CLICK HERE FOR BLOGGER TEMPLATES AND MYSPACE LAYOUTS »

September 12, 2007

نعيما يا حبيبي... نعيما يا منايا

تحدييييييييييث التحدييييييث
ههههه
ها نحن عدنا ننشد الهولو
اكتشفت اني لما خلصت عزايم ...و رد عزايم ..هالاسبوعين اللي طافوا
دخلنا بلووووووووووية القرقيعان
هالاسبووووووووع
يعني كويتين مااااا نخلص
من شيء ليييييي شيء
سااااااااااامحوني
بس انا رديت لعيونكم
والله
ماااااااااااعندي وقت
واي وقت ايدي فاضية فيه
احس القران اولى فيه من اي شيء ثاني اسويه
بس اليوم سهرانة عشانكم
ولاني ولهت عليكم
الليلة شكلها صباحي
ههههههههه
.
.
.
تحديـــــــــــث
حبايبي عساكم تعودونه كل سنة و تصومونه
راح ارد على نفر نففففر فيكم هههه
بس خل اخلص من العزايم
عندي جم عزومة عالفطورهاليومين
وحاااااااايسة
راجعتلكم باذن الله
ولهااااانة عليكم وايد
:)
فانكوفر



اليوم يوم حلوووو عندي



يوم مميز



يوم كنت انطره من حوالي اربع سنييييييييييين
!!!


اي اربع سنين انطر هاليوم السعيد والحمدلله انه اخيييييرا وصل



لا تستهينون في الموضووووع
رجاااااء



بالنسبة لي الشيء كبير ومهم وحيوي بعد



اليوم زوجي اخيرااا قرر انه



يغير ستايل قصة شعرة عشاااااني



نعم



اربع سنوااااات احن



احن بلييييييز غير القصة عشااااني



يقولي عمري ما تدخلت بشيء يخصج ليش ترغميني على شيء
مو بخاطري
؟؟؟؟؟؟؟؟؟؟؟؟؟؟؟؟؟
-----

والله انا لو تبيني احلق شعري عالزيرو اذا يعجبك اسويها

!!

ما ارد شيء بخاطرك بس انت ماااا طلبت
!


عاجبتك أنا باختياراتي



المشكلة اهوه سمح وااايد ومو عسر أبدا بكل الاشياء تقريبا



بس ما ادري لييييش كان يشوف ان مسالة شعرة



او شواربه



او اختياره للون كرفتاته شيء يخصه


ياخذ رايي بس بالنهاية يسوي اللي براسه
وبالذاااااااات بسالفة شعره


اليوووووووووووووم اخيرا سوى اللي أنا ابيييييييه
:))))



ونااااااسة



كلولووووووووووووش



همسة للرجال
والكويتيين بالذات



لا تستهينوووووووووون بهالامور الصغيرة ترى والله تاثر



وايد مو شوية



ما كو شيء اسمة قراري اخذه وبس



اكو انساااانة يمك تبي تشوفك على مزاجها بعد



ويا نساء


والكويتيااااات بالذات
هههههه

قط مرة صارلكم شيء مشااااابه والا انا بس اللي مو صاحية
هاهاهاهاها
؟؟؟؟؟
طلعوا اللي بقلوبكم
:)

بهالمناسبة السعييييييدة
.
.
.
.
.
.
.
.
.
.
باجر باشتريله مشط يديد هاهاهاهاها
.
************
.
.
.
.
.
.
مبااااااااااارك عليكم الشهر
اخواني وخواتي
عساكم من عوادة
هالله هالله بزيارة الارحاااام
اوصلوهم
حتى لو زعلانين منهم
الشهر هذا شهر رحمة وخير
اوصلوا الرحم بنية العمل لوجه الله
ترى مو قاطع فينا شيء بهالغربة غير البعد عن الاهل
:(
***
ادعوووووولي من قلب انه اكون معاهم رمضان الياي
اللهم امين
*********
.
.
اكلو تشريبة اصلية عني
واتذكرووووني وانتوا تاكلونها
لووووول
ما عندنا خبز رقاق ولا ايراني
تدرون بشنو سويته رمضان اللي طاف ؟؟
.
.
.
.
.
.
.
.
.
بخبز النان الهندي ههههه
انشفه بالفرن عشان يصير يشبه الايراني
او
خبز بيتا المكسيكي
.
حمدوا الله على النعمة اللي انتو فيها
لمة اهل
وتشريييييييبة اصلية
هاهاهاها
وكل عام وانتوا بالللللف خير
ونعمة









66 comments:

الزين said...

