CLICK HERE FOR BLOGGER TEMPLATES AND MYSPACE LAYOUTS »

February 20, 2008

من محافظه النداء الى محافظة بوشهر\مااااا نخلص






قبل اسبوعين ياني زوجي يبشرني بانه

مختطف الجابريه اغتالوه
ونفسه كان المدبر لاغتيال الامير
حسب ما قرى في الجرايد

فرحنا وقلنا الحمدلله انه الله جبر بخاطر اهالي الشهداء اللي

انحذفوا من الطياره بكل بشاعة
وماكنت اعرف اسمه الا لما قاللي عنه
عقبها

سافرت على طول وانقطعت عن النت
اللهم الايميل بس

الحين ارجع شاشوووووووف؟؟؟؟؟

صار بطل و زعيم وغصب على اللي مايبي بنسوي عزى وتابين له

للامانه انا ما قريت وايد بلوغات

ولا الجرايد قطعتها

وما يهمني يطلع الفلسطيني او اللبناني او البطيخي

ما يهمني ظلموه والا شمتوا فيه

اللي هامني وباااااااط جبدي

شلون اكو اواااادم جذيه عايشين بيننا

يعني بكل وقاااااحة وقله ادب

يتحدون مشاعر البلد واهلها

ويسبقون كل الادله اللي يبونها اهمه

ويسوون تابين وعزا فيه

يا شقوووووول

لو احد بس كنتوا شاكين فيه

ساب حسن نصرالله

او محااااااااول يغتاله

جان نطرتوا ادله وزفت

عشان تشرشحونه؟؟؟؟؟؟؟

وتدعون عليه باسم كل الايات المقدسه

والعتبات المشرفه انه الله ياخذ عمره

؟؟؟؟



انا ترى مو قاعد اهاجم الشيعة

بصفه خاصة

وايد منهم ربعي وما ارضى بالعنصريه
من اي نوع

انا قصدي

شنو هالتحدي وقوه العين

انه مافي احترام لا للبلد ولا اهلها ولا حكومتها
يكاسر ويحط عين بعين ويقول استجوبك واييب خشتك القاع
ولا انك تدوس على طرف واحد مبجل عندي
!!!!!!!
وعلى عينك بكبر صورته واعلقها
واخلي المؤمنين يبجون عليه
وفيك خير حاجني
؟؟؟؟؟؟؟؟؟

شنو قواه هالعين
؟
انزين
ماكو احترام

ولا حتى للشك او الظن بانه هالانسان

ممكن ممكن ممكن
يكون

له علااااااااقه

وماراح اقول اهوه المسؤول

لا لا

له علاااااااااااااااقه بس

بذبح عيالنا

ومحاوله اغتيال

تااج رووووسكم جابر الاحمد

الله يرحمه

ارجع اقول مااااايهمني الحين يطلع بريئ

او مدان

بس انتوا اشلون ماكو احساس ولا دم ولا حيا

؟؟؟؟؟؟؟



احيي كل شيعي قعد وفكر مرتين قبل لا يندفع

ويسوق سيارته طاااااير عالتابين



احيي كل بني ادم

كرامه ولد ديرته الكويتي

اهم عنده من كرامه

ولد حزب بديره ثااااااااانيه



احيي كل كويتي

جرح جبهة جابر الاحمد

كان اعز عليه

من موتة جندي او مجرم

لبناني اوفلسطيني او ايراني

مايهمني



وتفوووووووووووووووووو

على كل واحد ياكل ويشرب ويعيش

ويتنعم بخير ارض

وحبه وولاءه وانتماءه وهواه صوب

ديره او حزب او شيخ او ملك

او سيد بديره ثاااااانيه

بحياته كلها يمكن ماطبها


!!!

ولا عزاء للوطن المسكين




117 comments:

SolaimaN said...

اه يا قلبي يا اخيتي يا فانكوفر
:(
والله من صارت هالجريمه وانا افكر فيها طول اليوم
شي قذر ومثال صريح واقوى معنى من كلمة نذاله
معقوله مثل هالناس عايشين بيننا ولا حسينا فيهم؟؟
شلون له ويه يمشي على ارض الكويت ويتجرئ يرفع عينه؟
شلون اهو وغيره امثال المهري يعتبرون هالخبث وهالجرائم
عمل وطني ومدعاة للفخر؟؟؟
لا لا لا ،،،والمصيبه الثانية والتي لا تقل دنائة عنها
هي شجب واستنكارالبعض على استحياء من هذا التأبين
الجبان والهونا بقضية الاختلاط وغيرها لكي ننسى او نتناسا الجرم
ما قول الا لعنة الله عليهم وعلى حزبهم وعلى مغنية وعلى من والاهم
ومن سماهم كويتيين هالواطين

،،

فانكوفر لا تلوتين اذاني ادري انا مقصر
:s

vancouver said...

اول شيء سلييييييييمان
ما منك قصور ياخوي


طلتك عزيزة
وغاليه

:)


انا باخر الدنيا واغلي من دااااخل
اشلون اللي بالكويت

اللي اعرفه لما احد يسوي شيء
غلط او مشكوووووك فيه
يستحي صح
ويتخشش
احنا بديرتنا
ولد البلد الكويتي النظيف
يخاف يتكلم
لا اهوه ينفهم غلط
لما خلينا الناس
تقحص بويوهنا بكل قله ادب
وتمشي رافعة خشمها
علبونا كويتيين حالهم حال اي مواطن

ونسوا انه الكويتي
بقلبه
قبل جنسيته
الكويتي بغيرته على اي خدش
يمس ديرته
بغضبه على اي تصرف
يمس كرامه وطنه

اللي ذابحني مو بس اهوه
بسئلك
جم واحد كان بوده يروح ياييده
وماراح؟؟
جم واحد داخل نفسه
يقول شكوووووو وطن وبلد وبطيخ
انا اللي يقوله السيد عدنان اتبعه فيه
لو غلط
لانه اكيد سيد عدنان يفهم احسن مني
؟؟؟؟؟؟؟؟؟؟

سليمان
بكل حرف من كلامك ادري اشكثر مقهوووووور ادري
:\

صقر قريش said...

اختي الكريمة فانكوفر:

الشرهة علينا حنا عطيناهم ويه الشرهة علينا لأنه حنا ضعاف المفروض عبدالصمد ولاري يتسفرون يروحون مشهد هناك خل يترحمون على مغنية واشباهه انا لأني بمدونتج احتراما لج ماني زايد ولا راح اعطي لساني حريته لأني اذا عصبت الله يعين الي جدامي انسى نفسي .

ولد الديرة said...

خلص عصير الليمون بكندا؟

:P

اخيتي

فكرت 987 مرة

و خلصت بنتيجة اننا يجب ان نعطي عبدالزغل وسام من نوع ما

السبب

كشف وجوه ودره و اسقط اقنعه كثيره

Ali said...

يعطيج العافية يا بنت بريتش كولومبيا صدقتي هذول المفروض قص رووس.

علي العموم وين كانت السفرة,,,شوقتينا علي السفر أنا من قريت البوست مال كويبيك و قاعد أخطط لها.

علي العموم تحية لكم من تورونتو الباردة

يعقووبوو said...

كلامج يعبر عن ما في قلبي

والـ تفووو الزرقا احسها طالعه من القلب (:

charisma said...

صح السااانح
والله انج بردتى جبدى
جنى عطشاانه وشربت ماااى بااارد يسرسح

يسسسلم تمكككككككككك

:****

وتحيا الوحده الكويتيه

وصباحج عسل

`~MnO YeNSa! ~` said...

اللـــــــــــــه انج بردتي جبدي :***
يعطيج العافية
ولا واحد منهم يستاهل انه يكون كويتين لا حتى فراش عند الكويتين

لا ولا فراش على الاقل محترم عنده ولاء حق معزبه

Q80 Blogger said...

عورتي قلبي بالحجي

وايد مقهووووره ادري

بس في احد ماينقهر

لكن انا اقول .. هذول من زمان بينا لكن للأسف تساهلنا بالموضوع كبرهم وقواهم وقوى شوكتهم

الله يرحمك يا اميرنا جابر
اشوه انك ماعشت وشفت الزمن الي جزء من شعبك يبارك لمن جرحك وحاول اغتيالك

شكرا فانكوفر

Anonymous said...

