CLICK HERE FOR BLOGGER TEMPLATES AND MYSPACE LAYOUTS »

September 12, 2008

المجنون .. وانا

قاعدة اتمشى قبل الفطور جان اخذلي جم صوره





قعدت اسأل نفسي لو بنفس هالتصاميم وهالبساطة نبني بيوتنا بالكويت
بتطلع بهالصوره

وانا ما اقصد بيوت الهوامير اقصد.. بيوتنا العاديه

ترى انا كلش.. مو هامووووره

ههههه


بتطلع حلوه جذيه ??
اكتشفت ...انه عيني طايره اصلا على الزرع ..مو على البيت نفسه
لانه تصاميم البيوت مافيها شيء
اقل من عاديه

جااان زين جونا بالكويت جذيه
طووول السنه او على الاقل ثلاث ارباع السنه
شمس ..وبراااد
ونقاء مو طبيعي وانت تتنفس
لا لا اقصد طبيعي زياده عن اللزوم
:)
جان والله ابسط شيء يطلع روعة
الحمدلله على كل حال
على قوله القايل تبون نفط ..وتبون جو حلو ?? يا هذا يا ذاك ههههههه
>
>
وانا بعز اندماجي باللقطات ما وعيت
الا نط بويهي واحد مينووووووووووون اي والله مينون
وقاظي بعد
يصااارخ وتهاوش مع الهوا يحاجي نفسه ويسب
ماكو مسبه وصخة ما قالها و يمي بنت تمشي
تبريدت المسكينه مكانها من الخرعة
انا قبييييييت......... بسرعة الصارووووخ ..لي سيارتي
قلت لا يحوشك
بروحي صايمه ومافيني حيل اتهاوش
>>>يكون يعني لو فاطره بسوي شيء>>>
:pp


اصلا ما التفت وراي ...تخيلوا ريال بعز قوته

ويصااااارخ من قللللب ..صوته يسمع بلوكين على الاقل

المأسااااااة

ثاني يوم اصادف صديقتي السعوديه
والا شتقوووووول ???
تقولي انه زوجها قالها : صايدين مينون
بالشارع الفلاني قاضب وحدة وطايح فيها طق !! وكاسر عظمة خدها
ببوكسين من ايده ...تخيلووووووا

!

يمه

كنت انا بنفس المكان امشي
:o
ما ادري اذا البنت اللي طقها نفسها اللي كانت يمي ووقفت ..والا وحدة ثانيه

لا وعقب ماخلص منها هجم على ام معاها ياهلين وطاح بعيالها طططططق
الحمدلله.. الحمدلله.. اللي الله عمى عيونه عني

ووصلت سيارتي بسرعة
ترى اكتب البوست وانا كاش شعر ينبي من الموقف
لاني شفففته وكان بويهي هالمينون
الله ستر

الدرس من هالموضوع
اذا شكيتوا ولمجرد الشك بانه جدامكم ادمي قاظي
خلوا الشجاعة تولييييييييي
وركضوووووا باسرع سرعة ممكنه
الى مكان ااامن
بالكويتي قبوووووووووا
:)


وتصبحون على خير

ملاحظه :

اللي عنده طاسه الخضة مالت المصريين


والا طاسة الرعبه مالت السوريين على ذمه السيده بربل
!
خل يطرشلي اياها اشرب فيها ماي عقب الخرعة

لووووووول




35 comments:

lawyer said...

اناااااااا حاطه كووووووووووووومنت اشطوووووله اشعرضه وين اختفاااااااا



الله عدااااااااج الشررررررررر


البيووووووووووووت اتطير من الحلاااااات

ملووووووووونه من الجو و كل اشيره لاقيه مكااانهاااا



نادي احد ينفخ بسررررررج

Purplecious said...

واااااااي مشاءالله شراااااحه شراحه و نفاهه

اول بيت عجبني وايد الزرع خيااااااال

و أحب هذا الطابوق الاحمر المدوعم و مدخلين معاه الاعمده الرومانيه صاير خوش كومبينيشن

بس الجو عندنا كلش ما يساعد لا من زرع و لا من لون يثبت بهالغبار و الحر استغفر الله

بس الحمدلله

و الحمدلله على سلامتج ربي احفظج من هالمينون و عمى عينه عنج

وااااااي صج موقف يخرع

مره ثانيه يا ماما ما تطلعين من البيت الا و معاج العجره حطيها بالدبه حق الطوارئ
هههههههههههه

و ما عندي طاسه الخضه

عندي طاسة الرعبه مالت السوريين.. تنفع؟؟

آه هي نفسها ماكو فرق؟


املق

ههههههههههههه

Anonymous said...

