CLICK HERE FOR BLOGGER TEMPLATES AND MYSPACE LAYOUTS »

August 19, 2007

حق منو نشكي ???

تحذير
اللي متغرب ، اللي ضايق خلقه
اللي مهموم او متكدر لا يقرى الكلام اللي بكتبه تحت
!!!



حق منو نشكي ???الشكوى لله



بنت الكويت

انتي سكرتي التعليق بموضوعج الاخير عن الغربة
بس انا بفتحة اهنيه ، تدرين قبل 3 ايام بالضبط كتبت بوست طويييييييييل عريض
عن احساسي الزفت بهالغربة ، بس لغيته لاني حسيت انه بييب الكابة حق كل شخص يقراه
بس اليوم لما قريت كلامج انفجرت بجي
ماني قادرة خلاااااااااااااااص ، الساعة 2 بالليل و بقمة الشعور بالحزن
على هالملل والغربة والوحشة للاهل واللمة معاهم
حسيييييييت بكل كلمة قلتيها يا بنت الكويت ، يمكن انا تعاملي مع الغربة يختلف
انا كونت صداقات واااايدة مع العرب والاجانب غير عيال درتي طبعا
ذابحة زوجي بالعزايم والطلعات ، ما بقى شيء ما شريته
من السوق... والله مليون شيء ما احتاجه
شارية قبل جم اسبوع 6 بدل رسمية مااااااااا احتاجهم اقول حق نفسي
عشان لما ارد الكويت وارجع شغلي البسهم ، شاريه بدل سهرة
بدون مناسبة عشان لما ارجع الكويت البسهم ، شارية صوااااايغ حق رفيجاتي
واهلي واهل زوجي واليهال والخدم عشان اذا نزلنا الصيف
الياي 2000000008 اوديهم معاي
، شارية ملابس
حق ولدي مقاس 6 سنوات
واهوه سنه ونص !!! ابيييييييه
وانا اكتب قاعدة احس بالسخافة


وقاعدة ابجي من الحالة اللي وصلتها بس خلاااااص
ما فيني


اتصدقين اشتركت بنادي رياضي


اشتراك سنوي ، النادي فتح صارله شهرين


ما رحت ولا يوم ما ادري


ليش اشتركت اصلا ???? ابييييه قمة التعاسة


انا ما شجعته انا عكسج كنت
ولاني عارفة نفسي اشكثر مرتبطة باهلي
احن عليه لا نسافر




بس طموحة كان اقوى من توسلاتي
وقفت معاه ولما خطينا الخطوة وسافرنا عاهدت نفسي
اسكر حلجي وما اتكلم ولا اشكي له ابد
بصير له عون على غربته ، بس انا منو يحس فيني
???????????????????????
اهلي ما اشكيلهم بروحهم مكسورة قلوبهم
على فراقنا ما ابي ازودها عليهم




صديقاتي ?ما ابي اضيق خلوقهم


وما احس في احد فاضي يسمع شكوى


من احد كل من في حياته هموم تلهيه


لييييييش اغث الاوادم


???



تخيلي... انتي كان عندج عيالج الله يحفظهم
يهونون عليج الايام والغربة انا قعدت


سنتيييييييييييييييييين... 2...سنتين كاملين بروحي
مع زوجي اواسيه واضحك بويه
وشقى الدنيا بقلبي اخشه عنه ما يهون علي احسسه
بذنب انه يابني الغربة معاه ، ما ادري شقول ما ادري شخربط