الله يعينك على الهجمة المضادة منهم وصاجه بكل كلمة قلتيها

براقش said...

معاك حق

لكن احنا اللى بنعزيهم على موت وطنيتهم

والكويت بتظل حيه و خالدة الى الابد

رضوا والا انرضوا

Zabo0o6a said...

كش شعر ينبي , احيي الوطنية اللي فيج واحييج على هالبوست الرائع :)

Mamloo7a Q8ia said...

مشكوره يالغاليه كفيتي ووفيتي
بردتي جبودنا فيهم حسبي الله عليهم ياكلون خيرها وولائهم لغيرها
اللهم احفظ الكويت والكويتيين من كل شر ومن الفتن يا رب

Anonymous said...

تدرين فانكوفر كلشي فينا بعد الغزو تغير..
ما صرنا على قلب واحد نفس قبل..

حسافة عليج ياكويت..

انتي محترة ..عيل انا شقوول..انا شيعية على فكرة ومستحية وفشالانه ومقهورة من الي صاير..
المشكلة انهم فئة قليله وصغيرة حيل..لكن بتصرفاتهم الغبيه هذي اشعلوا الفتنه وخل الي صار يعم على كل الشيعة الي بالكويت..
وفووق هذا ما احترموا لا وطن ولا مشاعر الشهداء..

بس ياليت الناس تفهم ان ذيله ما يمثلوون الشيعة بالكويت..ما يمثلوون الا ذواتهم ومصالحهم ..
:```(

تحياتي لج

Ali Abdulemam said...

الجميل في الموضوع وفي التعليقات، أنها لفتت نظري إلى ضرورة متابعة المدونات الكويتية لكي أفهم العقل الكويتي من جديد، فحري بعد هذه الملاحظات ان انشغل نوعا ما عن العقل الذي في البحرين إلى بعض العقول الأخرى التي ترى كيف تفكر بهذا الجنون الذي أخذ يسيطر على العقل، والذاكرة المنسية او المتناسية ، الأجمل هو التعرف على مدونات كويتية اكثر، لكي نفهم أكثر

ونكتشف كم هو عمق المسافة التي تفصل بين العقول، تبعا للأيديولوجيات الدينية والسياسية والمذهبية فهي المتحكمة بالعقول لا المنطق السليم

ولد الديرة said...

بعد اذنك فانكوفر

اختي غير المعرفة

ما ودي اكون بمكانك والله يعينك

لكن وين جماعتك الفئة الكبيرة؟

ولد الديرة said...

هم بعد اذنك فانكوفر

اخ Ali Abdulemam

شلون يعني تبي الناس كلها تصير واحد؟

Brilliant said...

فعلا عزيزتي
حطيتي إيدج على الجرح و يبتيها ييييب
من الذوق و الأدب و احترام الزطن.. انهم لو على الأقل التزموا الصمت و ما صرحوا هالتصريحات إللي فيها تحدي و اسفاف و لا مبالاة بمشاعر اهل الكويت
على العموم... لا يوجد مظلوم تحت عدالة السماء... و عليهم من الله ما يستحقون

vancouver said...

صقر قريش

احنا موووو ضعاف
احنا مغفلين
!!

دايما على بالنا انه الخاين ممكن نكسر عييييييييينه بتسامحنا معاه

يعني لما عدنان الزفت بيوم من الايام
كان مطالب ومتبهذل
توقعوا حكومتنا ان
لا عفوا عنه وطلعوه من الورطه اللي كان فيها
ببين في عينه عمت عينه

بالضبط مثل يااااااااسر عرفات
الشيخ سعد طلعه من حلج الموت في الاردن
وشوف الكلب شلون رد الجميل للكويت

ردي ترجع الكويت ويكون لها هيييييبه

حياك الله صقر
قول يبا اللي بتقوله
خربااااااااااااانه
لوووول

vancouver said...

ولد الديره


صح لساااااانك

انا نفسي ترى انصدمت
صارلي امس واليوم احوس بالمدونات
شاشووووووف
؟؟؟؟

خلني ساكته

ماادري اكو شيء اكبر من مسح كرامه البلد بالارض والا ماكو؟؟؟

شنو الاهم ثم المهم ثم الاقل اهميه
مااااااااااا ادري
؟!!

معاك حق
انا بسميه
وسااااااام الصخام
اش رايك
لوووووول

vancouver said...

علي

صح فااااااااضي
لووووووول
يبيلهم قص روس وبعدين وين مساااااافره
لووووول

يحليلك والله

كانت سفره عمل حق ديرتك اللي انت فيها
:)

Torontoooooo

vancouver said...

يعقوبووو

طبعا
كل كويتي شريف وقلبه على ديرته
بيكون احساسه نفس احساسي
سواء
شيعي
سني
بدوي
حضري
صدقني
حتى المتجنس
اذا فيه خير
ونظيف
بيطلع بعينه
خير الكويت


بس هالاشكال
والله معروفه من زماااان
بس محد موقفهم عند حدهم

vancouver said...

كرمووووووووتي

حيالله حبيبه قلبي
عسااااااه بارد يسرسح بالجنه قولي امين
:)

تحيا الوحدة الوطنيه
يحيا الولااااااااااااااااء للوطن
يحياااااااااااا الوفاااااء
:|

vancouver said...

منو ينسى

حيالله الشيييييييخة

اي صاجة يكرم الفراش
هذول شبهيهم بالجلاب اللي تعض الايد اللي تنمد لهم
لا والله الجلاب فيهم وفاااااا

عمى بعينهم

vancouver said...

كويتي بلوغر

والله اقول حق نفسي
جان زين انا بالكويت
جان خميييييت كل الاوادم بالسياره
ورحت اقدم عريضه بالعدل
مع المحامين



شفففففففففففففففت بلوغر
يقولك بكل وقاحه مااااااااكو دليل انه اهوه مخطط لاغتيال الامير
يا جلب
حتى لو ماكو دليل
انططططططططم
انطططططططر شوي
ساااااااافر لبنان روح عزهم هناااااااك
روووووووح اذبح نفسك من البجي في مقر حزب الله بالجنوب
وطق ويهك بنعال زنوبه
بس
ليش بالكوييييييييييييت
تاج راسك
؟؟؟؟؟

vancouver said...

انونيمس

ماكو هجمه مضااااادة

اللي يقرب ويدافع عن موقفهم
بيصير بيييييييزه مايسوى
سوااااد ويه هذا مو لعب



اذا تقصد اخواننا
الشيعة
انا متاكدة مقابل
كل واحد حضر التابين المشؤووم
اكو الف واحد ما يهون عليه
جابر الاحمد
وما تهون عليه الكويت



لااااا نعمم
مو كلهم حزب الله
ولا كلنا القاعدة
!!!!

vancouver said...

براقش

عدل كلامج والله

اتمنى صج انه نعزيهم بوطنيتهم
فعلااااااا
لا
قوووولا

اتمنى ما اشوف رقعة ويه واحد فيهم
من يوم ورايح
لا بمجلس
ولا بجريدة
ولا بتلفزيون

والابدع
ما اشوفهم بالكويت خير شر


خل يذلفون يعيشون
بالنبطيه
هناك
مو كل واحد ساكن بقسيمه
الفين متر
ومرتز بين الشيوخ
واهل الديره
يعني كويتي
!!!

vancouver said...

زبوووووطه

حياج الله

انتي كش شعر ينبج
انا زاد الشيب بشعري
!!!

شيبوا راسنا بافعالهم
طيح الله حظهم

vancouver said...

مملوحه كويتيه

اشلووووونج يالغاليه؟

امييين
اميييييييييييييين
الله يحفظ لنا ديرتنا

vancouver said...

