CLICK HERE FOR BLOGGER TEMPLATES AND MYSPACE LAYOUTS »

December 19, 2008

شمطط شماطيط.. هلق تهاليق +منوعات

تحديييييث

بعد قلبي بربلوووشتي السنعة
شرتلي دوووه وطرشتها عشان اتدفا
جابلوها وانتوا تقرون البووووست

ترى اللي بالقوري شاي زنجبيل.. احبه

اللي ما يحب ..اسويله ازعتر
بس الحلو عليكم
مرسي بربلوووش بعد قلبي

:***


-----------------------------------------------------------------------

قطييييييييييييعة ... وصلوا .. وصلوا




ذاك اليوم رايحة المول ..واحنا بطريجنا للفود كورت
شصادف ?
فضائية من كوكب زحل ..
قصدي الكويت..
وييييع الراس طبقااات.... النافوخ وااارم بطريقة تقلب الجبد

وفوقه ذيك الشيله اللي تببببببببرق كلها شواروفسكي يكسر العيييين

واللي يلوع الجبد اكثر اللبس الماصخ

يعني يا ادميه جسمج برميل
خشي عيوبج شوي ليييييييش مرصرصة عمرج بسكيني جيييينز
??
اولا :اهوه للعصلان.. ثانيا : المفورض ما تلبسه متحجبه
ثالثا والاهم: ترى طاحت موضته بره خلاص

وانتي ماشاالله فخوذ وصدر ورااااس شيء فعلا يقلب الجبد

التوب وردي يكسر العييين ..

وفوقه يالله من فضلك فروووو قصير اسود

ما ادري بني غامج..

والالعن ..اهوه التاير اللي لافه تضاريسج فيه عباره عن

حزاااام مطقق بمساميييير فضيه بارزه ليييييييييييش??? طبعا الفرو فوق الخصر

والتوب يكون يعني مغطي وانزل منه بس مرصووووووووووووص

يالخواره.. اشلون لابسه حزام جلد بسامير + فرو + فصووووووووووص

شلووووووون

????

ويييع ..والميك اب حمره حمممممرااا تقولون مصاص دماء

ماكان عندي شك انها كويتيه للاسف لانه هاللبس

ماااااااركه صار حق هيلق الكويت

بس الالعن من كل هذا شنو تهقوووون?? ريلها تهقون شلابس ?? يعني فكروا

شنوو ممكن يهلق بعمره اكثر من سبكهاوه اللي

معاه ??



?



?



?



رابس لبس مغنين الرااااااب

!!


ويييييييييييييييييييييييع

مالت عليك الجنز يسسحب بالارض
والتي شيرت سبع اكسات لارج
والكاب اللي على كتر وماسك ايد الهبله ويتمشون
المصيبه

وقفوا جدامي عند المطعم اللي نويت اخذ منه يقولها

? ها شنو تبي تاكلين

ترد بطريقة بولنديه

>>

نسبة الى حليمه وليس بولندا

:P

ماادرييييي انت شرايك
?


فشلتووونا الله يفشلكم حتى في بلاد الفرنجه
!

طبعا الوحيييدة اللي تخز انا

لووووول

الاجانب لو يشوفون عاهات متحركه يدوب نظره وبس
انا ماااااقدرت اقاوم والله
كل ما الف عيني اكتشف اكو اشياااء تلمع

واكسسوارات تيييب اليهد ما شفتها
اقوم اتمقل اكثر

تبرق براق من راسها لي ريولها اعوذبالله

عفوا لوعت جبود المدونين

بس والله من زمااااااان مو شايفة هالاشكال
اهنيه الناس نظييييفة ومرتبه حتى لو على غير ذوق
يعني نشوف تخبص بالالوان وفعلا ما يهتمون باللي يلبسونه
بس مع هذا منظرهم ما يصدم ولايلفت النظر

وماكو مييييكب في المولات
واشكال الشباب اللي من طقة الهيب هوب
ترى ما ينشافون




يعني هاللبس اشوفه بالتلفزيون على مغنين الراب بس
ترى ما شفت منهم بكندا كللللش
الالعن انه الكويتي مو من السمران
فليش لابس شيء اصلااااا يلوع الجبد
وفوق هذا مايلوق عليك
ما ادري مصاصة الدماء اللي وياه غاصبته على هاللوك
عشان يتماشى مع الشماطيط اللي لابستها

????????


اسفة لوعت جبودكم اعزائي البلوغر بهالموضوع الماصخ
بس ماني قادره فعلا ..انصدمت من المنظظظظظر

اذا كان واحد من البلابل اللي شفته بلوغر
اتمنى من كل قلبي
انكم تستوعبون انه شكلكم كان مسخره
فبلييييز الاجانب مايقدرون كل هالذوق والاناقة
اللي انتوا فيها فماله داعي تخبون اعماركم
لا بالله موصاحيييييين


ايييييييه ونسيت اقولكم الشاب اللطيف
كان لابس سلسله طووووووويله فوق التي شيرت
بلينج بليييينج
ويييع

..

