CLICK HERE FOR BLOGGER TEMPLATES AND MYSPACE LAYOUTS »

March 06, 2008

باكسر خاطركم شويه :(


عندي جم صوره باحطهم عشان اكسر خاطركم شوي
:(
قبل فتره ضربتنا عاصفة الله لااا يوريكم
شوفوا الصور
وتحمدوا النعمه اللي انتوا فيها
وايياني واياكم واحد يقول شتاكم في الكويت كان بارد
:s
بما ان الصوره تعبر عن الف كلمه
فراح اتكلم باختصار عن كل صوره
هذي الله يسلمكم بلكونتي اللي بالصيف
كانت مليانه ورد وزرع
الحين مليانه غبار ابيض
:(


هذا يكون مواقف السيارات

اشوه سيارتنا بالسرداب مو بره

ولا جان كل يوم نكرف الثلج اللي عليها
وبسنا ثلج يا حسين بسنا ثلج
لووول


تشفييييييط الثلج

لوحة فنية
!!



احلى شي الكرافة تككككككرف الشارع ولا جنها مسويه شي

ومع هذا لا كهربا تاثرت ولا مصايب صارت
واحنا من شوية مطر نختبص
وتعلن حالة الطواريء الخرطي
ههههههههه


ولااااااااااااااااحظوا الناس عاااااادي رايحين دواماتهم

لانه العاصفة كانت بالليل
فالصبح مالهم عذر لاااازم يداومون
احنا لو قبل يومين
صاير غبار
نص الاوادم مرضيات
عشان الربو
وتلقونهم عقب مطيحين بالمطاعم والكافيهات بلع
ههههههه



مسقط رأسي للممشى المحاااااااذي للبحيره
اهم شيء المحااااااذي
قعدت ساعة عشان اطلع التعبير الصح


مسقط رأسي ثاني للشيرات(الشجرات) الثلاث اللي احبهم لاني

كنت اتمنظر فيهم بالصيف وانا اتريق بالفرنده
ههههههههه


وسلاااااامتكم

اتوقع من الصور يمدتوا
اشلون احنا
ها كسرت خاطركم
:P
===============


كنت باقول هالكلمتين من اسابيع بس مافظيت انزل البوست

تعلموا منهم بس
!


SHAME ON YOU , BARACK OBAMA!!!


هيلاري قبل يومين انهت مع اوباما مناظره كانت من اقوى ما تابعت
وكانوا قمه في الاحترام تجاه بعضهم البعض ،
وبنهايه المناظره قالت بالحرف :انا اتشرف بجلوسي بجانب اوباما
ولمست يده بكل رقه ونظرت بعينيه اثناء نطقها بالكلمات
جميع الحضور وقف لها احتراما لجملتها
وقد كانوا بالالاف
اليوم عندما اثارها باراك بتصرف مرتبط

بحملته ضدها حول قانون التامين الصحي الجامعي
لم تستحي ان تقول له هذه الجمله وبكل حده
عييييييييب عليك يا باراك اوباما

قالتها بعد ان كالت سيل من القذائف تجاهه

هي لم تخجل ان تقول ذلك

اسمعته هذا الكلام على مراى ومسمع الملايين

لم تتردد ان تهاجمه خوفا من رميها بالعنصريه لانه اسود

مثلا..

لم تتردد خوفا ان يؤخذ كلامها بانه ضرب لعرقه او جنسه

او انها تجرات بالكلمه فقط لانه اسود

كانت عنيفة بردت فعلها

ولكنها لم تفهم بشكل خاطيء

لانها كانت واضحة

لماذا بعضنا يخشي ان يقول كلمة
عييييييب عليك يا فلان
حتى لا يفهم خطأ
!!!!!!!!!؟؟؟!!

ولازلت افكر

لماذا
؟؟؟؟؟؟

100 comments:

shakshaka said...

eeeeh walla kisartay kha6irna shal bard eli edish bil 3atham way mn il 9war chan astabrid:P wo 3an hillary wo obama wele 3afeech e7na lo a7ad egol 7ag ethani 3aaaib 3alaik sarat feha gebayel:P

mtfa2el said...

ايييه
شرايج تبادلون انا ودي اروح كندا احذف بهالثلج الغبار شقني
مشكلة الغبرة بكل صوب غبرة بالجو غبرة بالسياسة غبرة بالجرايد
و على هيلاري و اوباما
احنا نبي الصراحة بالكلام ملينا من المجاملات و السياسة البايخة
يعني حسب الله عبد الصمد دش المجلس و سووه يا دهينة لا تنكتين الكل يتضحك له و يتبوسم له ما غير يطلبون منه توقيع ..انزين مو قبل جم يوم كل واحد فيكم ركضة على الجرايد و ردود و بيانات و حوسة !!
ناس غريبة أوي
و على كلمة عيب حق هاللي غلط ..شوفي هالشخص ينتمي حق منو ما يبون يقولوله الكلمة عشان ما يخسرون ربعه و جماعته ..الانتخابات ياية
انا شفيني قرقة هاليومين..السموحة السموحة!!

Anonymous said...

تبين نكسر خاطرج عدل ونوريج صور الغبار؟؟؟
وبعدين المطر على السيارات مخلوط بغبار والقيلة

ها منو يكسر الخاطر اكثر؟؟

Q80 Blogger said...

مشكله الناس مو قادره تفهم شنو يعني ثلج
مايدرون عذاب مابعده عذاب

على الاقل الغبار الواحد يطلع فيه

الثلج اشلون؟

قبل جم يوم غررزت بالثلج !!!


بس سامعين فانكوفر أجوائها احسن .. طلعت الحاله نفس حالتنا

الله يعين

The Simper said...

LOVELY PICS :) enjoy ghbaarkom 3alikom bil 3afya inshala.. and be and stay safe inshala :)



<<< GO HILLARY ;) >>>

PENN PENN PENN :)

Anonymous said...

where are you living???

I thought u lived in Vancouver just becuz of ur nickname lol

well to make u feel better Ottawa was hit with 50..yes dear 50cm of snow


Barak and Hilary...wajhan le 3omlah wa7edah :/

صقر قريش said...

