CLICK HERE FOR BLOGGER TEMPLATES AND MYSPACE LAYOUTS »

January 20, 2008

MONT TREMBLANT !

MONT TREMBLANT !
رحلتكم اليوم في البلوغ بتكون غييييييير شكل


لاني باخذكم معاي الى مكان عجييييييييب


وايد متحسفة اني ما اكتشفته الا متاخر


اقصد كنت اتمنى لو كل سنة طافت علي


بشتا كندا ازور هالمكان


طبعا كندا مثل الكويت بالسياحة


فيها اماكن حلوة بس التسويق والدعاية لها جدا ضعيفة


عكس امريكا اللي اشبهها بدبي


يعملون من الحبة قبة


وياما شفنا دعايات حق اماكن سياحية وماتكون ذاك الزود


بس الدعاية مع التسويق الصح


يجذب الناس


المهم


انتوا مستعدين للانطلااااااااق


هاهاهاهاهاها


يالله ركبوا الماجك كاربت وخن نطير الى


ولاية كيبيك الكندية


هذي من الولايات الفرنسية اللي احبها


الناس نزااااكة


الشوارع شيااااكة


ههههههه


باريسية الهوى


اوروبية الولاء


كندية الجنسية


لووووووول


قررنا بالعيد نسافر حق جبل من جبالها


بعد ما شفت سايت على النت للفيلج


اللي فيها


بس ماااااااا توقعنا الصراحة اللي بنشووووووفه







اسمها جبل ترمبلانت وبالفرنسي

مونت تريمبلا

فيها فيلج سياحية عجيبة

بالصيف تكون وجهة رئيسية لمحبي الجولف

لوجود مساحات خرافية من المسطحات الخضراء

بالاضافة الى الشواطيء الصناعية على ضفاف البحيرة الكبيرة

اقصد يعيشونكم جو البحر او المحيط

لكن بماااااي حلووووووو ههههههه

لانها بحيره فوق الجبل
يالله قبل ما نطلع من الفندق
رموا عضموكو

هاهاهاها
اتفضلوا معاي على ريوقي البسيييط


ياربي كله كوووووووووم والزبدة كووم

من كثر ما عجبني نزاكة الشكل ماكان ودي اهجم عليها

هههههههه

ترى بالولايات الانجليزية

جعوص وهلاقة

حتى باكبر الفنادق

ما يهتمون بالتفاصيل الصغيرة

بس انا قتلكم

كيبيك ومونتريال احب الجو الباريسي فيهم

ها خلصتوا ريوق والا بعد؟؟؟

يالله زتكم ترى ورانا دررررررررررب وطيحااااااات ومغامرات

ههههههه

اسلوب دبي التشويقي


لوووووووول


طلعنا من الفندق وبنتجول بالفيلج

المجكنمة


الحلووووو انه زرناهم قبل الكريسماس باربع او خمس ايام

فكان التزيين والليتات بكل مكان


والمنظر ابدع بالليل


طبعا


المحلات متنوعة على اليمين والشمال والمطاعم والكفيهات على افا من يشيل


يعني فيلج صغيرونة فيها 45 مطعم وكافيه




بطريجنا اشرايكم اودي وليدي الداي كير


لاني مااقدر اخذه معاي للتزلج


ما هجيت انه المكان على هالمستوى والسعر حيل مناسب


يعني كل 3 ساعات ب90 دولار


تقريبا


مايعادل


25 كويتي


والمكان وسييييع ونظيييف والالعاب تشوق


واااايد ارتحت اني اخلي ولدي هناك كل يوم لما نروح التزلج

الصورة اللي فوق حق محل العاب اشرايكم اساحل ولدي بلعبة قبل لا اقويه


لووووووووووووووول



شوفوا تكفون بس الصورة اللي تحت

حق ولدي وانا مسويتله جلوبال وورمنج ذاتي


شسوي ترى الحرارة مع الوند شيل توصل 17 تحت الصفر


!!!!!


تراه عصل بس من الهدوم متفخ


ماله داعي اعدلكم القطع اللي عليه


بس ترى لابس 3 كبابيس


الاول على الراس ويغطي الاذون


الثاني ينلبس مثل البخنق عشان يغطي رقبته عددددل


الثالث اللي موصول بجاكيت الثلج وهو في الحقيقة مكون من طبقتييييييين لووووووول



احس بقيتوا من الحر من وصفي


هاهاهاهاها


وخل يطلعلي بلوغر الحين يقولي ليش خاشه ويه ولدج

ترى اشطب اسمه من الرحله

لوووول

اشرايكم اتنفهون بهالمنظر اللي يرد الروووووح


لا لا شباب لا تفهموني غلط
مو حاطة صورة نانسي


لوووووووول





المدينة فيها 4 مستويات للتزلج


انا عن نفسي عليمية


على كثر سفراتي من قبل من وانا صغيرة لمناطق الثلوج


كان حدهم الاهل يقصون علينا


بتحذف كور الثلج


بس ما كنا ابد ناخذ دروس


او حتى نجرب التزلج بالالواح الخاصة


المنطقة فيها على الاقل حسب اللي شفته 4 انواع للتلفريكات منها المفتوح ومنها المسكر بكباين


عاد زوجي قص علي وقاللي المسالة هيييييييينة

شوفي اليهال ماشاءالله قاعد يتزلجون يالله خل ناجر الادوات وننطلق

الادوات تاجيرها كان معقول ليوم كامل بس يحجزون الف دولار على الكريدت

لو حصل اي كسر او ضياع لها


ديروا بااااااااااالكم


لا توهقوني


كل واحد لوسمحتوا يعض على ادواته بريوووووووووله وضرووووووووسه



احم احم هذي انا اللي فوووووووق هاهاهااهاها

فرحانه بزلاجاتي هههه

تخيلت المسالة سسسسسسسسسسسهلة وعلى اولي صعدت المستوي الاول


من غير مدرب ولا بطيييييخ


طبعا تشجعت لاني شفته متروووووووووس يهال اعمارهم 4 و5 سنين


ترى عندهم مدرسة حق عيالكم لتعليم التزلج


يطلعونهم ابطال بالالومبياد باجر


بعد اشتبون


؟
وصلت لقمة المرتفع


من تحت شكله منبسط


بس لما رحت فوق بغيت ابجي


اهيء اهييييء

زوجي للمرة الالف قص علي

وقالي نزلي على طول واذا بتطقين بريك سوي رقم 8 بالزلاجات وبس

على اولي

نزلت


اطق برييييك

يالطيبة وقفي

وقفي

!!!