اعتقد كانوا بشهر عسل او شيء جذيه
لانه المياعة واضحة وشكلهم صغار
اللي يعرف معاريس توهم مسافرين كندا
وتتطابق المواصفات مع اشكالهم
بليز ينصحهم وياخذ اجر فيني ، ترى انصدمممممت
عسى ما اتواجه معاهم بمكان ثاني
واحلى شيء تيي المسعده وتقول احنا كويتيين وحابين نتعرف

:\

__________________________



انا مو من عشاق هيرشي
بس هالكاكاو اليديد وااااايد لذيذ
دارك شوكليت معاه قطع كرامبري ونتس
وبلوووووبيري

:)


لذييييييييذ

مع قهوه تركيه ساااده
Yummy!
___________________


واخيييييييييرا ضبطت معاي

هياااااااااا

:))))





>





>





>







>











_______________________


:(((((


وابتدا ..ابتدا .. ابتدااااااااااااااااا
ابتدا المشوااااااااااار



الصوره قبل اسبوع

اللي فوق سطح الماي عباره عن قططططططع جليد رقيقة

:\\
امس ..ضربتنا عااااصفة ثلجيه

صورت بس ما نزلت الصور.. اوريكم اياها بعدين



ابي دوووووه داخل البيت


شلووووون


:((((((((

December 14, 2008

ليش ما تقطعون ايده وتحرقونه بقاز بعد ?


البي بي سي
محطة زوجي المفضلة
يوميا افتح عيوني الصبح على صوتها من الكمبيوتر

وهوه يشتغل عليه ..وطبعا بعد الدوام
وقبل الاكل.. وبعد الاكل
:\\

اليوم بطلت عيوني الصبح والا هوشة شالسالفة يبا
?
قاعد يناقشون موضوع مصافحة شيخ الازهر
لشمعون بيريز..الصرااااااحة العقول اللي تتصل
وتناقش حسستني بالحزن ..
شهالتفكير السطحي اللي عليهم
??
اول شيء بعد كل هالعمر وهالخيانات

من رؤسائكم العرب شادين الحيل على شيخ يمثل السماحة بالدين
لانه رد التحيه على شخصيه اسرائليه??
استحوا شوي ..اهوه مسافر الامم المتحدة عشان يحضر
حوااااااااااار الاديان

شنو اسمه?
حوااار الاديااااااااان !!
تبون الريال يعطيه
مقفاه مثلا ويقول بحاورك
من ورى ظهري لانك يهودي ?? واحد متصل مسكين توهق
قاعد يقول للمذيع: ده شيخ الازهر شخصية بنحترمها كلنا
وهوه بيمسل << بيمثل << ضمييييير الامه العربيه كلها
ماكانش مفروض يمد ايده
!
جان يصييييييدة المذيع الخبيث و قاله: طيب معنى كلامك
ان محمد حسني مبارك لا يمثل ضمير الامه العربيه عندما صافح الاسرائيليين
:D

!!!
فقير ..الريال سككككككت
اتوقع سكر السماعة من هني
وشال عمره مع عياله وراح سكن بمكان ثاني
غير بيته
وهوه يقول حق عمره
انا ادهولت على عيني وهببت ايييييييه ?

ما برد جبدي الا متصل مصري حسيته ادمي ومتزن
قال :

يااااااااااااااا جماعة
يعني الراجل وهوه ماشي جالوه شمعون بيريز
ومادد ايده عشان يسلم عليه
عاوزينه يطلع المطوه ويضربه فيها??

امال فين رد التحيه باحسن منها??
فين مباديء الاسلام وسماحته
فين الحواااااار??

انا بس مستغربه لي متى العرب على اتفه شيء
قاموا وسووا ضجة وربربه ..على شنو

?

واللي يطالبه بالاعتذار! واللي يرقع له! ويقول انه ماكان عارف منوالشخصيه
اللي يسلم عليها! يعني طلعوا الريال خبل
عشان يرقعوله ..
:~~
بالله اكو ادمي ما يعرف شمعون بيريز??بعدين
مو يصافحة ويقعد معاه يتحاور مثل البشر
احسن ما يسفل فيه بالاذاعات والخطب الرنانه جدام الناس
ويصفه بالعدو
وبعدين يسافر بالخفااااء يتعشى معاه ويناديه ايها الصديق
والمكالمات السرية شغاله طول الوقت
مثل بعض الرؤساء?

ادري انه الحره اللي بقلوب الناس على فلسطين تخليهم يتحمسون
وكلنا عارفين شنو اليهود
بس ليش نطلع نفسنا دفشين....لييييش نشوه صوره ديننا
اكثر مما قاعدين يشوهونه اعداءه
معقوله لما الحين الشعوب متصورين انه
الجلافة والتجهم والشتايم والكلاااااااااااااام
اهوه اللي بيرجع حقوقهم المسلوبه
????

انا اقول ليش ما تقطعون ايده ..
وتحرقونه بقاز بعد
عقاب لشيخ الازهر انه مده ايده وسلم
يمكن ترجع فلسطين
!!