فانكوفر:

تدرين انج كسرتي فيني كسرة قوية حيل!!انا قاعد طول الوقت اقول يازين الجو عندكم اشوف ولاصدمة كبييييييييرة بصراحة الله يعينكم بس هونت ماني رايح فانكوفر لأني كنت ناوي اروح بس خوفتيني منها سترك يارب علامة الأكس الحين تشمل باريس وفانكوفر :) الله يعينكم.

Q8DOLL said...

بعد عمري ولله فانكوووفر
عورتي قلبي
الله يكون بعونكم
الياهل عندكم ما يتهنا بطلعه الا ملبسينه الكبت كله لدرجة ان مايتحرك
حتى ايده بالقصب تتحرك
يصير جنه بطريق

بس طااافج الغبره عندناحونا صار كركمي خريطي فظيع
وأحيانا ينقلب لون أورااانج أصلي مو أصفر حتى

الحمدالله على كل حااال



بالنسبه لكلمة عيب
الناس الحين كافيه خيرها شره
والمجاملات هي السائده
لكن كلمة عيب للي ما يستحي بصراحه تخوف تدرين ليش؟؟
لأن ردة فعل اللي ما يستحي بتكون قويه وراح يصير العيب عيبين

ممكن أقول عيب لشخص أمون عليه وادري ماراح يزعل
لكن انسان بعيد صعبه
فأترك الخلق للخالق

الله ياكثر العيب بشوارعنا
:)

وردة حب said...

االللللللللللله ونااسة

يبيلنا ثلج بجيس عفية ودي اشوفة ههههههههه

بس اتوقع انتوا عندكم ثلوج بس دافية مومثلنا

برررد بالعظم

وقواج الله حبيبتي

هذيان said...

اتعرفين لماذا لا يقولون من بدايتها عيب لأن العيب له صناع متمرسين يأدلجونه حسب الزمان والمكان

Purplecious said...

فاااااااااانكوفييييييييي
ماااااااي لووووووف
:*****

فانكوفر من الحين و رايح دلعج اليديد فانكوفي
اوكي؟؟
اذا مو عاجبج نغيره و لا يهمج
نخليه اممممم
امممممممممم

فانكووووفي

ههههههههههه

بعدددددد عمريي و قلبي و جببببببدي
شنوووووووو هذااااااااا؟؟؟
ابييييييييييييييه
لا حول و لا قوة الا بالله
الله يعيييييييينكم
:**********
انا حسبالي هالثلج اللي جذي بس بالقطب الشمالي
لا اله الا اللـــــــــه
سبحانك ربي

الحين هذي فرندتج اللي شربنا فيها القوه ام وششششششش؟؟؟
:((((((

انا أشهد يا فانكوفي انج كسرتي خاطرنا واااااااايد مو شوي
:/

و الشوارع
!!!!!!!!
ابييييييييه شلون قاعدين يمشون السيارات مو مبين الشارع ماله ملامح
!!!!!!!!
حتى المواقف و الممشى و لا شي مبين
كله أبيض بأبيض
!!!!!!!!!

أتوقع كرهتي اللون الأبيض
ههههههههه
عيل يهوووون الأصفر
غبارنا الجميييييييل

تخيلي لو ينزل ثلج بالكويت
شنو راح يصير؟؟
اتهقين راح يقدرون يتحملون قعدة البيت؟؟
لن الكويتي أثبت قدرته على التغلب على أقسى الظروف المناخيه في سبيل البلعه و القززززز
ههههههههه


بس صج صج الله يعينكم
و متى راح ينكشح هالثلج ان شاءالله؟؟؟
انا عمري ما شفت ثلج صجي تصدقين
الله يعافي دبي شفته بالمدينه الثلجيه
لووووووووووووول
بس خلاص شكلي كرهته
:/
مو شي شعور انج عايشه بالفريزر
ههههههههههه


بالنسبه حق الموضوع الثاني مادري ليش طرى على بالي هالمثل

العيب من اهل العيب مو عيبييييييب



شكوووووووووو
!!!!!!!!!!
مادرييييييي

ههههههه

NewQ8 Bride said...

woooow shaklaa bard , ambeeh ana ma at7maal eljaw chthee i love the sun :) o a7eb jawnaa bl kuwait anyway have fun :)

فتى الجبل said...

احنا تربينا على السمع والطاعة وكثرة المجاملات والنفاق
فاشلون تبين حياتنا تصير؟
بعدين شنو احسن للصحة الثلج والا الغبار؟

Barrak said...

تبين الصج
ماانكسر خاطري
اولا اللهم لاحسد

ثانيا

انا لو هذي بلكونتي وجذيه المنظر ابيض اسوي ديوان شعر اصك على نزار قباني

J Daily said...

دزلي لنا شوية ثلج (:
--
لو انتخابات رئاسية بدول عربيه.
تعرفون شيصير؟
إلي يفوز يصفي الثاني من الدنيا (:

Unknown said...

عليج بالعافية على هالثلج ، ماتدزيلي شوية؟ ولا عليج امر انا اوخيتج نقصة بس :Pp
والسياسة للاسف مافهم فيها :|

ولد الديرة said...

الثلج

اللي ساكن بشقة ما يتمشكل معاه

لكن اللي في بيت ياكل فشقي

الله يعينكم

وصج قالها براك

اللهم لا حسد :)

darkness said...

:(

كسرتي خاطري

:((


و لانه عيب تقولين عيب

:P

david santos said...

Really excellent!
Thank you.

Anonymous said...

اول مرة الاحظ انه باراك اوباما عنده غمازة !!
اما بالنسبة لكسرة الخاطر فأحب اطمنج انج ما راح تكسرين خاطري سواء كنت بالكويت او كندا
لسبب وجيه جدا و هو انني اعز البرد
و بالاخص برد الكويت لانه مقارنة بالبحرين يعد برد صجي
انتوا حتى صيفكم حلو لانه جاف و خال تماما من الرطوبة
اللي اجوفه مواصفات للجو اهل الكويت يجوفونه عيوب بس انتوا عيشوا جو البحرين و بعدين اكيد راح يكون لكم راي ثاني
شكرا على البوست يا فانكوفر :)

ولد الديرة said...

