CLICK HERE FOR BLOGGER TEMPLATES AND MYSPACE LAYOUTS »

January 07, 2008

الله يهنيها ويسعدها فيهم


الف مبرووووووك فوز كويتية بجائزة محترمة

اي والله من صجي

ياما كنت احتر على الاسامي اللي تطلع بالسحوبات



يا هنوووود
.
.
.




يا هنوووووووووووووود

!!

اذبحونا السيك بحظهم

اللي يكسر الصخر

!

والله استانستلها من كللللل قلبي على المليون

الله يهنيها فيه
بس

اتصدقون عاد



خنت حيلي لما قريت الخبر حيييييل انكسر
خاطري عليها وحسيتها مرة طييييييييييبة




تقول ما تزوجت بس ربيت عيال اخوي وهمه عيالي الحين


وانه العايلة كلها تتيمع عندها كل اسبوووع فقيرة


مع انه اهمه المتزوجين

يعني بيت اختكم صغيييييير وكلكم اتيمعون عندها مسيكينة وكل اسبوع

علبونه مو متزوجه

!!!!!!!!!

وبتشتري بيت اوسع يشيييييييل العايلة كلها
وتقول ما راح ارد اللي دق يبارك

ويطلب مني اساااعده
!!
كديتي خييييييييير عيل


بظرف سنة
المليون بيصيرون 300 دينار

هههههههه

هذا الخبر

بس مو تنظلون المرة فقيرة على جائزتها



http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=348360




والله فرحاااااانه انه كويتية كسبت



وفوق هذا شكلها تحب الخير



والصراحة طرى ببالي لو انا اكسب شنو اول شيء افكر فيييه؟؟

طبببببببببعا نفسي

عيل بصير مثلها تبي تشتري بيت اوسع
وتعطي المحتاجين

الصراااااااااااحة اول شيء افكر فيه

اشتري فراري
لوووووووووول

وبيت في ايطاليا
عشان اتنقع هناك طووول السنة

واخذلي سفرة حول العالم طوووول العام

هههههه


وشقة بسان دييجو
عشان وناسة عيالي كل صيف هناك


واشتريلي اغلى عطر بالعااالم


سعر الزجاجة 115 الف دولار


بس راهية فيها 500 مل

وماادري جم قيراط الماس

خاااااطري اشمه وما يعطون سامبل منه يعلهم الضربة

اللي عنده 115 الف زاهبة يروح هارودز

بيلقاه عندهم



واهممممممم شيء
عمليات الترقيع والتجميل والشد والتخسيس

ابي اصير جذيييييه






لووووووووووول

بس على وييهي

انا

مو وييها

ههههه

وبعديييييييييييييييييين خل افكر بباجي الناس

ههههه


شوفوا ماني ملاااك

كيفكم بتقولون انانية

قولوا

بس لاااااحظوا اني مااااقلت ولا افكر اقول ببدل ريللي

الله.. لو رياااااال جان اووووول شيء قاله ولو بعقله الباطن

اذا فزت بالمليون ابددددل مرتي

ههههههههه

يالله اتحفوني باولوياتكم ان فزتوا بالمليون

؟؟؟؟؟؟

وفاااااااااالكم طيب

63 comments:

فتى الجبل said...

الله يهنيها باللي عطاها
ويعطينا مثلها

What Will Be , Will Be .. said...

9aba7 il kher..

ee wallah wanaaasaaa waaa akheraaan feznaaa

allah ywase3 3aleha denya o akhraa ..
9ej shakelha waaaaaaid 6aybaaa


SHOFY
ana
abee
waaaid ashayaaa2


1- methlich i need body makeover
2- u tbeen ferrari ana abee lambegini
3-soliter earing and ring .. kil soletera chanha 6raaag ;)
4-asawee montaja3 bs 7age o 7g rab3ee
5-hm methlich adoor 7awl il 3alam
6-u trafgene fe re7lti :)))
7-ee b3ad abee asawee sky diving

Najmah said...
This comment has been removed by the author.
Najmah said...

يحليلهاااا والله

الله يبارك لها ويهنيها


...

لو اناا

أول شي بسويه أسافر جوله حول العالم

وبفتح لي شركة اتصالات بكسر سوق زين والوطنيه :P

وبسويلي قناة بالتلفزيون احط فيها برامج سنعه

وووبس

esTeKaNa said...

