اذا صار شيء بصينيتي ياويلك
لووووول


_----------------------------_



عاليه

نعم فعلا خوش اوادم
ويستاهلون الديمقراطيه اللي متنعمين فيها
مو مثلنا
:\


_---------------------------_




اقصووووووووووووصة

والله ما كنت ادل طريييييج المطبخ
بس الغربه خلتني غصب اتعلم
شكرااااااااااا حلوه بوجوووووودكم وتشرييفكم والله

:)))

_-------------------------_


نقوشيه

الله يبارك فييج
انا ما كنت اتخيل انها بتنطبخ اصلا
قلت اجربها
بس انفعت وصارت ذات شعبييييييييييييييه عند الكويتيين
هاهاهاهاها

ثانكيووووووو سو فيري مش

:)

_--------------------------------_



سدره العشاااااااااق


وعليكم السلام ورحمه الله وبركاته

وااااااااااااااااو قباقب
امبيه اشلون يدخلونهم المطار
والا يسافرون لج بالسيااااااره

??

وناااااااااسة يحليلهم الظاهر وايد كنتي تكسرين خاطرهم
بالغربه
الله يحفظهم لج قولي امين

الله يعافيييييج مشكوره
:))


_-----------------------------------_


صبا


الله يعافيييج يا صبوية
ليييييييييييييش عاد الربيان يونس واهوه مقلي
كلللللللللللش ما فيه سعرات
لوووووول

ايه ايه الامهات ترى ما يحبون لويه وحنه بالمطبخ
انا امي كانت تتنرفز لما ادخل المطبخ

الله يبارك فيييييج


امييييييييييييين

ويييييييييه اعد الايام والساعات
متى ارجع
:(((((

vancouver said...

برااااااااااااااك

لووول من قدك الحين
صرت الرئييييييييييييس هاهاهاهاها

سلمت عليك العافيه
:)


_-------------------------------_


سويت ريفينج

اول شيء ماكو ريفينج حلو
خبري الانتقام دااايما عنيييييف
هههههه

خوش اسم

صح وهذا اللي عجبني فيهم
انهم بعد ما تذمروا من سياسه بوش
غيروه بدلوه انتخبوا الافضل بنظرهم

مو مثل ربعنا
:\

_----------------------------------_



ام كومنت كويت



حاظرييييييييييييين للطيبين
شنو عنوانكم
???
:))

اجار الدين كشمش said...

اول شئ ما قلت لج انا

خايف منج ما احد يقدر عليج بالحوار..هههه
المهم ينتهي الحوار عند نقطة انج من المقتنعين بالموامره

لان الاستراتيجيه للحزبين واااحده
لو اني انا غير مقتنع من الموامره لان الانضمه الدكتاتوريه عندنا عائليه بالنهايه
شوفي القذافي يوم شاف الحديده حاره صار ادمي
لكن الغبي صدام الحمد الله ربج اعماه
جان اعلوووم
جان انا اراسلج من البصره ..منحاش من التجنيد الشعبي وقاعد على الشط اشوف السفن الكويتيه مثل ابائنا وانطر الوالده رايحه العشار تشتري شبزي هههه
والنفط كله لهم حسب ما عرضه لهم صدام اول اسبوع من الغزو
وببلاش !!!1 مقابل انهم يأخذون الكويت ...ليش الامريكان ما وافقوا على الصفقه لو العميله موامره

يقال احسن حل للضعف السياسين العرب هو
قول الموامره
بدون اي تفنيد
ما اشوفبنهم بالجزيره والفضائيات الاخرى
اراغوزات

على العموم قومي نجبي ازبيديكم
ريلج ياي بالطريج يوعان
هههههههه
ولنا معاج حوارات اسهل انشالله

فمالله

vancouver said...

اجار الدييييييييييييييين كشمش

لوووووووووووووووول


قطييييييييييعة انا بالعشار
وانته بالبصره
OMG !
لا يبا
اهاجر الهند ابببببرك
اروح باول بوم للهند
واقعد هناك
ضيفة عند حدى هالمهاراجات
يعني مو ضيفة بالضبط
مربيه للاطفال
هههههه
:P

ميخالف ولا ضيم الكواوله
!
الف الحمد الله على عز ديرتنا
وربي يحمي الكويت منهم ومن غيييييييييييرهم
!!!


