انانيه الرجل الخليجي.. والكويتي خاصة

موضوع ترددت في كتابته واااايد
ما ابي اجرح احد حتى لو كان شخص ما اعرفه

بس فكرت ..يمكن من خلال الكلام بهالفضاااء

شخص ..اثنين.. عشره

يستفيدون على المستوى الشخصي
----
كنت مثل الكثير من بنات جيلي

اللي يتحلطمون على الزواج والرياييل

عادي ...

كلنا مرينا بهالحاله

بس اكو حاله فريده قاعدة اعيشها انا من واقع وجودي بهالغربه

اللي لوعت جبودكم فيها

:)

معقوله اكو رياييل توصل فيهم الانانيه انهم يحسرون في بنات العالم

حتى وهمه شايلين الشقا والهم عنهم بهالغربه

ليش يعني

بنت تترك ديرتها واهلها وتتغرب وتشيل بيتها

و عيالها وزوجها عشان اهوه يهدها بالاياااااااااام

لانه الاخ مسافر ويه ربعة يتونس

!!!

ياربي ليييش اكو ناس جذيه

ماكو احساس موليه

?
والا واحد صببببببببحيه العيد يقول حق مرته زهبي الجنطة

بروح كامبينج مع الربع?

استح على ويهك

بنت الاوادم ما تستاهل تعيد معاها

??

اوكيه اهيه ما تستاهل

وعياااالك ?

والا اللي ما يركب مرته بالسياره الا لمشوار الجمعيه بس

لكن مستعد يطق طريييج 3 ساعات عشان مشتهي

ياكل مع ربعة في فرايديز ويرد

??!!!!!وبنت الاوادم

ما تشتهي يعني انك خلال السنين اللي مجابلتك فيهم ويه ويهك

انك تطق فيها ساعة درب تتعشى معاها

برة البيت

??

تصدقون بنات صارلهم خمس وست سنيييييييييييين

ما يعرفون شنو المطاعم اللي بالمدينة اللي عايشين فيها

يا يطبخوووون

يا يطلبون ديليفري بيتزا
!!
لانه الاخ ما يحب يطلع مع عيالة ومرته
والي يقققققهر

نكون قاعدين نتعشى يوم ويييييك اند بره البيت

الجح لكم الشباب سهراااانين

يتعشون بروهم بره البيوت

ومخلين حريمهم يولون

!!!!!

شفت نماااااااين الله لا يوريكم

ادري بالكويت اكو بلاااوي

بس الوحده عندها دوامها.. اهللللللها.. رفيجاتها

جوها ..حياااااتها

مع انه كل هذا ما يغنيها عن زوجها

بس على الاقل تقص على نفسها شوي

لكن
شنو ذنب اللي هاده الدنيا ويايه معاااااااااااك ..

ليش رياييل الخليج والكويت خاصة واااايد منهم نحيسين

?

ياربي
قلبي يتقطع على بنات بس ما احب انصحهم

لا اخرررب بيت بيتهم

المشكله الوحده تقول السالفة وتضحك عقب

مع انه عيونها تغورق شويا

و تلقونها تتلاقط عيونها لما وحده تقول ستانست مع ريلي سافرت معاه

وداني ..يابني.. قالي ..سولفلي

ترى حريمكم واااايد منهم سنعين ما يتحجون

بس قلووووووبهم فايضة قهر

!

انته مجابل دراااااستك طول الوقت ولما تييك عطله تشفط بويه المره

والعيال وتذلف مع ربعك ?

واالا تسافر يومين عشان مشتهي تشيش ?!!

وتقعد بالقهاوي وبالمولات مع ربعك

استحووووووا على ويوهكم

كل واحد تناصف عمره

وقاعد يدرس دراسات عليا

وكله على الطل

!
واللي يقهر ثلث ارباعهم ملتزمين

ويييييييين الاتزام?

الله يرضى تسوون جذيه ببنات العالم

طرشششششها يبا ديرتها مع عيالها خلها

بين اهلها وتعال لها بالاجازات ابرك

اي بس منو اللي بيطبخ وينفخ حقك وحق ربعك

منو اللي بينظف بيتك ويغسل هدومك ويقوم بطلباتك
تصدقون كنت طول عمري اشوف غالبيه بنات الكويت

مدللين ويتطلبون وايد
بس اللي شفته هني غير
حتى بالمصرف يا شقول محسرين فيهم

تطر منك طراره

لييييييييش?
ياربي اهمه يقطون السوالف وانا ارجع بيتي افكر فيييييهم

ومن القهر اكتئب عليهم وايد

شكو?

عيل المسكينة عندها اربع يهال طالعة من ولااااادة

عقب خمس ايام تقوم تنظف البيت والحمامات وهية ما تقدر تسند طووولها
اقولها فلانة ليش ما دقيتي على شركة تنظيف

ايونج حريم بالساعة ينظفون البيت كله ويغسلون ملابس بناتج ويطلعون

تقولي زوووووووجي مو راضي! يقول ماله داعي

اي شي تبينه انا اسويه نطرت يوم يومين البيت بيمشي من الوصخ

قااااامت بنفسها تعابل

والريل ووووووينه
مع ربعة

!!!!!
واااااااي شهالحالة

حتى سندريللا اللي حسرت فيها مرت ابوها مو زوجها

!!!!