واي وعليه ويها فقّيره ومن اهل الله
اي تستاهل دامها كويتيه والزواره عندها تستاهل
:Pp~
وااااااااااي يازت لي خططج
بس الي عجبني اكثر من الخطط الوفا اللي فيج يالله من فضلج
طبعا لا انتي ترضين ول ااحنا نرضى على ريلج
كافي ذكرى جوتي الساس واالشهامه يومها
وين تحصلين
عسى ربي يحفظج انتي وياه ويتمم عليكم
:Pp~
ممممممممممممممممم
انا فيني شي يضحك
طول النهار احاتي ابي بيت
ابوي يقول سكتي انتي حصلي راعي البيت وبعدين فكري بالبيت
بس من صجي كله بالي ابي بيت
يعني قمة سعادتي راح تكون لما يكون لي بيت باسمي وكيفي ااجره اسوي اللي ابي بس اهو موجود
فاول شي بخططط له اشتري بيت
مع انه حلم بنت خالتي يقول انه الحلتيت معيشني بقصر يالله من فضلك
لووووووووووووووووووووووول
وعقب بيت الكويت بشتري لي بيت بكارديف بلندن وبيت بسويسرا انا ورفيجتي
والباجي لاحظي الباجي
رايحة الفرع ان
ههههههههههه
الباجي عاد بسوي اللي يستجد بخاطري وبسوي لي مسيد دفعة بلا عني وعن اهلي
:))

joy said...

صج صج الله يهنيها ويكافيها شر هالعالم
اللي مايرحموووون

عاد توني مناقشة الموضوع مع مدربتي تقوللي انها ناطرة تبي تفووز بالدانة وتقوللي اشبتسوي في المليون
تبس تعطي ربعه في حساب ولدها عشان دراسته الجامعة
وربع تشتري بيت وتضبطه والباجي حق اهلها والفقارا

طبعا انا طقتني البوهة وطحت من عين روحي

هيهيهيههيهي
ولا فكرت باحد استغفرالله


ابي اشتريلي خاتم سوليتير الماس اصفر مال غراف
ايييييييييييييييييي
هذي
الخواتم واللا بلاش
بعدين بشتري يخت ازموت
بعدين جزيرة خاصة
وستين الف شفط عشان البس البكيني
على جزيرتي
ومالي شغل لا بريل ولا بعيال
كيفهم اللي يبي يبي واللي ما يبي لا يبي

الثائر said...

الله يهنيها

بس اتوقع اذا الي كانو مواصلينها 6 الحين بصيرون 6000000000000

يالله عقبالي

اول شي احقق حلمي :) مراح اقوله

اي تر شفة وش قهوتج وعجبتني ابي واحد باجر الصبح الله لا يهينج
:)

7osen said...

الله يرزقها

:)

أنا اذا ربحت مليون اول شي اسويه
افنش

هههههه

:)

حلم جميل بوطن أفضل said...

في بداية حياتي الوظيفية كنت أفكر الصبح أني لو أفوز بسحب الجوهرة .. ماذا سأفعل بالنقود

كدت أدخل في الباص لسوء إنتباهي

لذا قلت الحمدلله على نعمة العقل و الصحة

بس إن صار أبي أرض في اللاغون

darkness said...

الله يعطيها خيرهم و يكافيها شرهم

و بالنسبه للي بتسويه فموتيني ضحك

و لا سالفة القص و اللصق

هههههههههههههههههه


لو انا

مممممممممممم

اول شي اسوي عملية لشخص عزيز علي

و تالي الباجي بلعب فيهم لعب

يعني بشترى اطقم الماس لاحظي اطقم مو طقم

هههههههههه

و ما راح اخلي ساعه بخاطري

خصوصا كارتير امصيبه كل ما اعجبتني وحده قالولي اب 12 او 20 الف شدعوه

و بحط لي سايق و سياره

ما ابي اسوق

و بشتري لي بيت

و شقه على البحر

و شاليه ببنيدر

و مزرعه بالفنطاس

و شقه باسبانيا

و بالمره شقه بمصر

يكفون الفلوس و الا لأ؟؟؟

الباجي بحطهم ودايع

هههههههههههه

<<< وايد حلومها

و الله يردج بالسلامه للكويت و اهلج

:)

Mohammad Al-Yousifi said...

الله يهنيها بالمليون

و منها للأعلى

لو انا اللي فايز جان ما اصرف منه و لا فلس و استثمره كله


جعص

الحارث بن همّام said...

بخيل ربح مليون دينار .. خافوا انهم يبشرونه بالمليون فيموت من الصدمة

يابوله دكتور نفسي علشان يهيأه للبشارة

قاله الدكتور: شتسوي إذا ربحت مليون دينار؟
البخيل: أعطيك نصهم

مات الدكتور!!

Anonymous said...

فانكوفر فعلا حسيت بنظافه الادامية وروحها الحلوة وان ضايقني انها ربحت فلوس ربا. وحده نظيفه وقلبها ابيض جذيه تستاهل اطيب الطيب.

مابي مليون ولابليون. ابي راحة البال والصحة والعافية.

vancouver said...