عزيزي
والله الحوار معاك متعععه
هههههه

شوف بصدق انه الكاولي صدام كان واعد الامريكان بنفط الكويت
مع اني اشك
عيل اهوه ليش غزانا اذا بيسبل نفطنا????

بس لو لو هالشيء صار
ترى في عوااامل وايد اكبر من انهم يوافقون على العرض
الشرعيه الكويتيه متمثله بصاحب السمو الراحل
كانت موجوده
بالاضافة الى ولي العهد والحكومه الكويتيه
السعوديه كانت عارفة انهم بيكونون الخطوه التاليه
في مخطط الكاولي
وعشان جذيه برايي
وقفوا ذيج الوقفة
بعد ما نطروا اكثر من 24 ساعة قبل اعلان موقفهم من الغزو
??!
وانت تدري انه السعوديه من اقوى حلفاء امريكا
اللي استفادوه الامريكان من حرب تحرير الكويت
واللي ديرتنا بعد عمري
قدمته لهم
ثمن لاسترداد الحريه اعتقد اكبر بكثيييييييير
من عرض الكاولي
سنيييييين قعدنا نسدد ديوننا
وما اظنك ناسي هالنقطة

شوف اشلون اوووول ما هدت الاوضاع عندنا اثاروا سالفة الارهاب
وشنوا الحرب على افغانستان
ولما ما وصلوا حق شيء
ردوا على العراق
صج كانت حرب العراق من صالحنا ككويتيين
انه نشوف يوم بالكاولي صدام
بس هل هدات الاوضاع ابدا
لفوا على سوريا
وتالي ايران
يعني بعيشونا ابد الابدين بحروب ودمار وتوتر
واهمه باااااااااخر الدنيا
قاعدين يحلون ويعقدون
ارجع اقولك بعض الامور ممكن تصب بصالحنا
بس صدقني يا مشمش

واخذها من اختك
عمرنا ماراح نعيش بسلام وراحة بال
لو فعلا شنوا حرب على ايران
لانه بصراحة وانت اكيد بتفهم قصدي
اذا ايام صدام كل الكويتيين
وقفوا وقفة وحدة
بس بعصر نجاد الحسبة وااايد بتختلف
!
منو بياكلها غيرنا
اهل الكويت
??

خلنا يبا مع الديمقراطيين
خن شوف ديبلوماسيتهم
وين بتوصلنا
محد يبي الحرب

وبعدين تعال اقولك
يقولون القاعدة
عرضت على اوباما
انه يسسسسسسسسسسسسسلم
ههههههه

ما تدري يمكن يسلم
:P
ويلبس عمامة
وبشت
ويصير حجي بوحسين
:Pp
ويعطينا ولاية نعيش فيها
مثل ما رئيس المالديف
قاعد يدور ارض
يشتريها عشان ينتقلون المالديفيين لها
لانه دريتهم كلمالها وتغرق
لوووووووووووووووول


لا لا خرفت
اروح انجب الغدا ابرررررك
:P

Sn3a said...

بصراحه انا مو من عشاق المطبخ الكويتي ابد
بس بالسفر امي تلاقينها عقب جم يوم من الوجبات والمطاعم خصوصا لما نسافر بره تلوع جبدنا ياسمج يا خضروات وانا ما اكل سمج
تلاقينها تشتري عيش وتسويلنا مرق عدس
لذيذ بالسفر
بس بالكويت ما اكل عيوش الا نادرا

بس الشي اللي احب اجربه بالسفر الفلافل صج يمي

يا سْديرَه said...