تقولي تصدقين ما شال عود في البيت ولا سوى اللي وعدني

وما اقدر ادق على شركة التنظيف ايووني

اخااااااف يعصصب لانه قالي انسي هالموضوع

قههههههههههههر
------------

اااااااالف الحمدلله والشكككككر
الحمدلله الف مره

اذا اكو فااااايده وحده بس من كندا

بتكون
اني عرفت قدر زوجي عدل

!
-----

جان زين واحد فيهم يقرى ويستحي شوي من نفسه
!!

واكيد اكو رياييل خايفين الله وكلهم سنع

والصج ينقال

في شباب سنعيين

بس الغالبيه اللي اشوفها ما يعرفون ريحه السنع

خااااااايفة من نفسي لا اتحلطم عدل

على الوضع جدام حريمهم

قاااااااااضبه نفسي انا

ما ابي اششششششيش احد

دموووعي العزيزه بسج ! ليش كل شوي تصبين بطيتي جبدي ترى

قاعده لا لي ولا علي ..تذكرت انه رفيجتي قالتلي لا تطوفج زفة نوال

في حفله فبراير السنه شوفيها ..استانستلها وايد وفرحت انها تزوجت

فتحت اليوتوب وحطيت الزفة امبييييييه عوووورت قلبي

http://www.youtube.com/watch?v=xwtRMI3uBsc&feature=related

ابتسامتها وضحكتها وارتباكها عوووور قلبي

قعدت اصيح من صجي ودموعي تخر شكو ماادري بس عورت قلبي

وقعدت اتخيل زفة رفيجاتي اللي ما تزوجوا

!!!

وبنات العايله اللي ما تزوجوا

!!

اتخيلهم بزفتهم مع انه بالصج اكيييد بمسك نفسي

بس دام قاعده اتخيل خذيت راحتي بالدموع
صدعت شوي

خلصنا ? لا طبعا ما خلصنا ..الدراما ما خلصت

قلت خل ابدل المود جان افتح لنك ابوبكر سالم والا الريااااال يبجي مسكين

ما ادري شسالفته زعلان ومراضينه

??

http://www.youtube.com/watch?v=7uq_lywOD7o&feature=related

ردييت ابجي كسر خاطري الريال

صايره حدي ام دمييييييييعه
قلت واي بس شفيني??? سكرته

وبطلت توني حفله رويشد

تهقون شنو سمعت?? اوووووول مره اسمع هالاغنيه

مت مت بس ترى خلصت دموعي وتحططططمت نفسيا

وححححححححشت الداااااار

:''''((

قاعده اسمعها واصيح ..اتخيل امي تسمعها بس

وقاعده اتخيل احساسها فيني

http://www.youtube.com/watch?v=reBuoEz5oAw&feature=related

ابدااااااااااااااااع

:( شكو ليش اسوي بعمري جذيه

تهقون صاحيه انا والا يبيلي تبديل فيوزات

الحمدلله والشكر يعني الاغنيه عن شوق الاهل للي مساااااافر

ليش اتخيل اهلي وهمه يسمعونها ويفكرون فيني

?!!!!!!!

واتخيل نخل بيتنا..مع انه بيتنا مافيه نخل

!!!!!!!

وليش يا رويشد تسوي فينا جذيه

يبا احنا المتغربين حدنا احاسيسنا على طرييييييف
ياربي شهالحااااااله

عيوني وارمه.. ويهي متفخ ..مالي خلق اطبخ الغدا ..مابي ولدي يشوفني يخترع من شكلي

وزوجي بيرجع ويضيق خلقه لما يشوفني قالبه البيت عزا
قبل جم سنه طلعلنا عبده بالاماااااااكن وكل ما اتحجى بالتلفون

واحد من قرايبي يغنيها لي بالتلفون على ضحك

وانا دموعي تنزل :((( بس اسوي نفسي اضحك معاه

والحين وحشت الدار

لا بالله كملت
حراااااااام عليكم .. نبي ننسى فرفشونا مو تعصرون قلوبنا

اطاااااالبكم من هالمنبر انه كل واحد يدخل يكتب نكته ابي اضضضضضضحك
المشكله كل الفيديوات الثلاثة جفتها ورى بعض

شهالحااااااااااله

???

طبعا شبيفكني من شماته المدونين الشباب

لا تعلقون تزفوني

البنات بس اهمه اللي فاهميني

----

بربلوووووشتي

مشكووووره حبيبه قلبي على السؤال

مافيني الا العافيه بس انشغلت بالفتره اللي فاتت

وكاني رادتلكم ابجي ودموعي تسبقني

:(

الله لا يحرمني من ذوقج

:********

ثلج موووت برد

ماعندي سالفة بس وعدت الكثيرين بصور للثلج
وحبيت احطكم بالجو

;)

هذي صوره لبدايه تجمد البحيره القريبه من بيتي

سبحااان الله

وتزداااااااد البروده

ويزداد الصقييييع

!

.

منظر البيوت المدفونه بالثلج

وتزداااد الدفنه
ههههه

اللي على اليسار خشه السياره

واللي عاليمين ارتفاع الثلج المتكوم

بعد العاصفة

!!!!

بعد تجمد البحيره بالكامل

طلعوا الناس للتزلج على الجليد

النقط السوده هذول الناس

ترى ضاربه الزووووم حده

!