فتى الجبل
والبراري والودياااان
ههههه

امييييييييين
ولانك اول رد
ربحت معانا جائزة مقدارها مليوووووووون
امنية سعيدة لك
:))

_--------------------------------_


واااااااااااااااات ول بي ول بيييييي
انتي وييييييييييييين
حياالله الشيخة
صباح النور والسرور
:))
وناااسة انا معاج واايد متفقين باشياء
بس المنتجع اللي بتسوينه يبيلج فوق المليون 5 او 7 مو بس واااحد ما يكفي
السكي دايفنج تقدرين تسوينه الحين الله يهداج
ما يحتاي تكونين مليونيرة هههه
نبي امنيات فيها تفسفس فلوووووووس
هههههه
موااافقة ارافج بالسفر
:))

_--------------------------------_

نجمة
هلا فيييج
امين

تفتحين قناة ممكن
بس تسوين شركة منااافسة
اخاف يغتالونج
اسم الله عليج انا اقول بعدي عن الهوامير لا يودرونج ههههه

_-----------------------------_

استكاااااااانة
ازيك يا ام الحلتيت والملتيت
هاهاهاهاهاها
يا هلا بريحة الحليب المهيل والزعفران الطيب
والبقصم المشششششرب
ههههه

اي والله مايهون علي حبيب قلبي
ما القى بكل هالدنيا قلب اطيب من قلبه
اميييييين

ويعلي اشوفج ببيت العدل ساكنين بيتكم1000 متر
مع حديقة و7 ملاحق
كل ملحق ورشة فنية
تبدعيييييين فيها
هههه
والله انا مع ابووووج
اول حطي ايدج على راعي البيت
بعدين هين البيت ههههه
استكااااااااااانة لحظة انا قلت مليون مو 100 مليون
الله يهداج سطرتييييي البيوت بلندن وسويسوا
والكويت
يوااااش
حدج بيت بالكويت وشقتين برة
والبااااااااااااااجي اي اي روحي فيهم الفرع
لوووووووووووووول
اشتري بطاط ودقوس وبيبسي
وعلووووووووووج

_--------------------------------_


جوي
هههههه
الظاهر انا وانتي قمة الانانية
لوووووول
عسانا نفكر بروحناواللي بنهببه
هالدور نفكر بالاوادم
هههه
امنياتج كل واحد اكششششششششششششخ من الثاني
لااااااااايق عليك المليون يا قمر
:)))))

tweety said...

الله يهنيها سبحانه ربي ما ينسى أحد ورزقها على قد نيتها
عزة الله على نيتي ونيتج محنا شايفين قمري لووول

أنا أول شي بسويه
أقدم إستقالتي من الدوام
وأفتح قناة فضائية
وأشتري 4 بيوت اسويها بيت واحد وأسميه قصر تويتي :p

و ...البقية المتبقية للتسوق في باريس

وبس سلامتكم وتعيشون

vancouver said...

مطرب حنبولي

اييييييييييي والله صاج
انا جذيه بعد اقول
الحين كللللللللل عيال منطقتها والمناطق المجاورة يوصلووونها
ههههههه
علييييييييك بستين الف عافية
كل يوم سير علينا واسويلك قهوة ب وش
:))))



_------------------------------_


حسين
هههههههه
اي هذي طافتني
ابي احذف الاستقالة بوي مديري
مو لاني كارهة شغلي


لااا
لاني صرت مليوووونييييييييييره
عيب اقعد من الصبح واداوم
مثل الفقاره
:)
_--------------------------------_


حلم جميل بوطن افضل
هههه
الله ستر يا معود
مرة ثااانية ركككز
لا بغيت تحلم
احلم بالقهوة
مو وانت تسوق السيااارة
ههههه
_------------------------------_


داركنيس

امييييين


ههههههههه
اطقم
لا لا اطخم المااااااص
هههههه

عاد انتي اخذي 100 الف من المليون
وسطري فيهم 5 سااااعات كارتير
من اللي قلبج يحبهم
ههههه

اهم شيء الودااايع
مو وديعه
لووووووووووووول
_---------------------------------_




كله مطقوق

لا لا ابو الجعوص انته
مو جعص
هاهاهاهاهاهاهاها
بس اذا هذا تفكيرك
عيل من زماااااااااااان
انته مكون المليون
عدل
؟؟

Q80 Blogger said...

ليش الواحد يبدل

يتزوج فوقها ثلاث احسن :)

انا لو افوز
ما اكمل دراستي بديره الثلوج كندا

ارد الكويت واجابل خرابيط البورصه .. منها وناسه ولعب .. ومنها يسموني هامور والكل يسلم علي

وراها احطلي خيمه واييب اكل من ميس الغانم واوكل العالم
علشان يصوتولي
واصير نائب والمليون في ضرف سنه يصيرون مليار :)

واسوي امنيات كل الي دشو مدونتج وسولفو

وسلااااااااام :)

vancouver said...

الحاااااااث بن همام

ههههههههههههههه
مسكين طلع طبيب نفسي فاااشل
ما تحمل الصدمة
هههه

بس وينك
ما قتلي انه شنو تتمنى
؟

_--------------------------------_


مجهول

مو قالت المرة مسيكينه بتبني مسيد
خلاص
ان شاءالله بتطهر فلوسها
ههههه

اكييييييييد اكيييييييد ما تبي مليون
اعطيك الفرصة الاخير للرد
ههههههه

ترى الفال الطيب حلو
اتمنالك كل راحة بال بالدنيا
:))

_-------------------------------_

تويتي

حيالله عصفورتنا
لووووووووووول
اي اي
نياتنا ام الانانية
ههههه
اربع بيوت
اااااااااااااااربع بيوت
وين بباكستان والا بالكويت
اذا البيت الواحد 300 الف
على الاقل
يعني المليون بيصفى على 3 بيوت
وبتسوقين عقبها بالمعلم
ههههههههه

يا امي يا تويتي
كوووووووووووووووني وااااااقعية
هههههه

vancouver said...