December 01, 2008

بوست حريمي خااااااالص

وييييييييه عاد ياكثر التماسيح اللي بييون ركضة من ورى هالعنوان

لوووول
لا يبا انذار كاذب.. قصدي بوست حريمي

يعني السوالف اللي باقولها

فقط الحريم يفهمونها اما الرياييل يشوفون

هالسوالف مالقة وما اظن تدور اصلا عندهم

-----



صارلي فتره ليست بالقليله ..تعبانه باللفظ ترى

:P

منبطة جبدي حيييييييل من تصرف معين الا وهوه

بنات تجمعهم الظروف في مكان واحد لفتره ما

يتعرفون على بعض ..ممكن لفتره تقوى العلاقة


بس بعدين كل وحده تكتشف منو ممكن تكون قريبه منها فعلا ومنو اللي

ما تتوالم معاها ..اللي مستغربه منه

لما وحده تحس انه فلانه غريبه الاطوار! وما تعرف السنع

وتخووووووره بالتصرفات والحجي



ليششششششش تغصبين نفسج على الاستمرار بالعلاقة معاها

رغم انج تحشين فيها وشايله بقلبج ومتضايقة حدج

ليييييش ?? منو اللي يجبر احد يخالط ناس ما تعرف الذوق

طبعا لما وصلت فكرتي ياني الرد ..من طقة

انا اسوي باصلي ..انا اسوي الواجب

وفلانه ما تهمني.. بس عشان الواجب

الخ....



سوري يعني بس اي واجب ??

مو الواجب والاولى

اني ياما اطووووف واسااامح وما احط بقلبي

ولا احححححش ولا اقرض بفلانه ولا اظن فيها ظن شين..

وهنيه اوكيه استمر معاها

او ...اقققققققققطع واريح بالي ..ولسسسساني

!!


خاصه انه الواحد عرف مع منو يتعامل يعني اكو ناس

خلاص اشكره تصرفاتهم صارت ماهي سنعة

!

علبونا معلش ..كنا ربع ..كنا رفيجات

صداقتنا انفرضت علينا بوقت معين,,الخ الخ

اقوم اييب الغثا حق عمري
?

انا اللي مؤمنه فيه وبشده انه اذا بعمل باصلي

ما اييب طاري فلانه بالشينه واصصصصصصد عنها

عشان ما تغثني واضطر اتكلم فيهاعدل? والا انا غلطانه


ما ادري وايد حوالي يحسسوني انه هالشي غلط
علما باني اشوف الحش الللعن ستاالاف مره من اني

اوصل وحده ما تصيرلي يعني لا فيها صله رحم ولا شيء



شكو اجبر عمري على صداقة مافيه ريحة الصداقة


لدرجه قام الحش يصير عبر الاثير :O

من دوله.. لي دوله لييييييييييييييييش

???????????????


شفايده الصلاة والصيام والاتزااام

وانا اقول هالشيء ما اعتبر نفسي ملتزمه للاسف

فكنت اشوف غيري احسن مني بوايد



اقول ماشاءالله الصلاة ما تتاخر عشر دقايق عن موعدها

غير الجيام والتروايح والنوافل

اول باول ولو شنو ما يوقفونها

??!!!
كل هذا تقطووووونه ورى ظهوركم

وغصب تتصلون وتحاجون وتستمرون بصداقة مع فلانه من الناس

علبونا قاعدين نسوي خيييييييييييييييييير وشيء زييييييين

!!




امبيه ترى انا ماني قادره افهم

ايهو الاحسن بالله عليكم

ابتعد خييييييييييير شر عن انسانه كانت في يوم من الايام

ضمن دائره الصدييقات بعد ما اكتشفت انها مو كفو



والا استمر واتصل واسال عن اخبارها واسوي الواجب معاها

بكل مناسبه بس قلبي شااايل وانتهز اي وكل فرصة عشان

اقرض فيها وبعدم سنعها ???
فهموني ترى حييييييييييل منبطه جبدي

وقاعدين يحسسنوني بتصرفاتهم اني ما اسوي باصلي

ولا اعرف اوجب

???????

-------------



ودي اعرف جم تمساح وصل لي اخر البوست

??

لوووول


November 17, 2008

خريف كندا


انتهى فصل الخريف
حبيت وايد هالفصل من السنه
صورت فيه واااايد صور
وحبيت هالصوره وايد
:)
ودي اكبرها واحطها بالصاله

اول كان مرتبط باذهاننا بانه
غير محبب
والسبه كل ما قالوا
خريف العمر
تحس احد بيموت
هههههه

اكتشفت انه الخريف فصل جميل
حنون.. الوانه دافيه
والمشاعر تصير قويه فيه
ما ادري ليش

سبحان الله لون الشير
غصب يخلي الواحد يصير دافيء بمشاعره
انتهى...
والحين بدا فصل الثلوووووج
والبياض وضيقة الخلق
:(
شكل الاشجار في الشتا
عباره عن اعواد سودا
يلفها الضباب او الثلج
يوحيلي دايما بافلام الرعب
مع اني احب اشوف افلام الرعب
بس عاد مو بالحقيقة

--
من احب الافلام لي
اوتمن ان نيويوك


عواااااااااااااااار قلب
تذكرته الحين وانا اكتب عن الخريف
فيلم قديم
بس لو اشوفة اميه مره
هم ابجي


:"(


طبعا ادري.. بقلب كل بلوقر شاب

يقول
صج حريم !
عسى ماشافوا شيء طقوها بجوه
ههههههه

بعد شنسوي
مفعمين بالرومانسه احنا
يازيننا والله

:)
)