انونمس


لا الغزو مو اهوه السبب
عزيزتي

تخاذلنا اهوه السبب
سكوتنا وسكوتكم اهوه السبب

تدرين اهمه ما يمثلون كل طائفتهم
بس المشكله لما ما نسمع صوت ثاني
يغلطهم ويجرمهم
لا بالعكس
نسمع اصوات تحاول تبرر لهم
لا تفتشلين
المفروض ترفعين راسج واتقولين انا بريئه منهم ومن تصرفاتهم
مستحيييييييييل كل الشيعة مايدينه
بس المشكله
خايفين يقولون
يبا انته وحزبك تولون
والكويت ديرتنه وعلى راسنا

حبيبتي
لا تحطين دموع
لا تكتبين كمجهول
رفعي صوتج
وقولي
بكل ثقة
انه حبج لديرتج اكبر
من عدنان ولاري وحزبهم
ليش خايفة
انتي صح
واهمه
الغلط

انا ما انظر لهم كشيعة
انا انظر لهم كنكره
كخونة
ماراح نعمم
بس لا تسكتون
سكوتكم راح يتفسر شيء ثاني
:(

vancouver said...

علي عبد الامام

تنشغل عن العقل البحريني
بالعقول الاخرى
:,

!!


نفكر بالجنون الذي يسيطر على العقل
:,
؟؟؟؟
يعني لازم يكون ولائي لدوله وحزب غير بلدي عشان يكون عندي عقل كبير مثل حضرتك
ومايسطر الجنوووووون على تفكيري
!

اي ايدلوجيات دينيه وسياسيه ومذهبيه
والله الكلام ترى كبييييير
ماشاءالله عليك

المساله بكل بساطة
قلتها بالبوست
يا اخي الفاضل
ما يهمني تشيعهم
ولا اصولهم
ولا تبريرهم
اللي يهمني
انهم ما يتحدون مشااااعر وكرامه البلد اللي عايشيين من خيره
يعني انته بحريني
مثلا
وتاتيك حكومتك تقولك فلان نشششششك انه حاول اغتيال الملك
وقتل عدد من ابناء بلدك
هل تقول شككم او يقينكم ماله قيمه عندي
لانه حزبي اللي بدوله ثااااااااااااانيه
يقول انه بطل وشهيد
وغصب عليكم
واما ناظريكم
ساقوم بالتابين

؟؟؟

ان كنت ستفعلها اذا لا تستحق الحياه
يوم واحد على ارض البحرين
بلا ايدلوجيات بلا بطييييييخ




سعيدة بمرورك على الجنون
اتمنى ما تتاثر فيه
:)))

vancouver said...

ولد الديره

عزيزي
محد يتمنى يكون متهم من غير تهمه

مشكله جماعتها الكبيره
انهم خايفين
ما ادري اشقصتهم
؟
يا اما تتبرون منه ومن افعاله
يا انكم مايدينه
السكوت غلط

vancouver said...

ولد الديره


اذنك معاك يبا

تبي اعطيك مفتاح البلوغ
اتدرعم على كيفك
حاضرييييين
:))

الاخ علي يا ولد الديره
يقول انه عقولنا غيبها الجنون
بس ما فسر ليش الله يهديه
بس اللي اعرفه
انه اهوه معجب جدا بشخصيه
مغنيه
لانه مسوي عمليات تجميل
وما صادوه الغرب
فالغموض والاكشن لاعب لعبته في الموضوع

vancouver said...

بريلينت


كفووووو انته يبتها والله
اي لو ساااااااااكتين
ومنطمين احترااااما للكويت
جان ماصار شيء
صدقني لو مسافرين ورايحين معزين بره الكويت
جان عااااااادي بالطقاق اللي يطقهم
بس موووووو اشكره
لا ومرتبين الشغل بعد
تكبير صور و عماة عين
!


حياك الله

ولد الديرة said...

Vancouver

يسلموا

علقت عند الأخ بو علوة لكن اكتشفت ان من ينادي بالديمقراطية يفعل خاصية مراقبة التعليقات فطلبت منه مشكورا عدم نشر تعليقي لأني مقاطع لي مدونة بها مراقبة مسبقة و مدونتي حتى اللي يبي يسبني فيها يا هلا و مرحبا لأن المثل يقول البعرة تدل على البعير فعادي جدا

اقول الله يرحم عيسى بن سلمان بس

الغموض لاعب عمايله

ناقص الفطيس نيكول كيدمان تكون مرته

عقل امبوسيبل

joy said...

متنا واحنا نلعي وانخجي


اضم صوتي لصوتج واقووول تفوووووووووويييييييينننننن

joy said...

متنا واحنا نلعي وانخجي


اضم صوتي لصوتج واقووول تفوووووووووويييييييينننننن

Eng_Q8 said...

الله لا يرحمه

وكل واحد خان الديره لازم ياخذ جزاه

bo rashed said...

الصراحه يا اخيتي اذهلني خطابج
الصراحه اقوى كلام سمعته لي الحين
تسلم ايدج وياحلات حروفج اللي
كانت مثل الطرافات حق الناس
اللي تدعي الوطنيه
وعجبني المانشيت وغيرت عليه من عندي
من محافظة النداء الى محافظة بوشهر

ياقلبي لاتحزن

:)

salfa3ajeeba said...

saaaa7 lsaaaaaanich ya bint ildeerah il'3alyah:**

wallah thom wallah inich baradti galbi

3la fekra ana b3d min mokani hni

7asah banfijir min hal'7awanah

allah i3eena 3la iljaay

butash5e9 said...

صح السانج .. والله أول مرة نقول الكلمة اللي تقرقع بقلبنا و ما نداري شعور أحد

تسلم ايدج

اجار الدين كشمش said...

هلا بالششششششششششششيخه

فانكوفر

انا واااايد قلق على

اهلنا الكويتين كلهم لكن

اللهم العن من اشعل الفته

باصرااار ...وسوف يضع اخوانا الشيعه اهل الكويت الصج الي بنوها من عرقهم ...وهم 99.999بالمائه من الشيعه في موقف شكك من ذوات النفوس
الضعييييفه اللذين يبحثون عن هالفتنه الدامغه لبعض الشباب الشيعي ...كما حصل في وقت الخميني

وسسسوف يدفعوا ثمن هالفتنه الي 10 سنوات جدام

يالله الحافظ بس الكويت
بطبيعة اهلها وحب الكريم لها ...قادره على التجاوز

اااااااااامين
فمالله

حمد said...

كل عام وانتم بخير بمناسبة اعيادنا المجيدة

DiLLi O MiLLi said...

صـــح ألسـاااااااااانج



لاااااااا سمعي شقالوا أول ما وصلوا البلد

ملتزمون بنظام الحكم والدستور
وأي أعتداء يعتبر أعتداء على الكويت بأكملها
وحادثة الجابرية جريمة نكراء
نحن أول من أدانها
ومجلس العزاء من ضمن قضايا الأنتصار للمقاومة
ومن ضمنها القدس
وردود الفعل مبالغ فيها
وحملت مزايدات سياسية


يااااااااا ولااااااد ؟؟؟؟؟ !!!!ء
شنوووووو هالحجي
ييتوووا بتكحلونهاااا عميتوهااااا

أولاً

حادثة الجابرية نحن أول من أدانها !!؟؟
طبعاً أنتوا "أول" من أدانها
هذي مو مِنه تمنون فيها علينااااا !!!ء
ولا تبون أيران ولا حزب الله "أول" من يدينها !!؟؟؟




ثانياً

شكوووووو أحنااااا بقضايا المقاومة
وشكوووو العزاااء بالقدس !!!!؟؟؟؟
أشوووف صاحبكم مغنية خطف طيارة أسرائيلية !!؟؟
وذبح أسرائليين !!؟؟
يا أغبياء أنتوا الأثنين
الطيارة كويتية
واللي أنذبحوا وحذفوووهم من الطيارة شباب كويتي
يحمل الجنسية الكويتية
الجنسية اللي أنتوا حاملينها
واللي مااااااااا يشرفنااااااا أنكم حاملينهااااا !!!!ء


ثالثاً

ردود الفعل مبالغ فيهاااااا !!؟؟؟
لااااا والله !!!؟؟؟
طبعا بالنسبه لكم مبالغ فيهاااا
لأنه لا هامكم رمز البلد اللي بقى يرووح فيها الشيخ جابر الأحمد الله يرحمه تاااااااج روسكم أنتوااا وحزبكم واللي ورا حزبكم
ولاااااا هامكم الشهداء اللي ذبحوهم بدم بارد
ولاااااا همكم شعووور أهلهم
وهم يشوفون نواب مجلس أمه
يتقبلون التعازي بقاتل عيالهم
وتسميته بالشهيد
الله يـــاخذكووووووم أنتووووااااا الأثنيـــن !!!!ء


رابعاً

شقلتوااا !!؟؟
ردة الفعل حملت مزايدات سياسية !!؟؟
لاااااا .. والله هذي "مزايات وطنية" أنتواااا مااا تفهمووون فيهااااا




شــوووووفووووواااا مااااانبي منكم توضيح
لأن عذركــم أقبــح من ذنبــكم

ولاااااا نبي منكم أعتــــذار
لأن ذنبكـــــم ماااااا ينغفرله

طلعـــــــــــواااااا من
قبــــــة برلمــــانااااااا
لاااااا تدنسووون قـــاعة
أبـــو دســـتورنا
الشيــــخ عبـــدالله الســـالم
الدستور اللي حلفتوا علية جذب



بــــررررررررررررررررررررررررررررره

وعـــلى قـــولة صـــــديقتي

تفـووووووووووووووووووووووووووووووو



.