كل مالي ازييييييد بالنزول والسرعة

حسيييييييييت قلبي بيوووووقف

لانه بنهاية المنحدر يهااااااااااااااال

يعني اهمه بيصيرون مصدات الرياح


وانا الريااااااااااااااااااااح

لووووووووووول

شسوت فانكوفر


دبووووووووووووم




دبغت على الارض


حق الشماتة ياسسسسسسسسسسعد


لووووول


بس ابت المروءة علي اني انهي مغامرتي على اول طيحة


والله وكيلكم


من 12 الظهر الى 4 العصر

وانا طييييييحات متوااااصلة

لما الحمدلله

تزلت المنحدر كله من غير ولا طييييحة


اهني انتقلنا ثاني وثالث يوم للمستوى الثاني اعلى واحلى بصرااااحة


هذي صورة فندقنا فووووق وايد كان موقعه استراتيجي


وفيه خدمات وااايدة مو متوفرة في فنادق ثانية


يعني بدل ما توقفون دور لتاجير الادوات


ممكن تاجرونها من الفندق


فيه سبا عجيب وكبييييير مو مثل اماكن ثانية كل


مارحتوا تحجزون بنفس اليوم قالوا فل


والجيم بعد ما يحتاي


المهم اللي بيطيعني ويحجز فيه

اهوه الفيرمونت

طبعا للعوايل الكبيرة

انصحكم تاجرون فيلا كاملة

عندهم فلل مستواها 4 نجوم

اتمنى الرحلة عجبتكم

:)

ان الله اراد نزلت جزء ثاني

مع مغامراتي

وكاثرين زيتا جونز؟؟؟ ومساج الصخور!!!ها شوقتكم ؟؟هاهاهاهاها


اخليكم مع المسبح الخارجي والجاكوزي


بوسط الثلج


بس حرارة الماي 37 يعني من حرارة الجسم


زوجي طب فيه
وانا اطااالعه من داااخل الفندق وميييييتة من البرد

بغيت احط صورته واهوه طاب في الحوض ووسط الثلج

بس خفت على حلالي

لووووووووووووووووووووووول








بنهاية الرحلة نتمنى انكم قضيتم اوقات ممتعة بصحبة فانكوووووفر ايرلاينز

لوووووووووووووول

لا لا
فانكوفر تورز

ونقدم لكم بالنهايه هذا التريت البسيط

تعبيرا عن امتناننا لكم لانكم ما كسرتوا الزلاجات ووهقتوني
:)


احلى شيء

كل مساء عقب العشا

ناخذ القهوة

ونجابل هالمدفاة العجيبة

اللي تذكرني بقعدات الدوة والبر
عاد اليوم مكلمه امي واتقولي مجااااابله الدوه والشويهه
والحراره بالكويت زمهرير ههههه

بس الفرق في دوه كندا انه بدال الفحم

خشب هاهاهاها

ترى ريييحته تينن لما يشب

انا ادمنت ريييييحته

لوووووول



بكل عاير تلقون دوه جامبو من هالنمونة

هههههه
شغلات بسيطة بس انا واااايد اقدرها
بالاماكن اللي اسافرلها
سفره ممتعه والى اللقاء
هههههه


مع تحياتي

فانكوفر




69 comments:

Q80 Blogger said...

لو سائلتني من زمان جان علمتكم

مكان عجييييب صج
بس والله الحسافه اني قعدت فيه يوم واحد

بس احنا كنا مأجرين بيت كامل مع الشباب .. صج شغل عدل

والمره اليايه جربي السنو بوردنج
تره أحلى :)

عاد الصيف ياييلي اهلي .. بروح اشوف المنطقة بالصيف اشلون صايره

خووش رحلة والله والصور عجيبه

بس ولدج ليش جذي ؟؟؟؟؟؟
حرام عليج

الي يشوف جسمه يقول اشكبره .. اشوف راسه .. يحليله صغيرون .. بس انتي خانقته مسكين

واشاركج الراي .. الولايات الفرنسيه وايد أحلى .. وتعجبني أكثر
بس تره في مناطق في كيبيك .. مايردون عليج انجليزي معنهم يعرفون .. بس متعصبين حق ثقافتهم بشكل غير طبيعي

يعطيج العافيه على الرحله الجميله
وهل مره باخذ راي شركتج .. فانكوفر تورز .. حق الصيف مع الأهل :)

سلام

فتى الجبل said...

حرام عليج
ماعندي اجازة وانتي شوقتيني على السفر

Mohammad Al-Yousifi said...

يا ليتنا كنا معكم فنفوز فوزا عظيما

Manal said...

ما شاء الله


خوش موضوع
خوش رحلة
خوش مكان


عليكم بالف عافية

ما سنحت الفرصة اني ازور مكان ثلجي
بس ولدي فتح لنا باب التفكير في الموضوع من مدة
بعد ان ذهب في رحلة مدرسية لمدة اسبوع لتعليم التزلج
وصار عندة هوس التزلج

شوفي صورة وليدي حبيبي
http://www.flickr.com/photos/9ala7/519898482/

وما شاء الله
اخذ الميدالية الذهبية في نهاية الرحلة عندما شارك في سباق التزلج مع اصدقائة


انتي الان
شجعتيني اكثر واكثر ان اتجرا واحجز

بس عسى ما تعورتي من الدبغة؟؟
يالله كل طيحة فيها تعلومة

Eng_Q8 said...

عليكم بالعافيه

joy said...