كل عام وانتى بصحه وسلامه

يا بعد قلبي

ليتني اقدر اوصل لك شويه خبز رقاق جان من عيوني

تدرين انا مثلج

واحب اشوف نصى الثاني بالطريقه اللى تعجبني

يعني مو بس انا البس اللي يعجبه

وامشى على الستايل اللي بخاطره

ابيه اهو بعد يراعي هالنقطه

الله يهنيكم يارب

ومبروك على القصه اليديده

:)

Mohammad Al-Yousifi said...

مبارك عليج الشهر و القصة اليديدة

عسى بس مو مارينز؟

الطارق said...

كل عام وانتي بخير ، وقرة عينج بشعر ريلج :)

عؤبال ما يغير الكرفته ويخليج تختارينها له :)


وان شاء الله تردون الكويت سالمين غانمين وترمضون معانا في أقرب وقت ، ولا تنسونا من دعاءكم لأن المسافر دعوته مستجابة ، وطالب العلم مثل ريلج الله يحفظه لج ولعيالكم له ميزة عنا عند ربه يقول النبي صلى الله عليه وعلى آله وسلم : ( إن الملائكة لتضع أجنحتها لطالب العلم رضا بما يصنع وإن العالم ليستغفر له من في السماوات ومن في الأرض حتى الحيتان في الماء ) فقوليله هالحديث خليه يستانس مكافأة على التسريحة الجديدة :)

U_SF said...

نعيماً بو فلان : ^_^ :

لا عدل كلامج لازم يسوّي شي يعجب المره والعكس صحيح طبعاً

ايي حدّج صاحيه وماكو الا العافيه .. هذا شريك حياتج ولازم تشوفينه بالمنظر اللي يعجبج : )))


وأهم شي التشريب بخبز النان لووول على قولتهم اكل مرق هوا وتخيّل البطاط صدور دياي هههه

قوّاج الله

مبارك عليكم الشهر وعساكم من عوّاده

وانشالله ربي يكتب لكم رمضان الياي بالكويت وبين الأهل .. اللهم آمين

5roofa said...

لووووول نعييماااا

مبروك مبرووك يبيلها القصه نون لوووول

معنه مو متزوجه بس اذا صار و تزوجت في القريب البعيد لوول انه اخلي ريلي يسوي كل شي بخاطري حتى لو انشالله يصبغه ازرق و خصل اخضر لووول بس ما يردني
;p
شرايج فيني خوش مره حدي لووول

ربي يخليكم لبعض و مايحرمكم من بعض

و مبارك عليج الشهر حلوه

salamz love....

qesat_5ayal said...

نعيمة وقرة عينج
:)

ومبارك عليج الشهر الفضيل

charisma said...

مبارك عليج الشهر حبيبتى
ومن عواده يا احلى فانكوفر
:**

ههههه
نعيما نعيما

باغي الشهادة said...

أول مرة أدخل مدونتك...شدني اسم فانكوفر لأني أفكر بالذهاب لها آخر ، السنة، أسمع عنها أجمل مدينة سياحية في العالم لمدة سنتين على التوالي!؟
:)
المهم أبارك لك قص شعر زوجك وعسى الله يحفظه لك مع شعره
:-p
...السؤال إن طلب منك شيء يخصك ورأيه يخالف رأيك خاصة في الشكليات التي صعبة تتنازلين عنها- غير التي عادي ماهي فارقة معك-...مستعدة تطيعينه؟؟ إن شاء الله نعم

والأهم من هذا ندعوا ونبتهل في الوتر لكم عسى الله يسهل عليكم بتشريبة في كندا، الصبر جميل
:-P
http://witnessseeker.maktoobblog.com/

Mamloo7a Q8ia said...

مبارك عليج الشهر وعساج السنة اليايه معانا وتاكلين التشريبه الاصليه

DiLLi O MiLLi said...