Anonymous said...

"
انا ترى مو قاعد اهاجم الشيعة

بصفه خاصة

وايد منهم ربعي وما ارضى بالعنصريه
من اي نوع

"
فيج شيزوفرينيا
راجعي كلامج عند ولد الديره
ومن ثم روحي الطب النفسي

تحتاجين تنظفين لسانج من النفاق والكذب وعلاج الشيزوفرينيا

Anonymous said...

ما ترضين بالعنصريه وطايحه مدح بالاسلوب
الدنيء الطائفي العنصري البغيض
اللي متبعه الاخ المحترم
في بلوغهّ!!
تناقض

Anonymous said...

ما ترضين بالعنصريه وطايحه مدح بالاسلوب
الدنيء الطائفي العنصري البغيض
اللي متبعه الاخ المحترم
في بلوغهّ!!
تناقض

mtfa2el said...

انا باقولج باييج باجر واحد و بيقول
عطيني دليل ان صدام حسين اهو اللي غزا الكويت ؟؟
عطيني دليل ان القذافي كان ضد الكويت ؟؟
عطيني دليل ان ايران و حزب الله اهي اللي حاولت اغتيال الأمير الله يرحمه؟؟
المشكلة كل واحد لي تكلم فيهم مسوي روحه ابو الفلسفة و المنطق
و هذي ديرتنا كل من ياخذ منا و يتفل علينا
آه يا القهر

ولد الديرة said...
This comment has been removed by a blog administrator.
ولد الديرة said...
This comment has been removed by a blog administrator.
vancouver said...

ولد الديره

انا وايد مستغربه انا خلال
اسبوعين
اكثر من ست او سبع مدونات كويتيه
حطو خاصيه المراقبه

مو معقوله صدفة
ولييييش هالتوقيب بالذات؟؟

عشان ما اظلمهم
يمكن مالهم خلق الدخول في متاهات
بعد سالفة الرقابه من الدوله على المدونات
:P

او شارينهم دماغهم
من سالفة الهجوم
من الاخرين
ما ادري والله شالسالفة


خف شوي
بتودينا بداهيه الله يهديك
:)

vancouver said...

جوي

انا وانتي وبضعة من الناس اللي متنا
من الحجي


الباجي سكووووووووووووووت مطبق

ما اشوف احد مهتم ذاك الزود
:((((

فسريلي
؟

vancouver said...

مهندس الكويت

الله لا يرحم كل جاحد وناكر وخاين

اما سالفة الجزاء
ابأه آآآبلني
:\

vancouver said...

بورااااااشد


من حره بالقلب مو مني
:(

بوراشد
يا قلبي احزززززززززززن احزن
على الوطن المسكين

ينادون بالوطنيه
وحزه الصجيه
خااااموش



فهمني
؟؟
لاني مو قادرة استوعب
شنو الغلط اني اقول عن الغلط غلط
؟؟؟؟؟
المصيبه انها جريمه مو بس غلط
!!

vancouver said...

سااااااالفة حبيبتي

صج بدنج

اييييييييييه يا سالفة
احنا بره ومحترقين من القهر
واللي داخل
يقولون كلامنا عن الغلط عنصريه
الظاهر
لازم نحيي الخيانه عشان نصير وطنيين
مسخره الوضع صاير
:((((

vancouver said...

بوتشخيص


صح بدنك

منو نداري شعوره
؟؟
نداري شعور ناس ما داروا مشاعر اهالي الشهداء اللي انحذفوا من الطياره على القار
؟؟؟؟؟؟؟؟؟؟؟؟؟؟؟؟؟؟؟

المصييييييبه انهم مو راضين يتراجعون عن الغلط
يعني مصرين انهم صح باللي سووه
!!

vancouver said...

اجار الدين كشمش

الفتنه الدامغه
؟

ام...ام..
اوكيه

قولي اشدخل الشيعة كلهم بتصرف مجموعة قليلة
احنا مالنا شغل غير باللي تطاولوا على الديره
من يقدر يقول غير هالشيء



شوف اجار
مو عشان خوفي من الفتنه انطم واسكت
واقول عاااادي ماصار شيء
ماكوالا العافيه
والله لا يغير علينا

هالاسلوب التعبان راح يجرأ كل حقير
علينا
ارجع اقول كلامنا عن نواب الامه اللي ما احترموا الامه
!

والله يحمي ديرتنه الكويت
بشعبها وعيالها
سنه وشيعة
امييييييييييين

vancouver said...

حمد

وانت بصحة وسلااااامه
والله يعيد هالمناسبات علينا بالخيييير
مشكوووور

vancouver said...

دللي ومللي

صح بدنج حبيبتي

ايييييه سمعت وانقهرت
على شينهم قواة عينهم
اي ليش ما يقولون ترى تصرفنا كان خطأ
ليش ما يقولون والله ماكنا على علم بموقف الحكومة من مغنيه
وناسف لكل الم سببناه لابناء شعبنا
ليييييييييييش الاعتذار صعب
بس لازم احنا اللي ننطم عشان الوحدة الوطنيه وتجنب الفتنه
؟


دللي عزيزتي
من قص عليج وقالج انه اهمه هامهم
اللي انقطوا من الطياره كويتيين والا اجانب
لو هامهم هالشيء
جان فكروا صبروا شوي
قبل فعلتهم الشينه



اييييييييييي طبعا ردودنا مبالغ فيها
لانه قاعد ندافع عن كرامة الكويت مو الجنوب
!!!



انا مثلا وانتي والبلوغرز مزايداتنا سياسيه
انا ماقريت على فكره ولا كلمه وحده من نواب ثانين على الموضوع
رده فعلي كانت مبنيه على اللي صار
شنو مزايدات
!

هذي الخلاصة دللي يبتيها
تفو+ بره وبس
مانبي شيء
بس يطلعون من قاعة عبدالله السالم وبس
!

vancouver said...

انونمس اللطيف

كنت اتمنى تشوف شيء اخر في بوستي غير هالجمله

يعني هذي بس اللي داستلك على طرف
انزين
وييييييين تعليقك على الموضوع الاساسي والا مو مهم
؟؟!


شكرا على تشخيصك لحالتي

بس انا مو منافقة

انا من صجي اختلف معاكم بوجهات النظر
مافيها شيء هذي

بس حتى ولدالديره نصحته يغير اسلوبه
لكن ما تجبرني اقول انه الطرف الاخر على صواب

هذا كله مااااااااااايمنع
انك تعبر عن موقفك الشخصي
من تابين عدنان ولاري لقاتل ابنائناو محاول اغتيال اميرنا جابر
اللي ما اعتقد انه معتبره اميرك للاسف
:(

حياك الله

vancouver said...

انونميس اللطيف نمبر تو
:)

لا لا تظلمني وانا اختك
انا ضد اسلوب ولد الديره الجارح
بس مو معناته
اطق الريال مثلا


بعدين بس هذا اللي قريته في بوستي

يعني مااااااااا طاف عليك محاولة اغتيال ابونا جابر
ولا اختطاف طائرة اسمها الجابريه
ولا حقاره نواب الامه
ولا شيء

بس كلامي اني ما ارضى بالعنصريه هذا اللي همك

كنت اتمنى انك تدخل باسمك
تراك مو مسوي جريمه لانك عبرت عن رايك
يعني لييييييش خايف واتراعد وحالتك حاله

عادي وانا اختك قول اللي بتقوله
بس خنتشرف بمعرفتك
:))

والا اللي انته قايله عيب مثلااااا
؟

vancouver said...