وناسة الله
القرية اتشوق بيوتها

والثلج ترا ما شفته اللا مرة ابحياتي قبل سنتين بلبنان
ويوم اجرنا كل اللي بالمحل قمت ابجي واصيح الدة وايد ثقيلة ما اقدر امشي لين الثلج تلني المدرب لين هناك
وصلنا الثلج وخقيت كلله يهالو صح شكله سهل
بس حمدالله والشكر ماكولياقة ما مداني خطوتين جان افصخ كل شي وقعدت بالقهوة
رحت التلفريك ونسيت انقز جان ادبغ على ويهي
يعني باختصار تجربتي الثلجية بايخة


وولدج اصلا شوي اللي مسويته فيه انا بسوي نفس للي سويتيه
:)

عليج بالعافية انتي وحلالج جانزين حاطة صورته اثرتي فضوللي

Mamloo7a Q8ia said...

الله شكلها عجيبه هالقريه
ان شاء الله السنه اليايه نزورها
بس انت عليج تسوين لنا الحجوزات
شوقتينا عليها

وما شاء الله مو مخليين شي
كل شي لاقي مكانه

هههههههه
عجبتني العزيمه القويه وخاصه مع الطيحات

الصور عجيبه والرحله عجيبه استمتعنا فيها

وولدج مسكين مسويه له تدفئه ذاتيه
بس ما الومج اذا هذي درجة الحراره

الله يخليه لج ويحفظه

vancouver said...

كويتي بلوغر

لا تو الناااااس
شوفني انا شزيني بس سافرت
حق
هالمكان قلت خل افيد ربعي
يمكن احد يحب يروحله

يالله نبي بوستات كلها سياحيه
عن الاماكن اللي زرتها وعجبتك

يووووووووم واحد مااايسوى كلش
انا قعدت فيها
خمس ليلات
ومتحسفه
كنت ابي اكثر
بس تدري عطلة الكريسماس
مع عيد الاضحى
ما ضبطت

سنو بوردنج حرااااام عليك
انا شفت الشباب الكويتيين والسعوديين
واهمه يجربوووووونه
اخترعت

انا اعد واحد اثنين لما السبعة يالله اطيح
اهمة يعدون
واااااااا
ويطيحون
حتى ما يكملون الواااااحد
لووووول
يقولون لك بالصيييييف
عجبه
تينن
كل البكونات نازل منها ورد
والخضره عجيييييبه

هههههه
ولدي مو بس صغيرون عصصصل
هههه
كلش ولا يستمرض بالسفر مالي خلق


اي اي ادري الفرنسيين رافعين خشتهم
هاهاهاها
افا عليك
اي سؤال حاظرين
مع فانكوفر تورز
هههههه

vancouver said...

فتى الجبل

ههههه
لاحق خيير ان شاءالله
ترى كل سنة بالشتا ينزل عندهم ثلج
هاهاهاها
عوضها السنة الياية ان شاءالله


_-------------------------------_


كله مطقوق

الفوز العظيم بالجنة مطقوق
:)
بعدين شنو ليتني معاكم
عيل انا حق منو مسويه الرحللللللللله ؟؟
كل الناس طلبوا حلو واحد
وانته عطيتك اثنين
اشتبي بعد
؟

vancouver said...

منال الكويت

الله يعافييييييج حبيبتي
زييييين اللي عجبتج الرحلة

تدرين خطوط الاتحاد مسوين عرض
اسبوووع كامل حق بانف
مع التذاكر والاقامة في الفيرمونت
احسن فندق هناك
مع الافطار
كله ب
800 درهم
يابلاااش
لا والطيران دايركت الى تورنتو
ترى مدينه بانف تعد من اجمل المناطق بالعالم كله

يالله حياااااكم

حساااااااافة ماطلعتلي صوره ولدج
طلعت برايفت

:(

ماشاءالله على ولدج
الله يحميه


سلااااامتج ماتعورت
بس كل جسمي
زروووووق وكدمات
اسبوعين يالله راحت

Anonymous said...

واى يمدتتتتت بالرحله
برررررررررررررد
حاشتنى نفاضه وانا اقرى البوست
لبست الكوت ورديت اكل البوست

حرااام عليييج وكسر خاطرى اولييدج
ههههههههههههههه
بعد عمرى والله شلون يتحرك بكل هالطبقات خنت حيلى والله
:** هذا حقه
:)

نرجع لفانكوفر
الرحله اتشوووق عليكم بالف عااافيه بس برد فانكوفر برررد
:/

واثرييج خطيييره تزحلق وحركاات
هههههههههههه
علمييينى انا فاااشله
:))

الريوف حدا ناازك
يختج يا حلو النزااكه تفتح النفس والشهيه
خووش ريوووق
ناطع على صاحبت التور
:*

موتينى ضحك على خفت على حلالى
هههههههههههههه

الله لا يخليج حبيبتى
ههههههههه
يختى يا حلاة خف طينتج
:))

عجييب البوست
بس اقرب زياره لكندا ابييج اضبطينى
:**

كريزما
من الدوام
://

Najmah said...

الللله
وناااااسه وناااسة

خلاص قررت ايي ازورج
بس على شرط
انتي تدربيني شلون اتزلج
:P

عثماني said...

فانكوفر ...شلونج؟؟

دبغة العافية ان شاء الله

عسى الزلاجات ما صار فيهم شي؟؟

بعد تدرين حق الناس يتكسر !!؟ مو حلوة

:)

استمتعت بهالرحلة .. خاصة اني من هوات السكي ..الله يهنيكم

حافظكم الرحمن

Manal said...

:-))


والله ضحكتيني

حبيبتي انتي

شوية زراق؟؟

!!

ما تشوفين شر

كمادات دافية تفي بالغرض
وتصيرين احسن بسرعة



بالنسبة للرابط
شوفي هذا البلوق

في صورة وليدي

http://9ala7.blogspot.com/2007/12/blog-post_11.html


وبالنسبة للعروض
انا ابيها من لندن

بس دزيلي اللنك بتاع الفندق
وانا خبرة بتجهيز الرحلات


تسلمين عزيزتي

darkness said...