ههههههههه ... كـــفووو والله
كلامج عدل .. مبروك وعقبال الشوارب

:)



~: مبــــارك عليــك الشــــــهر :~

Anonymous said...

lol...you inspire me...ya3ni al 7ana etyeeb faydah :D

mbarak 3alich alshahar sweetie....on inshallah next year ma3a alahal bel kuwait ameen ya rab :)

Q8DOLL said...

هههههههههههههههههههه
لا لا خليتيني اتخيل اشياء
اكيد القصه اللي قبل شي غريب اللي مسويه لج أزمه
مبروك التسريحه اليديده
ومبارك عليج الشهر
بس صج ضحكتيني خصوصا المشط اليديد
اقولج اشتري منظره صغيره بعد عشان يشوف راسه من ورا لووووول

Hungry-Healthy-Happy said...

7abeebat galby :**


مبــــــــارك عليـــــج الشهــــــــــر

Purplecious said...

Om jabbooooory :***

مبــــــــارك عليـــــج الشهــــــــــر

Яeema said...

مبارك عليج الشهر حبيبتى
نعيما نعيما

في مثلج وايد
أنا وحده منهم
خليته يقل الدشداشه بالليل

وااايد واااايد أشياء

بالسفر لازم يكون تناسق باللوك

TReSTeN said...

كل عاام وانتي بالف خيير

وينعااد علييج بكل خيير انشالله

وتدريين انا مستعد اطلع بالوزااار

واحلق زييرو ارووح الدواام لو زووجتي

تبي

بس اتزوج الاول

ههههههههههههههههههههههه

وفي نااس وعدووني بزوجووني واكشتواا

الله كريييم

2 u ALL said...

مبارك عليك الشهر ..!! وينعاد عليك بصحه وسلامه ..!! ويتقبل منك صالح الأعمال ..!!؟

حلو ان الأنسان يغير علشان من يحب ..!! بس شنو موديل القصه الجديده ...!؟

Shaima'a Alkandari said...

عالبركه زين زين


والله وتحقق مناااااااج


يله الله يديمها محبه ووناسه يارب عليج


ومبارك عليج الشهر


والله يديم الوصل يارب بينا وبين اهالينا

ويارب السنه اليايه بين اهلج تكونين وتاكلين تشريب كويييييتي اصيل

بنت الشاميه said...

اول شيئ مبارك عليك الشهر

وعساج من عواده

تصدقين ذكرنيمى بالتشريبه....ايام الغزو كنا فى فرنسا وحماتى باسبانيا
بعد عمرى طرشت خبز رقاق حق اخوها كرتون رقاق ...المهم هى اللى خابزته

والى الحين ريلى يعايرنى ليش ما اعرف اخبز رقاق.....وانا كلها اطفره

اقول له اخاف على اصابيع الناعمه

ترا هذى من اسرارى الخاصه
لووووووووووووول

وبعدبن نعيما على قصة شعر ريلج

ما قلتيلنا شسم قصته العتيجه

وبعد الجديده

المهم الطبع والقلب الحنون مو الشكل

الله يهنيج فيه وتتهنين فيه

ويديم الحب بينكم

سويلفاتي said...

مبارك عليج الشهر وعسى الله يعوده عليج بالخير والصحة ويرجعكم سالمين غانمين
وتصومون رمضان في الديرة وتاكلين التشريب الاصلي
مبروك القصة الجديده

ReLaaaX said...

ياااااااااابعد قلبي انتي وروحي :(
ماعليج هاااااانت هااااانت



يااااااااالله ياكريم ياحبيبي السنة الياية اترمض عندنا ياااااااارب

وتاكل تشربية ومرقوق وخبز عروق ولقيمات ومحروق صبعه ويريش وهريس وقبوط لما يطلع من عيونها وتقول بس خلاص شبعت من اكل رمضان ;p

والله القصد انج تستانسين

عسى الله يطمن قلبج ويتقبل صيامكم وقيامكم ياربي ويبلغكم رمضان السنة الياي بين اهاليكم واعييلكم قولي آمين :)

Fahad Al Askr said...

نعيما، طيب واللي متزوج وأصلع ممكن مرته تحن عليه بقصة معينة مثلا، ولازم ما يكدر خاطرها بعد؟

Sara said...