بس اهمه وااايد بعيدين

وبعضهم قاموا يتزلجون مع المناطيد

ونااااااااااسة
بطلوا عيوووونكم عدل

ودققوا

بتشوفون شيء ملون

هههههه

عند الغروووب ---

ورودي العزيزة

:)

التيولب
غراااااامي
!

كل عااااااام والكويت واهل الكويت بخير

:***

بناسبه العيد الوطني وعيد التحرير

-----

قبل لا انسى اللي ماشاف سلومدوق مليونيير

لاااااااااااازم يشوفه

تحمدوا النعمه اللي انتوا عايشين فيها

امس شفته وطول الليل الم ولدي بحظني

واقول الله لاااا يحرمني منك

الفيلم عوااار قلب

وماله داعي تشترون اي شيء عشان تاكلونه

وانتوا داشين الفيلم ..لانه من اوله بتعاااافون الاكل

راح تقلب جبدكم شويه ههههه

بعدين من كثر ما يعوركم قلبكم

ما تقدرون تمدون ايدكم

على البوب كورن والا الناشوز

صيروا خوش اوادم وطيعوني

هههههههه

الفيلم روعة.. راااااائع .. يروووع

!

بس ما ادري ليش حسيت الكاميرات اللي مصورين

المشاهد فيها داثره

الصوره مو نقيه

!

يمكن متعمد المخرج هالشيء ..عشان بوهنود ههههه

معنه بريطاني اخراجا وانتاجا

يستاااااااهل الاوسكارات اللي هلت عليه

فقط لانه مختلف عن اي شيء شفناه من قبل

فيلم متواضع.. وكبير بنفس الوقت

ياربي مااعرف اشرح

بس اللي يشوفه بيفهم قصدي
والف الحمدلله عالنعمه
حساااااافتج لاااازم تشوفه

صدقني راح تحس انه الدنيا ورديه والكويت جنة من قلب

لما تشوفه

والله لا يحرم ام وابو من ضناه

ولا ولد من امه وابوه

ويديم النعمه اللي عايشين فيها بديرتنه

--

باي ذا واي

حفل الاوسكار كان ابداع هذي السنه

جنات >> انا لك على طول

تحديييييييث

-----

اهديييييييكم هالاهداء العجيييييب

بمناسبه يووم الحب

ادري ادري.. ما يجوز فالنتاين وخرابيط وبدع ووبلا بلا بلا

.

يبه انا هاليوم عزيز على قلبي

ومافيها شيء اقول حق كل اللي احبهم بهاليوم

احبببببببكم

وغيرت اسمه من عيد الى يوم الحب

ههههههه

اظن الحين مافيها شيء خاصة اني جدمت جم يوم

:Pp

.

:)الاهداء طبعا بصوت جنات العجييييييب

والكلمات ما يحتاي قممممممممممممممممممه الحب

والالحان قممممممممه الرومانسيه

.

واتحدااااااااااااكم ما تنطربووووون

http://www.youtube.com/watch?v=-H4uiT5Y_WE&feature=related

.

وكادوه مع الاغنيه معلومات عن جروبي

:D

للي ما يعرفه

.

واعييييييد التحذير >>اللي يروحله الحين يتسمم

هههههه

!!

ترى لوير لاقيه بالملفيه دوووود

هههههههههههههههه

.

بس ما يمنع تعرفون عن اشهر كافيه في تاريخ مصر

:)))

وكل عام وانتوا بحب

http://www.asharqalawsat.com/details.asp?section=54&article=484527&issueno=10866

.

==========================

.

صارلي سنوات منقطعة عن الاغاني العربيه وما عرف من المطربين اليدد

اي احد.. وكل ما قعدت مع ربعي اكتشف اني عايشة بعااالم ثاني

بس بالصدفة كنت افتر باليوتوب وفجاه سمعت هالصوووت الملائكي

ماكنت اعرفها من قبل بس ماشاءالله

مااااااشاءالله صووووووتها عذب

انا عمري ما حبيت اي اغنيه لحبدالحليم بصوت مطرب ثاني

..حتى لما غنتله

ماجده الرومي ما حبيتها

احس اغاني عبدالحليم بس حق عبدالحليم

تلوق على صوته اهوه محد غيره

بس الصراحة لما سمعت >>انا لك على طول << من جنات ما ادري وين ودتني

????

مكااااان ثاني !! بالذات هالاغنيه اعتبرها اغنيه حياتي

يعني اذا في اغنيه وحده بس اسمعها وانا على القمر بروحي ماكو احد معاي

وما ابي استاحش

كفااااااايه بالنسبه لي اني اسمع

انا لك على طووووووووووووول خليييييك ليااااا

خود عين مني وطل علييييييييا

وخود للتنين واسال فيااااااااااااااا

من اول يوم راااااااااح مني النووووووم

راااااااائعة بصوتها

وماشاءالله فوق صوتها .. جماااالها

قططططعة ! ماااااشاءالله

احس ويها بريء ..عسى ما تصير

حالها حال غيرها من المطربات وتصدمنا عقب

المهم للي ما يعرف جنات بس خل يسمع هالمقطع

http://ca.youtube.com/watch?v=EkMywVehT_M&feature=related

بس مع هذا

لما فكرت ارجع اسمعها ترى ما قاااااومت

رجعت سمعتها من حبيب القلب العندليب
http://ca.youtube.com/watch?v=cxyt90UQy1I&feature=related

---

عندي سؤال
ليش بنات المغرب العربي اصوااااتهم مو من هالكوكب

شهالابداع بالصوت

ليش اصواتنا احنا حيييييل مشلخة ? حتى نوال اللي نموت

عليها ترى صوتها يم اصغر مطربه عندهم يصير

صوت سكسويييل

???