اول شي الله يخلي لج وليدج

ويسلم قلب الصبياااااان

:)

و يا رب تشوفينه مثل ما تمنين له

و يطرح البركه فيه و يكون من الذريه الصالحه

و يشفع لج يوم القيامه

و بالنسبه للرحله حدها تشوق و لا شكل حمام السباحه

غيييييييييير

عليكم بالعافيه

ننطر مغامراتج القادمه

ولد الديرة said...

تونس

meaning it amuses not the Country :P

ولدج ما شاء الله ابتسامته حلوة :)

انا راعي فيغر سكيتنغ سكي مو لعبتي

حافظكم الله

vancouver said...

انجنير كويت
الله يعافيك
:)

_--------------------------------_

جوي
هلا هلا فيج
اي والله القريه عجيبة وعندي واااايد صور لها بس ما اقدر كلهم احطهم
يبيلهم 20بوست
ههههه

صاااااجه انا اشهد انه التزلج واااايد صعب
تدرين اول يومين ساقي من تحت الركبه وااااايد كانت تشخص من العوار والسبه جوتي الثلج
من كثر ماهو ضاااغط
تعذيييييب
لوووول

ههههههه
عيل اثرت فضولج ها؟؟ لوووول

بحط صورته عشااانج

بس
وهو غاطس بكل جسمه بالحوض
لووووول
الله يعافيج
:)

vancouver said...

مملوحة

ياااااااهلا بالملح كله
:)
حيااااااج الله السنه الياية واذا انا موجودة من عيوني افررج بكندا

والله اهي مو عزيمة قويه
كثر ما اهي مقصات علي من زوجي
لووووول
شجعني ارووووووح
عشان اطييييييييح
ويضحك علي
:)


اي والله وليدي مسكين على كل اللي ملبسته
وهم بين كل نص ساعة
اجيس ايده من تحت الدسوس
اخاف مستبرد واحنا مو حاسين
:)
حااااااااافظج الرحمن

حبيبتي
:**

vancouver said...

كاريزما من الدوام
:)

هلا هلا عيل وين كاريزما شوكليت باااااار
;P

اي والله انا حطيتلكم البوست
عشان تحمدون ربنا على البرد اللي عندكم
:)
حبيبي وليدي كان يمشي مشيه البطريق
شايفة فيلم هابي فييييييييييت
لووووول
ولدي كان جذيه فقير
وكل ساع يمشي ويتعرجب بروحة
ويطيح
هاهاهاها

الله يعافيج حبيبه قلبي
افا عليج شرط ان تزلجتي تتولعين فيه
ترى حده وناااسه

هههههه


حياااااااااااااج الله
ان شاء الله
تزورين كندا عروس
قولي امين
عاد ترى حدها فيها
اماكن رومانسيه للهني موون
;)

اميييييييين يارب

:******

qesat_5ayal said...

استمتعنا بهذه الرحلة

ممتعة وفعلا اخذنا فكرة عن هذا المكان
:)


حسيت نفسي معاج بس المشكلة اني حرانة
:P



الله يسعدج

vancouver said...

نجمة

حياج الله حبيبتي
غااااااااااليه والطلب رخيص

بس اذا تبيني ادربج

عيل رحتي وطي
لووووووووووووول

_--------------------------------_


عثماني
حياالله اخوي العزييييييييييز

الحمدلله انا زينة
لوووووووول
مت من الضحك على
دبغة العافية

مو جنها مسبه ذربه
لووووووول
لووول


اشششششششوه رجعوا مثل ما خذناهم

دام انك من هواه السكي
لااااااازم تيي كندا
ترى اكككككثر
شيء فيها يونس
منتجعات التزلج
حيااااااااااااك متى بتزورنا
؟؟

vancouver said...

منال الكويت

ههههههههههه
لا لا مو شويه جسمي كله زووورق والله
مع كدمات بنفسجية
اتقولين داشه مبارة ملاكمة
هههههه

الشر ماييج
لا الحين راح الحمدلله

سلم قللللللللللللبه
وليدج ياحليله
وشفت صور بنتج بالفلكر
بعد
سلم قلبها
الله يخليلج محمد وفطومة
:))

من لندن والله ما اعتقد الاتحاد تمر عليها
لانها دايركت حسب ما قريت بالاعلان
من الامارات الى ابوظبي
وبعدين طيران داخلي الى بانف
بس ترى حتى
جبل ترمبلا
فيه مطار دولي
وفيه
رحلات دايركت من نيويورك
فيمكن تحصلون من لندن
شيكي على سايت اكسبيديا
للطيران

رابط الفندق
اللي حجزنا فيه
http://www.fairmont.com/Tremblant/

وهذا نفس الفندق
في بانف
http://www.fairmont.com/banffsprings/


الله يسلمج
:)

vancouver said...

منال

قصدي من
الامارات الى تورنتو

طيران الاتحاد

:)

vancouver said...

داركنيس

مشكوووووووووره
ربي يخليلج كل من تحبين

اميييييييييييييييين
حبيبتي
مشكوره على الدعاء
اللي يشرح القلب والله
:)))

الله يعافيييج
اشوه انه الرحله عجبتكم
وناااااالت احساااااانكم
هههههههه
:)

_---------------------------_


ولد الديره
ههههههه

تونس والا المغرب
؟
خخخ

فييييييييييييجر سكيتنج مره وحده
يالظااااااااااااالم

يعني من النيك نيم مبين
حده حده
تمشي خط واااحد لا يمين ولا يسار
اذا انت راعي فيجر
سكيييييييييتنج
لازم النيك نيم
نيكولاس تشيكووفيتش
لووووووووووووول

vancouver said...

قصة خيال

الحمدلله انكم استمتعتوا

وناااااسة

مره ثانية
اقري البوست وانت فاتحة الفريزر
ومجابله اللاب توب

راح اييج احساس انج معانا بالجو
ههههههه

Anonymous said...

van. ur kid doesnt feel the coldness as u do. as the size increases the perception of heat increases; do not worry about him:)

والى يرحم والديك مله داعي صور اكل دحنا غلالابه . قريت الموضوع بدقيقة ومجابل صورة الاوملت ثلث ساعه:(

5roofa said...