فانكوووووووفر بعد عمري كل عام وانتي بخير وصحة يارب ومبارك عليج الشهر :)

ونعيييما .. صارت معاي مت وانا أحن على ريلي إن يسوي قفل او ديرتي لانه كله مملط مليييييييييييت وادري انه اللحية او القفل حلوين علييه ولا يرضى ومن قبل لا نتزوج واهوا يقوولي لاتحاولين ولاتحاولين بس اشوه الحمدلله قبل اسبوع حطله سكسووكة تينن عليه غيرته صاار وايد أحلى :D

بس لوووول كل شوي يهددني ويقوولي ترا اشيلها واذا بيخرعني بس يطلع من الحلاق يدقلي يقولي شلتها بس اشوة للحين ما شالها

سو ما ألوومج لان صج هالأشياء وايد تؤثر وتغير شكلهم :)

كل عام وانتي بخير .. عاد ما أوصيج كل شوي مسكي الكاميرا وصوريييه :)

Sara said...

اي ونسيت ادعييييلج

يـــــــارب رمضـــــان اليــــاي ترمضين بديرتج يا فانكوفر بين أهلك واللي يعزون علييج وتاكليــــن كل اللــــــي بــــخــــاطــــرج انــشـــاللـــه :)

عثماني said...

مبارك عليج الشهر فانكوفر

و ان شاء الله رمضان الياي تكونون بين اهلكم و احبابكم

و مبروك الذكرى السنوية :)

lawyer said...

مبارك عليج الشهر فانكوفر

تبيييييين اطرش لج خبز رقاق؟؟

توني مطرشه حق رفيجتي اغراض بس مو كندا مكان ثاني !!


طلبات غريبه عجيبه

ههههههههههه


حاااااااااااااااسه فيج

يومين فطرتهم بعيد عن اهلي

حسييييييييييييييت لألأ

ابي بيتنا ابي اهلي

ابي اكلناااا
ابي مسيدنا
شاينا غير

قهوتنا غير

كل شي غيررررررررر

الله يردج بالسلامه


(( لو سمحتي راعي مشاعر الرياييل المصلعين ترا وايد بلوقر مصلعين لا اتيبين طاري قصات الشعر ))

ههههههههههههههههههههه

Shaima'a Alkandari said...

ماشي حنستناااااااااكي


واحنا ناطرينج وبالعافيه عليج هالعزايم

Q8DOLL said...

الحين علقتينا ماقلتي شنو كانت قصته
على كلامج تخيلت قصة قحطه مادري ليش
من هووووول كلامج يعني :)
ركزي على هووول

Brilliant said...

كل عام و انتي بخير
و مبارك عليج الشهر :)
و ألف مبروك على الستايل اليديد
:)

Anonymous said...

انا محد عزمني:(((((

ابي آآآكل طبخ بيت وانا بالغربة :(((

send me something by mail canada

Abdulla Al Ameri said...

كل عام ونتي بخير

مبارك عليج الشهر الفضيل

خسرتني للأبد said...
This comment has been removed by the author.
خسرتني للأبد said...

الســ عليكم ــلام
مبارك عليج الشهر و اسف انها يت متأخره بس انتي قلبج كبير وطي راح اتسامحيني
و بعدين احنا ميتين على مطاعم بره و انتي تبين رقاق و تشريب
الله يسامحج
اختي احلا شي بالدنية ان اتشوف احد يهتم في شكلك و مظهرك
الله يهنيج في هالريل ويديم الساعدة بينكم
ويردكم بالسلامة

Shather said...

ههه
كل هذا حاطته بقلبج ؟ :P
عالبركه ..
هالقصه و كل قصه ان شاء الله

و نعييما

charisma said...

فقدتج
:*

david santos said...

Hello, vancouver!
Very good posting,
thank you

vancouver said...

