لاااااازم تشوفونه

تحديــ4ــث

والاخير

فاااااز أوباما بعدد الولايات

ولكن فااازت ام تشيلسي بعدد اصوات مندوبين الحزب في الولايات

:(

اذا الحسم راح يكون بترشيح واحد منهم من قبل الحزب

اتمنى الاخذ بعين الاعتبار رغبه الملايين من الناس بالتغيير

وليس الانحياز لبنت الحزب العتيده وزوجة الرئيس السابق

يعني ماصاااارت

4 سنوات بوش الاب

8 كلينتون

8 بوش الابن

وهم تيي هيلاري

وتمسك 8 سنوات مثلا

فوق العشرين سنه والرئاسه بين عائله بوش وعائله كلينتون

بس المهم انه يصير هالشيء بالديموقراطيه

مو ضرب الجزم

مثل جيراننا الحلوين

ههههههههه

نبي تغييير ملييييييينا

انا عن نفسي مليييييت و لااحد يقول شكو

سياسه امريكا من سياستنا يا حلوين

:)

تحديـ3ـث

13

اوباما

مقابل 8

لهيلاري\ ام تشيلسي راحت وطي

:))

المشكله اذا فاز اوباما باصوات الناخبين بالولايات

ويسقط بالحصول على اغلبيه هيئه الانتخاب الدستوريه

يكون كل هالركضه راحت بلااااااش

:((

تحديــــ2ـــث

بتصير الساعة 2ليلا ولازااااالت المعركه شرسه جداااااااا

:))))

شكله مافي نوم اليوم

تحديــ1ــث

افا ياذا العلم :\ هيلاري تفوز بخمس ولايات

منها نيويورك ونيوجيرسي مقابل

اربع لاوباما ، المعركه لم تنتهي بعد

تو الناااااااس اليوم هو الثلاثاء السوووووبر

وفي يوم الثلاثاء يكرم المرء او يطلع بره اللعبه

...

وانا اكتب فاااااز اوباما بنورث داكوتا

هيااااااااااااا :)

Go Obama go..

+++++++++++++++++++++++++++++++++++++++

احساسي عمييييق بالحزن

"تحدييييييييييث مهم"

يا جماعة انا متعوده قبل لا اروح اي فيلم لازم اقرى راي النقاد عنه والريت ماله اللي مو متعود يسوي جذيه ويروح على ويهه لا يقرى البوست لانه ممكن يحس انه الفيلم احترق عليه ، اللي ذكرته عن الفيلم اقل بكثيير من اللي ممكن يقولونه النقاد للناس قبل لا يشوفونه او حتى ينعرض بالسينما انا نقلت احساسي موووو احداث الفيلم

السموحة من اللي قروا البوست قبل التنويييييه

عشانكم مطقوق والمهندس

بحذف جملتين

بس جملتين

:))

صارلي 3 اسابيع تقريبا احن على رفيجاتي نروح فيلم معين بشوفه\بعد النطره وصلني مسج بالتلفون انهم بيروحون فيلم كوميدي الساعة الفلانيه وبنفس اليوم اللي اندز فيه المسج\ قلت حق نفسي الحين عقب هالنطره شستفدت؟\ الساعة كانت سبع بالويك اند \خلاااص طق براسي اروح فيلمي اللي بشوفه من اول مانزل \ماااااني ناطره احد اكثر من جذيه\خليت ولدي مع ابوه ورحت بروحي \ماقدرت اصبر اكثر\وزيييين سويت اللي رحت بروحي \الساعة الاولى كان قلبي معصور عصر\الساعة الثانية قمت اتناجر مع دموعي لا تنزل\ولان ماكو احد بنفس صف الكراسي االي انا فيه
..... اطلققققققققت بالنهايه سرااااح دموعي
وبجييييييت لين قلت بس\ الدموع اصلا تخر من نفسها مو متحكمه فيها
اكو جذيه ظلم اي اكيد اكو
ناس تعيش مظلومة محد درى عنها





ماااا ابي احرق الفيلم عليكم للي ماشافة

بس نصييييحة

لااااازم تشوفونه موووووو مقطع

ترى كل لقطه فيه ثميييييييييييييينه

لازم ينشاف بالسينما بالذات
حراااااام هالتصوير الروعة

ما تشوفونه بالشاشه الكبيره
والموسيقى رهييييييبه


يعني عادي جداااااا ماكو حوار
بس من الموسيقى ابجيييييييي
!!