عبدالحليم
ودي لو ازور مصر بوقتك

ايام النظااااااافة والحب والناس الكلاس

اشكثر كانوا راقيين بذيج الايام الحين انقرضوا مساكين

ودي لو اقعد في جروبي

مو تروحلونله الحين ترى تتسممون

هههههه

اكل حلو واشرب اهوه

وبعدين يدخل رشدي ابااااظه

يقعد على الطاوله اللي مجابلتني وتشتغل موسيقي عبدالحليم

شوي الا ما ادري منو يناديني

ليلى ازيك ? التفت والا يوسف بيه وهبي يقولي

ها يا ليلى مش هاتسمعي كلامي برضو

وتمسلي في السيما

ده انا جايبلك حته دور انما ايه
!

ارد عليه واقوله

ميرسي يوسف بيه

بس انا مابافكرش بالموضوع ده خالص

:Ppp
وعقبها ينتشر الخبر في اوساط بنات الزوات

وهوانم جارن سيتي انه ليلى بنت فؤاد باشا

اتجوزت ثري خليجي الي اهوه زووووووووووووووجي طبعا

يعني مو عشان صرت بنت باشا اقوم اتخلى عن حبي

ههههههههه

بس بذاك الوقت كييييفه غصب عليه يصير ثري

ما بي احد ينقد علي

توته توته خلصت الحدووووته

اخبااااار حلوه

شلووووونكم شخبااااااااكم ربعي?طبعا انا توني توني مخلصة احتفالاتي

براس السنه

:pp

تدرون احنا مو بالكويت مثلكم ..حزره بالحفلات والوناسة

;)

الدقدقة والرقص بكل مكان

وانا يالله الحق على هالمطرب وذيييك المطربه

من بار لي باار ..وليييييييه شفيني قمت اخوووره

:\\

قصدي من حفله لي حفله

لووووول

:D

مو تصدقووووووووووون

ويح قلبي ويني وين الحفلاااات

?
مو جني بايقه ويح قلبي من احد
:Pp

سنه 2008 كانت حزينه بالنسبه لي
بس ختااااااااامها كان مسسسسسسسك ..كان فرح
كان دمووووع .....كان سعاده

حبيب قلبي تخرج واخذ الدكتوراه بعد تعب خمس سنين

انذبلت جبده فيهم خنت حيلي :( لانه يدرس بنفس الوقت حق شهاده ثانيه
كنت ابجي من قلب

لاني ادري انه الشهاده بالنسبه له

كانت نهايه حق مرحله صعععبه

يدرس حق شهادتين.. وفوقهم وقبلهم حنتي

و عسارتي.. :\ ... وتنرفزي

ومسؤوليه البيت

وعقب كل هذا يلمني ويهمس باذوني بعز فرحته

لا الدكتوراه ولا ابو الدكتوراه يسوون شيء يم وجودج بحياتي

ياربي ليش انته طيب جذيه? بعد قلبي

انا المليقة والعسره

وانته اللي تجبر بخاطري

?

حسسسيت بجبره خاطر مو طبيعيه ما ادري ليش
?
جنه الدكتوراه كانت شريجتي والحين طلقها هههههههه
علما باني ما كنت زعلانه ابدا من شيء

بس والله جبر بخاطري
ليش قاعدة اقول هالسوالف

?

مو عشان زوجي يقراه

اصلا اهوه ماااايدري اني مدونه وعندي بلوغ
انا قاعده اقوله لاني ادري انه وايد من زواري شباب

ودي اقولهم ما تتخيلون.. شكثر كلمه طيبه وحلوه

في وقت ما نكون متوقعينه ولا طالبينه تااااثر فين

اخلونا من طلباتنا ودلعنا وساعات مصاختنا على اشياء تافهه

بس كل هدايا الدنيا ما تسوى والله يم كلمه حلوه منكم
تدرون وحده من رفيجاتي بعد عمري قبل فتره تشكيلي

تقولي رحت بنفسي دورت ولفيت

ولقيت كرت عجبني! شريته وعطيته زوجي

!!

قتله اكتبلي فيه كلام حلووووووو

????????????

والله ما ابالغ

بعد قلبي من كثر مافيها فقره كلام حلو

بنفسسسسها واشكره تشتريله الكرت اللي عجبها

وكانت تتخيل وتتمنى

يختاره لها بنفسه وتقوله اكتبلي فيه

وعووووورت قلبي اكثر لما قالت مع السنين اقص على نفسي وانسى اني شريته

واتذكر بس الكلام اللي فيه وانه اهوه اللي كاتبه لي
!!!!!!!!!!!