زوزوتا

يااااااااا الغالية تسلمين والله
واصل من غير شيء كفاية
نيتج
:)))

ان شاء الله نصج الثاني
يكون دااااايما على مزاجج

الله يبارك فيج
يا قمر
ترى من زمان ودي اقولج صورة القمر
عجييييبة

_-------------------------_


كله مطقوق


علينا وعليك

لا لا كلاااااااااااسيك حده
اول والحين
بس تغيير طفيف لكن مهم بالنسبة لي

ههههههه



_-------------------------_


الطارق 2009



وانت بصحة وسلامه يااااا رب
هههههه
امبلا انا اختار الكرافته بس ما يلبسها
الا اذا داشة
مزاااااااااجه

ودي يثق بذوقي ثقة عميااااااء

ههههههه

أمييييييييين أمييييييين

شكرا على الدعاء ولك مثله
الله يوفقك يارب
والله انشرح صدري لما قريت الحديث
ورحت ادور على صحته كوني اول مرة
الصراحة اقراه
وفرحت وااااايد لما قريت
عدة احاديث
صحيحة عن فضل طالب العلم

ماااااقصرت
الله يجازيك كل خير يا رب


:)))

vancouver said...

يووووووووووسف

يا بتاع التشريبة اللي
موووو
يخبز النان
:P


اي والله
لااااازم لااااااااازم
حتى لو موعاجبه
ههههه
المهم يعجبني انا
لوووووول



وي ما دريت

طلقنا الناااان
قمت اسوي رقاق بايدي في البيت
صرت سننننننننعة
هههههه
وكل يوم والثاني حارقة صبع من اصابيعي

كله عشان خاطر التشريب
هههههه



_----------------------_


خروفة

هلاهلا بالخرفان كلهم
ههههههه
كلها جم شهر ويايكم الاضحى

لوووووووول


ان شاءالله تتزوجين
والله يهني سعيد بسعيده
ويصبغ عشانج شعرة برتقالي بعد
ههههههه


_---------------------------_


قصة خيال


الله ينعم بحالج

وبويه نبيج

وعلينا وعليج

هاهاهاهاهاهاها

نورتي يهالطلة

شكرا عالزيارة


_--------------------------_

vancouver said...

كاريييييييييزما

هلا بطينة الينة

عساج تعودينه كل سنة وانتي بصحة و عافية

الله ينعم بحاااالج
:)))))))))))))))))))))



_------------------------------_



باغي الشهادة


اهلا فيك بزيارتك الاولى
وعساها ما تكون الاخيرة


يا مرحبا فيك
حياك عندنا
هالسنة وكل سنة

نعم نعم من اجمل المناطق بالعاااالم


نعمممممممممممممممم
اطيعة ليش لأ
بس لاااازم يكون الشيء
هم على مزاجي ههههههههه



شكرا على الدعاء
اميييييييييين

الصبر جميل

الله كريم




_-----------------------_


مملوحة كويتية


يا حيا الله من يانا

علينا وعليج

اميييييييييين يا رب

يزاج الله خير
ادعيلي بظهر الغيب
انا وكل مغترب عن الكويت
حبيبتي انتي



_-------------------------------_



دلي وملي


هلا بالطش والرش
حياج الله

هههههههه
اعجبج


بس الشوارب لا لا ابييييييييييهم

ههههه

علينا وعليج

vancouver said...

غشييييييييمة

هههههه
اي اي تييب فايدة

لا حياة مع الياس ولا ياس مع الحياة
لوووووووول
حني لو 10 سنوات يا انتي يا انتي هههههه


علينا وعليج
امين
واجمعين ان شاءالله
الله يكتبلج رمضان الياي مع الاهل
كل احبابج
ياااارب



_-----------------------------_



كويت دول

حبيبتي
علينا وعليج

هههههههه
خلي الخيال عنج
لا شيء عجيب ولا هم يحزنون
بس القصة ما كانت على مزااااجي

عاد انا ام مزاااااااااج
هههههههههه

حياج الله


_-----------------------------_




جووووووووووووووووووولي
يا جوووووولي


انتي اللي حبيبة قلبي وألبي وفؤادي
بعد
علينا وعليج

سااااااااامحيني مقصرة ومتاخرة

بس مو مني
كله من ام علاوي اللي تحتج

هههههههههههههههه
كله اتاخرني اتقولي
لا يكون اتوطوطين الا ومعاج ماكنتوش
قمت ما ايي البلوق
الا وانا يايبة الشاااااكليت معاي

هههههههههه

ولهانه عليييييييييج واااايد :**

_-----------------------------_


بربل

هلا هلا بام علاوي

علينا وعليج حياتي انتي


ولللللللللللللللهت عليج
هاللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللكثر

:**




_-----------------------------_


ريما

هلا والله
الله ينعم بحالج

اي اي نحن على الدرب سائرون
لازم كلامنا اهوه اللي يمشي
عالشون عيل

ههههههههه

vancouver said...