لاني دارسة الاخراج ادري اشكثر

هالفيلم متعووووووووب عليه
كله بصوب والتصوييييييييييييييير بصوب

تذكروني لما تشوفون لقطه الحصان

اشلون الكاميرا لمدة دقايق ما تقطع

تاخذكم بزووووووم متوااااااصل
تاخذكم من بدايه المشهد وتروح فيكم اخخخخخخر المكان وتلف حوالين الجنود 360 درجه

شيء رووعه

حتى المشاهد البسيطه مثل ركوب البطله باص لندن الاحمر

لقطة ذكرتي يعني شنو سينما

البطل للامانه ما كنت ابلعه بالذات بعد فيلم
Becoming Jane

بس اليوم لالالا عظييييييم

تمثيله عظيييم

كيرا نايتلي ما يحتاج اتكلم عنها
بددددددعت
راااااااائعة ..روعة ..تينن


والطفله شنوووووو حقييييييره

اتوقع تاخذ جائزه على اجادتها الحقااااره

والله من صجي

كرهتها من قلب
===

فيلم عظيم وكاست عظيم واخراج وتصويييير

وموسيقى

واهم من كل هذا روااااايه روعة
كانت بيست سيللر
اكيد في منكم قراها من قبل

واقعيه تبين لك ................و ...

.........................

بس

بس
ماني قايله اكثر
====

خلص الفيلم وافتحوا الليتات\محد تحرك من مكانه \جنه محنطيننا بعد ثواني استوعبنا قام كل واحد
يمشش بدموعه اللي ماقمنا نقاومها اخر نص ساعة

استسلمنااااااااااااااااااااااااااا

قمت بسرعة ادور الباب ما ابي احد يشوفني
عقدتي احد يشوفني ابجي
حتى لو مااعرفه
واللي اشوف كل الحريم عيونهم متفخة ويمشون بسرعة

باتجاه الحمام
انا كنت مستعده لهالموقف ومسكرتي واتر بروف
ما احتجت اروح امسح عيون الباندا
لا لا مشيت طلعت من السينما ولازالت دموعي تنزل

امشي بالداون تاون الحراره 6تحت الصفر
والثلج مغطي الارض

ماحسيت بالبرووووده

احساسي بالقهر اكبر

احساسي بالحزن غطى على شعور ثاني

روتيني عقب ما اطلع من السينما لازم اخذلي قهوه من سكند كب اللي يمها
مريت اشم ريحة الققققهوه بس بلعومي يعورني
من محاولاتي لخنق العبره
ظليت بس امشيييي
مشيييييييييت وقاعدة اطالع الحبيبه اللي ماسكين ايد بعض يتمشون او قاعدين بالكافيهات
ممكن يصير بحبهم جذيه

؟؟؟؟

ركبت السياره ما ابي ارد البيت
انطر عيوني يفش تفاخها بعدين اروح

ظليت افتر والسنو يضرب الجامه

يعني كلش الجو ماكان بصفي

رومانسيه الجو زادت حزني والله

عشت حيييييل بالقصه

كااااااااااانت ليله
اليوم قعدت الصبح ماكو شيء في بالي غير اااااحلى كلمه

انقالت بالفيلم

come back to me..
come back to me.....

افكر اروحله مره ثانيه

اكيد البجي بيكون اقل لاني ماراح انصدم بالاحداث

بس ودي اركز بالتصوير والتفاصيل مره ثانيه

ولانه
يستااااااااهل

ينشاااااااف

الله يخليكم اللي بيشوفه دي في دي

يشوفه بسينيما منزليه بلييييييز
ملاحظه
اللي شاف فيلم ذا انجليش بيشنت

وعجبه معناته هذا فيلمك

اللي ماعجبه
معناته مو ستايلك

ومشاهد الحرب يمكن تضايقك
___
الشباب والرجال
من الحين ادرررررري انه فيلمكم المفضل الابدي

العراب
او داي هارد
!!وبس

عشان جذيه ما اعتقد انكم بتتاثرون
بشيء فيه

:)

الفيلم

كان

ATONEMENT

MONT TREMBLANT !

MONT TREMBLANT !