انتي ما تعبتي من شغل البيت


انا متتتتتتتتت مو بس تعبت


اي مت وانا يومياااااا لازم ارتب


اكنس


اطبخ


اغسل تكرمون الحمامات


اغسل الملابس


اكوي


اسفط الملابس


امسح الارضيات


اسقي الزرع


تخيلي لما اكون مخلصة تنظيف المطبخ الدعلة ابو الدعالة


وخامته وماسحته وخااااااااالصة


وايي ولدي يفرفت بسكوتة من اوووووووووووله لي اخره


والا مكنسة السجاد ومرتبة الصالة ارجع الاقيه لاعب


باصيصات الزرع ومطلع السماد وناااااثرة على كبر الصالة


والا مسفطة الملابس وحاطتهم بالادراج


ارجع والا مطلعهم وحايس فيهم الارض


المشكلة ما ينقفلون بشي جرارات الملابس




والزرع احبة ما اقدر اقعد فبيتي ما اجابل خضرة فيه




عندي ديش ووشر بس ما احب انظف


الصحون فيها ... ساعات القى شي لازق اقوم اغسل


كل الصحون مرة ثانية وانا توني مطلعتهم




ولدي صغير ما يفهم


اطقة ? اخانقه ? ما ينفع


احط بقلبي واقمت




اي تعبتتتتتتت من الروتين




زوجي ماااايقصر ادري ، يساعدني بكل شيء


عمره والله ما قالي حتى شنو وده اكل


مخليني على راحتي بس هم ملييييييت


مليييييييييييييت


ايني اسبوع اترك كل شيء واقول بطنش ماني مغسلة


صحون وجدور وماني طابخة ولا بغسل حتى هدوم ولا بسوي شيء


بس بهيت برة البيت مع رفيجاتي وافر بالسوق


وادخل موفيز




بس ردة فعل زوجي تحطممممممني ...يسكت


يبتسم ويسوي كل شيء بنفسه


والله تنكسر عيني وارجع اسوي كل شيء من اول ويديد


وادخل بهالدوامة اللي مو راضية تخلص



الله كريم وقادر سبحانه يمسح على قلوبنا ويصبرنا كلنا
ويجمعنا مع اهلنا اميييييييين امييييييين امييييييين


الحمدلله على كل حال خل نفكر بباجر
وننسى يومنا شوي
بروح اشرب قهوة قبل لا انام اهية بس اللي تعدل مزاجي الحييييييين
واي لو عندي زقاير جان يمكن دخنت بعد
استغفر الله على هالشعوووووووووور
اذا بتكتبين عن هالمواضيع بنت الكويت حطي تحذير
للمغتربين لا يقرونها قبل النوم
لانها تقلب المواجع وتييب الهموم


اسفة يا جماعة ترى انا عادة واااايد اضيع التكدر بالضحك
بس الحين مو قادرة بوست بنت الكويت خلاني انفجر
الحين ارتحت شوي لما كتبت
اااااسفة ، اوعدكم ما اعيدها
هم وطلع
تصبحون على خير ،
فانكوفر

76 comments:

U_SF said...

:"(

الله يكون في عونج انشالله ويصبرج ويخلي لج ريلج وولدج .. الله يحفظكم ويردكم بالسلامه انشالله

والله انّج سنعه وبنت اياوييد ..

هذه اختي الحياة ..

يوم لك وعشره عليك ..

ماكو راحه بهالدنيا .. الراحه عند وضع القدم الأولى بالجنه

وزوجج اهو جنتج .. أسعديه وربي بيسعد حالج وانتي أدري مو امقصره عسى ربي يقويج : )

الرسول صلى الله عليه وسلم
أوصى بصلاة الوتر وخاصه عند الأسفار
فلا تتركينها : )
فهي لج راحه وطمئنينه انشالله ^_^

أحسج من انفجرتي والشظايا طلّعت هالكلمات

قولي اللهم اني أعوذ بك من الهم والحزن

الله يحفظكم كلكم ويردكم لأهلكم سالمين
آمين يا رب

نومة العافيه

وأحلام سعيده ^^

salfa3ajeeba said...

vancouver leesh itsaween feni

chithi tra ana ham 7a66ah fi galbi

wi saktah 7itta ommi o '7awati

lamma akalimhom magolhom ili fi

glbi 3n il'3orba asawi ro7i 3adi

wi inni qawwiiyah mabi

athayeg '7ilghom,

a'7'7'7 ya vancouver '7alleeha 3la

allah

سالفة قلب said...

زين سويتي انج كتبتي اللي بقلبج
لاتحاتين مشاعر اللي راح يقرا كلامج
اهم شي انتي تكونين مرتاحه وانتي تكتبين همج

الله يطوي البعد ويجمعج باهلج وانتي محققه الهدف اللي انتي يايه عشانه

http://www.gooh.net/algarne/article_194.shtml

قلبي عندج

charisma said...