كويتي بلوغر
حيااااااااااك الله

تتزوج فوقها ثلااااااث ها
يالمجرم
هههههه

صاج
ان صرت نائب
بتستثمر مليونك عدل
وبيتكااااثر هههه

بس اكو شرط مهم عشان تنجح
لازم يكون عندك المليون
و
جذااااب
من غير الجذب
فرصك بالفوز معدومة

NewQ8 Bride said...

الله يهنيها تينن بعد قلبي

امبيه حسيت نفسي شريرة انا دايما اقول اذا فزت بمليون بعطي كل واحد من اخواني عشرة الاف ادري بخيله حدي

الصراحه بشتري بيت بالمسيله و بيت و بجنوب السره
و بشتري جزيره هيهيه صج احلام الفقاره

charisma said...

مشاااءالله يحليلهاا اتينن الله يهنيها
ويهه سمح من اهل الله
الله يهنيها ويفكها نت شر الاوادم

اما عن نفسى يا فانكوفر يا اصويحبتى
فانا بهجججججججج من الديره بهججججججج
احس انى مخنوقه بهالديره كل ماله وتخنقنه اكثر
صايره متعبه العيشه
:((

5roofa said...

لووووووووول يحليلها والله تستاهل بعد عمري الله يحفظها من العين

اول شي اول شي اسوي بالمليون لووول اسد قرض ابوي ياعمري
و اشتريله سيارة لانه كله حاطنا اول و يشريلنا و مخلي نفسه على سيارته من ايام سيدنا خشبه

و بعدييييين اعطي كل واحد من خواني على 10 تالاف يستانسوو
و اعطي امي الي تبي الصراحه ماتغلي عليها الفلوس كلها لوول


و بعديييييييييييين


ادلع نفسي

مشروووع لوول عشان المليون يصيرون مليونين

شفيج مخ تجاري افا عليج
:p

و اي صج ابي نفنوف من هذيله الي من فوق لي تحت المااااص لوول

و سياره كشف اخر موديل و طلبيه ما يصنعون منها الا وحده حقي لووول نحيسه

و اي ابي اسوي حفله و ايب شاروووووووخ و كل الممثلين الهنود الي احبهم

و ابي اسافر
و اسوي عمليه شد نفسج الصراحه يحتاج

و اروح الحفلات الكشخه و اطيحلي مليارديري عشان الخير يزييد

و اعيش معا احلى قصه حب و اسافر بفلوسي و فلوسه كل مكان رومنسي
و اذا ما يصير افا عليج عندي مليون اشتريلي قصه حب
لووووول

و ابي بعد اشتري خروف صغير من لندن طلبيه خاصه لووول

و اشتري شالي على البحر في هاواي

و احم بشتري دوله لوووووووول انا وايد راهيه تره حدي
و اسميها خروفه لاند

لوووووووووول جنه بس اسكت وايد احسن مصختها اتوقع لوول

:p

salamz sweetee...

white tulip said...

lol
u r funny
well first ill spend the money on my studies becoz am paying mn
m5baty pound yn67 pound
.. n buy house in florence,and orange county to be close to dzny land :P

then iwanna do some bs some shoppin in milano paris rome :P same old days ....mo al7ain shada elbelts for my studies looooool

cheers
F-GB

بنت الشاميه said...

فانكوفر الانسانه
يا حلو طيبتج وقلب البرلنت
الله يهنيها على الجوهره ويعطيها خيرها
ويكافيها شرها....ويبعد الحاسدين عنها
انا اكثر واقعيه منكم
بهالوقت المليون ما يسوى شيئ
لو بشترى بيت طارت اللحيه
علشان جذى ما ابى بيت.....ابى شقة بلندن......فى الماي فير
اربع غرف نوم.......وبعدها محد يشوفنى بالكويت.......واللى يبى يزورنى منكم حياكم الله بس لاتنشرون الخبر وايد
ما فيتى شده على الطبخ والنفخ لانى ما احب المطاعم والهياته الوايده
وعنوان الشقه ادزه لج ايميل
وحياج انت واللى يحبه قلبك
وهناك كل رمضان اطبخ وافطر المسيد
واساعد المحتاجين واحجج االلى يبى الحج
يعنى بكون حليييييييييييوه....صج انا حليوه.....هههههههههه
ونسيت بعد ابى جسم رانيوه
بس بدون رجيم او اى عملية تعذيب
من طقة الرياضه واللزى منه
====

qesat_5ayal said...