رحلتكم اليوم في البلوغ بتكون غييييييير شكل

لاني باخذكم معاي الى مكان عجييييييييب

وايد متحسفة اني ما اكتشفته الا متاخر

اقصد كنت اتمنى لو كل سنة طافت علي

بشتا كندا ازور هالمكان

طبعا كندا مثل الكويت بالسياحة

فيها اماكن حلوة بس التسويق والدعاية لها جدا ضعيفة

عكس امريكا اللي اشبهها بدبي

يعملون من الحبة قبة

وياما شفنا دعايات حق اماكن سياحية وماتكون ذاك الزود

بس الدعاية مع التسويق الصح

يجذب الناس

المهم

انتوا مستعدين للانطلااااااااق

هاهاهاهاهاها

يالله ركبوا الماجك كاربت وخن نطير الى

ولاية كيبيك الكندية

هذي من الولايات الفرنسية اللي احبها

الناس نزااااكة

الشوارع شيااااكة

ههههههه

باريسية الهوى

اوروبية الولاء

كندية الجنسية

لووووووول

قررنا بالعيد نسافر حق جبل من جبالها

بعد ما شفت سايت على النت للفيلج

اللي فيها

بس ماااااااا توقعنا الصراحة اللي بنشووووووفه

اسمها جبل ترمبلانت وبالفرنسي

مونت تريمبلا

فيها فيلج سياحية عجيبة

بالصيف تكون وجهة رئيسية لمحبي الجولف

لوجود مساحات خرافية من المسطحات الخضراء

بالاضافة الى الشواطيء الصناعية على ضفاف البحيرة الكبيرة

اقصد يعيشونكم جو البحر او المحيط

لكن بماااااي حلووووووو ههههههه

لانها بحيره فوق الجبل

يالله قبل ما نطلع من الفندق

رموا عضموكو

هاهاهاها

اتفضلوا معاي على ريوقي البسيييط

ياربي كله كوووووووووم والزبدة كووم

من كثر ما عجبني نزاكة الشكل ماكان ودي اهجم عليها

هههههههه

ترى بالولايات الانجليزية

جعوص وهلاقة

حتى باكبر الفنادق

ما يهتمون بالتفاصيل الصغيرة

بس انا قتلكم

كيبيك ومونتريال احب الجو الباريسي فيهم

ها خلصتوا ريوق والا بعد؟؟؟

يالله زتكم ترى ورانا دررررررررررب وطيحااااااات ومغامرات

ههههههه

اسلوب دبي التشويقي

لوووووووول

طلعنا من الفندق وبنتجول بالفيلج

المجكنمة

الحلووووو انه زرناهم قبل الكريسماس باربع او خمس ايام

فكان التزيين والليتات بكل مكان

والمنظر ابدع بالليل

طبعا

المحلات متنوعة على اليمين والشمال والمطاعم والكفيهات على افا من يشيل

يعني فيلج صغيرونة فيها 45 مطعم وكافيه

بطريجنا اشرايكم اودي وليدي الداي كير

لاني مااقدر اخذه معاي للتزلج

ما هجيت انه المكان على هالمستوى والسعر حيل مناسب

يعني كل 3 ساعات ب90 دولار

تقريبا

مايعادل

25 كويتي

والمكان وسييييع ونظيييف والالعاب تشوق

واااايد ارتحت اني اخلي ولدي هناك كل يوم لما نروح التزلج

الصورة اللي فوق حق محل العاب اشرايكم اساحل ولدي بلعبة قبل لا اقويه

لووووووووووووووول

شوفوا تكفون بس الصورة اللي تحت

حق ولدي وانا مسويتله جلوبال وورمنج ذاتي

شسوي ترى الحرارة مع الوند شيل توصل 17 تحت الصفر

!!!!!