ادري في حريم اهمه اللي جلافة مع رياييلهم

وما يندون كلام حلو بالمره

بس هم انا اقول دام الله خلقنا نسااااء

اذن في بقلووبنا عاطفة وعذوبه لو الريال يعرف مفاتيحها

راح يكون اول من يرتوي منها
مو تحقر مرتك ايام والا اسابيع

وتقط مسؤوليه البيت فوق راسها وتبدي رفجانك عليها

وتالي تقولها انتي اغلى شي عندي

اصلا بتحس ان كلامك واحد من اثنين

يا مسوي بلوه وتبي تغطي وتشتت الانظار

يا تبي شيء منها
عدل
والحين ودي اسمع رايكم

على فكره يمكن اخصص بوووووووووست

كامل عن تفضيل الريال ربعة على مرته

وعندي امثله حيه تعووووووور القلب
---------

وعسى الله يوفق حبيب قلبي

وياخذ الشهاده الثانيه جرييييييب ونخلص ونفتك

واكسر 7 اولات على ارض كندا وانا راكبه الطياره

امييييييييييين

شمطط شماطيط.. هلق تهاليق +منوعات

تحديييييث

بعد قلبي بربلوووشتي السنعة

شرتلي دوووه وطرشتها عشان اتدفا

جابلوها وانتوا تقرون البووووست

ترى اللي بالقوري شاي زنجبيل.. احبه

اللي ما يحب ..اسويله ازعتر
بس الحلو عليكم
مرسي بربلوووش بعد قلبي

:***

-----------------------------------------------------------------------

قطييييييييييييعة ... وصلوا .. وصلوا

ذاك اليوم رايحة المول ..واحنا بطريجنا للفود كورت
شصادف ?
فضائية من كوكب زحل ..
قصدي الكويت..
وييييع الراس طبقااات.... النافوخ وااارم بطريقة تقلب الجبد

وفوقه ذيك الشيله اللي تببببببببرق كلها شواروفسكي يكسر العيييين

واللي يلوع الجبد اكثر اللبس الماصخ

يعني يا ادميه جسمج برميل
خشي عيوبج شوي ليييييييش مرصرصة عمرج بسكيني جيييينز
??
اولا :اهوه للعصلان.. ثانيا : المفورض ما تلبسه متحجبه
ثالثا والاهم: ترى طاحت موضته بره خلاص

وانتي ماشاالله فخوذ وصدر ورااااس شيء فعلا يقلب الجبد

التوب وردي يكسر العييين ..

وفوقه يالله من فضلك فروووو قصير اسود

ما ادري بني غامج..

والالعن ..اهوه التاير اللي لافه تضاريسج فيه عباره عن

حزاااام مطقق بمساميييير فضيه بارزه ليييييييييييش??? طبعا الفرو فوق الخصر

والتوب يكون يعني مغطي وانزل منه بس مرصووووووووووووص

يالخواره.. اشلون لابسه حزام جلد بسامير + فرو + فصووووووووووص

شلووووووون

????

ويييع ..والميك اب حمره حمممممرااا تقولون مصاص دماء

ماكان عندي شك انها كويتيه للاسف لانه هاللبس

ماااااااركه صار حق هيلق الكويت

بس الالعن من كل هذا شنو تهقوووون?? ريلها تهقون شلابس ?? يعني فكروا

شنوو ممكن يهلق بعمره اكثر من سبكهاوه اللي

معاه ??



?



?



?



رابس لبس مغنين الرااااااب

!!


ويييييييييييييييييييييييع

مالت عليك الجنز يسسحب بالارض
والتي شيرت سبع اكسات لارج
والكاب اللي على كتر وماسك ايد الهبله ويتمشون
المصيبه

وقفوا جدامي عند المطعم اللي نويت اخذ منه يقولها

? ها شنو تبي تاكلين

ترد بطريقة بولنديه

>>

نسبة الى حليمه وليس بولندا

:P
ماادرييييي انت شرايك
?


فشلتووونا الله يفشلكم حتى في بلاد الفرنجه
!

طبعا الوحيييدة اللي تخز انا

لووووول

الاجانب لو يشوفون عاهات متحركه يدوب نظره وبس
انا ماااااقدرت اقاوم والله
كل ما الف عيني اكتشف اكو اشياااء تلمع

واكسسوارات تيييب اليهد ما شفتها
اقوم اتمقل اكثر

تبرق براق من راسها لي ريولها اعوذبالله

عفوا لوعت جبود المدونين

بس والله من زمااااااان مو شايفة هالاشكال
اهنيه الناس نظييييفة ومرتبه حتى لو على غير ذوق
يعني نشوف تخبص بالالوان وفعلا ما يهتمون باللي يلبسونه
بس مع هذا منظرهم ما يصدم ولايلفت النظر

وماكو مييييكب في المولات
واشكال الشباب اللي من طقة الهيب هوب
ترى ما ينشافون




يعني هاللبس اشوفه بالتلفزيون على مغنين الراب بس
ترى ما شفت منهم بكندا كللللش
الالعن انه الكويتي مو من السمران
فليش لابس شيء اصلااااا يلوع الجبد
وفوق هذا مايلوق عليك
ما ادري مصاصة الدماء اللي وياه غاصبته على هاللوك
عشان يتماشى مع الشماطيط اللي لابستها

????????


اسفة لوعت جبودكم اعزائي البلوغر بهالموضوع الماصخ
بس ماني قادره فعلا ..انصدمت من المنظظظظظر

اذا كان واحد من البلابل اللي شفته بلوغر
اتمنى من كل قلبي
انكم تستوعبون انه شكلكم كان مسخره
فبلييييز الاجانب مايقدرون كل هالذوق والاناقة
اللي انتوا فيها فماله داعي تخبون اعماركم
لا بالله موصاحيييييين


ايييييييه ونسيت اقولكم الشاب اللطيف
كان لابس سلسله طووووووويله فوق التي شيرت
بلينج بليييينج
ويييع

..