الجو ساحر والطبيعة جميلة

كندا حلوة بالصيف
وبالشتاء ما تنطاق

المينون لو حاذفته بالكاميرا جان ما مد ايده على الناس :)

vancouver said...

بعد قلبي لوووووووووووير
لا..لا مابي ابي اشوف كومنتج الطويل العريض وييييييينه
?? وين راح حسااافة
:(

الله ستر الحمدلله



هههههه اي يبيله
ماكو الا امي واحنا صغار تنفخ ببطوننا
هههههه

وين احصلها الحين
اصلا لوووو اقولها الموقف
ما ادري شبيصير فيها بس اكيد بتقولي باجر تردين الكويت
بلا كندا بلا بطييييييخ

vancouver said...

بربلوووووشه

قولي امين
تتزوجين ايطالي مسلم
وتعيشين ببيت جذيه
في سردينيا
لوووووول




استغفر الله
الحر اصلا يخلي الواحد ما يثبت
شيء في بيوتنا
يبي بس يدخل البيت
بسررررعة ويقعد بالبراد
كلللللللش مو مال يتامل
بجمال البيت من بره
ههههه



الله يسللللللمج بربلوشتي


اقوووولج بالشااارع صادفني
تبيني اهده واروح السياره
اييب العجره.. واررررررجعله
بريولي عشان اطقه
!
لالالا النحشه ابرك
ههههه



اووووووول مره اسمع
بطاسه الرعبه
من صجج ?والا تضحكين علي

قولي الصج
هههههه



افا عليج تميلق بربل

عسل

عسل


عسسسسسسسسسسل


اسود
لووووووووووووول


لالا قصدي
عسل مصفي
:P

vancouver said...

محسد


اي والله بالشتا ما تنطااااق
ومع هذا اكو ناس
يزورونها مخصوص
بالشتا
??


كاميرتي صغيرووونه
كلللش ما تعور
!
جان ادورلي طابوقه
يممممكن ينفع
:P

على نفسها جنت براقش said...

لووووول

خلى احد ينفخ بسرك

لوووووووووووول

سلامات

و بعدين بيوتهم صغيره

تصير مخزن حق دثرتنا

و بعدين نفط و جو حلو ما يصير

:)

Kuwait said...

بعد عمررررررررري ..
بسم الله عليييج من الخرعه ..
أنا اقولج ماعليج من طاسة المصاروه والمادري منوووووووووو ..
الكويتي أنفع ..
لووووووووول يدتي كلا تقول اذا ياهل مخترع نفخوا بسره شكووووو مادري ماتت قبل ما أعرف هالسر من الحركه ;p
وترى ميانينهم أقصد الأجانب مادري اشفيهم فيهم عنف حتى بألمانيا ذيك االسنه على قولتج شطوله وشعرضه مو صاحي كفخ مره شمتنها بالعلاق مال الملابس :\
أنا صبت عافيتي وأطلقت العنان لساقي وطقيتها ركض برا المحل وبرا السوق بكبره ;D
يعطيج العافيه وربي يباركلج بالعشر الأواخر ويتقبل صيامج وقيامج يارب :*
ولكم أحلى باك ولو انها متأخره وسامحيني على القصور والله كنت مضيعه الطريج حق مدونتج لكن الحين خلاص سيفتها :*

mtfa2el said...

عاد صج حسيت خوش جو بهالخضرة و البيوت الزينة و البراد و النسناس الحلو
ما وعيت إلا كسرتي فينا بهالمينون ..كلش وقته غلط
هههههه يالله عدت على خير
ذكرتيني مرةو انا صغير كنا مسافرين اسبانيا و نتحرش بمينون يلقط قواطي من الأرض ما وعينا إلا انهد علينا يركض ورانا و يرطن اسباني !!
و احنا عينك ما تشوف إلا النور كل واحد هج بصووب
بس أشوه طخ عنا و راح ..يومها انخضينا خضة جامدة أوي !!

Barrak said...

منو مصور بيتنا

THE BOSS said...