تراه عصل بس من الهدوم متفخ

ماله داعي اعدلكم القطع اللي عليه

بس ترى لابس 3 كبابيس

الاول على الراس ويغطي الاذون

الثاني ينلبس مثل البخنق عشان يغطي رقبته عددددل

الثالث اللي موصول بجاكيت الثلج وهو في الحقيقة مكون من طبقتييييييين لووووووول

احس بقيتوا من الحر من وصفي

هاهاهاهاها

وخل يطلعلي بلوغر الحين يقولي ليش خاشه ويه ولدج

ترى اشطب اسمه من الرحله

لوووول

اشرايكم اتنفهون بهالمنظر اللي يرد الروووووح

لا لا شباب لا تفهموني غلط

مو حاطة صورة نانسي

لوووووووول

المدينة فيها 4 مستويات للتزلج

انا عن نفسي عليمية

على كثر سفراتي من قبل من وانا صغيرة لمناطق الثلوج

كان حدهم الاهل يقصون علينا

بتحذف كور الثلج

بس ما كنا ابد ناخذ دروس

او حتى نجرب التزلج بالالواح الخاصة

المنطقة فيها على الاقل حسب اللي شفته 4 انواع للتلفريكات منها المفتوح ومنها المسكر بكباين

عاد زوجي قص علي وقاللي المسالة هيييييييينة

شوفي اليهال ماشاءالله قاعد يتزلجون يالله خل ناجر الادوات وننطلق

الادوات تاجيرها كان معقول ليوم كامل بس يحجزون الف دولار على الكريدت

لو حصل اي كسر او ضياع لها

ديروا بااااااااااالكم

لا توهقوني

كل واحد لوسمحتوا يعض على ادواته بريوووووووووله وضرووووووووسه

احم احم هذي انا اللي فوووووووق هاهاهااهاها

فرحانه بزلاجاتي هههه

تخيلت المسالة سسسسسسسسسسسهلة وعلى اولي صعدت المستوي الاول

من غير مدرب ولا بطيييييخ

طبعا تشجعت لاني شفته متروووووووووس يهال اعمارهم 4 و5 سنين

ترى عندهم مدرسة حق عيالكم لتعليم التزلج

يطلعونهم ابطال بالالومبياد باجر

بعد اشتبون

؟
وصلت لقمة المرتفع

من تحت شكله منبسط

بس لما رحت فوق بغيت ابجي

اهيء اهييييء

زوجي للمرة الالف قص علي

وقالي نزلي على طول واذا بتطقين بريك سوي رقم 8 بالزلاجات وبس

على اولي

نزلت

اطق برييييك

يالطيبة وقفي

وقفي

!!!

كل مالي ازييييييد بالنزول والسرعة

حسيييييييييت قلبي بيوووووقف

لانه بنهاية المنحدر يهااااااااااااااال

يعني اهمه بيصيرون مصدات الرياح

وانا الريااااااااااااااااااااح

لووووووووووول

شسوت فانكوفر

دبووووووووووووم

دبغت على الارض

حق الشماتة ياسسسسسسسسسسعد

لووووول

بس ابت المروءة علي اني انهي مغامرتي على اول طيحة

والله وكيلكم

من 12 الظهر الى 4 العصر

وانا طييييييحات متوااااصلة

لما الحمدلله

تزلت المنحدر كله من غير ولا طييييحة

اهني انتقلنا ثاني وثالث يوم للمستوى الثاني اعلى واحلى بصرااااحة

هذي صورة فندقنا فووووق وايد كان موقعه استراتيجي

وفيه خدمات وااايدة مو متوفرة في فنادق ثانية

يعني بدل ما توقفون دور لتاجير الادوات

ممكن تاجرونها من الفندق

فيه سبا عجيب وكبييييير مو مثل اماكن ثانية كل

مارحتوا تحجزون بنفس اليوم قالوا فل

والجيم بعد ما يحتاي

المهم اللي بيطيعني ويحجز فيه

اهوه الفيرمونت

طبعا للعوايل الكبيرة

انصحكم تاجرون فيلا كاملة

عندهم فلل مستواها 4 نجوم

اتمنى الرحلة عجبتكم

:)

ان الله اراد نزلت جزء ثاني

مع مغامراتي

وكاثرين زيتا جونز؟؟؟ ومساج الصخور!!!ها شوقتكم ؟؟هاهاهاهاها

اخليكم مع المسبح الخارجي والجاكوزي

بوسط الثلج

بس حرارة الماي 37 يعني من حرارة الجسم

زوجي طب فيه
وانا اطااالعه من داااخل الفندق وميييييتة من البرد

بغيت احط صورته واهوه طاب في الحوض ووسط الثلج

بس خفت على حلالي

لووووووووووووووووووووووول

بنهاية الرحلة نتمنى انكم قضيتم اوقات ممتعة بصحبة فانكوووووفر ايرلاينز

لوووووووووووووول

لا لا

فانكوفر تورز

ونقدم لكم بالنهايه هذا التريت البسيط

تعبيرا عن امتناننا لكم لانكم ما كسرتوا الزلاجات ووهقتوني

:)