لووووووول بالعافيه عليج يارب

وااااااي ذكرتيني في
لايك تاهو بامريكاا

امبي نفس الريوق بيض و هذا البطاط المربعات صح؟

امووووووت علي محد تفخني بالسفر غيره ناكله جنه بنك لووول

عاد صج كانت امنيتي اتزلج بس خفت و ما تشجعت و ظليت انا و خواتي مثل البطات متسدحين بالثلج نسوي
snow angel

لوووووووووول تحسين عايشين دور الافلام واد

بس امبي الجكوزي اينن والله ماعندج سالفه ما طبيتي في

وناااسه شكله

و يختي على ولد سلم قلبي والله زين منه مطاوع و قاعد لابس كل هذا لووول

بالعافيه عليج شوفي الرحله اليايه عفيه ودينا مكان دفا انا ميته من البرد و اشوف ثلج ابرد زياده
:p

الصراحه انا استمتعت بالرحله بس ماكو كيك دايت
:p

تشرط ادري

thanks 3ala el sweet post

salamz sweetee...

Reflections said...

عليــــــــــــكم ألف عــافيـــــــــة


كلش ما أتخيل نفسي أتزحلق
لأني أم الدبقات في الوضع الطبيعي
هالنّوب بالثلج؟ حدّي بادبق و أتربع أشوف الرايح و الراد

looool

esTeKaNa said...

مشاله مشالله
خوووش سفره
مادري اشلون طارت الايام
-------->عايشه الدور اني سافرت

:pP~
وي يا زين الصبيان
يا حبيبي يا قلبي
متنكر متنكر
لووووول
واي عور قلبي
وتقولين بتخلينه وتروحين؟
عور قلبي مسكييين
!!

وين الدبغه اشوف؟
وي اسم الله عليج الرحمن الرحيم
هذي عين ما صلت على النبي
اقري عليها
عين عين
انا شقت العيون طارت من عقب ذاك السامري بخيمة دلي
:))

اهم شي حلالج
لوووووووووووول
صاجة صاجة

فراوله said...

مساالورد والجوري
غاليتي الحبيبه
البوووووست
حده يشوووووووق مع اني مااحب البرد بس ودي ادبغ مثل مادبقتي علي الثلج
بس تدرين عليج بستين الف عافيه
:)
والله زين سويتي لبستي الولد
وتر احس هم شويه علي هالجو
مشكووووره وايد
علي الريوق
الذوووق مايهدي الا الذوووق
دمت بدفء وعذوبه
وثلج
ابدا
:)

ولد الديرة said...

لول

لا من صجي

بس عمري ما جربت السكي و شكله ما يشجعني ابد

احلى مكان بكندا عندي نياغرا

عثماني said...

فانكوفر

خلاص .. يايكم

صج بخاطري امر كندا

تزهبوا

:)

salfa3ajeeba said...

Ana radeet le3yonich ana radeet

w lich 7aneet methil ma y7en 7amam ilbeet:)

shlonich ya il'3alya, inshala dom mistansa
3leech ba2lf 3afya shakl ilmokan waaaaaaayed ishaweq bs 3asa mo iltee7a chayda:)
3sa rabby y'7ale lech ils'3ayer w oboh goly ameen.

thakarteny lama re7na
New hampshire w ilmodarriba min kithr ma iy2asat minny galt inty tedarebay bro7ich wana a'7eth
rab3ech le il level ilthany,
w 6ab3an ildab'3at malha waly:))

Vancouver mashkora wayed w jizach allah '7eer 3la hal lafta il6ayba w ildo3a2 7seeteah fe qlby,
ma gassarty sara7a madry shagool bs sij sij 7assateny eny mo bro7y, w marra thanya mashkoraaaaaaaaaaa ya il'3alyaaaaa:**

vancouver said...

انونيمس

حيااااك الله
كلامك صحيح وانا معاك بس والله قلبي ما يطاوعني كل ما احس نفسي استبردت اقوم ازيد الطبقات اللي على ولدي ههههههه

لووووووووووووول
مرنا باجر واسويلك كل اللي تشتهيه
مربين مجبوس
مطبق
برياني
موووووووووووو بس اومليت
هههههه
الاومليت ماكو اسهل منه
:)

حيااااااااك الله
_--------------------------------_



خرووووفه

هاللو سويتي
:)

الله يعافيج
هههههه
اي اي مربعات البطاط
هههه
لووووووووووول
عاد جان جربتي
صدقيني متعة الثلج بالتزلج مو بشئ ثاني

هاهاهاها
كل مكان تشوفين فيه اكل
لاااازم تطلبين دايت فود
هههههههه
خلاص ولا يهمج
المره الياية احطلج شيء لو كالوري
:)

سلااااااااااااااااامز

vancouver said...

ريفليكشن

الله يعاااااافيج يارب
لووووول بالعكس
لاااااازم تجربين
عشااان تكسرييييييييييين حاجز الخوف
هههههههه

حياااج الله

vancouver said...

استكااااااااااانه

هلا هلا عسى استانستي
عاد نبيج اتسوين خوووش دعاية
عند ربعج عن سفرياتنا
لووووول
عايشه الدور مرتين
ههههه

اي والله حتى انا عور قلبي لما تركته
اووووووول مره اهده بروحه
النزغة كان على بالي بيشتاقلي
لما ارجع اخذه
من كثر ماكان مستانس بالداي كير
ما عبرني
اناديه
ما يعطيني ويه اتصدقيييييين
ههههه



اهيه دبغه وحده بس؟؟
قولي دبغاااااات
على مدى ايااام
بس والله كانت متتتتعه
لا انا عقب السامري يحوشني شد عضلي
لووووووووووول

حياج الله استكاااانه
:******

vancouver said...

فراوله

مساء النور والبنووووووور
:)
يالله تعالي كندا زوريني وانا اسويلج رحلات سياحيه
:)
حرااااااااااااام عليج فراولتي
تدعين علي بثلج ابدي
:((((
لا ابي ارجع الكويت اليوم قبل باااجر


دمت بدفء وعذوبه وحنان ورومانسيه ومشاعر جميله ابديه
:)))))))))))

vancouver said...