بعد اذنج اخيتي

David

I love you man :P

don't cut

يعني لا تقطع

:P

Aldenya said...

وييه
حبج قرميدي حق هالشيرة لدرجة انج حاطتها خلفية لمدونتج
يا سلام عليج
يا حلات ثلجكم
ويا حلات لونه
على الاقل ما تلبسين ماسك ان طلعتي
احنا ماسك واعيونا ربنا حافظها

:/

الغبرة اللى عندنا موشي

اما بردنا
يا حلاته
راح
:<
بس بنلتقي فيه ان شاءالله السنه الياية

charisma said...

وى وى وى اسم الله عليكم الرحمن الرحيييم
كسرتاااى خاطرى وطحنتى عمريييييييييي
خنت حيلى والله

ياركم الله يا فانكووفر يالغاليه سلامات الله عداكم الشر

والله حاشتنى موجة برد مع البوست
يا بعد عمرى عمر هالولييد ولدج
حبيبى والله انتو كبار بس هالياهل مع هالبرد
:(
حرام
:((
الله يحفظه يا رب ويحفظكم ويردكم بالسلامه تردون حق غبارنا وارطوبتنا وعواصفنا
الكوييييييييييييت
مالنا غنى عنها
بس ببجى ما ادرى ليشش اليوم انا حدى باد مود
استغفر الله


:***
حافظج الله يالغاليه

Kuwait said...

واااااااااااو ما شاء الله حلوه الصوووور ..
منو قالج انج كسرتي خاطرنا ..
قصدج تحرينا لووووووول
طرشي لنا طياره يالله تشيلنا تودينا لج ...
واحنا نقعد عندج وانتي ركبي الطياره الي يابتنا خل تردج الكويت ..
لووووووووول
بالنسبه للطرح الثاني .. أرى ان الكويت دولة مجاملات خارجيا وداخليا ..
تقبلي مروري ..
kuwait

vancouver said...

شكشكه
اهليييييييييييييين انتي ويييينج من زمان؟
لا بوستات يديدة ولا اخبار شالسالفة
فقدناج والله
:**
بردنا غير نمونه ترى
الكويت هواها صج جاف بالشتا ويدخل العظم
بس صدقيني تيينا ايام بكندا لازم نشغل جهاز الرطوبه داخل البيت
والا مانقدر نتنفس من كثر ما الهوا جااااااف

اييييييه صاجة احنا مو قد كلمة العيب بس مع هذا نسويه
مجتمع خربوووته
هههههه





_-----------------------------_


متفاااائل
حيا الله التفاؤل واهله
:)

متفائل صدقني
حدك اسبوع بس
بتستانس وتحذف ثلج
بس عقبها ماراح تتحمله
الناس اصلا تييها كآبه حادة بفصل الشتا بكندا
اييييييه متفائل مو هذا اللي يبط الجبد
التنااااقض
يعني تمو على موقف واحد ابرك
والله عاد اول الكويتيين
يقولون
الكلمة اللي تستحي منها بدها
اي
ابتدي فيها
احنا العكس
نلف ونروووووح بعيد بس الحجوه الاساسيه ما تنقال
افا علييييك اقرق مثل ما تبي
مسموووووووح
:))))

vancouver said...

حساااافتج يا كويت
هاهاهاهاهاها
واي ذكرتني بذيك الايام
الله يعودها علينا ونشم غبره ديرتنا قول امين
لا لا جرب انته توقف بالشارع والحراره
اثناعش تحت الصفر وتشيل الثلج من على السياره بشبل
وبعدين تحك الصقيع اللي لاااازق بالجامات
لما اصاااابعك تبتدي ماااا تحس فيهم
بعدين قولي
:\
اشراااااايك

vancouver said...

كويتي بلوغر

صااااااج والله
مو احنا كنا مثلهم لما جربنا بنفسنا وعفنا اعمارنا من هالبرد والصقيع اللي ما ينبغى
فانكوفر هاليومين ربييييييييع
:)

vancouver said...

سمبر

مشكووووووور والله كلك ذوق
نحاول نستمتع بس لما تصير الدنيا بييييضا ايام تزهق حياتك
:(

جوووووووووووو اوباما
انت وبس
والباجي خس
:P

vancouver said...

غشووووووووووووومه
:***
اشلوووووونج

شوفي اخذيها مني
ماكو مدينه وحدة بكندا ما يضربها الثلج على الاقل مره او مرتين بالشتا
هذي كندا مو لعبه
:P
ادري مرتين ازور اوتاوا في الشتا
وانصدم
شنووو برد لاااا يطااااااق
الله يعييييينكم والله

صح بس مع هذا مختلفين ببعض الامور
احس باراك ممكن يكون متعاطف اكثر مع العالم الخارجي
عكس الاخرين
كونه عاش فتره طويله من طفولته
في اندونيسيا وكينيا
مو متعصب مثل الباجي
والله اعلم بنواياهم

vancouver said...

صقر قريش
لووووووووووووول
لا لا لاتفهمني غلط
لا تزور كندا بالشتا
بس حياك الله بالصيف
راح تستااااااااااااااانس
اللي بيزور كندا بالشتا لازم
يكون من هواة التزلج ولا لايقرب احسن
حيااااااك الله
انت تعال بالصيف وبتعجبك
:)

_-------------------------------_




كويت دووووول
اهلين حبيبتي اشلوووووووونج كويت
:*****

اي والله لو تشوفين الطبقااااات اللي يلبسها الياهل
قولي انا اشوه ما عندي عيال بالمدارس
بس تخيلي اللي عيالهم كل يوم من الصبح رايحين المدرسة ومشي بعد ؟؟؟



اتصدقين دايما اختي تقولي انه الانسان اللي ماتعرفينه لا يكووووووون تقربين منه
ما تدرين شنو ممكن اييج منه لو دستيله على طرف
مو كل الناس متربيه عدل
انتي شكلج تايدينها
ههههههههه
انا كثر ما اسمع عن الاشكال اللي بالشوارع والمجمعات
اتخيل الكويت بكوكب فضائي اخر
الله يستر من اللي بشوفه لما ارجع
:S

vancouver said...