الله يبارك لها
صج وناسة ان طويتية تفوز

الله يبعد عنها الحاسدين
:)



أنا بستثمرهم
وشوي منهم بشتري فيه ألماس
وساعة ألماس
وبعد مدة أشتري سيارة عقب ما ينسوني الناس
:P


طبعا بعطي ماما
وبابا منهم

واخواني اممم
خليني افكر فيها

نحيسة
عن عيونهم بعطيهم شوي بس شوي

J Daily said...

لو اربح مليون أشتري آيفون يديد
لان الي عندي تكسر (:

واروح اعفط بويهه المدير واقدك استقالتي (((:

Hungry-Healthy-Happy said...

على فكرة

ترى أنا اول وحدة قاريا البوست بس ما علقت

خفت لا يحسدوني
بعد يقولووون مجابله اللابتوب لا شغله و لا مشغله

فحبيت أفتح المجال لإخواني و أخواتي إنهم يعلقون قبلي



أما بالنسبة للمليون
فالمليون بهالزمن يا وخيتي ما يسوي شي
فأنا أفضل إنني بعد ما أعزمكم على جاي الضحى بمونتكارلو

أحط الباجي وديعه بالبنك
و أستفيييييييد من الفوايد

نياه هاه هاه هاه


LA المهم قوليلي شعزمتي عليه بتييين
????

Purplecious said...

أنا جييييييييييييييت

جولي

@@

أول واحده شايفه البوست و ما تعلميني
!!!!!!!!!

أنا ترى ما دريت عن البوست فانكوفر الا أمس مادري أول أمس
ويييييييييييني عن هالملاييييييييين
؟؟؟؟؟؟؟؟
ملاينج خربوطيه فانكوفر ما شميت ريحه
العاده الفلوس لهم ريحه خنيييييييينه خنيييييينه يا حلوها
لووووووووووووووووول


أول شي بالمبارك حق الحجيه اللي فازت
هاااا مو حجيه ليلحين؟؟ السنة اليايه تقول بتروح الحج

أي و الله ما بغينا نفوووووووز

كله اللي فايزين يا هنوود يا هنوود
لوووووووووووووووووول فانكوفر ضحكتيني على هالجملة

و الله يهنيها ان شاءالله و شكله المليون طار و خلص فانكوفر الله يهداج بأقل من سنة بعد

و على قولة جولي
المليون ما يسوي شي

حبيبتي احنا ما نتعامل بالملايين
تعاملنا مع المليارات و فوووووووق
لووووووووووووووول


أنا عن نفسي و انا أخبص بنفسي
شكلي بجعص
لوووووووووووووووووووووووووول

بشتريلي بيوت و بخمر عليهم جم شهر لما يزيد سعرهم تالي أبيعهم و أشتري غيرهم
و هكذا تواليك
أشتري
أخمر
ابيع
لووووووووووووووول

لما أصير مليارديره و يحطوني باللست مالت أغنى الشخصيات العربية
و شرط الوليد بآخر اللسته
هههههههههههههههههههههههههههه
ههههههههههههههههههههههه
هههههههههههههههههههه


بعدين أقولج شبسوي بالفلوس

آل مليووووون آآآآآآل

Eng_Q8 said...

عليها بالعافيه
وعسى الله يعطينا ما عطاها

واذا فزت فيهم بعطي 500 الف حق الوالد

و 400 الف حق ربعي واهلي

و100 الف ببربس فيهم

عثماني said...

مساج الله بالخير اخيتي فانكوفر

تبين الصج ؟؟

ما راح اسوي شي

اصلا ..اعتقد انها فيها شبهة حرام

و الحرام اعوذ بالله منه

الحمدلله على الصحة و الستر

:)

White Wings said...

عندي مشروع مكتبة وكافتيريا مع بعض، ومحل لبيع الشاي (تيك أواي) ودي أسوي هالمشاريع
:)
وبعدين أمنياتج ما يكفيها 10 مليون مو بس مليون واحد
:)
الله يحقق لك كل ما تتمنين، قولي آمين

أبو شملان said...

اختى تعرفين

رقمها او ايميلها :)

Sara said...

هلا والله بفانكوفر خوووووووش موضوع وعسى الله يهنيها بالمليون ويزيدها :)

صارلنا فترة ببيتنا كل ما نتيمع نطرح هالسؤال !! اذا صار عندنا مليونين شراح نسوي فيهم

بالنسبة لي بشتريه يا قسيمة يم بيت اهلي او بيت هدام وأبنيه على كيفي :)

وإذا كفت الفلوس اشتري حق ريلي السيارة اللي يبيها واشتريلي جيب بي ام اكس 6 حدة عجييييب :) وبشتري اوستن مارتن لووووووووول ما بقى شي من الفلوس هيهي

;p

فراوله said...

مساالورد والجوري
غاليتي الحبيبه
الله يبارك لها ويعطيها كل الخير
اللهم آمين
:)
واذا انا ربحت المليون
اول شي اطلع من الشغل وتالي
الافكار بتيي
لاتحاتين
تحياتي لاولوياتج
يالغاليه
:*

ولد الديرة said...