فانكووووووووووووووووفر
:)
حركاااااااات شنو هااااااذااا اشهالسنع واشهالنزاكه
علميني من وين هالدوه شغل عدل
الحين الواحد يعرف يعلق من غير ما اطقطق اضريساته
:E

اخيتي وبعدين ترا حدي مطراف على الميد بسرعة اغير رايي !! انا اعيزوا عشرتعش سنة واهم يقنعون فيني وعقب ما عرفت فوايده من دختر العايله :) يااااالاااا تعطفت وتلطفت وتنازلت اني اكل ميد والله لا يراويج !! صج عذاب اول شي امسح خشمي بطيب وتالي عاد اكشخ بالدسوس تقولين سستر

:)

والله انا اللي يا فرحتي وانااشوف هالعجايف :)وينشرح صدري من اقرأ لج والا اقرأ تعليقاتج :) ترا ما عندي شي بس حبيت اشئر عليج واسلم
ايه على الطاري ترا رديت على آخر تعليق
:)

GDNT يالغاليه :***

ولد الديرة said...

السياسة الخارجية لأمريكا تقريبا ثابتة

اللي يتغير هو الوضع الداخلي

هذا زبيدي والا كبسول؟

om comment kuwait said...

بعد عمري عليج بألف و ستمية عافية
واصـــــــــــــــــل
؛)

JiBLa CiTY said...

قعدت اقرا البلوق مالج حاشني يوع مو طبيعي

منو يتحمل الحين؟

someone_q8 said...

السلام عليكم
يه يه يه من قدج زبيدي تايلاندي لا واصغيرونو بعد :))))
عليكم بالعافية

بالنسبة للاكل بره الديره بعد ما يبيله يا امووش او امعدس او مشخول بطاط
والخفايف توست وجبن قلاص :)

مستعدة said...

حركات .. ^_^

ما شاء الله عليج عجبتني روح المبادرة اللي فيج لأن مو كل من يطبخ سمج ..

لازم تعلميني على هالمكان يمكن يكون قريب من المكان اللي عايشة فيه إختي :P

بالنسبة لي .. لا غنى عن مجبوس الدياي
للأسف إني إنسانة ما أحب التغيير ولا التجربة اللي تخص أمور الطبخ..
بس لأكيد إذا الأيام جبرتني راح أجرب ..

إستمتعت كثيرا بزيارتي الأولى لمدونتج :)

vancouver said...

سنعة

افا ما تحبين اكلنا الكويتي

عيل شكلج لبناني سوالف سلطات وخفايف
مو مجابيس
هههههه

صح احنا بعد نمل من الاسماك والخضار بالسفر
شنسوي
بس والله قاموا يتفنون بطبخ الفيجيتيريان
اكثر من اول

الفلافل مادري ليش كلنا نشتهيه لما نسافر
وبالكويت الله يزيد النعمه محد يفكر ياكله
هههههههه



_------------------------------_



شفتيها
دوه على اصول
حاطتلج عليها شاي نعناع
وزنجبيل ودارسيل
وبابونج
وووووووووو ميراميه بعد اشتبين
هههههههه


معقوله ماشاءالله كله فوايد هالميد
شكله ما يعطي
هاهاهاهاها

حبييييبتي انتي

ايه ايه شفته
وانتي من اهل الخير
:****

vancouver said...

ولد الديره

صااااااج

بس هم نتامل خير

لا هذا سامبل بس
حاطينه نصور يمه
هاهاهاها

_--------------------------_


ام كومنت كويت

تسلمييييييييييييييييييييين

الله يعافيج

_------------------------------_



جبله سيتي

هههههههههههه

عيل لو حاطه صوره الزبيدي عقب الطبخ
جان شقلت
هههههه

افا عليك
المطاعم ترس الكويت
محد يقعد يوعان


_--------------------------------_




سم ون

وعليكم السلام ورحمه الله وبركاته

الله يعاااااااااااااافيك

الله كل القائمه اللي حاطها لذيذه

حتى التوست مع الجبن
وفوق دقوس بوديج
هاهاهاهاها

_------------------------_



مستعده

شنسوي ياختي
صرنا ستات بيوت غصصصصصصصب

وينها باي مدينه وانا اقولج تعلمينها
:))

وايد اعرف ناس واهمه صغار ماكانوا يحبون التجربه
بس لما كبروا تجرؤا انه يذوقون شغلات يديده
انا عكسج
لو الاكل قممممممممه
مستحيل اكرره الا بعد مرور اسبوعين على الاقل
بسسسسسسسرعة امل من الاكل


حياااااااج
مدونتي تتشرف بزيارتج
:))