ولد الديره

احلف عالمصحف
:))))

خلاص صدقتك
بس والله انا عمريييييييي ما تخيلت السكي متعة
جربها وماراح تندم
واذا ندمت
مالي شغغغغغغغغل
:))

نياجرا عجييييييبه
ان شاءالله اذا صار لي مزاج انزل بوست عنها
بس والله اكتشفنا وااايد اماكن حلوه بكندا
بس ماكو دعايه
:(

vancouver said...

عثمااااااااني
هلا وغلا
هذيييييييييييي الساعة المباركه
بتنوووووووور كندا بتشريفك لها
يا هلا ومرحبا بعثماني
العين تشيلك قبل المكان يا اخوي
اي مساعدة حاضرين
:))))
ونستني والله

حياااااااااااااااااااااك الله
بس وانته ياي ابيك
تكتب شهادة انك تحمست لزياره كندا من بلوغي
لووول
عشان اخذ كومشن من الحكومة الكنديه
:))))))))))))))))

vancouver said...

حبييييييييييييييييييبتي سالفه عجيييييبه

اللللللللللللله على ردتج الله
يا بعد عمري ونستيني بطلتج يالغاليه
وفوق هذا اتغنينلي بعد
:))))

هلا باللي لفاني ياهلا به
عدد دقات قلبي في غيابه
:)))))

الف الف الحمدلله انج طيبه وبخير
على شنو تشكريني
؟؟
اتصدقين لما قريب بوستج اللي طاف
والله صكت فيني الدنيا والمصيبه مو قادره اوصلج
حسسسسسسسسيتج حيل متضايقه وقلبي عورني عليج والله
هذا كان اقل شيء اسويه
والله دعيتلج بظهر الغيب ربي يفرجها عليج
الحمدلله انج طمنتيني
لااااااااا يكون تسوينها مره ثانيه
تشغلين بالنا عليج بهالطريقة
سااااااااااااااااااااالفه
انتي مو بروحج
كلنا خواتج
واخوانج
:*****************

Anonymous said...

الرحلة عجيبة و الصور عجبه

بصراحة أحترم ذوقك في قضاء الرحلات و أهم شي الريوق اللي يرد الروح في هالجو كله سكريات حق الدفا
بس ناقصه صمون فرنسي يمه جبن كرافت "حشا مخيم" بس بصراحة عليج بالعافية في هذه الرجلة الجميلة اللي تمنيت أكون معكم فيها

DanDash said...

تلج تلج عم تشتي الدنيا تلج تلج

صراحة حسستيني اني قلبا و قالبا معاج وناااسة ماشاء الله

والله ما تنلامين لما تلبسين ضناج هل اللبس هذا تلج مو حيا الله

و اكثر شي شوقني صراحة الريوووووووووووووووووووووووووووووووووق
"تحسين صج وحدة يوعانة:
لأنه صج شكل الأكل يشوقج و يمكن أحيانا رغم أنها ما تصير معاي بتاتا البتة انه شكل الأكل يشبعج

عليكم بالعافية على هل الرحلة الجميلة
والله يعينج على برد كندا

bo rashed said...
This comment has been removed by the author.
bo rashed said...

الرحله واااايد عجيبه بس مو جنه كنده نفس الكويت شوي قويه الكويت احلا شوي بالطبيعه
:P
ليش مغطيه ويه ولدج الله يحفظه
:)))
الله يوفقكم ويحفظكم يارب
تحياتي

صقر قريش said...

اختي الكريمة فانكوفر:

ولو أن شكل الرحلة مشجعة لكن انا يتني
حساسية من التزلج بعد الي صارلي بفاريا

بلبنان تزلجت وكل ما اتزلج الا انا طايح
بعدها حرمت بس شكل المكان عجيب انا

رحت تورنتو كذا مرة ماشوف فيها فرق

عن امريكا لكن المناطق الفرنسية

انا رحت الأصل فرنسا لاعت جبدي يمعوده

واحد عزوبي رايح فرنسا شيسوي ؟؟؟

المشكلة عبالي ناس فعلا على قولتهم اتكيت
(ياحلوها وانا أقولها لوتسمعني اختي تضحك علي :) )
الي شفتهم اللهم ياكافي خلوني اكره اغلب الأشياء الفرنسية عموما المهم استانستوا اما عن ولدج الله يخليه لج ويحفظه الله يهداج خنقتيه انا لازم اكلم حقوق الاطفال لازم يتصرفون اقول شكلي من زمان منطرد من الرحلة الي يايها متأخر :) استانس يابلوغر طلع المطرود انا :)

تسجيل اعجاب بمدونتج اختي فانكوفر بزيارتي الاولى والى الامام ميغسي.

vancouver said...

عتيج الصوف

شكرا من ذوقك :)

اي اي.. جبن كرافت ودقوس فلفل هههه
حياك الله

_---------------------------_



دندوووووشه

زين اللي حسيتي انج بالرحله قلبا وقااااالبا:)))

الحييييييين هديتي كل المناظر والمغامرات وركضه عالريوق ههههه

الله يعافيج حبيبتي
وحياج الله

vancouver said...

بوراااااشد
ههههه
لا افا عليك تشبه كندا بالكوييييييييت
كندا شبهها بالبنغال والكويت
بالبرتغااااال
هاهاهاها

بس بس حذفت اسمك من الرحله الياية
انا مو قلت لاحد يسألني ليش مغطية وييه
؟؟
بسااامحك هالمره بس
وبعدين ولدي يشبهني واللي يشوفه
يعني شافني
وانا استحي انشر صورتي بالنت
:)
هاهاهاها

مشكوووور عالزياره

vancouver said...

صقر قريش

ما عليييييييييه
تطيح وتكبر وتنسى
هههه
بس لا تخلي شيء يمنعك من الوناسه

لا شوف للامانه المدن الفرنسية عندهم ذوق وادب مو مثل الفرنسيين رافعين خشومهم عالاوادم
الكنديين وايد حبوببببببيييين

هههههههه
اي والله عزوبي شم وديك هناك
ههههه
ان شاءالله تكمل نص دينك وتروح
مع المدام هناك
واتحداك اذا ما غيرت نظرتك عنها
;)



افا عليك انته لانك اخر معلق
واخر كومنت
بعطيك تذكره مع اقامه مجانية بفيلجا
ههههههه
حياك الله ولا تقاطع
مشكور على زيارتك الاولى وان شاءالله مو الاخيره

بولمعه said...