متفااااااااائل

واي واي كلااامك صج والله
تخيل عقب سنين يينا نائب حمار
عزك الله
يقول ييبولي دليل انه القذافي ضد الكويت
ولما تيبله
يقولك
لا بس اهوه وقف بوييه الامريكان والامبريااااليه
عشان جذيه يستاهل امجده

؟؟؟؟؟؟؟؟؟؟؟؟؟
تخيل؟

بس اذا احد بيقول يبولي دليل على صدام
هذا على طول بنفجر فيه
:P

vancouver said...

ولد الديره

انته اخو وعزيز


بس معلش اعذرني
وبشده اني مضطره امسح
اخر تعليقين منك
لانه اللي كتبته خارج موضوعنا تماما

انا مو قاعدة اناقش بالبوست
قضايا فقهيه او عقائديه
انا كنت اتكلم عن نائبين اجرحوا ديرتي بفعلهم المشين

اسمحلي
:))

Anonymous said...

حبيت ابين كم النفاق
في قلبك
كهديه مني لك
لتخلصي نفسك
منه ...
واوضح لك تناقضاتك
وعلى فكره
اسلوبك لا يقل عن اسلوب ولد الطائفيه دناءه عفوا لهذه الكلمه لكن هذا ابلغ وصف ..

راجعي كلماتك
في بلوغ ولد الطائفيه "الديره" ثم تعالي لتبرري موقفك
وهو واضح جدا
لنا الان ....
خصوصا وان
كلماتك هنا والفاظك
تدل على منتهى الذوق!!
"زفت وكلب ونعال وانطم وحمار وصخام
ياعيني عليج...!!
* * *
حسافة فيكم الكويت
انتم دعاة الفتن والطائفيه
لا تختلفون عن من تشتمونهم ليل نهار بشي

Anonymous said...
This comment has been removed by a blog administrator.
Anonymous said...

مومهم التعرف على
المهم
رسالتي توصل لك...

وعذرا
لن اكشف عن هويتي لما وجدت
في البلوغات
من انحطاط في لغة الحوار
رغم تشدق معظم الكتاب هنا بانهم
دعاة اصلاح
وديمقراطيين ومؤيدين لحرية الرأي والفكر
انا وجدت تأييد للانحطاط الفكري ومستنقع
شتائم ...لمن يناقشكم
ويتحاور معكم
وسكينتك او سجينتك "تذكرينها "ابلغ مثال على ذلك...
استهزاء شامل وتام بالكل

Kuwait said...

فانكوفر .. حبيبتي .. بصراحه قواج الله على هالبوست القوي ..
بالفعل والله الكويتيين وايد يختلفون بمواضيع كثيره
لكن لما يصير الموضوع يمسك الكويت تلاقينا كلنا على قلب واحد ضد من يمسها .. لا وفوق شينهم قوات عينهم رايحين ينزلون بيان لا والمصيبه يردون الديره صج ناس ويوها مغسوله بمرق .. يعني لو عندهم نقطة دم بس نقطه جان ما ارجعوا الديره ولا نزلوا هالبيان الي مثل ويهم ويدينهم أكثر من ما انه يبرر غلطهم ..بس شتقولين ..
والله انا مستغربه ليش للحين الحكومه ما اسحبت جناسيهم .. ناس ما تستاهل ولاءهم مو للديره يبا ليش للحين امخلينهم .. سحبوا جناسيهم وكشوهم
الأشكال هذي مالها مكان بينا ..
بالاخير اقولج حافظج الله وترجعين للديره بأقرب وقت ان شاء الله بالسلامه ..
تقبلي مروري ..
kuwait

vancouver said...

انونميس اللطيفة او اللطيف


شكرا على الهديه
مقبوله

تبي اكرر اللي قلته
ما عندي مانع
زفت كلمه ترجع لكل واطي يهين الوطن
كلب هو كل من يعض اليد اللي تنمد له
صخام هو الوسام اللي قررنا نعطيه لكل انسان يدعي الوطنيه
ثم يصمت عن قول الحق

شنو بعد فيه
اااااه
راي الخاص تجاه موضوع في اي مدونه هو حريه شخصيه
تعليقي عند فلان الطائفي لا يعني باني طائفيه
اذا تعليق نصف المدونين في مدونات اصحابها ملحدين معناته انهم مثلهم اشهروا الاحاد

انت مثلا قد تكون في يوم علقت وايدت موضوع مطروح من قبل شخص لايؤمن بوجود الله
هل معناته انك كافر

عزيزي
كل انسان له قناعاته
بس المشكله انك موراضي
تقول رايك بالخونه
;)

vancouver said...

انونميس اللطيفة او اللطيف نمبر تو

اولا انا ما ادعيت الاصلاح ولا الديموقراطيه
ولا كانت مدونتي سياسيه
بس الاحداث غصب علي خلتني اكتب
بهالسالفة



انا ما شتمت الا اللي يستاهل الشتم
يعني الاوادم اللي داسوا كرامه البلد بتصرفاتهم

اما الضيوف او المعلقين محشومين
كلهم على راسي حتى الانونيمس اللطفاء اللي خايفين يقولون اهمه منو


بعدين ماني عارفة شنو هالتبرير
يعني معقوله كان اسفااااااااف
وشتتتتتتم
ودناءه
بموضوعي هالكثر
كله عشان قلت للغلط
انته غلط
؟؟

يعني هذا بس اللي مأزمك
؟

اذا عندك مشكله مع مدونين اخرين
لا تقطها براسي
:)


ايه ايه اذكر سجينتي او سكينتي
هههههههه

هذا اكبر مثال اني نصحت زميلي بالتدوين انه يخفف من اسلوب كلامه
لانه كلامه مثل السكين

اما الاراء فكل واحد حر يقول قناعاته
يعني في مدونتك ماتقول قناعاتك
؟؟؟؟؟؟؟؟؟؟؟؟؟؟؟؟

شيء واحد قاهرني
ليش خاااايف
ومن شنو
اذا اصلا اسمك نيك نيم
يعني كبني ادم مو معروف شخصيا
ليش تخافون
خايفين على صورتكم امام الاخرين مثلا
؟؟

منو المنافق
؟

اللي يقول اللي بقلبه
والا اللي يتخشش
ما ادري على شنو

انا لازلت مصره انك ما قلت شيء عيب
:)))))))))))

vancouver said...

كويت

الله يقويج حبيبتي

نعم على شينهم قواة عينهم

مو المشكله بردتهم المشكله اصلااااااااااا
كانت بنحشتهم
:)


اتمنى ياخذون جزاهم
وبس

غير جذي مانبي
الله يديم نعمه الامان والخير على ديرتنه

مشكوووووره على المرور

lawyer said...

واااااااااااي البوست يبرد القلب
و بعض الكومنتااااااات تحر

انا ويني من هالبوست؟؟

لاهيه وياااااا حصر الصم البكم المفروض علي

و تننننننننننعل الخدم

تراااااااااا في خوش بويت
عرفنا من طقاااقنا ترا

الي يسبوووون صحابتنا
شتريييين منهم

ولد الديرة said...

vancouver

مسموحة

ChikaDior said...

tq for the comment u dropped.

I totally cannot understand your writings. But I guess, it was a brilliant thoughts :)

so, you are coming to Malaysia? oh, that's great. May you enjoy your days in Malaysia then. :)

Anonymous said...

فانكوفر قلت لك الله يعينك عليهم. عسى محد قال شي ضد وحد من ربعهم قالو طائفية. واحد منهم شرق وماقلناله حلو قالك طائفية!

salfa3ajeeba said...

ba3ad ithnich vancouver ared 3la il anonymous

inta leesh tarik ilmawthoo3 ilasasi wili oho KARAMAT IL KUWAIT o ga3ed itchayek 3la ilkalemat afham ya reet itjaweb,

ishrayek bhl '7awanah
o mawqefhom min ilmojrim
m'3anniyah??

ishrayek ibmawqef il'7awanah
3adnan o Lari??

jaweb o ma nabi minik akthar?

sologa-bologa said...