ترستن


حياك الله ترستن
شاخبااااااااااااااااارك
؟؟

وانت بصحة وسلامة يا خوي

هههههههههههههههههههه


والله تسويها

يا خف طينتك
بالوزار
وعالزيروووو
اقحطه شيصيرلك
؟؟
هههههههههههههههههههه


لاااا والله ما كشت
بس اشلون اوصلك بالله
؟؟

وانا عند كلمتي
بس وين الامارة
؟؟؟
ايميل
؟؟ اي حاجة يعني
؟؟؟

هههههههه



_-----------------------------_




تو يو اال

علينا وعليك
اميييين يارب
واجمعين


هههه
القصة اليديدة
كلاااااااسيك
اكثر من اول
وبس

هههه
ادزلك الصورة
لوووووووووووووووووول


_----------------------------_



شيماء

الله يبارك فيك حبيبتي


ههههه
علينا وعليج

اميييييييييييين
الله يسمع منج
ما قصرتي

نورتيني بزيارتج



:)))

vancouver said...

بنت الشاااااااااامية


هلا غلا

علينا وعليج
ينعاد على المسلمين بكل صحة وعافية
يا رب

ههههههههههههههه

قصتج
قصدي سرج الخااااااااص
اوحالي ادور الطريقة واسوي رقاق
بالبيت عندي

وضبط
اتصدقيييييييييييييييييين
بس والله اصابيعي احترقوا من المقلاة
ما عندي تاوة
سويته باكبببببر مقلة تيفال عندي
وكنت اصبه بايدي

انا ماخفت
على اصابيعي الناعمة
لانها متشققة من شغل البييييييييييييت
:(((((((((((((

الله ينعم بحالج

هههههه
والله بالاول كلاسيك
والحين كلاسيك اكثر

اهي ترى شغله حدهاااا سخيفة
بس كاااانت وااااااااايد
مهمة بالنسبة لي



ايييييييييييي والله
انا اشهد
اهم شيء
قلبه
يا بعد قلبي قلبه

مااااا كو مثله حبيب قلبي


أأأأمييييييييييين


_--------------------------------_






سويلفاتي


علينا وعليج

الله يسمع منج ياااااااااا رب
مشكووووورة على الدعاء الحلو

What Will Be , Will Be .. said...

mabrook :))

9ej shai ywanes
allaha ywansech dayman bil 9e7a wel 3afya ..

o na3emaa :))

Mustafa Şenalp said...

very nice a blog.:)

vancouver said...

ريييييييلاكس
ان شاءالله تكون هانت
وما بقى اقل من اللي راح

يا حبيبتي

الله يسمع منج
اميييييييييييييييييييييييييين




هههههههههههه

اهوه ممكن كل هذا اكله
بس مو بيوم واحد
هههه
على مدار الشهر ماكو مشكلة

امييييييييين يالغالية
وعسى ربي يبلغج ليلة القدر
امييييييين

:**

vancouver said...

فهد العسكر

هههههههه
افا عليك ممممممممممممكن ونص
تتفنن باختيار قصة شواربة ولحيته

هههههههههههه

حيااااااااااااك


_------------------------------_




سارة



علينا وعليج
تعودينه ان شاءالله بكل خيييييير
يا رب

هههههههه
شفتي
انتي فاهمتني
واااايد نفسيتج تتغير لما يسوي اللي ببالج وعلى هواج
صح
؟؟

ههههههههههههههههههه
زين زين الله يهديه ويخليها ما يشيلها

الله يهنيكم
قولي امييييييييييييين


_-------_

سارة بعد عمري
مشكوووووووووورة
امين الله يسمع منج

vancouver said...