يالله السلامة والستر

فيه برنامج اسمه The Curse of the lottery

لو تشوفونه جان محد يتمنى غير حياته

عجبني مقطع في احد الحلقات هذي

يقول عالم نفس

اذا الواحد ربح مبلغ كبير مشاكله ما تنتهي

بل تستبدل بمشاكل اخرى

اضيق الخلق ها :P

Aldenya said...

الله يهنيها ويبعد عيون الحساد عنها
:>

vancouver said...

نيو برااايد

هاهاها عشر الاف بس
يذبحونج وانا اخيتج
انا اقول خليهم 11 ونص الف
هاهاها

بعدين شكو بيت بالمسيلة وثاني بجنوب السرة
بتشقين عمرج شقتين بديره وحدة
لا يبا الثاني خليه باوروبا
وعسى الله يرزقج اللي تتمنين
حيااااااج الله
ترى كل اسبوع نوزع ملااااايين
:)

_--------------------------------_

كرمووووووووووووزه

هلا وغلا
يعني اسمج طلع
قامت صورتج اختفت
لييييييييييش جذيه
لا وحاطين ضفدع اصفر ما ادري شلون قايل
هههههه

لا لا انتي منت خالية
من عقب
اخر بوووست
حيل طاقتج الضيقة بعد عمري
على فكره اكثر ناااس يقولون بنهج
مااا يقدرون يبعدون عن الديرة والاهل
اساااابيع
بس حجي
مو من قلووووبهم
عدل والا انا غلطااانه
؟؟؟

_------------------------------_


خروووووووووفة

والله انج طيبه
يعني فكرتي تدللين كل الاوادم بعدين عمرج

اششششششششششششششك
عقب ما تستلمين الشيك
تحافظين على كلمتج
هاهاهاهاها


بس اتصدقين من بين كل امنياتج
احس
اصدق
واذكى امنية
وماا طرت على بال احد
انج اتطيحيييين ملياردييييير
كفو
هذا التفكير الصح
هاهاهاهاها
سلاااااااامز

لا مليووووووون سلامز
:)

_-------------------------------_


فطومه
ههههه اشتبيييييييييين بالدراااسة وانتي مليوووونيره
شوفي اللي فوق
يفكرون اشلون يطيحون
المليارديريه
هههههه


فلورنسا اوكيه
بس اورانج كنتري
ما اشجعج
اجاراتهم رخيصة سو ليش تشترين بيت
انا اقول خلي فلوسج حق شيء يسوى
شووووووووووووووووبينج
هذا اول شيء
وقبل كل شيء
هاهاهاها
الله يوفقج بدراستج يارب

vancouver said...

بنت الشامية

هلا بالطش والرش
وماي الورد بالغرش

:))

هاهاهاها
اي والله صاجة
بالكويت
ان فكرتي تشترين بيت
عزة الله طاااااار المليووون
ثلث الارض
وثلث البناي
وثلث التاثيث
وسلامتكم
ههههههه

هههههههه
الله يحييج ويبجييج
مشكوووووره عالدعوة
مقبوله
بس على شرط
رمضاااااااان بالكوييييييييييت
رمضان برة الكويييييت لا
ماله طعم

لجظة تبين جسم حلو بالريااااضة
لييييييييييييييش
عندج ملييوووون ليش تنطرين
بيوم اطيرونلج كل الشحوووووم
هههههه
ماراح اتعب عمري
ادييييييييييييييها شششششفط

هاهاهااها
_--------------------------_


قصة خيال

هلا ومرحبا فييييج
يعني طيحتيني عالقاع
من الضحك
ادري اول زيارة لج
وشرفتيني
بس والله متتتتتتتتتتتت من الضحك
عالبدليةالعجيييييبة

طويتية
هاااااااااااااو
منو اللي طويتية
لوووول
هاهاهاها
مت من الضحك


شنو ساعة الماس
وما ادري شنو الماااس
نصييييييحة
ان حصلتي
بيزتين
اوووووووووووول شي العقااار
بعدين فسفسيه على الماس
وخرابيط

هذا انا نصحتج
وانتي بكيفج
هههه
حيااااااااك الله
بس عندي سؤال
الاخت طويييييييتية ؟؟

ههههههههههههههههههههههههه

Fahad Al Askr said...

عندي مليون وماني قايل شقاعد أسوي فيه

Mamloo7a Q8ia said...

ههههههه
الله يهنيها ويكتب لها على قد نيتها
وعلى الاقل بنت الديره


وايد عندي مخططات لما يصير عندي مليون بس يوم عديتهم طلع يبيلي 10 ملايين

وبعدين رقم في اصفار وايده يدودهني
فخليني على اللي عندي ومستمتعه فيه اكثر من اللي عندهم ملايين
وااااايد ابرك لي
ولا شراااايج يالغاليه؟؟؟؟

bu-saad said...