واااى يا شقوول
تعاالى ابى المييج حيييل
:((((((((((((((

فانكووفر ذبحتينى
قطعتى قلبى
:((

حبيبتى والله انتى حبيبتى
:(

يالله يا ربى يا حبيبى يمسح على قلبج ويسهل عليكم ويعدى هالاياام بسسررررررررررررعه البرق
واتردين اتنوردين ديرتج واتردين حق حبايبج

امييين

شبقولج لو اتكلم من الحين لى باجر ما اقدر اسوى شى
:(
حاسه بكل كلمه قلتيها
:(


قوليلى شسوى؟؟
شسوى شلون اخليج تضحكين
هذا الى بيدى

ردى اقرى بوستى مره ثانيه
:)
يمكن تضحكين
:))

:**

TReSTeN said...

الله يكوون بالعوون

الغربة قااتلة

ولمة الاهل مافيييه مثلهاا

الله يصبرج
ويرجع لاهلج باسرع وقت

Purplecious said...

vancouveeeeeeeeeer

أنا أسحب كلامي
كملي احتفالاتج حبيبتي بعيد ميلادج
و لا تنسين الجراقي
:))))
ترى أنا عيدميلادي بآخر الشهر ان شاءالله و معتمده على الله ثم على جراقياتج
هههههههه

هونيها و تهون
و بعدين تيين هني ليش؟
الناس تبي القبّة من هالحر و اللواهيب

ما عليه يا حبيبتي مردج لديرتج ان شاءالله ناطرينج و الايام الحلوة اليايه اكثر ان شاءالله

انتي الحين اخذيها فترة راحة من المشاكل و عوار الراس
و المواجيب
لاحقه ان شاءالله لاحقه على الشقا

المشكلة اني حاسه فيج و ادري شنو تقصدين
كل وسائل الترفيه عندج بس مو مستانسه
خبرررررررره بهالسوالف أنا الدعلة

و بدال الجم اللي اشتركتي فيه أنا اقولج ماكو على المشي بالهواء الطلق

بس عاد اذا برد مشكله

جربي اليوجا فانكوفر و الله تريّح


و الله مادري شقولج هذه النفسية اذا مالج خلق ما راح تقدرين تسوين شي

اقري قرآن
ايييييييي
ليش ما تحفظين قرآن و الله فرصه

الله يمسح على قلبج و يهون عليج يا رب العالمين
:*******

Purplecious said...

حبيبتي فانكوفر متنقصتلج هالبوست من عثماني

http://jebla.blogspot.com/2007/08/blog-post_20.html

عثماني said...

مساج الله بكل خير اخيتي الغاااالية وايد فانكوفر

ترى صج ضيقتي خلوقنا

مو لانج بغربة ...لا ... لان شايلة كل هذا بقلبج الحلو

هونيها و تهون

وتقزر ان شاء الله

كلها جم شهر ولا جم سنة و ترجعين انتي حرم الدكتور..من قدج!!؟

عسى الله يسهل عليج غربتج

و انتي بالذات ...على كثر ما اتداحريني و تطفريني ... الا ان لج معزة خاصة ... كل شي ولا زعل اخيتي الغالية ... فانكوفر

Anonymous said...

العزيزه فانكوفر

الدنيا يا الغاليه تبي من يتعب لها ويشقى

وانتي صبرج هذا تلقينه عند ربج اللي مايضيع

وتلقينه انشالله عند ريلج وعيالج اللي بيعوضونج

بكل شي يقدرون عليه ،،انتي تسوين شي الحين

يعجز عنه كثير من بنات جيلج ،

والله الواحد يفتخر بمعرفه وحده مثلج

هالشي مايسويه الا وحده حابه ومخلصه حق بيتها وعيالها

اديلج من كل قلبي الثبات ، وان الله يعينج

ويونسج بغربتج ،،وان شالله كلها ساعات وتروح

عنج هالضيقه وان شالله نقرا لج بوست وانتي احسن من اول

:)

الحارث بن همّام said...

حسيت بقشعريرة في جسمي لما قريت هالكلمات .. ما تنلامين .. وما أظن أن في أحد ممكن يحس بشعورج اكثر منج , مثل ماقال نزار قباني :
لا تشكِ للناس جرحاً أنت صاحبه *** لا يؤلم الجرح إلا من به ألمُ

بس هذي الشكاوي ما يحلها غير الصبر .. وانتي ان شالله من أهل الصبر ..