اعتقد كانوا بشهر عسل او شيء جذيه
لانه المياعة واضحة وشكلهم صغار
اللي يعرف معاريس توهم مسافرين كندا
وتتطابق المواصفات مع اشكالهم
بليز ينصحهم وياخذ اجر فيني ، ترى انصدمممممت
عسى ما اتواجه معاهم بمكان ثاني
واحلى شيء تيي المسعده وتقول احنا كويتيين وحابين نتعرف

:\

__________________________



انا مو من عشاق هيرشي
بس هالكاكاو اليديد وااااايد لذيذ
دارك شوكليت معاه قطع كرامبري ونتس
وبلوووووبيري

:)


لذييييييييذ

مع قهوه تركيه ساااده
Yummy!
___________________


واخيييييييييرا ضبطت معاي

هياااااااااا

:))))





>





>





>







>

_______________________

:(((((

وابتدا ..ابتدا .. ابتدااااااااااااااااا
ابتدا المشوااااااااااار

الصوره قبل اسبوع

اللي فوق سطح الماي عباره عن قططططططع جليد رقيقة

:\\
امس ..ضربتنا عااااصفة ثلجيه

صورت بس ما نزلت الصور.. اوريكم اياها بعدين

ابي دوووووه داخل البيت

شلووووون

:((((((((

ليش ما تقطعون ايده وتحرقونه بقاز بعد ?

البي بي سي
محطة زوجي المفضلة
يوميا افتح عيوني الصبح على صوتها من الكمبيوتر
وهوه يشتغل عليه ..وطبعا بعد الدوام
وقبل الاكل.. وبعد الاكل
:\\
اليوم بطلت عيوني الصبح والا هوشة شالسالفة يبا
?
قاعد يناقشون موضوع مصافحة شيخ الازهر
لشمعون بيريز..الصرااااااحة العقول اللي تتصل
وتناقش حسستني بالحزن ..
شهالتفكير السطحي اللي عليهم
??
اول شيء بعد كل هالعمر وهالخيانات
من رؤسائكم العرب شادين الحيل على شيخ يمثل السماحة بالدين
لانه رد التحيه على شخصيه اسرائليه??
استحوا شوي ..اهوه مسافر الامم المتحدة عشان يحضر
حوااااااااااار الاديان

شنو اسمه?
حوااار الاديااااااااان !!

تبون الريال يعطيه
مقفاه مثلا ويقول بحاورك
من ورى ظهري لانك يهودي ?? واحد متصل مسكين توهق
قاعد يقول للمذيع: ده شيخ الازهر شخصية بنحترمها كلنا
وهوه بيمسل << بيمثل << ضمييييير الامه العربيه كلها
ماكانش مفروض يمد ايده
!
جان يصييييييدة المذيع الخبيث و قاله: طيب معنى كلامك
ان محمد حسني مبارك لا يمثل ضمير الامه العربيه عندما صافح الاسرائيليين
:D

!!!
فقير ..الريال سككككككت
اتوقع سكر السماعة من هني
وشال عمره مع عياله وراح سكن بمكان ثاني
غير بيته
وهوه يقول حق عمره
انا ادهولت على عيني وهببت ايييييييه ?

ما برد جبدي الا متصل مصري حسيته ادمي ومتزن
قال :

يااااااااااااااا جماعة
يعني الراجل وهوه ماشي جالوه شمعون بيريز
ومادد ايده عشان يسلم عليه
عاوزينه يطلع المطوه ويضربه فيها??

امال فين رد التحيه باحسن منها??
فين مباديء الاسلام وسماحته
فين الحواااااار??

انا بس مستغربه لي متى العرب على اتفه شيء
قاموا وسووا ضجة وربربه ..على شنو

?

واللي يطالبه بالاعتذار! واللي يرقع له! ويقول انه ماكان عارف منوالشخصيه
اللي يسلم عليها! يعني طلعوا الريال خبل
عشان يرقعوله ..
:~~
بالله اكو ادمي ما يعرف شمعون بيريز??بعدين
مو يصافحة ويقعد معاه يتحاور مثل البشر
احسن ما يسفل فيه بالاذاعات والخطب الرنانه جدام الناس
ويصفه بالعدو
وبعدين يسافر بالخفااااء يتعشى معاه ويناديه ايها الصديق
والمكالمات السرية شغاله طول الوقت
مثل بعض الرؤساء?

ادري انه الحره اللي بقلوب الناس على فلسطين تخليهم يتحمسون
وكلنا عارفين شنو اليهود
بس ليش نطلع نفسنا دفشين....لييييش نشوه صوره ديننا
اكثر مما قاعدين يشوهونه اعداءه
معقوله لما الحين الشعوب متصورين انه
الجلافة والتجهم والشتايم والكلاااااااااااااام
اهوه اللي بيرجع حقوقهم المسلوبه
????

انا اقول ليش ما تقطعون ايده ..
وتحرقونه بقاز بعد
عقاب لشيخ الازهر انه مده ايده وسلم
يمكن ترجع فلسطين
!!