---------------------

اخليكم مع بعض الصور اللي خذتها بالخريف

تمنياتي بمشاهدة ممتعة

:p


-----------------

تحدييييييييث

ونستوني بردوووودكم

بس قبل لا ارد عليكم بعلق على الصور

اللي تحت ..علما بانه بعض الصور

اضطريت اضطرارا اني اقصها واغير ابعادها

لوجود افراد اسرتي فيها

>>>


هذيه الصوره اثناء القياده على الخط السريع

وهذي من وراء الدريشه في البيت

هههههه

هذي الصوره ايضا اثناء القياده بالشارع

وهذي من البلكون

وعلى فكره "بيربل" هذي نفس المنطقة

اللي صورتها من قبل في بوست الثلج

واللي فيها تشوفين الارض بييييضاااا

الصوره الاخيره كبيره

بس اخذت هالجزء وكبرته عشان يبين الثللللج بين الاوراق

كان نازل سنو عالخفيف اثناء الخريف

فكان هالمنظر البديع

صفار الاوراق مع بياض الثلج


:)

November 05, 2008

تحديث

تحدييييييث
الفوز التاريخي لهذا الرجل هو فوز للارادة
مبروووووووووووووووووووووووك اوباما
ليلة لا تنسى ابدا
وخطبة ولا اقوى ..ولا ابدع
مبروك سيادة الرئيييييس
كسرت القاعدة بكل المقاييس
ومبروك علينا صداقة امريكا في ظل السلام

وانت عطنا مقفااااااااااااااااك

جبح ويه ما حلااااااه ربي

:Pp~
=============================================
الزبيدي \\\ المرزوق









صبحكم الله بالخير ومساكم الله بالنور
كله مع بعض
ههههه
اليوم موضوعي يا محفوظين السلامة عن اخر اكتشافاتنا
الصج هالاكتشاف من زمان مكتشفينه

بس تعييزت اكتب عنه
ههههههه


الاكتشاااااف الخطير اهوه الزبيدي في ارض المهجر



لووووول
كنه نحوس بالمحلات الصينيه
جان نطيح على زبيدي تايلندي ..مستورد ومثلج طبعا
وانتشر الخبر انتشار النار في الهشييييييم بين الكويتيين
:pp
لووووول


اللي يضحك انه حده حده صغير ..عنونو



كبر جف ايدي او اصغر بعد..نتتتتتتفة



يونس بالتنظيف ما يتعب



صج الطعم يففففففففففففففرق عن زبيدينا بالكويت



بس ميخالف العوض ولا القطيعة
اسمه من رييييحة الحباااااااااااايب



هاهاهاها




طبعا حطيت الموبايل بس كوحدة قياس للحجم




هههههه




ترى التلفون هذا نتتتتفة ومع هذا اكبر من الزبيديه




لووووول





المهم ..عقب ما طبخت ذيج الطبخة المعتبره




وسويت معبوووووج




:))





ييت بصور عقب النجاب




ولا الاخت ..البطاريه.. خااااااااالصة
حسااااااااافة




:(((((
المشكله ابو الشباب ماااااااااا نطرر




من صجكم زبيدي وينطر???




قال مره ثانيه صوريه ..مو مشكله




!
اقولكم بعد شنو الاكتشاف الخطير والا اسكت




??




اخاف تقولون عني بطينيه




لووووووووووووووووووووووول





الاسبوع اللي طاف فاتح محل باكستاني
رحت احوس فيه




جان القى سمجة غريبه ..كبيييره قلت تصلح للشوي




شريتها ويبتها البيت ..زوجي مات من الضحك علي
يقولي من وييييييييييييين يايبه




صبوووووووووووووور?????
هاهاهاهاها
هاو.. صبور ? شصبوره




لا لا غلطان




انا ما اعرف باشكال السمج قبل الطبخ ترى




:\




المهم قتله يتروااالك بس




تبلتها وحشيتها ....وبالفرن




والله لا يوريييييييييييكم




الله ياااااااااهي ريحة زفره لوووووول




البيت تبخر عددددددل




والمطابخ اهنيه مفتوحة على الصالات




فتخيلوا الوضع
وفعلاااا طلعت صبورحسينا نفسنا عتاويه




لوووووول







طبعا الف وخمس اميه شوكة بكل لقمه




بس ميخاااالف شي من ريحة الديره حلووووو




:)))
وهم للاسف راح عن بالي اصوره




عاد هذا اللي ما اعتقد برجع اطبخة ..الله وكيلكم
بخرت البيت بنفس اليوم اربع مرااااات
ويتروالي اني لما الحين اشم الزفره




و بس سلااامتكم




:)
انزين خل نفتح باب للمناقشه




هاهاهاهاها
شنو اكثر اكله كويتيه تحرصون تاكلونها بالسفر والسؤال للناس




اللي يشيلون ماجلتهم معاهم ويحبون الطباخ والنفاخ بالسفر




?????????????




====================




============





عسى الله يرحمك يا بوسليمان ويغمد روحك الينه




والله هالبني ادم كان نادر بتواضعة وخف طينته ونزاهته




مهما قلت قليل بحقك




:(




حسيت حزتها ..بس عرفت الخبر




اني فقدت ابو




وفكرت اكتب بوست بس الكلام ماراح يفيدك




اللي يفيدك دعائنا لك انه الله يرحمك ويغفرلك




ويصبر اهلك بفقدهم لك




اتمنى الكويت ..يكثرون فيها امثالك




مع انه امثالك نادرين




الله يصبر اهلك والبركه في براك الصغير ان شاءالله


October 16, 2008

وين شيوخ الدين ?