يه يه يه يه
الله يعطينا و يرزقنا مثل ما رزقها
اللهم اميين



انا عن نفسي بشتري
سياره
بانشي يديد
و اهم شي اشتري شهاده:)
و لو يزودونها شوي اشتري بيت عوووود
و اعطي ولد اختي دينار و نص لانه يطالبني فيهم:)

اجار الدين كشمش said...

بس يطلع اسمي بالجريده

ربحان بنخش عن الديانه

اشتري فيهم 500الف
سهم
بنك وطني

وافتح بلوقي اول بوست واخر بوست

ابي صديقه مدفوعه مصاريفها وزياده...تسافر معاي

كل عطله وحتى بالصيف اذا كانت تقدر...ويستحسن تتكلم اكثر من لغه ..موو لغه هنديه والا ايرانيه

لااااااااااا
فمالله

الزين said...

شوفي يا فانكوفر

اللي انا سمعته من واحد هندي سيكي

ان الهنود اللي يفوزون كله بالسحور

عاد صج جذب الله اعلم

اما عن اختنا الكويتيه الله يهنيها ويكفيها شر هالفلوس

شبسوي لو فزت بالمليون؟؟؟

اذا فزت بعلمج

:**

صباحج سكر

om-bukhnag-zare :) said...

مساء الخير يالغالية
عسى الله يهنيها
بس الله ياهي راح تستاذي من هاللي بيترززون عندها يبون الف مني والفين مناك :)

وبعدين حبوبة دللي عمرج ولا لج شغل بأحد :)واهم شي الدلال مع بعلج
قولي آمين عسى الله لا يحرمكم من بعض

المهم حبوبة هذا ايميلي
om-bukhnag-zare@hotmail.com
email me if u can cz i wanna tell u somthing

حافظج الله

qesat_5ayal said...

ما عرفتيها

إي طويتية
:P

الكيبورد خربان
احم

Barrak said...

ازرعلي شعر

Anonymous said...

waaaaaaaaaay maskeeena

mashallah sij 3ala neyatekom torzaqoon :)


ow entay...ferrari shtsaween fee :P

3a6eeha 7ag ekhtaich ghasheema akhethli fara shway :D


thanks for asking about me while I was away...I missed you and blogging wallah :)

vancouver said...

سااااااااااامحوني
بطيت عليكم
شسوي
كنا عازمين ناس عندنا بالويك اند ويومين والله مشتطة وحالتي حاله
بس الحمدالله اهم شيء بيضنا الويه
هههههه

-----------------------

يعقوبوو
مليووووووووون وتشتري اي فون بس
لا لا شكلك فهمتني غلط
ترى اقصد مليوون دينار كويتي
مو عراقي
هههه
انا مع التعفيط بويه المدراء
ههههههه

vancouver said...

جولي
هلا والله هلا
باللي لها الخاااطر يهلي
:)
اي اي اول وحده
اممممممممممممممم العياااره انتي
قايلتها انا من زمان
:))

ويعني الحين اللي بيطقج عين عرف
انج شايفة البوست
رحتي وطي
:)


والله ما عرفتلج بتفوزين بمليون وتعزمينه على قطيره شااااااااي بمونت كارلو
ياحافظ
يعني ماكو ذباح بعارين ولا شوي تيوووس
هههههه

لوس انجلوس
ليش لأ
بس ابي اقعد في بيفرلي لو سمحتي
:)
طاااايحينله حلوم واخرتها
بنتجابل في فيلجا
على مشخول بطاط

لوووول

vancouver said...

بربلووووشتي


حيا الله الغاااااااايبة
ويييييينج قمنا نوزع ملاااايين
هاهاهاها

اشتري
اخمر
ابيع

حشى
فلبيني صايدينه
يسوي خمر مغشووووووش بسطح العمارة
يشتري كلونيا
يخمر
ويبيييييييع
هههههههه


لا تستبعدين المليون وانا اخيتج
ربي اذا بيرزق
يرزقج مليون وصاااحب المليون فوقه بعد
من يدري
بس المهم الصحة والعافية والرضى
:))))

vancouver said...

انجنير كويت

حياك الله اخوي
لحظةةةةةةةةة
عيد اللي قلته
ابوك عليه بست الاف عافية
اخوانك ستميه عافية
ربعك شكووووووووووو
؟؟

شنو تعطي ربعك 400
وانت تبربس ب100
اقول
يصير اصير ربعك
؟؟
لوووول


_-----------------------------_


عثماااني

هلا بخوي
هلا ومليون هلا فيك
مساك الله بالنور والسرور

هاو عثماني انا قلت تفور بمليون
بس مو شرط الله يهداك عن طريج هالبنوك
يعني ممكن مثلا تشتري شيء بمطار
دبي
تقوم تفوز بسحب على مليووون
انا ترى معاك بشغله
الشبهة من الجوهرة والدانة
وهالسوالف

بس اكو طرق ثاااانية
للمليون وانا اخيتك

لييييييييش تقتل حلمي
مو حرام عليك
اهيء اهيء
:(

vancouver said...