طاسه طاسه طاسه
من زمان مو سامع هل كلمه
عموما حمدلله على السلامه
وعطني ولعه

Purplecious said...

وي وي وي وي

آميـــــــــــــن
آميـــــــــــن يا رب العالميـــــــــــن

ان شاءالله بمرّت ملك يستجيـــــــــــب


فااااااااال و جان


لووووووووووووووووووووول


مايخالف فانكوفر نتأمل البيوت و احنا بالسياره
حتى السياره فيها مكيف و براد
ههههههههههههه


عيل مالج الا سبراي الفلفل
ههههههه خليه دايما بجنطتج
بس خوفج وليدج يحوس بجنطتج لالالالالا ما معوده خلاص مو لازم
انتي تتعورين و لا ولدج يصير فيه شي

هذه الام و لازم تضحين بعد شتسوين محد قالج صيري أم

هههههههههههههه

الله خليلج و ليدج و يبلغج فيه و يرزقج الذرية الصالحه
عاد اذا يبتي بنت ما يحتاي اوصيج

سميها على خالتها

بيربل

لوووووووووووووووووول

انتي من صجج؟؟؟
ما تشوفين مسلسلات سورية؟؟؟؟؟

اي اي على ذمتي
معروووووووووفه طاسة الرعبيييييه
تأبريني انتي

لا تشككين فيني مره ثانيه ترى ازعل و ما أطب بلوقج
و أخلي كل البلوقرز يحاربونج
ههههههههههههههههه

مادري شفيني مستشره هالايام
الله يستر

Anonymous said...

6asat alkhar3a 3endi :)

tyeen takhtheenha wala ana ayebeha lich :D


homes here COZY...its a place u call home....mo methel byootna henak...yabeeli taxi etha bagheet adawer wa7ed min 3yali bel biet loooooool

ana wayed 3ajbatni byoutehom....bas the cracking sound the wood makes KILLS me loooool

yakther almeyaneen hni....ana kel ma broo7 al downtown akheth al bus...bas allah la ywareech lazem akhtere3 1000 mara....wallah akoon 7a6ah edi 3ala galbi :/

kha6ach alsow ya owkhayteee =D

keep taking more pictures...fena fager mal khathaaar looool

Najmah said...

الله الصور تشرح الننفس
:)

فانكوووفر
الحمدلله على سلااااامتج
واي مت من الخرعة
مرة ثاااااانية
لا تطلعين بروووحج

الله يحفظكم
:**

|:| DUBAI |:| said...

Allaaaaaaaaaaaaaaaaaaaaah

Yjnon ilByoot, a7eb Style ilEngleez

Tlgain fee Da5elh Kela Classic !!

: (

aBa Bait Chee 7agy !!

charisma said...

واااى بالاحضااااااااااااااان
ترى بشرونى انج رديتى حبييبتى انتى
ساامحييينى على التاخييييير والله قالتلى بيربل طرت من الفرح
الحمدالله على السلالالامه وولكم باااك
كنتى غايبه بس حاضره بقلوبنا ونطرييج دايما بالخير يا فانكوفر
:****

ولكم بااك
:)

تقبل الله طاعتج وعيدج مبارك
بس ارجع ان شاااءالله بقرى سوالفج واخبارج يالغاليه
:***

Anonymous said...

عيدج مبارك

وايامج سعيدة

صبا said...

عيدج مبارك وتقبل الله طاعتج

وكل عام وانت والاهل بخير

بنت الشاميه said...

تقبل الله طاعتج....وعيدج مبارك

Purplecious said...

هااااااااا أنا أهنيج و أباركلج بالعيد علناً و جدام كل النــــــــــاس

شاهديـــــــن؟؟

عشان لا يصير عندج حجه و ما تذكرين اسمي مرتن لوووووووووخ

لووووووووووووووووووووووووووول

عيدج مبارك أم جبوري
:********
و عساج من العايدين الفايزين المقبولين
:)))

Anonymous said...
This comment has been removed by a blog administrator.
vancouver said...