ما أقول إلا

الله يحفظ الكويت من أهلها قبل أعاديها


ودمتم بحب وود

New Bride said...

waaaaaaay ya36eech el3afeyaaa gloobnaa matroosa walah

Selezya said...

عساهم لجهنم انشالله اهم وياه

ترا اهانه قوية

والله بيجازيهم انشالله


:* فدييتج طلعتي اللي بقلوبنا

strawberry said...

shno tabena ngool???
la 7achy ynfa3 wala kalmna bynfa3
7asaaaaaaaafa wallah 3ala goolt e5owana elma9ryeen elly e5tashoo matooo

nas hamha tbla3 o0 ta5med o0 ta5eth men 5er halbald beltaly la 7amdn wala shakooooooooooooooorA
nas ma tst7y ma fakrt ena lkuwait ma ga9rt ambeh 7aram 7eta atkalm

qesat_5ayal said...

الله يحفظ الكويت منهم
ومن الفتنة

قواة العين شلون صايرة؟
رفس النعمة شلون تكون؟

رب احفظ هذا البلد أمنا

عثماني said...

فانكوفر شلونج؟؟

انا ما راح اعلق على البوست الرائع اللي كتبتيه لانج عارفة راي فيه

بس انا بقولج شغلة ..ترفعي عن بعض المعلقين ...اللي كلنا نعرف شنو اهدافهم

انتي اعلى و ارفع منهم

حافظج الرحمن

Shaima'a Alkandari said...

ياعيني على هالقوه والاسلوب العجيب وايد حسيت بوستج قريب مني اللى كتبتيه

احسه اهو اللى يدور في بالي

اللى ماعنده ولاء لهالارض الطاهره اللى تربى وعاش عمره باحضانها شفايدته ليش مايروح حق المكان اللى يبي يدافع عنه ويحس انتمائه له

الكويت بعيونا كلنا وبنصونها ونعمرها ونخليها احلى من قبل

قواج الله يالغاليه

والله يرحم بابا جابر ويغمد روحه الجنه

The Simper said...

طال عمرج انشاله

كلام كثير انقال و انا ماراح ازيد، بس رب ضارة نافعه انشاله، واتمنى من الله سبحانه ان يجعل أعمال الناس في مصب المصلحه العامة قبل أي مصالح شخصية و مصالح خارجية وان يزيل كل مسبب (شخص أو سبب) لكل فتنه واضحة، امين

Mishari said...

شصاير عندج :)))

انا اشوف الموضوع مثل ما تفضلتي
ولكن الوطن ما رقعت موقفها الا تالي
لان بدايتها غلط
وعلي العموم وزير الداخلية ما قصر فيهم

vancouver said...

لوووووير

هلا بالشيخة
عسى طبتي الحين وصرتي احسن
:)

شفتييييييييي
سوونا خونه ودنيئين وبمستنقع الشتم
وما ادري شنو
كله عشان مو هاين عليهم
نقول انه مغنيه مجرم
واللي ايدوه ماعندهم دم
!!!!!


وبعدين حرام عليج الخدم
خافي الله فيهم
لا ايينا يوم الله لا يقول
يخلص نفطنا ونروح نشتغل عندهم
لووووول
بيسوون فينا الاعاجيب
ههههه

الله لاااااااااااا يقول

vancouver said...

ولد الديره

هذا العشم
:))


_--------------------------_


Chikadior

Thanks dear :)
yeh, I guess I'll enjoy my visit and may be I'll contact you :)
take care

vancouver said...

انونيمس

شكرا عزيزي على المؤازره

انا وااايد ملاحظة انها اسهل واول كلمه تنقط اذا الطرح مو عاجب
انته طائفي
وين قاعدين
نسيتوا لما تشرشحون الاوادم الثانيين بسوالف ثانيه وتطبلون
ليش محد قال عنكم عنصريين
مثلا


على فكره انا اقصد الكل من ابناء شعبنا
ليش ما يكون فيه رد على الطرح
بدل كلمه انته طائفي
وانتهى الموضوع

سوالف بااااايخة والله

vancouver said...

سالفة عجيييييبه
حبيبتي اذنج معاج


الجواب يا عزيزتي معرووووووووف
ما يرد لانه مأيده
ومعاه
ومو شايف باللي صار انه غلط
الغلط بس علينا
لاننا طائفيون
:\\

vancouver said...

سلوقا بلوغا


ودمت بحب وسعادة

اميييييييين
الله يحفظ الكويت من كل شر


_--------------------------_




نيو برايد

حياج الله حبيبتي
اي والله ادري
قلوبنا كلنا مترووووسه
واللي يطلع من حر ما فينا

مشكووووره على المرور

vancouver said...

سيليزيا


نعم اكبر من اهانتهم للبلد ما شفنا
لانه اي اهانه من بره اسمها يايه من الغريب

بس من ولد البلد صعععععبه وما تنبلع
ولا تنسي

فديتج
:****

vancouver said...

ستراوبري

ايه والله
اللي اختشوا ماااااااااتوا
:(

احنا السبب
سكوتنا على الغلط اهوه السبب

مشكووووووره على المرور

vancouver said...

قصة خيال

امييييييييييين الله يسمع منج

اللهم احفظ النعمه اللي احنا فيها

مشكووووره


_--------------------------------_





عثماني

هلا بخوي الغالي
اشلوووووني
الحمدلله بخير
ونعمه من رب العالمين



والله ودي اترفع بس ما اقدر وانا اختك
ههههه
عيل انا فانكوفر الطيبه سووني
طااااااااائفيه
هاو ليش عشان مغنيه
واحنا شكو فيه
؟
ناس تحذف حجي اكبر منها
يهالووووووو بعد شنقول
:\


تسلم ياخوي

حافظك الله
:)))))

vancouver said...

شيماء الكندري

اهلييييين شيومه شاخبارج؟

صاجة الكويت بعيووووووووننا ونصونها
ونحفظها بارواحنا

الله يكثر الشرفاء بالبلد ويبعد عنا كل الخونه

vancouver said...

سمممممممممبر


يا طويل العمر
:)
الله يسمع منك ويزيل الفتن من البلد
ويبارك لنا بديرتنه وشعبنا


حيااااااااااك الله

vancouver said...

مشاري

مو صاير الا كل خير ان شاءالله




ترى انا ما ادري شصاير ولا تابعت جرايد الكويت
ولا عندي قناة الوطن

انا بس كتبت اللي حسيته
عقب ما قريت عن التابين لمجرم
الدوله تقول انه وراء اختطاف وقتل ابنائنا

وسلامتك
:)

ana! said...

اكتشفت مؤخرا.. ان 99% من الكويتيين يقرون جريدة الوطن!! يقرون كلام الحرامية اللي نهبوا الدية في ازمتها.. وان 99% من الكويتيين يقرون للمنافق الباحث عن الفتن فؤاد اهاشم!! و هم بعد 99% من الكويتيين طائفيين سكتوا عن اللي مجد و ابن صدام!! و محد قال يستحق سحب الجنسية و الاعدام!! ربما لانه من المذهب السني!!! و كل قراء الوطن شايشيشين لان النائبين ابنوا شخص لي قبل مقتله بيوم "محد أكد" انه خاطف الجابرية!! ما اقول الا الله يحمي الكويت من الطائفية و حقد اهلها على بعضهم!!!!
يا حبذا قراءة مقالات الكاتب الشريف "في زمن يقل فيه الشرفاء" الاستاذ عبداللطيف الدعيج!!! على الاقل الريال حقانيّّ و خلكم من فؤاد الهاشم و جريدة الوطن اذا كنتوا صج تحبون الديرة!

Aldenya said...

فديتج يا فانكوفر
والله كبرتي بعيني
كلامج عدل وعين الصواب
اللى صار اثار استغراب كل الناس
وللأسف
اهما ماكلين وعايشين ومنتفخين من خير هالارض الطيبة

ربي يحفظ الكويت من كل سوء

vancouver said...