ورده حب

حيالله ورده
:)

ودي ودي وبصدق انج تجربين الثلج عندنا والهوا السحتني عشان تعرفين الفرق
برد الكويت يدخل بالعظم ادري
بس هني يدخل بالنخااااع والحبل الشوكي بعد
لوووووول
الله لا يوريكم
اهوه حلو حق اسبوع تستانسين فيه
بس مو تعيشيييييييين فيه

حياج الله

_-----------------------------_


هذيان

كلامك فيه شيء من الصحة
ولكن الانسان عندما يرى شيء عكس مبادئة
ولنقول في بيته
كيف يتردد من قول كلمه عيييب
؟
لماذا احيانا نلف وندور حول الموضوع
ولا نقول الكلمه الوحيده المناسبه وهي
عييييييييب عليك يا فلان هذا التصرف
؟

vancouver said...

بربلوووووووووووشه

حياتي تعالي ابووووووووووووسج
:******
والمج
لمه قووووووووووويه
:****

ما بغى البلوغ ينور بحضورج وطلتج البهيه
؟
يالله عمري انا انشغلت الحين
ومضره اوقف التعليق على الكومنتات
ويمكن مالي خلق شوي
متكيييييييسله ماادري شفيني
بااااااي


:PPPPPPPPP

mantovani said...

يا سلاااااام على الثلج

عليج بالعافية

صدقيني الثلج له رومانسية مو طبيعية

بس عيبة شي واحد

(( الدوااااام ))

ما عندهم يامما ارحميني

تحياتي لج و استمتعي بالثلج

ترى هني صار حر خلاص

vancouver said...

Kaaaaaaaaaaaaaaak

بربلووووووووووشتي
تعالي اتغشمر ويااااااج
لووووووووول


ياحلوها فانكوفي
مثل العسل طالعة منج
هاهاهاها
حبيتها لانه فيها
كوووووفي
وانا مينونه قهوه
بقراها بالفاء مو بال
V
عشان تصير
VanCoffee
هاهاهاهاهاهاها


بالله اشفرقنا احنا عن القطب الشمالي
بينه وبينه ترى ساعتين مادري ثلاث بالطياره بس
:(

ايييييييييييييييييه شفتيها الفرنده بعد قلبي
:(

تعالي شوفي الطيحات والتكسر اللي ماله والي بهالايام اللي ينزل فيها الثلج
المستشفيات تنترس ناس متكسره
اللهم ياكافي


بيني وبييييييينج
انا وحدة كويتيه وراسي ياااابس
ثلاث ايام متواصله ما اقدر اقعدهم بالبيت
لاااازم اطلع لو شنو
بس الحمدلله سيارتي جيب مرتفع فما اتوهق وايد
بس اذا ما قزينا ما نصير كويتيين
:P

ههههههههه
اي صح هذا مثل معروف
وانا اكمله
وعالاصل دوّر
ههههههههه

Unknown said...

تبادلين ؟؟؟

vancouver said...

نيو برااااااايد

اهلييييييين برايد
:)
تخيلي برايد انه ممكن يمر جم اسبوع
ما تشوفين الشمس
كآآآآآآبه
:(
ماكو على شمسنا يازينها
حاااااااره
تحررررق
شوااااااايه
بس يازيييينها
:)


_--------------------------_



فتى الجبل

صااااااج والله تربينا على انه نسمع الكلام ونسكت
:\
لانه عيب انتحجى ونرادد
معاك حق

شوف فتى خل اقولك بس الثلج اهنيه شيسوي
المستشفيات تنترس ناس متكسره
يا ايدهم يا ريلهم يا احواضهم والسبه الطيحات
تعلن الحكومه احيانا حاله الطواريء الصحيه
اذا انتشر فايروس الانفلونزا
لانه فيه ناس تمووووووووت منه
الحوادث بالشوارع تزيد
قبل جم شهر 40
اربعيييييين سياره داشين ببعض على الخط السريع
في ناس يوقف قلبها من البرد وتموت
في ناس يطرون يقصون اطرافهم اذا تجمدت
لو تنقطع الكهربا ياكلون هوا
لانه مو كل البيوت في مدافيئ خشب
اقووووووول والا كفايه
الغبار عندنا ياثر على المساكين
اللي فيهم ربو ومشاكل بالتنفس
بس الحياة ما تنشل شلل كامل والسبة الغبار
بعدين ثاني يوم تخمه وتغسله وانتهى الامر
الثلج اهنيه في بعض المناطق
يتكوم لما يوصل ارتفاع بنايه
من 3 طوابق
!!

vancouver said...

برااااااك

انا عارفتك يبا
انته لو شنو اي مكان بالدنيا عندك
احسن من القعدة بالكويت صح؟
ودك تهج اليوم قبل باجر
هاهاهاهاها

بلااااااك ما تدري يا براك
الناس اهني يحوشها اكتآب حاد ويتعالجون بالمستشفيات
والسبه منظر البياض المتواصل لمدة اشهر
ترى تكره حيااااتك
تعال جرب بس
:(


_------------------------------_


يعقوبووو

على ما يوصلكم الا متبخر
لووول

اييييييه والله صاج
يودونه ورا الشمس

`~MnO YeNSa! ~` said...

سمالله عليج عسى
مدفيه

انا كسرتي خاطري :(


لا عيب بكل بساطة :(

هـــدب said...

الله يعطيكم خيره ويكفيكم شره
ديروا بالكم علي نفسكم من العاصفه اللي يتكم
وصج صج الله يعينكم
إحناياالغاليه عندناالشته برد ومغبر

مومثل

الجو عندكم يافانكوفر

الحمدالله على كل حال
بالنسبه لكلمة عيب صعبه اتقولينها حق اللي ما يستحي
لان الحين الديره ديرةمجاملات ونفاق والمثل يقول نافق 000توافق

تسلمين
وما تشوفون شر ان شاء الله

صبا said...