اولا
سااااامحوني يا جماعة الخير
كنت مسااااافره وتوني راده
عذروني على
التاخير بالردود






برقوووووووووشه

بيووووووتهم صغيره صج بس اتصدقين مستمتعين بكل زاويه
وركن فيه
بيوتهم وايد فيها حميميه
مو مثلنا
صااالات اغلبها مقفله للمناسبات ومطابخ شكبرها شعرضها للخدم
والكل ضايع بالبيت ما يدري عن
الثاني

:(
_----------------------------------_


كويت
الله يسلللللللللللمج حبيبتي
هههههه
اي والله
اكيد فيها سر هالحركه
وااااااااي يعني متعرضة للموقف وحسيتي باللي حسيييييت فيه

اميييييييييين
بعد عمري مشكوره على الدعاء الطيب يالطيبه
ثاااانكس على المرور العسل


_----------------------------------_



متفائل

هههههههههههههههههه
اي اي ابيكم تحسون باللي حسيته من قمه الريلاكسيشن والانسجام
الى قمه التصروع
هههه


شكلكم شياطين
وانتوا صغار مو ??
بس تستاهلون اكو احد يتحرششششششش بمينووووون
????

:PP

vancouver said...

براك

ياخف طيييييييينتك والله
هههههههه

بس ما قتلي اي واحد فيهم بيتكم عشان اطرشلكم نقصة
هههه


_------------------------------------_




بربلوشتي
لوووووووووووووووووووووووووووووووووووول
لووووووووووووووووووول

امييييييييين طالعة من قلللللللللللللب
بعد قلبي هههههه


عاد يهون عليج الكويت المزقرت المزيون
تهدين ولد ديرتج عشان الايطالي الجيييييييييييييكر
لوووووول



لا سبراي ولا عجره
ماكو على سلاح النحششششششششششششه


ومن قالج ما عندي بنت
?
ههههههههههه

انتي بنتي وانتي اختي وانتي كل حاجة ليا في الدنيا دي
لوووول



حبيبتي ساليني بالمسلسات الامريكيه والكنديه بس

سوري ما سوري ما يدور عندنا

ههههههه


ها ماقلتي بربلوووووشه جم حصلتي عيااادي
???????????
:pPp

vancouver said...

the boss
ذا بوس


ساااااااااااااااااااامحني
واخزياه
طوفتك بردي

:(

كله من الولعة
:P
الدخاااااان ترى حجب الرؤيه وطوفتك ياخوي
:P
السموحة
الله يسلمك وبطل ولعة
لو سمحت
:)

vancouver said...

غشووووووووووووومه
اهليين

يالله ممكن تسلفيني اياها
بمركم باجر ههههه

صااااجة اكثر شيء حبيته بكندا حميميه البيوت هني مو مثل الكويت
من كبر البيت كل واحد ضايع بصوب

ههههههه صوت الخشب يزعجج حطي باذونج قطن افا عليج
هههههه ملاااااااااااقة مو
?
خطاج اللاش

اي اي هههههههه فاهمتني انتي

:)

_---------------------------------_


نجومه

انشرح قلبج بالصلاح قولي امين

الله يسلمج

ملزووووووووووووم اطلع بروحي شسوي
احب الطلعات ما اصبر


مشكووووووووووره
:***

_-------------------------------------_


دبي


صح واااااااااايد كلاسيك وسليك
والبيوت فيها حميميه ودفا ومجكنمه
عاد ما ادري تفهمون مجكنمه بالامارات والا لأ
?
هههههه

الله يرزقك امييييييييييييييين

_------------------------------------_




كرموووووووووووووووووزه

بالاحضاااااااااااان حبيبتي :********

عاد اكيد بربلوشه
تنطر البشاره الحين
عسى عطيتيها كاكاو
?
ههههه

الله يسلمج ويعافيج
يابعد قلبي انتي
وتطريج العافيه قولي امين

هذا بس من طيبج وذوقج والله
:***


منا ومنكم وايااااااامج سعيده يارب
الله يحفظج يالغالية
وتوصلين بالسلاااااااامه
:*********

vancouver said...

محسد

اياااااااااامك سعيييييييييييدة
وعساك تعوده يارب بالصحة والعافيه

مشكوووووووور

_--------------------------------------_


صبا

ايااااااااااامج سعيدة وانتي بصحة وسعاااااااااااااااااااادة يارب

مشكووووووووره يا احلى صبا

_-------------------------------------_


بنت الشاميه

منا ومنكم واياااااااااااامج سعييييييييده يارب

ما قصرتي يالغاليه

_------------------------------------------_



بربلووووووووشتي

لوووووووووووووول بعد قلبي
شاهدييييييييييين يبا كلنا شااااااهدين
شكلي برزلج بوووووووووووست حقج برووحج
هههههههه

اياااااااامج سعييييييييده بعد قلبي
ويعل ربي يجعل كل ايامج سعااااااادة وحب

قولي امين
:****************

Purplecious said...