انا


شكرا اخي على تعليقك
سالفة ال99 يا اخي هذي تنفع في سوريا
في ليبيا مو عندنا
شنو يعني 99 من الكويت طائفيين
؟
هل معناته انه اخواننا من الشيعة واهمه تقريبا ربع الشعب
طائفيين
؟؟بعد
وواحد بالاميه اللي اهمه انت واسرتك الكريمه فقط مو طائفيين
بعدين هل معقوله توصم اي احد ضد اللي سواه عدنان انه طائفي
وين عيل الديمقراطيه والتعبير عن الراي والا حراااام نقول رايينا في التصرف اللي صار
بعدين نورني منو اللي مجد صدام وابنه بالكويت وعلى مراى من وسائل الاعلام الكويتيه والعربيه
منو اللي قال اشكره بويه الحكومة صدام شهيد
بس نورني لاني بعيدة عن الكويت وماوصلني انه في واحد سواها
يا خوي اللي سواها لو كان سني والا شيعي والا اباضي
ماهمني كنت راح اقول رايي فيه بغض النظر عن مذهبه
اصلا شكو انا بمذهب الناس اللي يهمني تصرفاتهم
صح باللي ذكرته انه الكويت ماكانت مأكده انه مغنيه وراء الاختطاف
بس اللي اعرفة انه قبل التابين صدر كلام من وزير الداخليه يهني فيه على مقتل مغنيه
مو كان الاجدر انه عدنان وربعة يطلبون توضيح او تفسير او بيان حكومي لتفاصيل الموضوع
بدل ما على اولهم يتحدون الدوله ويقولون اللي براسنه بنسويه حتى لو على حساب الشك اللي عند الكويتيين بانه مجرم
وبعدين شكو تابين وخبه وتصاريح ناريه
ليش ماراح لبنان يعزي مثلا
؟
اما موضوع الكتاب بالجرايد اسمحلي
محد يقدر يجبر الناس اقروا حق هذا وتركوا هذا
اذا مجرم الكويت وحكومتها تقول عنه جذيه وهم طلعوا كويتيين يمجدونه
هالمره كاتب كويتي بجريدة كويتيه ماتبي الناس تقراله
انا معاك ووياك الله يحفظنا من الفتن
ويحفظ الكويت
وشكرا على نيتك الطيبة
بس رجااااء وقفوا النظره هذي
انه اي احد ننتقده من نواب الشيعة
يعني احنا طائفيين وغير عادلين في انتقادنا
يعني حضرتك ما شفت الكتاب الكويتيين والمدونيين لما قطعوا واستهزؤا في مستجوبين السيدة نوريه الصبيح
محد قال انهم يهاجمون البدو او عنصريين او برجوازيين
ليش لما الموضوع يصير فيه شيعي اخواننا الشيعة تشب عندهم الحمرا
لو كنتوا معبرين عن رايكم كاي كويتي اخر كانت المساله اصبحت عاديه جدا
اسمحلي اي شخص يغلط ممكن يعدي خطأه
بس النائب بمجلس الامه خطأ فااادح جدا

شكرا على طرحك وانا سعيدة بمرورك
بس خاب ظني شوي يعني من اميه تعليق
شخصين من الشيعة بس قالوا رايهم
كنت اتمنى ما تكون السلبيه بهالطريقة

vancouver said...

الدنيا

عزيزتي انا اللي فديت طلتج الحلوه والله
شخبارج من زمان غاطة


عسى ربي يحفظ الكويت واهلها الطيبين
ويجمعنا ما يفرقنا قولي امين

نورتينا
:))

Enter-Q8 said...

Vancouver

ما ادري ليش لما قريت بعض التعليقات
طرى ببالي أغنية
الحريبي
جبتها على الجرح

انا ما اموت من الضحك الا لما يقولون اسلوب طائفي بغيض

و اللي سواه عبدالصنم
شنو

الرد حاكوا عقالي

و عاش قلمك
يـا بنت الكويت
Vancouver

bu saad said...

وتفوووووووووووووووووو

على كل واحد ياكل ويشرب ويعيش

ويتنعم بخير ارض

وحبه وولاءه وانتماءه وهواه صوب

ديره او حزب او شيخ او ملك

او سيد بديره ثاااااانيه

بحياته كلها يمكن ماطبها


...............

اي والله

صبا said...

اول شي كل عام وانت واحنا الكويتيين الي نحب الديره الطيبه بخير

وعس الله يبعد عنا كل شر؛ وتبقي الكويت بامن وامان وحب واستقرار قولي امين

التابين الي صار من قبل صمد ولاري له دلالات خطيره وواضحه جدا جدا وان مصلحتهم وحزبهم الحقير فوق مصلحة بلدنا
الكويت

يعني ماعندهم وطنيه ولا ولاء وحب للوطن ولي صار نقطه سوده ووصخه
حقيقه الي صار يثير الاشمئزاز !!!ما راعو مشاعر الكويتيين الشرفاء عامه ولا مشاعر اهل الشهيدين خاصه
جرح مشاعهم
واحنا ما نرضى بالي صار مهما كبرت القضيه لانا نحب الكويت وانخاف عليها من هالمجرمين الي لهم انتمائات خارج البلد

الله عليكم يامجرمين الحين القتل والعمل الاجرامي صاااااااار عمل وطني
حقيقه جبنه ولا ذمه ولا ضمير

بس نرد ونقول ولاءنا احنا الكويتيين الطيبين الشرفا للكويت والاسره وللامير والله يرحم بابا جابر
ويرحم حالنا من السفله دام الله موجود واحنا علي حق

والله يحفظ ديرتنا من كل مكره ؛ واقولها باعلي صوتي الكويت فيها 3 منافذ
مطار
ومينا
وخطوط سريعه

والي مو عاجبه يقلب ويهه وخلو الكويت حق اهلها


وسامحيني علي الاطاله يالغاليه

تحياتي من قلب

فتى الجبل said...

الكويت ما تدري منو طقاقها
حتى عيالها ما بروها

Sara said...

فانكوفر اوكي احنا معاج .. لكن اللي صاير بالكويت وبالذات منكم يا السنة إنكم هاجمتوا كل الشيييعة وبشكل يخرع !! انزين ليش ؟؟ إذا فئة معينة مادري جم عددهم اغلطوا هذا مو معناته إن كل الشيعة غلط .. كل يوم داش علي واحد البلوق يسبني ويسفل فيني وبمذهبي .. الصراحة انا مو مع السيد عدنان لكني ما أرضى على مذهبي كل دقيقة ناطلي واحد وقاطلي حجوة هم عيب تراا

وايد سنة وسلف بالكويت وقفوا وأيدوا الزرقاوي اللي ما بقى احد ماذبحه ووايد منهم وقف مع بن لادن صج انهم ماذبحوا كويتيين بس ذبحوا مسلمين وين ولائهم حق اسلامهم .. البرج اللي هده بن لادن مو معقولة ماكان فيه ولا مسلم .. ومهما يكون هذي اروااح ناس على اي اساس اذبحهم

سوري على الإزعاج بس كلام يقرقع بقلبي .. عبد الصمد غلط حاسبوووه كشخص لا تحاسبووون كل الشيعة اللي بالكويت !! مو كلنا نؤيد عبد الصمد بس احنا شيعة وما نرضى احد يغلط على مذهبنا وعلينا

Sara said...

تدرين ليش تشب عندنا الحمرة ؟؟ لانكم قاعدين لنا قعدة وعلى الوحدة عسى محد غلط إلا قلتوووووووا كل الشيعة غلط كل الشيييييعة مو زينين كل الشيييعة ما نبيهم !! حلاو احنا ولا لعب .. احنا اوادم حالنا من حالكم .. عاملوونا عدل عشان ما تشب عندنا الحمرة على قولتج .. الكويت ديرتنا واحنا نحبهاا موووووووت ونفديها بروحنا بعد

والشيعة بكل مكان بالدنيا موجودين .. ومادري ليش بعض السنة شايلين علينا ؟؟ مادري احنا شمسوين لكم ؟؟

الحارث بن همّام said...

في مثل هذه المواقف .. يطفو الزبد على سطح البحر .. يتبيّن من بكى ممن تباكى .. وتنكشف الاقنعة

Najmah said...

صح لسانج
تبردين الجبد
ياليت كل النفوس مثلج
:*

Anonymous said...