احلى شيء

كل مساء عقب العشا

ناخذ القهوة

ونجابل هالمدفاة العجيبة

اللي تذكرني بقعدات الدوة والبر

عاد اليوم مكلمه امي واتقولي مجااااابله الدوه والشويهه

والحراره بالكويت زمهرير ههههه

بس الفرق في دوه كندا انه بدال الفحم

خشب هاهاهاها

ترى ريييحته تينن لما يشب

انا ادمنت ريييييحته

لوووووول

بكل عاير تلقون دوه جامبو من هالنمونة

هههههه

شغلات بسيطة بس انا واااايد اقدرها

بالاماكن اللي اسافرلها

سفره ممتعه والى اللقاء

هههههه

مع تحياتي

فانكوفر

الله يهنيها ويسعدها فيهم

الف مبرووووووك فوز كويتية بجائزة محترمة

اي والله من صجي

ياما كنت احتر على الاسامي اللي تطلع بالسحوبات



يا هنوووود
.
.
.



يا هنوووووووووووووود

!!

اذبحونا السيك بحظهم

اللي يكسر الصخر

!

والله استانستلها من كللللل قلبي على المليون

الله يهنيها فيه
بس

اتصدقون عاد



خنت حيلي لما قريت الخبر حيييييل انكسر
خاطري عليها وحسيتها مرة طييييييييييبة




تقول ما تزوجت بس ربيت عيال اخوي وهمه عيالي الحين


وانه العايلة كلها تتيمع عندها كل اسبوووع فقيرة


مع انه اهمه المتزوجين

يعني بيت اختكم صغيييييير وكلكم اتيمعون عندها مسيكينة وكل اسبوع

علبونه مو متزوجه

!!!!!!!!!

وبتشتري بيت اوسع يشيييييييل العايلة كلها
وتقول ما راح ارد اللي دق يبارك

ويطلب مني اساااعده
!!
كديتي خييييييييير عيل


بظرف سنة
المليون بيصيرون 300 دينار

هههههههه

هذا الخبر

بس مو تنظلون المرة فقيرة على جائزتها



http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=348360




والله فرحاااااانه انه كويتية كسبت



وفوق هذا شكلها تحب الخير



والصراحة طرى ببالي لو انا اكسب شنو اول شيء افكر فيييه؟؟

طبببببببببعا نفسي

عيل بصير مثلها تبي تشتري بيت اوسع
وتعطي المحتاجين

الصراااااااااااحة اول شيء افكر فيه

اشتري فراري

لوووووووووول

وبيت في ايطاليا

عشان اتنقع هناك طووول السنة

واخذلي سفرة حول العالم طوووول العام

هههههه

وشقة بسان دييجو

عشان وناسة عيالي كل صيف هناك

واشتريلي اغلى عطر بالعااالم

سعر الزجاجة 115 الف دولار

بس راهية فيها 500 مل

وماادري جم قيراط الماس

خاااااطري اشمه وما يعطون سامبل منه يعلهم الضربة

اللي عنده 115 الف زاهبة يروح هارودز

بيلقاه عندهم

واهممممممم شيء

عمليات الترقيع والتجميل والشد والتخسيس

ابي اصير جذيييييه

لووووووووووول

بس على وييهي

انا

مو وييها

ههههه

وبعديييييييييييييييييين خل افكر بباجي الناس

ههههه

شوفوا ماني ملاااك

كيفكم بتقولون انانية

قولوا

بس لاااااحظوا اني مااااقلت ولا افكر اقول ببدل ريللي

الله.. لو رياااااال جان اووووول شيء قاله ولو بعقله الباطن

اذا فزت بالمليون ابددددل مرتي

ههههههههه

يالله اتحفوني باولوياتكم ان فزتوا بالمليون

؟؟؟؟؟؟

وفاااااااااالكم طيب

I miss you all !!

من ويييييييييييين ابتدي ؟؟

من الصورة اللي حاطتها عشان تتخيلون الصقيع اللي انا عايشة فيه؟؟

والا من تقصيري معاكم؟؟

:\

اوكيه ادري اني غطيت غطة قشرة بس عذروني يا جماعة الخير

اول شيء سافرت مجموعة سفرات قصيرة خلال شهر واحد مما اصابني بالارهااااق والتعب

عقب ما استقريت وهيعت من اللوية ييت اكتب بوست

الجهاز عندي ضرب

!!