عثماااااااااني

علينا وعليك يا خوي


امييييييييييييين
الله يسمع منك
لي ولجميع المغتربين



ههههههههه

الله يبارك فييييييييييييك
:))




_--------------------------_


لوووووووووير

علينا وعليج بعد عمري


انا ابييييج اتطرشيييييييلي شيء ثاااني
ممكن

؟؟

انتي

:))

تقدرين اتطرشيلي نفسك
يزاااااج الله خير واااااصل من غير شيء
كفاية تعليقج الحلو

الكوييييييييييييييييت
بكبرها
غييييييييييييييير
والله



ههههههههههه
اي اي لازم اراعي شعوووورهم وشعووورهم ههههه


ودييييييي اقولج شيء بس ما اقدر اهنييي
راح
تفطسيييين من الضحك
I'm sure !!
ههههههههههههههههههههههه


_----------------------------_



شيماء

بعد عمري
تستناج العافية

:)

_-------------------------_


كوييييييت دول


هههههههههههههه
من هول كلامييييي
حشا ابو جهل مو فانكوووووفر
ههههههه

ما علقتج ولا شيء انتي اللي فيج بلاغة شف
هههههههههه
تبين اطرشلج صورته عشااااااان تحكمييييين
ههههههه

_------------------------------_




بريلينت

علينا وعلييييييك

ما قصرت

الله يبااااااااااارك فيك

:)))))

_----------------------------_


ان ذا سيم بوت


خنت حيلي
وووووووووينك
فيه وانا من عيوني اطرش
اذا قريب

ترى افطار الصائم فيه اجر كبير
وفوق هذا صاااائم كويتي بعد

ههههههههههههههههه

_------------------------------_


الاستاذ بلاليط

وانت بخيييييييير
علينا وعليك

مشكووووووووور

vancouver said...

خسرتيني للابد

علينا وعليييييج
لاتقول جذيه عزيز وغالي يا خوي

كفاية عنوتك حق بلوغي
ههههههههههههه

اي والله ما ابي مطااااااااعم مليييييييييييت

ما اكو على طباخنا


اميييييييييييين
مشكووووووووووور


_--------------------------_



شذر


هلا وغلاااااااا
اي والله
يا قلبي يا كتاكت يا منتا شايف
وسااااااااكت

ههههههههه

الله يبارك فيييييييج وينعم بحالج


_---------------------------_




كاريييييزما

حبيبتي

يالطيبة ما تفقدين غالي

:****


_-------------------------------_



ديفد سانتوز

انته ليما الحين عااااايش

هههههههه


_-------------------------------_


وت ول بي ول بي

الله يبااااااارك فيج

وحمدالله عالسلاااااامة
مو تغيبيييييييين

_-----------------------------_


مصطفى سينالب

انتوا تتنططولنا من فين

ههههههههههههه


شكرا عالعموم

Aldenya said...

هههههههههههه

ليهالدرجة القصه كانت مسويتلج ازعاج
عاد انا قريت كل الردود
وعرفت ان القصه القديمه مافيها شي :>

يا عيني عليج يا ام مزاج انتي



بشرينا عن خبز الرقاق
وعن اصابيعج

ان شاءالله ألحين تفننتي فيه


والقرقيعان أشوه انه طافج هالسنه
وأنا أقول لج ليش
الحين صار القرقيعان منافسه بين الامهات
منو اكشخ قرقيعان
منو احلى قرقيعان
منو اغلى قرقيعان
منو أكبر قرقيعان
يا حلاته لي كان بسيط ومجكلم

ان شاءلله السنه اليايه تيين الكويت
ونتعرف عليج
ومن ألحين أنا عازمتج اذا ييتي الكويت ارمضان الياي الفطور عندنا


:>

Shaima'a Alkandari said...

الله يعييينج

اكيد القرآن اولى من اى شي وينحط بالاولويه

والقرقيعان تغير وصار مظاهر

U_SF said...

قرقيعانو قرقيعانو .. على قولة ولد خالتي يحليله

مبارك عليج باجي الشهر .. وأتمنى ما تسوين تحديثات .. سوي بوست يديد عساس يطلع بالقوقل ريدر : )

الله يكون في عونج انشالله مع لوية هالعزايم والفطور

ما قلتي اصابعج شلونهم عسى طابوا ؟

سلمي على ابو العيال .. الله يحفظكم ^_^

باغي الشهادة said...

ضللت طريق مدونك لفترة...وها أنا أجدها بصفة
:-)
سؤال عن فانكوفر: يفوتني الكثير إن أتيتها في شهر ديسمبر بحكم الجو البارد؟؟ أم تؤيدين الصيف دائما للسياحة فيها؟

salfa3ajeeba said...

marret asallim ishlonich wi mbarak 3lech baji ilshahar:)

allah i33enich 3la illoyah:)

باغي الشهادة said...