روح ..الله لا يوفقك دنيا واخره
ابي واااحد ..بس وااااحد من شيوخ الدين في اي دوله خليجيه
يقول عنه فاسد ومفسد في الارض
!
ادري كل ديره فيها بلاوي وادري انه ذنبه ما يتحملونه
اهل الامارات الطيبين
بس الساكت عن الحق شيطان
هالمسكين الافغاني من له ?ومنو يدافع
عن حقه?? في بلد تدعي الاسلام وكلللنا مسؤولين جدام الله
انا من شفت الفيديو امس ما قدرت انام
حاسه اني اذا سكت وعديت الموضوع كانه شيء ما صار
عيل قلوبنا مييته ! واسلامنا
وديننا وايماننا صفر
بداخلي غضضضضضضب ما ينوصف
المفروض هالفاسد يلاقي جزاه وكل بني ادم يشوف
الفيديو مسؤول انه يوقف هالمهزله
تدرون ليش اخترت عنواني
وين شيوخ الدين
?
لانهم اوووول من يتكلم ..المفروض
مو ذابحينه بفتاويهم التعبانه وغاثينه بمهازلهم
من قتل ميكي ماوس !! وتحريم اكل البوفيه المفتوح ? وحكم زواج المتعة والمسيار ? واثبات الهلال بالرؤيه والا الفلك ?
ويينهم عن الوقوف بوجه الظالم
وووووينهم
اخليكم مع مختصر الفيديو ومع الرابط
وارجع اقول
الله لاااااا يوفقه دنيا واخره
ولا يوفق كل ظالم يستضعف اي بني ادم ويسحق ادميته
ويذله فقط لانه الاقوى
الله لا يوفق كل من عان الظالم
ووقف معاه لانه خايف منه
ياللي ما تخافون من ربكم
والله لا يوفق ولي الامر اللي عارف وساكت !


انا اسفة على مشاعركم اللي ممكن تنجرح من المشاهد اللي بتشوفونها

بس تذكروا انه اللي بالشريط يتعذب هذا بني ادم
انساااان ...
بغض النظر عن خطأه اللي سواه

بس بالنهايه والبدايه اهوه انساااان ..وما ادري شلون مرت عليه

هاللحظات وعاشها

?



-------


يقول باسم النابلسي في دعواه التي رفعها مع زوجته ريما النابلسي انه عمل منذ مطلع التسعينات مع الشيخ عيسى كمدير لاعماله ... واكتشف لاحقا ان الشيخ مصاب بالسادية - اي يستمتع بالتعذيب - وانه يقوم بتعذيب موظفيه ويصور عمليات التعذيب بالفديو حتى يشاهدها لاحقا ... وقال ان علاقته توترت مع الشيخ عندما احتج على تعذيب موظف افغاني يعمل عند الشيخ اتهمه الشيخ بسرقة بعض الحاجيات من احدى مزارعه ... ولما طلب باسم من الشيخ ان يصدر اوامره – بعد حفلة التعذيب – بعلاج الموظف حتى لا يموت غضب الشيخ من مدير اعماله


وبدأت المشاكل التي انتهت باعتقال باسم وتعذيبه وتهديد زوجته بالاغتصاب ... وشارك الشيخ عيسى في جبروته اخوه وزير الداخلية الشيخ سيف والشيخ ناصر الذي مات مؤخرا واستطاع باسم النابلسي ان يهرب اشرطة التعذيب خارج الامارات وقال انه سيقدمها للمحكمة كدليل اثبات اذا اقتضى الامر


ماذا في هذه الاشرطة ؟يصف باسم النابلسي في دعواه احد هذه الاشرطة بالتفصيل ... مدة الشريط 45 دقيقة وهو يتضمن تعذيب الموظف الافغاني واسمه محمد شاه بور .... وبطل حفلة التعذيب هو الشيخ عيسى بن زايد شخصيا يشاركه عشرات من رجال الشرطة التابعين لوزارة الداخلية التي يترأسها اخوه الشيخ سيف بن زايد


بدأت حفلة التعذيب بوجبة متعددة من اللكمات وجهها الشيخ عيسى للموظف الافغاني الذي كان ممسوكا من قبل رجال الشرطة !!!... وظل الشيخ عيسى يلكمه حتى اصيب بالتعب فجلس وامر الشرطة ان تواصل توجيه اللكمات للموظف الافغانيبعد ان التقط الشيخ انفاسه عاد ووضع الرمال في فم الموظف الافغاني بمساعدة رجال الشرطة

ثم رماه ارضا ووقف الشيخ عيسى على رأس الموظف الافغاني بكامل ثقله وقام الشيخ بتشليح الموظف من ملابسه حتى اصبح عاريا تماما وبدأ يعذبه في عضوه التناسلي وفي فتحة الشرج مستخدما عصا طويلة تستخدم لضرب الابل ... ثم قام الشيخ عيسى بانتزاع خشبة تنتهي بمسامير حادة وبدأ يضرب بها الموظف الافغاني على جميع انحاء جسده ثم جلس الشيخ ليرتاح وامر رجال الشرطة !! بمواصلة ضرب الموظف الافغاني بالعصا المدببة ثم قام الشيخ برش عضو الموظف التناسلي بمادة سريعة الاشتعال سبيرتو وقام باشعالها بعود ثقاب ....واختلطت رائحة الحريق بصراخ الموظف الافغاني