وااااااو
احب شكل الثلج بس ما تحمل برودته

الله يعيييييينكم علي هالبرد
المنظر حلو
بس الثلج مزعج وحلو شويه

احنا دخل علينا الصيف
واشتقت حق البرد وانا من عشاقه اموت علي البرد وجو الشتا راااائع عندنا هالسنه

الله يرحم حالكم ويا هالثلج
بررررررررررررد
صقعه صح؟

بس انتي شنو تسوين بكندا ؟؟؟؟

تحياتي من قلب

5roofa said...

ونااااااااااااااااااسه

ابييي لوول احنا صار خيسه و حر لا تحاتين لوول

salamz sweetee...

فراوله said...

مساالورد والجوري
غاليتي الحبيبه
والله انج صج تكسرين الخاطر
عورتي قلبي
حيييييييل
وتيمدت وانا بمكاني
جني بالاسكيموا
هههههههههههه
@@@
وسالفة الكلمة العجيبه هذي بالنسبه لي
فهي مرتبطه بالانسان نفسه اذا كان متعود عليها او لا
تحياتي يالاسكيمواااااااا
:**

Anonymous said...

ولا يهمج

أطرشلك غرشة غبار تشمينها
وحطيها بالصالة عندج
وإذا تبين أطرشلك بالدي اتش إل
كراتين لواهيب و سموم

وعموما ما ألومك الغربة تلوع الجبد
انا جربتها

ونارك ولا جنة هلي يا كويت

Almas said...

عفية فانكوفر .. عفية
عفية فانكوفر .. عفية

جك جك جك
جك جك جك

يعني صفقة

خوش شي والله
ثلج ثلج ثلج


بالعكس وناسة وعلى كيف كيفج

استانسي وزأطيطي

جو رومانسي عجييييب

لكن ليالي الصيف أحلى وأجمل

Desert-Roses said...

تبيين تكسريين خاطر الكويتييين بصور فيها ثلج
؟؟

لوووووووووووول
انا اقول لو طوز و لا شمس
احسن

and about Hillary..

In the end she is a woman...
We have our own charm on men ... ;)

vancouver said...

سااااااامحوني ياجماعة الخير
بطيت عليكم
:(

_-----------------------------_



زبووووووطه

الله يعافيج :)
ادزلج شويه ممكن
بغرشه تبينه والا بكرتون
قصدي اختاري شكل التعبئه اللي تبينه وحاضرين
:P

_------------------------------_



ولد الديره

ايه والله صاج
اللي بالبيوت تعال شوفهم
مساكين لما تيي عاصفة
يوم كامل عقبها يكرفون الثلج
عذاااااب
بس بالصيف
اهمه احسن ليش انه يستفيدون من الباك يارد
:)

لو احد بيحسد احد عالجو
جان من زمان طقينا جونا بالكويت عين وخليناه
يقلب جو لندني بالذات شهر سبعة وثمانيه
:)

vancouver said...

داركنس
اهلييييييييين اشلوونج
:***

سلااااامة خاطرج
:)
هاهاهاهاها
عجبني جوابج
مفحم
ههههههه


_---------------------_


David Santos
Thank you for stopping by & sharing with a comment
:))

vancouver said...

ورق مخطط

اهلا وسهلا
لا مااعتقد انها غمازه
بس لانه يضحك فمبين خط الضحكة جنه غمازة
لووووول
شفت التحليل
هههههه

لا والله ما اقارن ابدا جونا بالبحرين ورطوبتها
بس ترى ديرتكم شرررررررحه ماشاءالله
مع اني افرها كلها بيوم واحد
بس استانس عليها
وعلى اهلها العسل
ورطوبتكم خفيفة عالقلب مو مثل
رطوبه الامارات
مساكين يعصرون هدومهم ينقط ماي
لوووووول
ومع هذا وناسة الامارات تنسيك الجو
كل بلد ولها ايجابياتها
حيااااااااااااك الله
:))

vancouver said...

ولد الديره
لوووووووووووووووووووووووووول

عجبتني
لا تقطع بالانجليزي
لووول
احد قالك انك تحفه
هاهاهاهاها


_------------------------------_





الدنيا
حياااااج الله حبيبتي
الله يسلمج مو انا من وقت الى اخر احب
اغير شكل البلوغ بما يتلاااائم مع الحالة النفسيه والجو المحيط
هههههههه

من قاااااااالج ما نلبس مااااسك
نلبس ماسكين
الاول كريييييم حمايه شديد من كثر ما الجو جاف ويشقق الجلد
والماسك الثاني طرف الشال نغطي فيه ويوهنا من الثلج والهوا الباااارد
عندنا وعندكم خير
:|


الله يعينكم على الحر
!
هالله هالله بالترشيد
مو تنسون مثل السنه اللي طافت
بيلوعون جبودكم على التكييف
:\

vancouver said...

كرموووووووووووزه

:**

سلاااامة خاطرج وعمرج
شفتيييي كاريزما اشلون البرد عندنا مايغشمر
بس الحمدلله الجو تسنع
ونسمات الربييييييع هلت
اللهم لك الحمد
اممممممممممممممممميييييييين
الله يسمع منج ونرجع ديرتنا
حبيبتي انتي
صلي على النبي كرموزه
معلش الباد مود يضيق الخلق
بس قاااوميه
لا تبجين ترى انتجابل ونسوي منااحه
:\
خلينا جذيه حلوين احسن
الله يشرح صدرج قولي امين
:*****

vancouver said...