وانا على يقين ان هالايام الصعبة اللي تعيشينها الحين هي من اجل الراحة في المستقبل ..

والغربة هي في الحقيقة دورة تدريبية طويلة .. من خلالها تنصقل الشخصية وتتعلم فنون كثيرة .. الاعتماد على النفس , لغة , علاقات اجتماعية خارجية ,وهذا وعندج وقت فراغ كبير ممكن تستثمرينه بمشروع كبير .. وركزي على القراءة أكثر .. حاولي تستفيدين من الغربة ..

ومالج الا الصبر وطاعة الزوج .. وحاولي تستانسين :)

Shather said...

wooy vancouver

galabte el mwaaje3 ...
:(

allah ye3enech we9abrech enshalaah o yqer 3ainech bshofat a7babech we6amen galbech bgorb`hom ..

o ma2joora 3la hal 9aber enshalah :*

vancouver said...

رجعت لكم
وانا واااايد مستحية منكم
:'

كلش مو من طبعي ابجي جدام احد
عقب ما قريت اللي كتبته
حاسة بالفشلة
جنكم شايفيني وعارفيني ،

بس ماني ندمانة اني تكلمت

الحين حاسة اني مرتاحة
وردودكم مثل البلسم على قلبي



***************





يوسف

أمين أمين أمين

تسلم هذا من طيبك والله
ما قصرت على اهتمامك
ونصايحك الغالية
عسى الله ينولك اللي في بالك
قول امين

مشكور ويزاج الله الف خير

vancouver said...

بعد قلبي سالفة


اااااااسفة حبيبتي
تدرين ماكان ودي اكتب بهالموضوع
بس عقب بوست بنت الكويت انفجرت
ما قدرت ، كتبت وبنفس اللحظة
نشرت ...اطلعت الشظايا فيكم
:P

حبيبتي ماكو الا انه نفضفض لبعض
ماحسيت يعني شنو غربة
الا لما جربتها عشان جذيه راح نفهم بعض
:)


الله يهونها عليج وتاخذين
الشهادة وتصيرين
دكتورة أد الدنيا
:)))

سامحيني واي شيء بقلبج قوليه
وانا اختج انتي بعد بروحج الله
يعينج ، ويصبرج ويقويج



كلنا مخلينها على الله
:)

vancouver said...

سالفة قلب

حبيبتي ما تقصرين ، اي والله ارتحت
هم وطلع
الحمدلله على كل حال


ما قصرتي عالمقال ، تدرين انا اول شيء حطيته بجنطتي
اول مرة يينا فيها
كتاب لا تحزن
كنت ادري اني بحتاجة واااااايد



مشكورة

.....

امييييين

....


يعل قلبج العافية

:))

vancouver said...

كاريزما

كانيييييييييي قربت ولميتج بقلبي
:))))))
حبيبتي ااااااسفة والله
جاني ضيقت خلقج .. سامحيني


أأأأأممممميييييييييين



تبيني اضحك ? طلتج عندي ودعائج
وكلامج العسل يكفي يا كريزما
***
خيالك يرسم البسمة على شفاهي

ويأخذني إلى آخر مدى في الكون

وطن عمري غلاك وطرف الساهي

وإذا نادتلك أيامي
احبك لا تقول شلون

:)))
***



خلاص صرت زينة الحمدلله
والصبح اول ما قعدت
تريقت بلاليط مع زوجي
عشان اتذكر العيد
:))
ههههه اي والله
وكثرت الهيل والزعفران فيه بعد
ليتج معاي تاكلين منه
:)

vancouver said...