وانهى الشيخ عيسى حفلة التعذيب التي امتدت 45 دقيقة هي طول شريط الفديو الذي سيقدم الى المحكمة في هيوستون بان امر بمد الموظف الافغاني على الارض ثم وضع فوق رجليه لوحا من الخشب وامر بمرور سيارة ترك فوقه ويمكن سماع عظام ارجل الموظف الافغاني وهي تتكسر في شريط الفديو وعندها توقف الموظف الافغاني عن الصراخ وطلب الرحمة من شدة الوجع


مدير اعمال الشيخ عيسى يقول ان هناك اكثر من عشرين موظفا تلقوا تعذيبات من هذا النوع وكان الشيخ عيسى يصورها فديو حتى يستمتع بمشاهدتها لاحقا وقال باسم النابلسي ان الشيخ اعتقله وعذبه في محاولة منه لانتزاع الاشرطة منه والذي خبأها وهربها خارج الامارات لانه يعلم انها الدليل الوحيد المادي الذي سيوفر له الحماية من القتل كما قال في دعواه ... وقال انه وخلال وجوده في السجن تعرض لتعذيب جسدي ونفسي ولولا انه يحمل جواز سفر امريكي لتم قتله


الاشرطة موجودة بطرف مدير اعمال الشيخ عيسى السابق باسم النابلسي وهو مواطن امريكي من اصل لبناني رفع دعوى قضائية على الشيخ عيسى امام محاكم هيوستون كما سبق ونشرنا في عرب تايمز ... وتم تسليم الدعوى للشيخ في ابو ظبي والذي طلب من المحكمة في هيوستون مهلة حتى الثامن من اب اغسطس القادم للرد على الدعوى ( اي بعد عشرة ايام تقريبا ) بدعوى انه كان مشغولا باجراءات موت اخيه الشيخ ناصر
اتمنى تشوفون الرابط ..وتسكرون الصوت
عشان ما تلوثون اذونكم بالمفردات الواطيه
مع الاعتذا ر
or

September 12, 2008

المجنون .. وانا

قاعدة اتمشى قبل الفطور جان اخذلي جم صوره





قعدت اسأل نفسي لو بنفس هالتصاميم وهالبساطة نبني بيوتنا بالكويت
بتطلع بهالصوره

وانا ما اقصد بيوت الهوامير اقصد.. بيوتنا العاديه

ترى انا كلش.. مو هامووووره

ههههه


بتطلع حلوه جذيه ??
اكتشفت ...انه عيني طايره اصلا على الزرع ..مو على البيت نفسه
لانه تصاميم البيوت مافيها شيء
اقل من عاديه

جااان زين جونا بالكويت جذيه
طووول السنه او على الاقل ثلاث ارباع السنه
شمس ..وبراااد
ونقاء مو طبيعي وانت تتنفس
لا لا اقصد طبيعي زياده عن اللزوم
:)
جان والله ابسط شيء يطلع روعة
الحمدلله على كل حال
على قوله القايل تبون نفط ..وتبون جو حلو ?? يا هذا يا ذاك ههههههه
>
>
وانا بعز اندماجي باللقطات ما وعيت
الا نط بويهي واحد مينووووووووووون اي والله مينون
وقاظي بعد
يصااارخ وتهاوش مع الهوا يحاجي نفسه ويسب
ماكو مسبه وصخة ما قالها و يمي بنت تمشي
تبريدت المسكينه مكانها من الخرعة
انا قبييييييت......... بسرعة الصارووووخ ..لي سيارتي
قلت لا يحوشك
بروحي صايمه ومافيني حيل اتهاوش
>>>يكون يعني لو فاطره بسوي شيء>>>
:pp


اصلا ما التفت وراي ...تخيلوا ريال بعز قوته

ويصااااارخ من قللللب ..صوته يسمع بلوكين على الاقل

المأسااااااة

ثاني يوم اصادف صديقتي السعوديه
والا شتقوووووول ???
تقولي انه زوجها قالها : صايدين مينون
بالشارع الفلاني قاضب وحدة وطايح فيها طق !! وكاسر عظمة خدها
ببوكسين من ايده ...تخيلووووووا

!

يمه

كنت انا بنفس المكان امشي
:o
ما ادري اذا البنت اللي طقها نفسها اللي كانت يمي ووقفت ..والا وحدة ثانيه

لا وعقب ماخلص منها هجم على ام معاها ياهلين وطاح بعيالها طططططق
الحمدلله.. الحمدلله.. اللي الله عمى عيونه عني

ووصلت سيارتي بسرعة
ترى اكتب البوست وانا كاش شعر ينبي من الموقف
لاني شفففته وكان بويهي هالمينون
الله ستر

الدرس من هالموضوع
اذا شكيتوا ولمجرد الشك بانه جدامكم ادمي قاظي
خلوا الشجاعة تولييييييييي
وركضوووووا باسرع سرعة ممكنه
الى مكان ااامن
بالكويتي قبوووووووووا
:)


وتصبحون على خير

ملاحظه :

اللي عنده طاسه الخضة مالت المصريين


والا طاسة الرعبه مالت السوريين على ذمه السيده بربل
!
خل يطرشلي اياها اشرب فيها ماي عقب الخرعة

لووووووول




September 11, 2008

شاقول شحجي ? عن غطتي


شاقول شحجي ? عن غطتي

!