كويت
لا يعني كلش ملش ما كسرت خاطركم ولا شويه
:((((

حيااااااكم الله اطرشلكم 10 طيايير
مو شايفيني بنت خاشقجي
والطيايير مسطره على المدرج
لووووووووووول

حياااااااك الله
وانا معاك 100% في ما يخص المجاملات

_-------------------------------_



مانتوفاني


حياااااك الله

رومانسي يوم يومين
بس وبعدين
تبي تشوف الشمس وتحس بالنشاااااط

الله يعينكم على الحر
:(
الحين يادوركم بالمعاناة
للاسف


_-------------------------_



مشاري



اييييييييه ابادل
حياك الله بكندا
وخلني ارجع حق ديرتي حبيبتي
الكويت
ابااااااااااااااااااااادل موااافقه
:))

vancouver said...

منو ينسى


حبيبتي
لا لا تحاتين
الحين اقبل الربيييييييييييع
هههههه
وفتحنا الدراااايش
الحمدلله
هالصور ماخذتها من زمان
سلااااااامة خاطرج يالشيخة
:)

_----------------------------_



هدب

امييييييييين
الحمدلله الحين الجو واااايد تحسن
والربيع قرب
وذاب الثلج وبان المرج
ههههههه

الله يعينكم على الحر
:\

اوووووووووووول مره اسمع هالمثل
نافق توافق
:\
لا لا مااااعجبني كلش
الله يبعدنا عنه

vancouver said...

هدب
مره ثانيه :))
الشر ماييج مشكوووووووووره

_--------------------------_




صبا

والله يا صبا الثلج لما يطول يصير ممل
وضيقة خلق وغلقة
بس الحمدلله الجو تسنع الحين

ما كو احلى من الشتا بالكويت
يازييييييينه

انا اقشر بصل الله يسلمج
هههههه
انا في مهمه رسميه خاصة
:)))

يسلملي قلبج
:*

vancouver said...

خروووووووووفة
اهليييييييين اشلووونج
:**
اش هالغيبه
؟
عسى قلتي في بلوغج اسباب الاختفاء المفاااجئ
شوقتييييينا
ههههه

سلاااااامز

vancouver said...

فراوله

حيالله من يانا
اش هالزييييييين يا فراوله
طلتج ولا القمر
:))

اسم الله على قلبج وخاطرج
اي والله تيي ايام كنت احس اني بالاسكيمو

حياااااااج الله
نورتي
:**

_-----------------------------_




حسافتج يا كويت

لووووووووووووووووول تخيل بس
كل ساع افتح الغرشه اشم غبار الكويت
لوووووووووول

شوف لو الغربه في باريس والا روما جان يهوووووووون
بس بين الثلج والغلقه بالشتا
والجو ساعات يصير حده كئيييييب
تكره حياتك
الحمدلله على كل حال
تعدي ان شاءالله
:)

vancouver said...

الماس

ايا النزغة
انا حاطه البوست اكسر خاطركم
مو عشان تجكجكين وتصفقين
وتطقين رقبه بعد
لووووووول

الحمدلله عدت ايام العواصف والجو تسنع

حياج الله
_--------------------------_



ديزيرت روزز


شفتي شلون
هاهاهاها
ما عندي سالفة صح
؟
هههههه


يا سلااااااااااام علييييييج
فهمتيها
هاهاهاها
لا والله انا بالنسبه لي مساله مبدأ
ومنو فيهم الافضل
بس
ومخليه ال
Charm
حقكم
لووووووووووووووول


حياج الله
:)

Anonymous said...

اللة يعينك
وعين من معاج

Barrak said...

ابي اهج من الديره
كلامج صح
ميت على سفره
بس مالله كاتب
بعطيج رساله وصليها للناس اللي يتعالجون بالمستشفيات عندكم
قوليلهم يقولكم براك ولد بوبراك ياخبول لو تجابلون الغبار بعز الشتا مو تعالجون الا تاكلون ثيّل بتشديد الياء
اخيرا انتي قلتي تعال جرب
انتي من صجك براك يركب طياره لمده 17 ساعه
انا سبع ساعات واصير حول هالدور 17 ساعه

Mok said...

:) خوش بوست

Anonymous said...

يا بطلة قصتنا بطيتي علينا في براك وقصة النهاية

Shaima'a Alkandari said...

كح كح كحححححححح


بس خلاص تيمدت وصرت مريضه

يختج بطلت بلوقج واييني ذاك الهوا البارد العاصف

وتثلجت بمكاني

بس حره احنا غبارنا غير تلقينه اشكال والوان
مااعتقد بتشوفون شي مثل اللى عندنا

Nora said...

الله على البياااااض
بس حلاته بعيد
;P


يكسرون الخاطر الشجرات الثلاثة
!
موت من بعد حياة سبحان الله
نبي صورتهم الله يعافيج لي ردت صحتهم
:)




و يمكن ما تصير عندهم حوسة
لانه اعصابهم مثلجة و تفكيرهم هادي
فااا نتايجه تكون مضمونة

احنا ربعنا نار و شرار
و اللي بيهدي يكت بانزين
!



===
ما نقول عيب عليكم
لأن الشخصية العامة لا تقبل النقد
و تأخذه بطريقة شخصية و كأن النقد موجهة لذاته مو لأداءه

و احنا حساسين و مشاعرنا مرهفة
فاااا ما نحب نجرح بعض
حتى لو من باب النصيحة
ما تشوفين الوضع جميل جدا
على كل الاصعدة
:D

يبيله 3 بلوفرات و طشت هوت شوكليت و مجابل هالفريز يااركم الله
:**

الزين said...

برررررررررررررد

وااااااااي
لو انا ما اطلع من البيت

ما احب البرد الوايد جذيه

اوكيه برد وتلبسين هدوم تدفين
بس هالشكل

هووووونت
ماني زايرتكم بالشتا

:)

ولهت يالقاطعة

:**

الزين said...

ولهت عليج يالقاطعة

كلمة عليج سقطت سهوا

:))

enter-q8 said...