وايت وينجز

مشاااريعج تينن
وانا من قبل تسع سنوات
كنت احلم بالمكتبة معاها كافيه
وقعدة غير شكل
بس التمويل موقف المشروع هههه
يمديج اتنفذينه ان شاءالله

امييييييين
بس ترى مليون دينار مو دولار
ان شاءالله فيهم البركه لا تحاتين
خل افوز وانا اوريج
اشلون
هههههههه

vancouver said...

ابو شملان

هههههههه

ليش بتصير من معارفها اللي كانوا يدورون عليها سنين عشان صله الرحم
ههههههه
اي عنوانها بالجريدة روح ويعطونك اياه
_-----------------------------_

سارونه

هلا فيج
اميييييييين
بس بس بتكودين من السيايير يا حافظ
اهيه سيارة وحدة ماكو غيرها والباجي استااانسي فيه
روحي سوي شششششششششفط وانا اخيتج
حتى لو ماتحتاجين
بس جذيه لعانه
ههههههههه

_------------------------------_


فراوله
مساء النور والسرور
امين
هههههه وناسة
يعني طلعتي
من اللي بيعفطون بويه المدير
ويحذفون الاستقاله بويهه
ههههه

عفية

:**

vancouver said...

ولد الديرة

حياك الله
اي والله ضيقت خلقي
لانه مشاكلي مثلا بتكون
شنو بشتري بااااجر
وشنو بتكون ديكورات بيتي اليديده
والشفط مو عاجبني
بروح اسوي تفخ
لووووول

يازينها من مشاكل
هاهاهاهاهاها

vancouver said...

الدنيا

اميييييين حبيبتي
وربي يرزقج كل اللي تتمننينه
يالغالية
:)

vancouver said...

فهد العسكر

اش هالنحاااسة
خو قول خنعرف شتسوي بمليووونك
شكلك دافنه تحت كاشي الحوش
وزارع فوقه شيره
للتمويه
:)

_------------------------------_


مملوحة كويتية

يازين ضحكتج
الله يديمها
:))))


لا لا انا رايي انج ما تفاولين على عمرج
الا بالخير
يعني
ممكن ربي يرزقج مليون وهم تكونين سعيدة
يعني كل الاثرياء مهمومين
وكل الفقاره مستانسيييييين
مو شرط وانا اخيتح
ربي يسعدج فيهم وبلياهم

vancouver said...

بوسعد

هههه اميييييين ان شاءالله
الله يهداك اشفيك ماشي بالمنكوس
اول شيء البيت
بعدين الشهادة المبيوقة
هههه
بعدين السياره
مو العكس
:)))

وانا لو من ولد اختج احذف الدينار ونص
يعني صرت مليونير وترد الفلوس بدون الفوايد
ههههه
_--------------------------_




اجار الدين كشمش

الحين شكو
يعني لازم تصير مليونير عشان
تكتب بوستات في بلوغك
الظاهر بتشتري ناس يكتبون لك

وبالفلوس تشتري صاحبه بس مو صديقه
!!
الصداقة ما تنشرى

vancouver said...

زوزوتا

صاااااجة والله انا بعد سمعت جذيه

صباااااااحج عسسسسسل
:**

_---------------------------------_





ام ثوب النشل

حبييييييييييييييبه قلبي
وييييييييييينج يالغالية
ليش تسوين جذيه الله يهداج بس
؟؟

اميييييين حبيبتي

--


ابيج تعرفين شغله

انه اللي ما يعجبه
خليه يدور اكبر
طوفه
ويطققققققق راسه فيها
ما نستغني عنج حبيبتنا
ولا تخلين توافه الامور تبعدج عنا
:(

انتي بس عطيني
الضوء الاخضر
وانا اعلمج فيهم
;))

vancouver said...

قصة خيال
هههههه
يا احلى طويتية شفتها بحياتي
هههههه

سلامته الكيبورد
:)

_--------------------------------_





براك

ههههه
كلن بقلبه شقى(ن) اللي له
ههههه

_-----------------------------_


اهلييييييييييين غشيييمة

الحمدلله على السلامة
عسى استقريتي الحين
؟
شوفي تبين الفراري ما تغلى عليج بس على شرط
تتفرفرين فيها بالكويت
مو بكندا
كندا حدها جيب كيا ويخخخخخب عليها
ماتحلى الفراري الا بالكويت
:)

والله فقدناج
الحمدلله على العودة

david santos said...

Hi Vancouver
A beautiful place here!
Excellent post! You are Master.
Thank you.
have a good day

乂♥Not.ViRGo♥乂 said...

وأنا اول من تتزوجك
هههههههههه

بوصالح said...

إن كان في تعزية

العطر ريحته تلوع الكبد :)

vancouver said...

David Santos
thank you my friend
:)


_-----------------------------_


نوت فيرغو

تتجوزي مين يا شابه
؟
:)))))

_--------------------------------_



بوصالح

صصصصصصصصصصصصصصصصج والله
؟
راح اصدقك


بس احلف بالاول انك شمييته
!!
:)