وديته الورشة لانه كان تحت الكفالة عقب شهر تقريبا اتصلوا وقالوا نوعية الخراب ما يغطون تكلفته

وعشان يصلحونه على الاقل لازم احط ببالي انه بيكلف 600 دولار

قتلهم خللووووووووووووووووه

ما ابيه

نقعوه وشربوا مايه

!

يبا ازيد المبلغ 100 واشتري واحد يديد ابرك

وفعلا بديت ادور على المحلات لما لقيت ضالتي هاهاهاهاها

اقصد لابتوبي هههه

ومشكورة بربل على العرض انا نطططططرت

قلت الحين باجر بتيمعلي فلوس نوت بوك يديد مثل ما قالت

ماكو

خاااموش

قلت حق نفسي توكلي على الله واشتريه

!

كل هالقرقة

عشان احطكم بالصورة واقول لكم

رجعتلكم

يالله صفوا دووووور

وبالاحضاااااااااااااااااااااااااااااان

!!

وكل عام والجميييييييييع بخير

Happy 2008 !!

طأ حنك مع فنجان أهوه

لاني بروحي قاعدة اشرب قهوتي

.

والجو ما شاءالله روعة

ووليدي نااااايم نومه العافية

قلت اسولف معاكم شوي

ابي احس انكم معاي ومجابليني

سويت لكم قهوة تفضلوا

.

....

ههههههه

عاد انا مشهور عني تضبيط الوش

احبها عادة عالريحة

بس اليوم مزاجي مضبوطة

هههههه

ما ادري اذا قتلكم او لا

واااايد احب الزرع في البيت

احس لو بيوتنا بالكويت متروسة خضار

الناس بتكون رااااايقة اكثر

للاسف هالشيء مو مهم عند وااايد ناس

ادخل بيوت واااايدة

فيها اثااااث غالي

وديكورات تعقد

واكسسوارات بكل زاوية

ولوحات

ومع هذا احس اكو شيء نااااااقص

كنت ايام دوامي مسوية اشتراك مع محل ورد

يوصل كل بداية اسبوع سنتر بيس ناعم

الشغلة والله مو مكلفة ابدا مقارنه

بانه احنا ممكن نقط اضعااااااف هالمبلغ على كوب قهوة

كل يوووووووووم

من معشوق الجماهيييييير

ستاربكس

ههههه

حاطة ببالي ان شاءالله

لما ارجع الكويت

اسوي اشتراك للبيت

ما ابي بوكيهات مرتبة

لأ لأ

مجرد ورد كل مرة نوع وشكل ولون

انا ارتبه واحطه بالفازات

تخيلوا تدخلون صالات بيوتكم كل يوم

او تقعدون على طاولة الاكل

وتشوفون فاااازة فيها وررررررررررررد

ترى انا مو رومانسية

مخليه هالخصلة حق خرووووفة

لوووول

بس احس الورد يرطب المزااااج

..

كنت ولازلت دايما احكم على رقي المطعم

اللي ازوره من نوع الورد اللي يحطه

اكثر شيين يبطوووووووووون جبدي

ورد صناعي اطرافه مغبرة

والا كارنيشن على طاوله الاكل

..