لماذا بعضنا يخشي ان يقول كلمة
عييييييب عليك يا فلان
حتى لا يفهم خطأ

لأنهم يا سيدتي بإختصار
لا يعرفون العيب

Anonymous said...

zZzzZZZzzZZZzzzZZZzzzZ
zZzzzZZZzz
ZZZZZzzzzzzzzzZZZZzzz
ZZzzzzZZzzzzzZZz
ZZZzzzzzZZZzzzzzZ
ZZzzzzzZZzzzzzzzzZZZZ

خلص لشتا ودخل الصيف وليلحين بوست الثلج

عثماني said...

قلت بمر و اسلم على اخيتي فانكوفر

:)

شلونج يا بنت؟؟

تبون اندز لكم كنابل ؟؟

:)

magnoonah said...

وااااااااااي
ونااااااااااسه
برررررد

:)))

كاسري خاطري لانج مليتي من هالجو

بس احنا محرومييين
شنسوي
:(


الصور تيننننننن
والله صج

واذا تبين الصجج كلش ما كسرتي خاطري لانه ما بقى شي على شهر 7 و8 وذاك الوقت بنكسر خاطر العالم بجونا التعيس


في مجال تخشيين شوية ثلج وتطرشينهم بالصيف لنا

حسنه قليله تمنع بلاوي كثيره
:)


take care
:)

Purplecious said...
This comment has been removed by the author.
Purplecious said...

فانكووووووووووفي

صباح/ظهر/عصر/مساء الخيييييير
بعد مالج حجه
يايه أشرب قهوتي عندج ولهانه عليج
:****

شلونكم و شخباركم؟؟

و بعد

شخباركم و شلونكم؟

ـ(يعني مغيرتها سالفة ثانيه هذه) ههههههههههههههههههه

ايييييييي

فانكوفررررررر
ترى لقيتلج اسم يديد

بسميج "كنافه" هههههههه
مادري ليش اسمج يذكرني بالكنافه
لوووووووول

لا تلوميني
بلشت بالدايت و قمت أقرا أسامي البلوقرز حلويات

اخذي عندج


عثماني= عثمليه

كريزما= كوكييز

دللي و مللي = كل و اشكر

كويتي بلوقر= بقلاوه

لووووووووووووووووول

مع العلم اني ما أحب الحلويات الشرقية وايد بس مثل ما يقولون: كل ممنوع مرغووووب

حالتي كسيفه أدري
ههههههههه

vancouver said...

حسافتج يا كويت

مشكووووور
ويعين الجميع ان شاءالله


_-------------------------------_


برااااك
تبي تهج بس ما تبي تركب طياره
17 ساعة
عيل وين بتهج
؟
الدمام
؟
لوووووول

شوف ماكو مكان بالدنيا مثالي
وصدقني حتى اللي باجمل مناطق العالم
اذا مفتقدين لمه الاهل
بيحسون بوحشه
العبره انك تكون وسط اهلك
هذا الدرس اللي تعلمته بالغربه
:(
نسافر
نغير جو
اوكيه
بس هجة لاااااا

الله يكتبلك سفره قريبه
توسع صدرك فيها
:)

vancouver said...

موك

وخوش طله
:))


_-------------------------------_



حسافتج يا كويت

ماعليه الاكبر قدرا
يوصل اخر واحد
:PPP

vancouver said...

شيماء الكندري


اسم الله عليج من البرد
شربي شاي زنجبيل
يقويج
هههههه

لا والله مثل غبار الكويت الاحمر
ماشفت بحياتي باي مكان بالدنيا
الله يديمها علينا نعمه
:))

يديم نعمه حبنا لتراب ديرتنه
مو الغبار
ههههه

حياج الله شيوم

vancouver said...

احلى انجنير

اي والله صاجه من بعيييييييد بس
لكن احذروا الاقتراب
هههههه

اي والله من كثر ما الاجانب باردين
ودج تكفخينهم ساعات على برودهم
هههه



المشكله انه بكل العالم
الشخصيه العامة تكون اكثر شخصيه قااابله للنقد على اداءها
الا عندنا
يصيرون مقدسييين
:\


حياج الله مهندستنا

vancouver said...

الزين

هلا بالطش والرش
زوزوتا
يوم يومين ما تطلعين
بس سنين
خلاص بتتعودين وغصب تطلعين حالج حال الاوادم

حياج الله بالصييييييييف
عشان نلبس شورتات
:PPP


ولهت عليج العافيه
حبيبتي ادري اني مقصره
سامحيني
عادانتي قلبج كبيييييير
:)))

vancouver said...

انتر كويت


صح لسااااانك
يبتها
!

_--------------------------_



حسافتج يا كويت
Shhhhhhhhh
Shhhhh shhhhh shhhhh
لما الحين نايمه بالبيات الشتوي
اش حقة تقعدني
؟
:P

vancouver said...

عثماني

ياهلا ومسهلا
بالغالي اخوي
عثماني
حيالله من زارنا
تفضل على فنيال قهوه
:)))

مشكوووووور
كنابلكم ما تسوي شيء
عندنا ديباجات محشيه
ريش بط
وفيها تدفئه كهربائيه ذاتيه
:P

مشكوووووور ياخوي
جان بتطرش شي
طرش لنا رهيشااااااات
:)))

vancouver said...

مجنونه

اهلييييييييين بالغاليه
عليج بالعافيه الونااااااااسه

صااااااجة
انتوا ما بقى شيء على اللواهيب الله يعينكم
واحنا الحمدلله بنودع الشتا
ونستقبل الربيييييع
:DD

جان بخت اطرش حق الكويت سنو وبرااااااد
جان بخت

حبيبتي
حافظج الله

vancouver said...

بربلوووووووووووشتي

حيالله من زارنا
ونووووورنا بزيارته
القهوه وصاحبه القهوه تحت امرج
تدللي
تركيه فرنسيه عربيه موزنبيقيه
حاضرين
:))

تبينها بوش والا بقفا
:PP

حلوين وطيبين

طيبين وحلوين
:D

لوووووووووووول

صارلي شهرين كللللللللللللل يوم اقول
ببتدي دايت
ولما اليوم ولا شيء
:(
يالله لقيتلج فكره البوست اليديد
كتبيلنا الدايت مالج
ويومياتج معاه
اشراااايج
:)
نسوي حمله اسمها محاربه الكيلوات السبعة

بنزل سبع كيلوات
ماني قادره
:(((((

انقذيني
وانتي تدرين اني محتاجته اتخلص منهم جريييييييييب وجريب وايد
:)

كل الاسامي اللي منقيتهم للبلوغر حلووووه
ههههههههههههه

وازيدج

جولي = جلي

:))

Q8DOLL said...