بولمعه محتاج تشجيع كونه مدون يديد
شجعه خلا يتحدى
:P

Unknown said...

الصراحة تعرفين تسوقين المكان صج شكله حلو ويشوق وانا احب البرد ":)

عليكم بالعافية وانشاء الله تستانسون زيادة :)

Shaima'a Alkandari said...

الله عالرحله العجيبه هذي ونااسه

اهم شي استانستي وثلجتي


يبيله تصدقين اشيش الاهل ونسافر

وخوش صور وحدث موثق عجيييب


ناطرين التكمله عاد موتصيفين علينا

mantovani said...

ماشالله مكان حلو عليكم بالعافية
و الله يجمعكم مع الاهل و الحبايب و الكويت على خير

فانكوفر

تدرين شنو اكبر مشكلة عندي ؟

اني دايما اتفاعل مع هموم الناس
و اقول ليش الغربة ؟؟ شلون حياة ولدكم ؟؟ شلون حياتج انتي ؟؟

و السؤال الاهم

اذا رجعتي بالسلامة راح تصكين البلوغ هذا ؟؟

و الا بتغيرين اسمه ؟؟

تحياتي

shakshaka said...

allah allaaaaaah 3al re7laaa .. sawaaa7 ya vancouver sawaaaaaaaa7:P 3laikom eb alf 3afia wo ya7iloo hal nitfaaaaaaaaaaa mashalllaa 3ad kil il omahat lekuwaiteyeen betsebenhum golelhum wildkum emtabtab seda eredooon la 7aram 3laich em3a9gal ashof yatich el moooja vancouver khaleeh khaleeh emtabtab:P 7ata lo ehdoooma ele tafkheena:P

بولمعه said...

شكرا على التشجيع

وترى انا مو بعيد عنكم

هنوفر

بولمعه اشتغل

partille don said...

صور وايد حلوه. الصراحه اول مره اشوف ناس وايد طالعه في الثلج.
انا عايش في مدينه كئيبه قريبه من الاسكا الامريكيه درجه الحراره اقصد البروده 25 تحت الصفر يعني دفي

وما فيها الا يمكن 10 اشخاص مدينه مهجوره طايح حظها اللي فالحه فيه ثلج وبرد

بس صورك شجعتني اني اسوي منتجع تسحلق
راح احطلي خيمه وادوات تزحلق واللي ما يبي يدفع يتفرج

مشكوره وايد علي الصور الحلوه والتعليقات الاحلي

يوم سعيد في البرد

Anonymous said...

Vancouverrrrrr *cries*

ya vancouverrrrr wallah wallah wallah galabtay al mawaje3

I went here so many times...my brother's friend has a cottage there so we used to rent it from him every year

ma ye7tay agooliach 3an alwanasa...re7tay ow sheftay bnafsaich :)


ow ya7leelaich ow ya7leeale sowalfaich =D

a7la shay

وانا اطااالعه من داااخل الفندق وميييييتة من البردبغيت احط صورته واهوه طاب في الحوض ووسط الثلج بس خفت على حلالي لووووووووووووووووووووووول

wallah tha7akteni min galb.

akeed lazem tkhafen....with all these chicks around...blond ow redhead of brunnette..ya malhom alth3afah lol

thank yo sooooo much for posting....wallah sij redetay ro7i :**

اجار الدين كشمش said...

الللللللللللللللللللللله

يهنيييييييييييييج

لا تكتبين عن ونااااستكم الكويتين مو ملوووت شرح عن سعادتج ...ينظلووونج وعينهم حاره
وودهم يبوقون ريلج

وطيييحون من الزلاجات وتدعمون

ت .بار

والله انا رحت كل مكان بس كندا

مارحت لها ...يقولون حلو لكنها بعيييده

شوفي لا خلصتو بعثتكم ..وانتوا عرفتوا اللسسسسسسسسكي

ترى منتجعات سلسل جبال الالب
وايد افضل وملمومه وكلاس وخاصة النمسا وسويسرا

وانا حاضر ابعث لك اسماء ارقى المنتجعات
ادري موجوده في النت لكن

اقولج ايهم افضل ...ترى انا ما اعرف اتزحلق كل هياته من تلفريك الي تلفريك ادور ناس اشوفهم..وبعضهم اسولف معاهم
من ممثلات العالم ومشاهير الدنيا
طبعا..مو هذوله الي اسولف معاهم ..هذوله ما يعطونك ويه اصلا
اسولف مع الي ضابين عليهم
ومخباتي متروسه افلام جديده
الي ناقصه فلم ولا باتري انا زاهب

فمالله

vancouver said...

بولمعه
هلا هلا
شجعناك يبا بعد اشتبي
ههههه
عاد انته علق بالاول بعدين تششششرط
:)))


نورت عالم التدوين بلمعتك
:)))))))))))))))))))

vancouver said...

مشاااااااااااااري

مرحبتين شاخبارك؟؟

الله يعافيك

يعني تعتقد لو يحطوني وزيره للسياحة بالكويت اعرف اسوقلها
؟؟

حياك الله

_-------------------------------_


شيوووومه

اهلييييييييييين
الحمدلله استانسنا والله
شيشيييييييييييهم افا عليج

قوليلهم في طيران الاتحاد مباشره من الامارات الى كندا
بدون توقف
وبعدين تاخذكم حق اماكن التزلج
والمنتجعات


والله ودي وما ودي انزل جزء ثاني
لانه عندي وايد سوالف ثانيه
:))

vancouver said...