بربل
يا احلى حلاوة بنفسجية
;)

هههههه احسج خنت حيلي اخترعتي
صح ? ورجعتي انتي بكلامج
لما قلتيلي خلصي الاحتفالات
كسرت خاطرج مو ? حبييييييبتي

اسفة خرعتكم بس ما فيني الا العافية
هانت ان شاءالله


اللي يضحك انه على كثر ما كنت اتحلطم عالمواجيب والاستقبالات
والقعدات والعروس ما تتخيلين اشكثر هالاشياء فاقدينها
ترى اللمة مع الاهل والناس اللي نحبهم
ما تتعوض بشيء


والله امشي بالهواء
الطلللللللق على قولتج والجو مافي اروع منه الحين
بس صدقيني اكو فراااااغ كبير بروحي
ما يسده الا قعديتي مع امي و خواتي والاهل
اصلا كل مكان استانس فيه على طول بقلبي اقول
جان زين اهمه معاي الحين
:(
حتى اهل زوجي فاقدتهم ..احبهم






احلى شيء اجرب اليوغا
وبعز انسجامي وسمو روحي يكفخني ولدي
بالممية
ههههه
هذي الطريقة اللي يعبر فيها
انه خلص منها
:**
يخذفها النزغة




اتصدقين قلنا انا والبنات اهني
انه ودنا نظم حلقة او قعدة
للحفظ استغفر الله من كثر ما نفسياتنا
رايحة فيها ..من نتجابل بس نسولف
ولا سوينا شيء
:(



مشكووورة عالنصايح بربل

vancouver said...

مشكووورة بربل عالنقصة
تيييييييينن


بعد عثماني هذا المبدع ابو الابداع من يقايشه ؟؟ مت من الضحك
على ...انتوا بعزا وينكم وين الرطب?? هههه
وسالفة
صاحب السعادة
بدددددع فيها




مشكوووورة بربل
والله وسع صدري بوست عثماني

vancouver said...

اخيي الغالي واااااايد عثماني
اللي كله اطفره واداحرة ;)
;P


سامحني وانا اختك
ااااسفة اني ضيقت خلوقكم
بس خلاص كاني صرت زينة
واضحك عقب ما قريت
بوستك العجبة
:)))))))))))
ترى انت مبدددددع
والله صج... مااجاملك



ترى من اول ما تزوجت وانا حرم الدكتور
لا.... الحين ما اييب راسي
الا حرم الوزير
;)



تسلم عثماني ما تقصر يا خوي
عسى الله يرزقك زوجة صالحة
وعيال صالحين يبرونك
تستاهل كل خير والله

على طاري شايلة بقلبي
المصريين عندهم مثل تحفة
ياقلبي يا كتاكت ياما شايف وساكت
هذا قلبي
:((

بنت الكويت said...

صباح الخير

اول شي اسفه على البوست الي كتبته وما توقعت ان يؤثر وايد
وكتبته في لحظه كانت لا بد اني اطلع الي بداخلي

كلامج واايد عور قلبي خصوصا اني كنت سبب في ضيقة خلقج

ما ادري شقولج لان اثنينه عايشين بنفس الغربه بس يمكن الي اقولج ياه يهون عليج او نفس ما يقولون لما يشوفون غيرة تهون عليه نفسه
فانكوفر انتي ما شاءالله عليج عندج اصدقاء وايد عرب وكوتيين تقدرين تروحين وتيين معاهم وعليج بالعافيه
بالنسبة لي ما اعرف اي احد هنيه والكوتيين الي كانوا موجودين ردوا الديرة فتخيلي مافي احد اكلمه طول اليوم وانتي شايفه شلون اليوم طويل وفوق هذا ما اطلع يعني من سبت ليه سبت طلعتي واذا ريلي عنده خفارة اظل اسبوعين بالبيت عندي سيارتي بس ما احب اطلع بروحي واذا طلعت بروحي وين اروح
شي ثاني بتقولين عندي عيالي صح اسم الله عليهم يحوسون معاي ويسولفون بس الواحد ساعات بحاجه ليه شخص يفهمه ويسولف معاه وانا ما عندي هالشخص واتوقع لو انوجد يمكن هون علي هالايام
صح زوجي موجود بس دوامهم انتي عارفه شلون وخصوصا تخصص زوجي دوامهم حيل متعب
انا ماقاعده اقولج هالشي عشان اضيق خلقج مرة ثانية لأ بس ابي ابين لج ان عندج شغله مهمه وانا ما عندي ياها
والله يتمم عليج يارب

وارد اقولج اا اسفه ما كان قصدي اضيق خلقج او اقلب المواجع مثل ما يقولون
ونفس ما قتلج انتي تملكين شي قيم ومهم واهو الاصدقاء ومثل ما يقولون الروح تبي الروح

الله يهون عليج الغربه ويردج الديرة سالمه :)

Q8DOLL said...