كل عاا وانتي بخير فانكوفر
وكل سنه وانتي بأحسن صحه
يا احلا أم
:*

S i m p l e said...

تصدقين انتي من الناس اللي شاركت
سويت لي بلوق علشانهم اقصد يعني
اكتب لهم كومنتس
صراحه بلوقج ماقريته مره والله اكثر من مره وكل مره استانس اكثر من المره اللي قبلها . على فكره بلوقج خلاني اروح الجامعه مواصله :P
الله يعينكم على هالبرد :"\
بس صراحه اوباما طاح من عيني
كنت معاطفه معاه بالأول لكن الحين
كلهم واحد :\
صرنا انتابع اخبار الانتخابات في بامريكا اكثر من اخبارنا مو امريكا حاكمه العالم لازم نشوف منو بيكون
رئيسنا الجديد :p
تسلم يددددددددددج يافانكوفر على كل بوست كتبتيه وعلى كل كومنت
استمتعت جدا وبانتظارج
:D

mowa6en said...

والله الصراحة ما اعرف هل أقول الله يعنكم عالثلج والا اقول الله يهنيكم بالثلج ..

سؤال محير بالنسبة لي ..
و سؤال يحتاج الى دراسات وبحوث دكتوراه

charisma said...

كل عام وانت احلى ام
:**

DiLLi O MiLLi said...

كـل عــام وأنت أطيــب أم
:*




كل ما دخلت بوستج هذا أستبرد
:)
قمت ألبس جاكيت قبل لا أدخل بلوقج

يالله وينج يا كسلاااانه
نبي بوست يديد .. اللي بعده


:)

صقر قريش said...

فانكوفر خلاص بييكم فانكوفر راح تشوفيني بالتلفزيون واحد لابس قميص وشورت جني رايح هاواي وسبب التصوير ان رايح البس معاهم غترة وعقال !! شرايج :).

Anonymous said...

بنتضار جديدج يا فانكوفر

الدنيا خيسة بالكويت وأنتي حاطة فلج بو صالح

سدرة العشـــاق said...

الله ونااااسة ثلج

تصدقين على ال6 سنين اللي قعدتهم في امريكا ما شفت الثلج إلا يومين بس لا و بالصيف يعني ما شفت الثلج السنع

ابييي

Aldenya said...

وينش يا ست هانم


فاقدينش

vancouver said...

كويت دول
حبيبه قلبي
وانتي بصحة وسعاده يارب
واشوفج احلى وارقى ام بالدنيا يا دول

:**
بعد قلبي ما قصرتي على اللفته الحلوه
في بوستج الاخير عن الام
:***

vancouver said...

سمبل

ياهلا ومرحبا باهل قطر كلهم
اول شيء انا تشرفت بوجودج وقراءتج لكلماتي
ثانيا انا ااااااسفة اني سهرتج وخليتج تواصلين ليما الصبح والسبب هذرتي
:\
على فكره انا طالعت صورج بفلكر
ماشاءالله واااااايد حلوين
فنانه يا سمبل
:)
بس ليييييييييييش اوباما طاح من عينج
شنو السبب
؟
حياج الله ونورتيني
والصراحة كومنتج اخجلني جدا
وخله خدودي يصيرون حمر
:P

vancouver said...

مواطن

احسن شيء تقول
الله يهنيكم بالثلج ويرجعكم ديرتكم حق الغبره
:))
باسرع وقت
:)
حياك الله

vancouver said...

حبيبتي كرموووووزه

وانتي أحلى صديقة واخت وشيخة البنات كلهم
:***

vancouver said...

دللي ومللي

حبيبتي وانتي أحلى ام واخت وصديقة
:***

هاهاهاهاها
انا بالعماله ماغيرته
عشان ابرد عليكم بالكويت
هاهاهاها
والله مو كسل
الا من ضيق الوقت والشغل
لهيت عنكم
السمووووووحة
:**

vancouver said...

صقر قريش
حيااااااااااااك الله
تعال نورنا بكندا

هاهاهاهاها
لا لا خلك بس على القميص والشورت
بلاش فضايح
هههههه

عاد الشماغ موضة هالسنه
عند الحريم والشباب في كندا
بس يلبسونه سكارف على الرقبه
:))

vancouver said...

حسافتج ياكويت

يا حلوك وانت تقول فلج بوصالح
هاهاهاهاها
اي اي حاطته بالعماله ابرد عليكم شويه
هههههههههه

الله يعينكم يقولون غبار
امس واليوم عندكم
:(((

vancouver said...

سدره العشاق


افا طااااااافج
لاحقة خير
زورينا الشتا الياي ان شاءالله وبتكرهين شيء اسمه ثلج
هههههههه

نورتينا
:)

vancouver said...

الدنيا
بعد قلبي
:**


انا كاني موجوده بس والله لاهيه ومشغوله حدي

بعدين انا مو الست هانم
انا مودموزييييييييييل
لووووول

ميرامار said...

شسالفة النجرة؟

Unknown said...

اهل فانكووفر طلعتوا مثلنا والله :) الله يعيينكم ويعينا معاكم :\ وهذا اول تعليق في مدونتج بعد ما كنت مجرد قاريء :)

الميس said...

مرحبتييييييييييين فانكوفر ..وحشني البوست
من الزحمة ..نسيت أمرج بس اليوم زاير من كندا مر علي ..جان اتذكرج ..لاتكونين انت ؟؟؟
حشا مصيدة مسوية مش بوست ..هههه
أقول لين الحين عندكم ثلج؟؟
ترى نحن اللي استوينا نكسر الخاطر ...بس من زود الحر
تحياتي