ياجماعة الخير سامحوني

على تقصيري

اول شيء مبارك عليكم الباجي من الشهر

و هابي قرقيعان عليكم

وعيدكم مبارك مقدما جست ان كيس اذا غبت عنكم مره ثانيه

:p

ولهانه عليكم كلكم والله مع اني كنت امر بين وقت والثاني واسير بالخفااااء عليكم

يا محفوظين السلامة ترى كتبت البوست ومابراسي شيء اقوله

غير اني مليت بعدي عن التبويست ههههه المشكله كان جهازي خربان ولا زااال

وماشريت لاب توب يديد لاني لازلت في وقع الصدمه انه اللي عندي يلق

ويديد بس ماطلع فيه خير وفنقش مبجر

وصعبه عليك اطر الكمبيوتر طراره من بعض الناس

:Pp

والشغلة الثانيه اللي خلتني اطق بريك شوي اني حسيت انه حلاة البلوغ

كانت لما محد من اللي تعرفهم يعرفك !! فكان الخيار اما اني ارجع باسم ثاني

او اقظب مينوني ههههههه اقصد بلوغي

ولاني غاليه وعزيزه عليكم ادري >>احم احم

:P

فقررت ارجع لكم مره ثانيه


وعساكم من عواده

====


حبايبي

دللي ومللي ..كاريزما ..فراوله ..مملوحة كويتية.. سليمان ..ونجمة

ماقصرتوا على السؤال

والدعاء والتهنئة برمضان
بالبوست التاريخي .. قبل السابق
:Pp

عساكم من عوادة ويعلكم ذخر

===
.


بركات رمضان يالله من فضلك
:)

لقيمااااات فيها صعارير وقرون شغل عدل

:P


April 13, 2008

صباح الورد عليكم جميعا
اصعب وقت يمر علي.. اهوه هالوقت
الوقت اللي يكون البني ادم فيه باقصى درجة
من القلق
والتعب
والضغط العصبي
والشد وضيقة الخلق والمحاااااتاة

كل اللي احتاجه شيء واحد


الدعااااااااااااااااااااااااء


ارجوكم ادعوا لكل طالب مغترب انه الله يوفقه وانه ما يخيب تعبه


ادعوا لطلبتنا بره انه الله يوفقهم

ويقر عيون اهلهم فيييييهم

الحاله صعبه جدااااااا


الله يعينكم كلكم وترجعون ديرتكم سالمين وغانمين


واهم شيء نااااااجحين


:)


اعذروني

اعذروووونيييي

راح اغيب عنكم فتره


يمكن شهر يمكن شهرين والله ماادري اشكثر؟


بس ادري اني راح اوله عليكم وايد


راح اقرا لكم اكيد واكون بينكم


بس ما اعتقد اكتب شيء بهالفتره


كلكم اخواني وخواتي


واكيد اكييييد احبكم





يكفيني الدعاء بظهر الغيب


عشان جذيه اسمحولي راح اسكر الكومنتات


اخاف بعد احد يدوس على ريل احد من الزحمه

:P

وبدال ما يدعيييلي يدعي علي

لووووول


اتركم بحفظ الله


وان شاااااااااءالله ما اطول عليكم


اختكم

فانكوفر

*****
فشله اترككم من غير حلو

وانا اللي عودتكم على الشيييييره والدبق في بلوغي

هههههه

احلى وافل بالميبل سيرب

عشان عيونكم الحلوه

اكلته قبل جم يوم وتنقصتلكم هالصوره

:)))





اهدي لكل طالب يقرا هالبوست

ابيات المتنبي الخالده

بقدر الكد تكتسب المعالي

ومن طلب العُلا سهِر الليالي

ومن رام العُلا من غير كد

أضاع العمر في طلب المحال

الى اللقاااااء

March 28, 2008

المابل سيرب


تحـــــديـــــث ==ه ==
بعد حالات الشغب والعفيسه اللي صارت
والدهس والدوس والتكفخ نتيجه التدافع الغير مسبوق
لووووول
اتمنى من كل المعجبين الهادين
واخواني البلوغرز الحلوين التوجه فورا
لاستراحه كبار الشخصيات ..استريحوا شوي
وشربوا عصير بارد على ما نفض الاشتباكات
وبعد قيام بربلوشه بتعيين نفسها مديره اعمالي من وراااااي!!و
وسرقة ختمي وتزوير توقيعي للاستفاده الشخصيه
والتوسط لبعض الناس وتطنيش الاخرين

وتهريب الماكولات لربعها


قررنا القرار الاااااااااتي

وهو

.

.

انه نثبتها في منصبها

!

لانها ببساطه
.
.
.
.

تموووووووووووووووون

:****

وبالنسبه لشريكتها كرموزه في الجريمه النكراء
وهي ترك عثماني بنص هدومه وسط الاوادم
عطيناها فرصه تدافع عن نفسها



الصراحة صاجه هالويه البرييييئ مو ويه مشاكل ابدا

الظاهر يا عثماني انك متوووووهّم
يتروااالك انها تلت هدومك بس الصحيح
انك تليت البنيه بهدومك



وهناك فرق طبعا
!!
بس منعا للاختناقات والتدافع وبعد فشل الجلب البوليسي في
تفريق الحريم عن عثماني


قررنا ناخذ باقوى الاسلحة الفتاكه

واكثرها فعاليه في تطشير الحريم
ونحذفه بالغلط على وحده منهم
وجنه ماندري
.
.
.
.
.
.