بصفة= بصدفة

TReSTeN said...

ترى انا بالانتظار صج كنت مشغول

الفترة الي فاتت وماشفت ردج علي

بس على فكرة ايميلي موجود ببروفايلي

وانا ناطر الامارة

هههههههه

ترى عن جد عم بحكي

ومشكووووووورة جدا نااطر منج الامااارة

تسلمييين

Barrak said...

مبارك عليج باجي الشهر

والحمد لله موضوع القصه ماراح يناقشوني فيه لان قصة الاقرع ماتتغير لو اطامر

vancouver said...

الدنيا

هلا والله والف هلا فيج

ايه ايه ام مزاااج انا
هههههه
المهم انه القديمة ما كانت عاجبتني
بس الحين تمااام

ابشرج
خبز الرقاق
مييييه الميييييييه
بس خلاص بالعشر الاواخر مالي مقاقة طباخ وااايد
ولوية
ماكو وقت
وبعطي اصابيعي فترة نقاااهة قبل العيد
هههه

بالنسبة للقرقيعان ترى عندنا وعندكم خيييييييير
قعدنا انا والبنات هني اياااام نتفرفر
من مكان لي مكان عشان نييب شيء غريب
عجيب
ههههههه
بس اكيد مو مثل فناتك الكويتيين بالكويت

حبيبتي مقبولة دعوتك من الحين
ومشكوووووورة على ذوقج
يالدنيا

:))))

vancouver said...

هلا شيووووووووم

الحمدلله والله رمضان متعة
والقران اهم شيء بالنسبة لي في هالشهر



حيااااااااج

vancouver said...

يوووووووسف
هلا والله


كييييفي ما ابي كل مرة بحط تجديييث
عشان اخليك كل يووووووووم غصب تمر وتشيك على بلوغي
ههههه
ماكو شغل ؟؟


اي والله اتصدق
اكو ناس يعزمون على الفطور حتى باخر خمس ايام من رمضان
احنا بلوية العشر الاواخر
واهمه طايحينله عزاااايم
والله قمت اعتذر الصراااحة ماكو وقت ابد

تسسسسسلم
اصابعي طابوا الحمدلله
الله يسلمك من كل شر
ماتقصر

vancouver said...

باغي الشهادة
الحمدلله انك لقيتنا مرة ثانية
انتشرف بزيارتك الكريمة


الصيف يا اخي اجمل بككككل كندا
هذا لا يعني انك لن تستمع بالشتاء
لان لديهم انشطة كثيرة في فصل الثلوج
علما بان فانكوفر لا ينزل فيها ثلج في الشتاء الا نادرا

لكن الاجمل على الاطلاق هو الصيف
برايي
انا حاليا في مدينة اخرى

انصحك ايضا بزيارة مونتريال واوتاوا وتورنتو
وكيبيك ونياجرا في الصيف
وطبعا فانكوفر


حياك الله

vancouver said...

حبيبة قلبي

سااااااااااالفة


تمرج العافية يا ربي
عيدك مباااااااااارك مقدما

وعيديتج بوسة على خدج ودعوة من قلبي
انه ربي يوفقج ويرجعج الديرة سااااااالمة غاااانمة

vancouver said...

ترسسسسسسسستن

اذا عن جد عم تحكي


عن جد الله يوفقج
وبنسعى لك ان شاء الله


موفق

vancouver said...

براااااااااك

ههههههه


علينا وعليك وعيدك مبارك مقدما

ههههههههههههههه

لا
ممكن يناقشونك

انه يقولون لك ازرع شعر
هههههههه

The Simper said...

me late.. but kil 3am wintao eb khair.. o 3asa alah etaqabal minkom :)

o na3eeeeman :)

charisma said...

فانكوووفر هاااااااااااااى
شلونج حبيبتى
ان شاااءالله تكونين بالف الف الف خير انتى وبيتج واهلج
ومن عوااده يا ربى
:**

عيدج مباارك

Q8DOLL said...

عيدج مبارك
اشدعوه موقصه شعر اللي خلتج تختفين

يالله نبي بوست يديد عيديه