فانكوووووووووووفر

انتي مــــامــــا
و انتي بـــــابــــا
و انتي كل حاجه بحياتي

لوووووووووووووووول

شفتج عند استكانه و الحين عندي منورتني يا قمر
اقول شرايج تيين معاي نروح العرس البلوقر مغاتــــــير انا و انتي انتطمش
لوووووووووووووووول

ميرامار said...

ماكو فايدة حدنا نخل وسدر
مهما البيت حلو خضرتنا ملحة وجلحة

ليش مقلة في بوستاتج؟

charisma said...

لوووووووووووووول
اسم الله علييج الرحمن الرحيييم والله حاااسه بالى تقولييينه انا مره طلعلى مينوون وهم رياال وكشه منفووشه ويسب سبب عااد هذاا يسب سب كويتى الله لا يسمعج الى سمعنااا الحرييم بالفرييج تلففون بملافعهم وعبيهم من الحيا لووووووووول
ابدع ههههههههههه
لا يحوووشك اتعرضيين حق مينوون وزيين سوييتاى قبييتاى عفيه علييييج
الله عدااج الشر
هههههههههههههههههه
خطااج السو حبييبتى
:**

وعلى البيوت لا يا فانكوفر هالبيوت عندنا تطلع لووعه
ترى الى محليها الزرع والجو يخلييج تشوفيين كا مكان حلو وشرح وينن
جنتهم بدنيتهم هالاواادم

الحمدالله على كل حال

mantovani said...

كل عام و انتي بخير

مانتوفاني

enter-q8 said...

اللحين المينون وصادوة انتي وينك ما تنزلين بوست

david santos said...

Beautiful!!!
Nice photos and pretty colors... great work.
Congratulations!!!

kuwaitawy said...

بصراحة بصراحة



خوش بوست والله عجيييب



بس ممكن اعرف هذي باي دولة ؟؟؟

White Wings said...

سلامتك من الخضة
:)
الصور جميلة، هذه بيوت هوامير على فكرة
شوفي مساحات الأراضي الهائلة الي يبنون عليها
كل الأرض المحيطة بالبيوت ملك لهم كذلك
تصوير بديع

vancouver said...

بربلووووشه

:**



ممكن ليش لا
بس انتي تدخلين قبلي بساااعة
:)

_------------------------------_


ميرامار

اي والله صاااجة
بس خنحاول على الاقل
:)
والله وايد مشغوله
ماني فاضيه للنت دايما
للاسف
مشكوره على مرورك الكريم

_-------------------------------_



كاااااااااريزمااا

ياهلا ومسهلااا
لوووووول

اذكر قصتكم ويااااه
لما كنتوا رايحييين العزاااا
اذكرهاااا
هههههه

كان فااااصل بروحة في حياااتج
ههه


خطاااااج اللاااااش
:*

الف الحمدلله
:)))

_-------------------------------------_



مانتوفاني

وانته بصحة وسلاااامه
مشكووووووووور

_-------------------------------_



حاكي عقالي

وااالله يا حاكي ماني فاضيه
بس على امرك
ان شاااااااءالله

_--------------------------_





كويتاوي


مشكوووووووووووور ياخوي

هذي بكندا الله يسلمك

بلاد الفرنجه
لوووول



_------------------------------_





وايت وينجز

الله يسلللمج من كل شر
:))


ثانكيو
صاجة اهمه عندهم ومقارنة بشعبهم يعتبرون اغنياء
بس ترى مووو بذاك الغلاء بيوتهم هذي

تدري بسعر بيت من المناطق الداخليه شنو ممكن تشترين هني
وعلى فكره لا يغروووونج الصور
ترى البيووت الللي صورتهم حددددددددددهم صغااااار والمساحات الخضرا
موجوده لانه ما يستغنون عن الحدائق
مو مثلنا
كل شبر في البيت لازم
نبني عليه كونكريت
مليووون غرفة نوم وحمام وصاله
والبيت في اربعة
!!
شكرااا لمروووورج