تذكرت موقف صار ايام خطوبتي

طبعا واااايد مصددقة عمري بدور المستحية

لووووووووووول

انا عموما جريئة وصريحة وواااثقة حدي

بس ماااايصير عاد علبونه جريئة ومرتاحة مع خطيبي

اصير امية بالامية على طبيعتي

المهم

مسكيييييييين اهوه كللللش مو مال مطاعم

ولا كان من النوع اللي يهيت مع ربعة كل ويك اند بمطعم

كل روحاته للمطاعم يا غدا عمل

يا عشا عمل وسلامتكم

فكان يقولي اشرااااايج انا حاجز بالمطعم الفلاني

طبعا اسكت ما اقوله انا ماااااله من كثر ما رحتله

او انه قعدته مو ذاك الزود

او جوه ما يريحني

المشكلة كانت

كلللللللللل حجوزاته بالفنادق

ما يعترف بالكاجوال علبونه مخطووووووووبين

لوووول

مرة قلتله خنغير

؟

مااااايدري

وين يرووووح مسكيييييييين تتدوده

لما قتله ما ابي اوتيل

قعدنا نلف بالديييييرة على ملا وشنا

ههههه

فجاة سفط عند برج حمود

من صججججججججججك

؟؟

ما احب قصر يلدز

بس انطميييييييييت

بروحة الريال كان حاجز بفندق وانا كنسلته

خلاص مشيت الموضوع

وهم على باله مفاجئني

حتى ما سالني داخلته والا لأ

؟؟

ما يدري من اول شهر فتح فيه قبل سنييييييين

ايام اللي كاااان خالي يصفر

انا داشته

خبركم انا وخواتي

تحريات هههه

من نسمع عن مطعم ركككككككككككضة عشان نجربة

ونحطه بلستتنا او نحذفه منها

المهم دخلت المطعم على استحيااااااء

لووووول

خو مخطووووووبة لازم امشي بهدووووء

جججججججججججججججك

جان الجوتي عزكم الله ينكسر الكعب ماله

ومن كثر الادب ما تحجيييييييييتت.. سويت روحي امشي عادي

لين وصلت للطااااااااولة

ماااابغيت!!

اول ما قعدت والا شاشوووووف

ورد كارنيييييييييشن ييب اليهد على الطاااولة

تحملت كسره الكعب بس ماااا تحملت اجاااابل الكارنيشن

مع انه طبييييعي

ههههههههه

زوجي عفوااااا خطيبي ههههه

سالني اشفيج متضايقة شكلج

لما عرف شنو اللي منرفزني

على اوله

شااااال الورد بفازته وحذفه تحت الطاوله

مانطر حتى الويتر يشيله

جان يقولي

ما ابي اشوفج متضايقة خل يولي هالورد اذا موعاجبج

عجبتنييييييييييييييي الحركة

جنه فارس حارب الوحش عشان ينقذني

لوووووووول

كبر بعيني

وبحركة رشييييييقة من ريلي حشت الفازه

جاااااااااااااااااك

جان تنكسر

ولييييييييييييييه

جندس يشوف شالسالفة قام شااااف كعبي المكسوووووووور

لازق بطرف الجوتي ومنعوي

لووووول

قالي ليش ما قلتيلي

طبعاااااااااا الرد

مستحييييييييييييييييييييييييييييييييييه منك

هاهاهاهاهاها

تدروووووون اش سوى

؟؟؟؟؟؟؟؟؟؟؟؟

قالي جم مقاسج

وعلى اوله طاااااار

حتى ما قالي وين

عشر دقايق

الا يايب جيس وداخلة قوطي

وااااااااااي

مو جنه فارس؟

الا صاااار عنتر سل سيفه وحارب قبيييييييييييله عشاني

استااااااااااااانست حدي

يوم بطلت العلبة

فشيييييييييييييييييييييت بمكاني

!!

والا جوتي طبي من جاشنمال

لوووووووووووووووووووووووووول

مير المعركة والفارس والوحش كل هالمنظر تبببببببببخر جدامي

هههههههه

ما راح اقول ليششششششششششششش اختار جوتي طبي

اللبيب بالاشارة يستوعب

هاهاهاهاها

بس كلش مو استايلي

عمرييييييييي ما لبست جوتي طبي

اصلا بذاك الوقت ما اعرف امشي الا بكعب يجكجك

!

بس نرجع لموضوعنا بما اني مخطوبة

لازم انطم واقوله مشكووووووووور والبسه

كل هذا وانا قاعدة على الطاولة

ما تحركت من مكاني

!

نادينه الويتر عشان يضيف قيمة الفازة المكسووورة

على الحساب

ما رضى وقال ولو فداكي ميت فازة

كبر بعيني المطعم

لوووووووووول

موووو هذا المهم

المهم انه ثاااااااااااااني يوم المشهد بكل تفاصيله

بتفاصيل تفاصيله واصل عند اختي

والسبة حماها ومرته مجااااابلينه وطاااايحينله خز من اول ما دخلنه

باي ذاي واي نفس الانسانة كنت شايفتها

بمكان من قبل وانا امشي رايحة اسلم

علييييييها

انكسسسسسر كعب الجوتي

وهذول المرتين الوحييييدتين اللي ينكسر فيهم كعبي

كللللللللللللش مو منها

لووووول

وانا ولا ادري عن هوى دارهم

لاهية بالكارنيشن المحذوف

والكعب المكسوووووور

والخطيب الفاااارس

:)