بوست حريمي خااااااالص

وييييييييه عاد ياكثر التماسيح اللي بييون ركضة من ورى هالعنوان

لوووول
لا يبا انذار كاذب.. قصدي بوست حريمي

يعني السوالف اللي باقولها

فقط الحريم يفهمونها اما الرياييل يشوفون

هالسوالف مالقة وما اظن تدور اصلا عندهم

-----

صارلي فتره ليست بالقليله ..تعبانه باللفظ ترى

:P

منبطة جبدي حيييييييل من تصرف معين الا وهوه

بنات تجمعهم الظروف في مكان واحد لفتره ما

يتعرفون على بعض ..ممكن لفتره تقوى العلاقة

بس بعدين كل وحده تكتشف منو ممكن تكون قريبه منها فعلا ومنو اللي

ما تتوالم معاها ..اللي مستغربه منه

لما وحده تحس انه فلانه غريبه الاطوار! وما تعرف السنع

وتخووووووره بالتصرفات والحجي

ليششششششش تغصبين نفسج على الاستمرار بالعلاقة معاها

رغم انج تحشين فيها وشايله بقلبج ومتضايقة حدج

ليييييش ?? منو اللي يجبر احد يخالط ناس ما تعرف الذوق

طبعا لما وصلت فكرتي ياني الرد ..من طقة

انا اسوي باصلي ..انا اسوي الواجب

وفلانه ما تهمني.. بس عشان الواجب

الخ....

سوري يعني بس اي واجب ??

مو الواجب والاولى

اني ياما اطووووف واسااامح وما احط بقلبي

ولا احححححش ولا اقرض بفلانه ولا اظن فيها ظن شين..

وهنيه اوكيه استمر معاها

او ...اقققققققققطع واريح بالي ..ولسسسساني

!!

خاصه انه الواحد عرف مع منو يتعامل يعني اكو ناس

خلاص اشكره تصرفاتهم صارت ماهي سنعة

!

علبونا معلش ..كنا ربع ..كنا رفيجات

صداقتنا انفرضت علينا بوقت معين,,الخ الخ

اقوم اييب الغثا حق عمري
?

انا اللي مؤمنه فيه وبشده انه اذا بعمل باصلي

ما اييب طاري فلانه بالشينه واصصصصصصد عنها

عشان ما تغثني واضطر اتكلم فيهاعدل? والا انا غلطانه

ما ادري وايد حوالي يحسسوني انه هالشي غلط
علما باني اشوف الحش الللعن ستاالاف مره من اني

اوصل وحده ما تصيرلي يعني لا فيها صله رحم ولا شيء

شكو اجبر عمري على صداقة مافيه ريحة الصداقة

لدرجه قام الحش يصير عبر الاثير :O

من دوله.. لي دوله لييييييييييييييييش

???????????????

شفايده الصلاة والصيام والاتزااام

وانا اقول هالشيء ما اعتبر نفسي ملتزمه للاسف

فكنت اشوف غيري احسن مني بوايد

اقول ماشاءالله الصلاة ما تتاخر عشر دقايق عن موعدها

غير الجيام والتروايح والنوافل

اول باول ولو شنو ما يوقفونها

??!!!
كل هذا تقطووووونه ورى ظهوركم

وغصب تتصلون وتحاجون وتستمرون بصداقة مع فلانه من الناس

علبونا قاعدين نسوي خيييييييييييييييييير وشيء زييييييين

!!

امبيه ترى انا ماني قادره افهم

ايهو الاحسن بالله عليكم

ابتعد خييييييييييير شر عن انسانه كانت في يوم من الايام

ضمن دائره الصدييقات بعد ما اكتشفت انها مو كفو

والا استمر واتصل واسال عن اخبارها واسوي الواجب معاها

بكل مناسبه بس قلبي شااايل وانتهز اي وكل فرصة عشان

اقرض فيها وبعدم سنعها ???
فهموني ترى حييييييييييل منبطه جبدي

وقاعدين يحسسنوني بتصرفاتهم اني ما اسوي باصلي

ولا اعرف اوجب

???????

-------------

ودي اعرف جم تمساح وصل لي اخر البوست

??

لوووول

خريف كندا

انتهى فصل الخريف
حبيت وايد هالفصل من السنه
صورت فيه واااايد صور
وحبيت هالصوره وايد
:)
ودي اكبرها واحطها بالصاله

اول كان مرتبط باذهاننا بانه
غير محبب
والسبه كل ما قالوا
خريف العمر
تحس احد بيموت
هههههه

اكتشفت انه الخريف فصل جميل
حنون.. الوانه دافيه
والمشاعر تصير قويه فيه
ما ادري ليش

سبحان الله لون الشير
غصب يخلي الواحد يصير دافيء بمشاعره
انتهى...
والحين بدا فصل الثلوووووج
والبياض وضيقة الخلق
:(
شكل الاشجار في الشتا
عباره عن اعواد سودا
يلفها الضباب او الثلج
يوحيلي دايما بافلام الرعب
مع اني احب اشوف افلام الرعب
بس عاد مو بالحقيقة

--
من احب الافلام لي
اوتمن ان نيويوك

عواااااااااااااااار قلب
تذكرته الحين وانا اكتب عن الخريف
فيلم قديم
بس لو اشوفة اميه مره
هم ابجي

:"(

طبعا ادري.. بقلب كل بلوقر شاب

يقول
صج حريم !
عسى ماشافوا شيء طقوها بجوه
ههههههه

بعد شنسوي
مفعمين بالرومانسه احنا
يازيننا والله

:))