وفعلا تمت العمليه بنجاح


وطلع الولد من بين الجموع


بشويه خدوش ومن غير هدوم
:PPP
تفضل عثماني
تبي وزار محلي


والا وزار كندي زقرتي
:PP


المهم تستر نفسك ياخوي
على ما نودي دشداشتك وغترتك المصبغة الاكسربس
بس دير بالك لانه بعض الناس مش عاوزين يجيبوها البر
دييييييير بالك المره الياااااايه

بالبوست اليااااي


--------------------------------------------------------
المابل سيرب


أدري أدري اني طولت عليكم

ومعجبيني صاروا يفترشون الساحة المقابله لبلوقي

ينتظرون بوستاتي وهم يحملون صوري ولافتات تعبر عن محبتهم ولهفتهم

:P~

بس سامحوني والله انا من انشغل جد يصير وقتي مثل الطير

ما ينصاد الا بالتفق

!!

لووووول
طبعا جيل هالوقت ما يعرف يعني شنو تفق


لازم افسر

:\

معناته ما ينصاد الا بالمسدس او الفرد

هههههه


هذا الطير مو أنا


أنا أنصدت من زمان
;P


اول شيء مسويتلكم ريوق اليوم انما ايييييييه

تفضلوا




وهذي لقطة اقرب عشان بس اوريكم الفن
من صباح الله خير وانا عجله بالمطبخ

لووووووول


هذا فرنش توست مع الفواكه

وبالذات غرامي -البلوبيري- و

المابل سيرب

الصراحة انا داشه اكتب وما ادري عن شنو اكتب

بس لاني حسيت اني طولت عليكم وولهانه على معجبيني
بس الحين ياي على بالي اكتب لكم عن المابل سيرب

او
Maple Syrup


انا اسميه عسل الشير(الشجر)هاهاهاهاها
طبعا اول ما ييت كندا
كنت اشوفه بزجاجات تشوق
مثل هذي


بس من غبائي على بالي نوع من انواع الخمووووور

الحمدلله والشكر


وما اقرب منه بالسوبر ماركت
ولا اقرى شنو مكتوب على العبوه
غباااااااء مووو ؟
:p

مع انه نحطه على البان كيك في المطاعم
بس على بالي السيرب العادي
المهم بعد فتره عرفت وزرت بنفسي مزارع الميبل
وشفت اشلون ينتجونه

في اواخر الشتا وبدايه الربيع

وبالتحديد اسبوعين فقط بالسنه كلها

اهي الفتره اللي ينجمع فيها السائل من اشجار الميبل

ولازم درجة الحراره تكون مثاليه وتحت الماينس

بماادري جم درجه


اذا اكثر شوي او اقل

السائل ما يصب من الشير !

ولايمكن انه يتم بالشفط لاااازم على راحته ينزل نقطه نقطه لمدة اسبوعين



انا جربت اني اغرز الأداة الخاصة للاستخراج الميبل

وترى السالفة يبيلها فن

هههههههه

احم احم...

بعد ما يتم تجميع السائل في سطل خاص

يحطونه على النار يططططططططططططططططبخ لما يتركز
وعشان نحصل على جالون مابل سيرب

لازم يغلون اكثر من اربعيييين غالون من السائل
!!
وعشان جذيه ينباع بسعر غالي نسبيا مقارنة مع سعر العسل


الحلو بالموضوع انه الميبل تم اكتشافة بالصدفة من قبل السكان الاصليين

لما كان واحد منهم يصيد وانغرز الرمح بالشجره بدل الغزال فلاحظ انه نزل

سائل من الشير وتجمع في جربته اللي حاطها تحت الشيره

ولما صاد غزال وبغى يطبخة

على باله انه ماي عادي

بس طلع طعم الغزال احلى من كل مره يسوي فيها الطبخة

وكان هالاكتشاف الخطيييييير

طبعا القصة يمكن تكون مو دقيقة بس هذا اللي عرفته من الكنديين ربعي

الشاهد بالموضوع

اني ابي اسألكم هل ينباع المابل في اي مكان بالكويت

والا يسوى اييب منه صوايغ

:)))

لاني كل شيء شريته احس ما يعبر عن كندا

ودي احط شيء بالصوغة من وحي البلد نفسها

خاصة انه في عبوات ذربه

وطعمه لذيذ مع البان كيك والفرنش توست

آآآخر معلومه احب اقولها في بوستي الثقافي اليوم

:PP

انه اوراق شجر الميبل صار رمز لكندا

وسبحان الله شفت بعيني اشلون الاوراق في اووول الخريف

يصير لونها اححححححمر بشكل عجيب

احمر دم الغزال

وشكلها رووووعة

واهيه نفس الورقة المرسومه على العلم الكندي

واعتقد ما اختاروها الا لانها غير موجوده في مكان ثاني بالعالم

يعني حررررررره عندنا ثلج أبييييض وعندنا ورق الميبل الاحمر



وانتوا عندكم غباااااار احمر وأصفر

لوووووول


طبعا من عرفته وانا استخدمة ومره جربته

مع اللقيمات بدل الشييره

لووووول

بربسه مو ؟؟

:P

-------

وبهذا ينتهي تقرير اليوم

املين ان يكون قد حاز على اعجابكم

والحين صفوا دور للي يحب ياخذ توقيعي ويصور معاي

:PPPPP