يحب اغلاق الموضوع
بسرعه حتى لايندس بينا اهل الحزاب المتطرفه ربع الطنطبائي وعبدالصمد ويشبون النار بين الكويتين
والكويتين يحبون الامريكان الي حررونا واحنا راضين ياخذون فلوسنا كلهالكن مانصير عراقين لكن هالايام نغمه سب في الامريكان من ربع الاحزاب وهذا ضد راي الكويتين كلهم سنه وشيعه
فقط المتحزبين يسبون الامريكان علشان حزبهم المتطرف
شكر فكوفر

vancouver said...
This comment has been removed by the author.
vancouver said...
This comment has been removed by the author.
vancouver said...

انتر كويت

شفت اشلون

لاني قلت الصج صرت طائفيه
!!
انزين ردوا على اللي انقال
كتبوا وجهة نظر غايبه عنا
شرحوا موقف التعيس عدنان عشان نفهم
لا
انتوا طائفيين والسلام

ايييييييييييه
خلهم يحاكون عقالك ابرك
:P

حياك الله

vancouver said...

بو سعد

مشكوووووور على مرورك
حياك الله

_--------------------------------_



صبا

وانت بخير عزيزتي وكل مواطن يحب هالارض

اميييييييييييييييين

اهم دلاله للتابين من وجهة نظري يا صبا
انه الدوله ماعاد لها هيبه
وانه الكويت صارت طوفة هبيطة حق هالاشكال
وانتي الصاجة

المنافذ موجوده من زمان
بس اكو احد يعاف النعمه اللي اهوه فيها بديره الخير
ويروح للفقر بريوله
؟؟
اهمه مستمتعين بالنعمه والديموقراااااااطيه اللي اهمه فيها
:\

vancouver said...

فتى الجبل

الكويت بخير
لو قادتها يعتبرون من دروس الماضي
:|

_-------------------------------_


سارووووووونه
اشلووووونج
اول شيء تعالي شربي معاي استكانه شاي
والا اقولج قلاص عصير ليمون بالنعناع
عشان تهدين وانتناقش
رافعين ضغطج
ادري
:))

حبيبتي واختي
شوفي انتي مثلا باول جمله اشقلتي
انتووووووووو يالسنه هاجمتوا كلللللل الشيعة

انا وحدة ما هاجمت كل الشيعة ولا يمكن اسويها
ثلاث ارباع البلوغر السنه ما يابوا حتى طاري الموضوع وادري ليش

الربع اللي يابوا الموضوع نصصصصصصصصهم اشاروا للنواب اصحاب المشكله وبس

النص الثاني يابوا الموضوع وعمووا على الشييييعة اللي مايدين عدنان ولاري باللي سوووه

ماكو شخص واحد قال انه كل الشيعة بالكويت لهم علاقة باللي صار

بس مع هذا قلتي كلنننا هاجمنا
؟

بعدين

متو قليل الادب اللي يغلط عليج ويسبج
ساره اللي يسوي جذيه هذا محسوب على نفسه وتربيته بس
مو على احد ثاني

وانا معاج عييييييب والف عيييييب
انه يكون الاسلوب بالغلط وانتي اصلا مالج ذنب
محشووووووووومه سارونه عن هالاشكاااال


شربي عصير واكمل كلامي معاج
:)

vancouver said...

سارونه

عسى اعجبج الليمون الكندي
:)

شوفي سالفة الزرقاوي وبن لادن
ترى احنا نهاجمهم اكثر من اي احد ثاني
ونعتبرهم مشوهين الدين بتصرفاتهم
بليييييييز لا تقوليلي انه اللي بالبرج اللي فجروه يمكن اكو مسلمين
سارونه
حتى لو البرج كله مسيحين ومافيه مسلم واحد
ماكو شيء يبرر العنف والقتل والهمجيه باسم الدين

ارجع اقولج موكل شيعي حزبي
ولا كل سني ارهابي
اظن احنا اكبر من هالحواااااار
صح
؟

تشب عندكم الحمرا او عند بعضكم يا ساره بمجرد انه يكون الطرف الغلطان شيعي
ما ادري ليش عقدة العنصريه موجوده عند بعضكم
ليش يتحسسون لما نقول فلان غلط ولازم يتحاسب
واحنا ضد اللي سواه
ليش ما يكون الكلام عن تبرأكم من افعاله الشينه
بدل مايكون عن دفاعكم عن مذهبكم
هالاسلوب اهوه اللي محول الموضوع لموضوع شبه طائفي
وانا لا زلت مو مقتنعة انه طائفي
بس كثره الكلام عن سني وشيعي مخليته جذيه

الحديث لازم يكون عن تصرف غلط من نواب المجلس واللي نطالب انه ما يدشونه مره ثانيه


اما سالفة المذاهب بنخليها
على كتر شويه
لانه الوضع الحين كلش
ما يسمح انه نتناقش بهذا الموضوع
هل احنا كسنة شايلين عليكم
كشيعة او العكس صحيح


لما تهدى النفوس
عادي عندي اتكلم بهالموضوع


طولي بالج والله يحفظ ديرتنه من كل حاقد وحاسد قولي امين

زيارتج وتعليقج وشجاعتج اقدرها لج فوق ما تتصورين
:)

vancouver said...
This comment has been removed by the author.
vancouver said...

الحارث بن همام


صدقت والله
وتنكشف الاقنعة
وتنكشف الاقنعة

:\

حياك الله

_------------------------------_


نجمة

حبيبتي
شخبارج
؟

صح بدنج
وياليت كل الناس بذوقج
حياج الله
:)



_------------------------------_


الانونمس الكريم

اتصدق كل يوم بقول بنزل بوست يديد مو عشان اغلاق هالموضوع
لا
لانه عندي وايد سوالف ودي اتكلم فيها
بس والله والله مااااااااعندي وقت
كلش
بس صدقني انا ما اعتقد بنظريه اندساس المدسوسين
ههههه
اقصد محد يقدر يندس ويزرع فتن اذا احنا مبطلين عيوننا
لااااااااااا تخاف
وحياك الله بمرورك الكريم

ana! said...

سوري على التاخير في الرد..
بالنسبة للي مدح و دافع عن صدام هو كاتب في جريدة السياسة "العبيسان" و طبعا رئيس التحرير الجارالله ما ينزل شي من غير موافقته.. و ما في كويتي وقتها قال سحبوا جنسيته مع ان صدام.. ماله داعي اقول منو هو و شنو سوى يعني لو فرضنا ان مغنية صج كان مجرم.. فليش الناس شاشت على مقتل 2 و تناست اللي قتل الف كويتي؟؟؟؟
عموما رايي و راي كل الشيعة و اولنا سيد عدنان..لو كان مغنية متورط باختطاف الجابرية لكنا اول من لقبه بالمجرم... و حسب اللي سمعته من الاحداث لاني اصلا كنت بره الكويت في وقت التابين.. ان اللي حصل ان قبل عشرين سنه و في وقت اختطاف الجابرية و في كتيب صدر من كونا نفت فيه اي صلة لعماد مغنية باختطاف الجابرية و لست هنا في موضع اثبات براءته لكن كان برئ من 20 سنه الى يوم وفاته و حين اعلن النائب اقامة التابين له.. و بضغط من جريدة الحرامية.. قام وزير الداخلية بالتصريح ان هناك "شكوووك" لاحظوا فقط شكوك حول علاقته.. و ان من يقوم بتابينه ليس شريف!!! طبعا هذا كله بعد ان تم اعلان التابين!! و بقدرة قادر و بعد ساعتين صار من مشتبه به الى مجرم!! و كل هذا لان حرامية المال العام يبون ينتقمونمن سيد عدنان بايطريقة حتى لو كانت تودي البلد بداهية!! عموما صاحب السمو ما قصر و في خطابه كلام وااااضح موجه لجريدة الحرامية التي اثارت الفتن و أججت الطائفية و لبست ثوب الوطنية حتى تلهي الناس عن الاموال التي سرقت في وقت محنة الوطن.. عموما بعد خطاب سمو الامير اعتقد ان كل شي صار واضح و معروف ان وسائل الاعلام المقصودة من خطابه هم جريدة العفن و الفتن... المسماة سابقا بالوطن