بس والله كل

ما اتذكر هالموقف ووااايد مواااااقف

اموت على زوجي اكثر

على نيااااااته بعد قلبي

واعتقد كان متدوده اكثر مني

لا ويايبلي الجوتي ابيييييييييييييض

على باله سستر

لوووووووووووووووول

بس عسسسسسسسسسل على قلبي

ههههه

ليييييييش كل هالقرقة

؟؟؟

اي.. عشان اقولكم

انه الزرع والورد مهم عندي و احبه

..

بالكويت

عيوننا ما تشوف خضااااار كفاية

واحس هالشيء مأثر على المزاج العام للكويتيين والا اشرايكم

؟؟

ملاحظة :انا المدعوة فانكوفر

اقر بانني لا امت لمحمد الفايد باي صلة قرابة

ولا اتقاضى اي عمولة جراء تصوير ونشر

صورة فنجاني المفضل لشرب القهوة التركية

تبوني احلف عالمصحف لوووووووووول

----------------------------------------------

يا ليلة العييييييييييييد

عيييييييييدكم مباااارك جمييييعا
من العايدين والفاااايزين يا رب

تقبل الله طاعتكم بالشهر الفضيل
ربي يعوده علينا وعلى المسلمين
بصحة وسلامة


اجمل ايام مرت علي في رمضان


جو من الراحة النفسية من الداخل
الواحد يحس
انه الله معاه
بكل خطوة





وطول اليوم بالك
مشغول بالذكر



اللهم لك
الف حمد وشكر
على نعمتك




ماادري عن شنو اكتب

؟؟؟

تدرون

بكتب عن نشاطااااتي وارتباطاتي

ههههههه

باجر بما انه عندنا بيكون صيام

لانه الاسنا قرروا ان العيد بيكون
يوم السبت
واحنا راح نتبع البلد اللي احنا فيه
فبنعيد عقبكم

بس عشان نحس بالتغيير
حتى لو يوم صيام
قررنا مع صديقاتي
نفطر بمطعم
بناكل تمرتنا ان شاءالله بالبيت ونصلي
وعقبها
قززززززز
ههههههه

ليييييييلة العييييييييد
خو مافيها شيء


وبعدين اخر يوم ماكو تراويييح
فبنروح عن نفسنا بشيء ثاني

اسسسستغفر الله
والله مو قصدي
ماادري شفيني؟
وايد اكسايتد انه باجربالكويت عييييييييد




اول يوم العيييييد ان شاء الله بلبس ولدي
هالبشت الدقلة اللي بالصورة

بس مع شماااغ
الجو بريدات شوي

خاصة انه بنطلع من صباح الله خير

---

مسوية حلويات حق يهال المسلمين
قلت بوزع عليهم عقب الصلاة

المسلمين يوصلون الف مصلي

في المسجد اللي نروحله

فكنت عاملة حسابي على 200 حبة

تخيلوا

؟
سويت بس 80 جيس حلويات
وفجيييييييييييييييييييييت

ههههه
والله
من جد ودي اسوي اكثر

بس تعبت
وانا اشكل كاكاو وحلاو والعاب

واجيس واربط
اصابعي عوروني
هذا وانا معطيتهم رااااحة عقب حراق الرقاق
هاهاهاهاهاها

بعدييييييييين
بطلع مع بعلي نتريق
ثم
اذا الله اراد
بنتيمع عالغدا مع ربوعنا
ادري بتقولوووون
كله اكلللللللل
شنسوي كويتييييييييين
بعدين واااااايد ظعفنا من الصيام
اي هين !!!

فلازم نعوض
:)))


احلى شيء
اكتب لكم
وكل شوي اوقف
لانه قاعدين نعايد على الكويت
الحين عندكم سبع الصبح
وقاعدين نكلمهم على الريووووووووووق

الله يا حلاة ريوووق العيد
بلاليط
رهش
حلوى
درابييييل
ومعجنات
الله يعوده عليكم بالخييييييير
يا رب

عييييييييدكم مبارك


وتقبل الله طاعتكم

فانكوفر