مانتوفاني

الله يعافيك
اميييييييييييين ياخوي الله يسمع منك
والله حياتنا بالغربه
كرررررررررربه
الحمدلله رب العالمين مو ناقصنه ترى اي شيء
وعايشين احسن والله من عيشه اهل البلد
بس الكويييييييت والاهل جنتنا بالدنيا
مالنا غنا عنهم
ان شاءالله هااااانت

لا طبعا بلوغي ماراح اغير اسمه ولا اسكره ان شاءالله

البلوغ عن حياتي وافكاري
مو بس عن غربتي وعن كندا

ان شاااااء الله
قاااااااااااااااعده على قلوببببببكم
هاهاهاهاهاهاها

حياك الله
وبوستك الاخير
افا يا فلان
رووووووووووووووعة

vancouver said...

شكشكككككككككككككككه
انتي من ويييييييييييين طااااااالعه
؟؟
شاخباااارج يالزين كله
؟؟
اي اي سواااااااااااااااح
ههههه
الله يعافيج يالشيخة
اي والله اعرف ناس يضحكون
عيالهم ماشاءالله تبارك الرحمن متبتبين
و24 يشتكون انه عيالهم ما ياكلون ومساكين ضعااااف
هههههههه
والله انه من صجي وليدي ترى يلبس اصغر من عمره بست اشهر عصقووووول
هههههه

حياااااااااج الله

vancouver said...

بولمعة

يعني ما تعلق الا لما نشجع
هذا نظااامك؟؟؟؟
ههههه
دام مو بعيد عيل لا تقاطع
:)

_----------------------------_


العزيز بارتل دن

اهم شيء بشتا امريكا الشماليه اهوه الاستمتاع بالجو الكئئئييييييب
القعده ياخوي ماتنفع بتزيد ضيقه الخلق

ترى اعتقد اذا انه قريب من الاسكا يسوون كروزات حق مناطق الحيتان وهالسوالف
لا تطوفها بس يمكن بالصيف مو الحين
وبالشتا اططططططططططططلع واستااانس
شوف شنو المدن القريبه منك وكبيره اكيد بيكون فيها وسائل ترفيه وايده

معقووووووووووووله انت و10 اشخاص بس
الله يعينك
ومشرووووع الخيمة سووه ولا يهمك
انا اسوقلك اياه في بلوغي هههههههه

الله يعينك
شكلك بريحاتك عشان جذيه يضيق خلقك اكثر
الله يعينك يارب
تحمل بعد شتسوي
:(

شده وتزول

vancouver said...

غشيييييييييييييييييمه

حبيبتي اشلونج
عسى استقريتي خلاااااااص اخيرا
من زماااااااااااان غاطة ومالج حس
ولهنا عليج

اسفة اذا قلبت المواجع
بس لا تشوفينها من هالنظره
شوفيها
ذكريااات حلوه عشتيها مع اسرتج
اي والله المدينه واااايد حلوه


هههههههه
عسى تضحكين دووووم
ههههه
انتي فاهمتني لما قلتي
akeed lazem tkhafen....with all these chicks around...blond ow redhead of brunnette..ya malhom alth3afah lol


لووووووووووول
we speake the same language 7abibti

heheheheheeeee
;)

حبيبتي غشووووووووومه
وناستج تونسني
:)))))

vancouver said...

اجار الدين كشمش


الله يهنيك تسلم

هههههههه
اذا هذا منطقك عيل
كل(ن) يرى الناس بعين طبعه
اكيييييييييييييد انه تحسدالاوااادم
هههههه
قول الصج
؟؟

انت على اي اساس تقول ملمومه ووافضل وكلاس
معلش شوف وعيش بالمكانين وبعدين احكم
اكييييييييد اوروبا روعة وانا شايفتها
بس ما احب اقول هالمكان احسن من هالمكان
كل منطقه ولها جوها ترى
وبعدين
تريمبلا وبانف
على مستوى العالم معروفين
وممثلين هوليوود يملكون بيوت فيهم
بس الكويتيين يضحكون
يجلبون بمكانين طووووووووول عمرهم
وعلى بالهم احسن مكان بالدنيا
ههههههه



يحلييلك اجار
اثاريك انته اللي ماكو شغل بس تمشي وتسولف
لوووووووووووول
لا وانا اختك
اترك عنك سوالف المراهقه
استاااانس يبا باجازاتك وعيش حياتك عدل
مو بالضروره تتزلج بس لا تضيع وقتك على تفرفر ماله مازيه
انصحك كل سنه تغييييييير
ولاااازم الشيء
اللي ماتعرفله تتعلم عليه
لااااااااااا تياس
وتضيع وقتك بالقرقه
هههههههههه

انزين شكو تترس مخابيك افلام حق الاوادم

كشمش انته تحفه
ههههههه

اجار الدين كشمش said...

انزين اشحقه تترس مخابيك افلام

حق الاوادم ؟

"""""""""""""""""""""""""
انا التحفه


فمالله

|:| DUBAI |:| said...

مول مول ما قطعتينا

>_<

!!

vancouver said...

اجار الدين كشمش

خلاص يبا انا التحفه ولا تزعل
:|

هههههههههه




_-------------------------------_



دبي


ياهلا ومرحبا باهل دبي
دار الحي


ليش افا؟؟
ليش قطعتكم

اسم الله علييييكم من التقطيع
هههههه

كلها كم ساعة وتكونون عندنا
حيااااااااكم الله

Anonymous said...

حلااااااااا
حلااااااااااااا
اشهالحلاوة اشهالزين
>>> قاعده تمدح بالبحريني :p
عليج بالعافية على هالاجواء الجميلة
و كله كوم و الريوق الانتر كونتيننتال كوم ثاني
يعني هالفرنسية ما يقدرون لازم كل شي ذوق و الوان
يعني حتى لو مالج مزاج تاكلين
يخلون تاكلين غصب
شكرا لج يا فانكوفر على البوست خليتينه نعيش الجو :)

الميس said...

مشكوووووووووووورة بهالرحلة ..وشو هالجو الخياااال على فكرة أنا هالأجواء أموت عليها بالأفلام فكيف عالطبيعة
والتصوير..أفلااام ههههه
شو السالفة ؟؟كله أفلام؟
ربي يحفظ لج الصغيرون وبو العيال

لاتنسين الرحلة اليايه تحجزين لنا معاج بعد