---------------------

اخليكم مع بعض الصور اللي خذتها بالخريف

تمنياتي بمشاهدة ممتعة

:p

-----------------

تحدييييييييث

ونستوني بردوووودكم

بس قبل لا ارد عليكم بعلق على الصور

اللي تحت ..علما بانه بعض الصور

اضطريت اضطرارا اني اقصها واغير ابعادها

لوجود افراد اسرتي فيها

>>>

هذيه الصوره اثناء القياده على الخط السريع

وهذي من وراء الدريشه في البيت

هههههه

هذي الصوره ايضا اثناء القياده بالشارع

وهذي من البلكون

وعلى فكره "بيربل" هذي نفس المنطقة

اللي صورتها من قبل في بوست الثلج

واللي فيها تشوفين الارض بييييضاااا

الصوره الاخيره كبيره

بس اخذت هالجزء وكبرته عشان يبين الثللللج بين الاوراق

كان نازل سنو عالخفيف اثناء الخريف

فكان هالمنظر البديع

صفار الاوراق مع بياض الثلج

:)

تحديث

تحدييييييث

الفوز التاريخي لهذا الرجل هو فوز للارادة

مبروووووووووووووووووووووووك اوباما

ليلة لا تنسى ابدا

وخطبة ولا اقوى ..ولا ابدع

مبروك سيادة الرئيييييس

كسرت القاعدة بكل المقاييس

ومبروك علينا صداقة امريكا في ظل السلام

وانت عطنا مقفااااااااااااااااك

جبح ويه ما حلااااااه ربي

:Pp~

=============================================

الزبيدي \\\ المرزوق

صبحكم الله بالخير ومساكم الله بالنور
كله مع بعض
ههههه
اليوم موضوعي يا محفوظين السلامة عن اخر اكتشافاتنا
الصج هالاكتشاف من زمان مكتشفينه
بس تعييزت اكتب عنه
ههههههه

الاكتشاااااف الخطير اهوه الزبيدي في ارض المهجر

لووووول
كنه نحوس بالمحلات الصينيه
جان نطيح على زبيدي تايلندي ..مستورد ومثلج طبعا
وانتشر الخبر انتشار النار في الهشييييييم بين الكويتيين
:pp
لووووول

اللي يضحك انه حده حده صغير ..عنونو

كبر جف ايدي او اصغر بعد..نتتتتتتفة

يونس بالتنظيف ما يتعب

صج الطعم يففففففففففففففرق عن زبيدينا بالكويت

بس ميخالف العوض ولا القطيعة
اسمه من رييييحة الحباااااااااااايب

هاهاهاها

طبعا حطيت الموبايل بس كوحدة قياس للحجم

هههههه

ترى التلفون هذا نتتتتفة ومع هذا اكبر من الزبيديه

لووووول

المهم ..عقب ما طبخت ذيج الطبخة المعتبره

وسويت معبوووووج

:))

ييت بصور عقب النجاب

ولا الاخت ..البطاريه.. خااااااااالصة
حسااااااااافة

:(((((
المشكله ابو الشباب ماااااااااا نطرر

من صجكم زبيدي وينطر???

قال مره ثانيه صوريه ..مو مشكله

!
اقولكم بعد شنو الاكتشاف الخطير والا اسكت

??

اخاف تقولون عني بطينيه

لووووووووووووووووووووووول

الاسبوع اللي طاف فاتح محل باكستاني
رحت احوس فيه

جان القى سمجة غريبه ..كبيييره قلت تصلح للشوي

شريتها ويبتها البيت ..زوجي مات من الضحك علي
يقولي من وييييييييييييين يايبه

صبوووووووووووووور?????
هاهاهاهاها
هاو.. صبور ? شصبوره

لا لا غلطان

انا ما اعرف باشكال السمج قبل الطبخ ترى

:\

المهم قتله يتروااالك بس

تبلتها وحشيتها ....وبالفرن

والله لا يوريييييييييييكم

الله ياااااااااهي ريحة زفره لوووووول

البيت تبخر عددددددل

والمطابخ اهنيه مفتوحة على الصالات

فتخيلوا الوضع
وفعلاااا طلعت صبورحسينا نفسنا عتاويه

لوووووول

طبعا الف وخمس اميه شوكة بكل لقمه

بس ميخاااالف شي من ريحة الديره حلووووو

:)))
وهم للاسف راح عن بالي اصوره

عاد هذا اللي ما اعتقد برجع اطبخة ..الله وكيلكم
بخرت البيت بنفس اليوم اربع مرااااات
ويتروالي اني لما الحين اشم الزفره

و بس سلااامتكم

:)
انزين خل نفتح باب للمناقشه

هاهاهاهاها
شنو اكثر اكله كويتيه تحرصون تاكلونها بالسفر والسؤال للناس

اللي يشيلون ماجلتهم معاهم ويحبون الطباخ والنفاخ بالسفر

?????????????

====================

============

عسى الله يرحمك يا بوسليمان ويغمد روحك الينه

والله هالبني ادم كان نادر بتواضعة وخف طينته ونزاهته

مهما قلت قليل بحقك

:(

حسيت حزتها ..بس عرفت الخبر

اني فقدت ابو

وفكرت اكتب بوست بس الكلام ماراح يفيدك

اللي يفيدك دعائنا لك انه الله يرحمك ويغفرلك

ويصبر اهلك بفقدهم لك

اتمنى الكويت ..يكثرون فيها امثالك

مع انه امثالك نادرين

الله يصبر اهلك والبركه في براك الصغير ان شاءالله