واااااي
سوري داشه عرض
اول مره اعلق عندج بس قالت لي بنت الكويت عن بوستج اللي أثر فيها وحسسها بالذنب
عورتي قلبي
مثل مابنت الكويت عورت قلبي
الواحد مايدري شيقول؟؟ شنو ينفع الحجي؟؟ اظن انتي وبنت الكويت حطيتوا هالبوست موعشان تسمعون حلول والا تفلسف زايد
انا فاهمه انكم تبون تفضفضون

الشكوه لله فانكوفر
عسى الله يهون عليكم هالغربه

الحمدالله انتي مع ريلج وعيالج
فكري بالجانب الزين مو الشين
اشوه انج مو بروحج
وانتي وبنت الكويت بنات ترفعون الراس
ودوركم وايد مهم
كافي انكم قاعدين تضحون بوقتكم واعصابكم وقربكم لأهلكم عشان أزواجكم
عسى الله مايضيع تعبكم


بالتوفيق اختي

qesat_5ayal said...

الله يكون في العون

هذي الدنيا ما يتم صفوها لأحد
:)

فضفضي .. أحيانا كثيرة الفضفضة تريّح
عسى الله يريحج ويسعدج

esTeKaNa said...

حبييييييييييبتي
قلبي
أختي
تعالي المج تعالي
:**
ليش تستكثرين على نفسج تشكين؟
ترا البوح مجرد البوح والشكوى عن الشي اللي بقلبج يريح
واحنا خواتج واهلج
الكلمه اللي تكتبينها نحسها بقلوبنا
وهمج وفرحتج اهو هما وفرحتنا
هذا بلوقج واحنا اهلج
ما تنلامين بكل احساس تحسينه
بس كل ما وصلتي حدج
وتعسرتي
وضاقت ضاقت
غمضي عيونج،ِوفي روحج عقب جم سنه وين :
شوفي فرحتج بانجاز بو عيالج
شوفي احساس لما ربي يبلغج بولدج وهو كبير تسولفين له شنو سوا فيج بصغره
تذكري اجرج بكل ليله بينام ريلج وهو راضي عليج
شوفي باب الجنه الي انفتح لج طول ما انتي بخدمته وشايله همه ومساعدته على غربته
شوفي نعمه رب العالمين...بان رزقج زوج طموح طيب ويحبج ويخاف عليج
شفتي كل هالاشيا الحلوة؟
ما تسوا قوله الحمدلله من قلب؟
:)
انا ادري مرات الواحده منه اذا تضايقت يطري بالها كل كل شي
ضيق خلقها،بس انتي عاندي الشيطان ولا تخلينه يعاسرج
وصدقيني..الغربه مرات بالقلب لو انتي بديرتج،والسعاده سعادتج بقلبج لو انتي بابعد مكان
الله يمسح على قليبج ويوسع صدرج ويوفقكم ويردج حق ديرتج سالمه غانمه
ويوم ردتج بسحب معاي كل البلوقرز بنطرج بالمطار
بنكت نوووون ويباب
بعد شنو تبين
؟
:))
تدللي بس
:**

Hungry-Healthy-Happy said...

واي والله مو قادرة أقول شي


أبي ألمـــــــــــــج و بس


:"(

vancouver said...

ترستن


تررررررستن


مشكوووووووور على ردك
ساااامحني سقط سهوا الرد عليك سااااامحني
:(((

يزاك الله خير ما قصرت

ها.. سامحتني ?? بليييييز
مو تزعل ترة تصير في احسن العائلات
;p

vancouver said...

Anonymous

مشكور/ مشكورة
على كل حرف تم كتابته

صح انا ادري
كل هالشيءان شاء ما يضيع عند رب العالمين
وهذي الدنيا شقى وتعب لما نوصل ونحقق اهدافنا

المشكلة في اشياء تعودنا عليها الدراسة العمل بس الصراحة ما تعودنا على التغرب والبعد عن اهلنا
ولا متعودين على الكراف وشغل البيت
:((

تجربة وتعدي ان شاءالله

ماااااقصرت
واتمنى اتشرف بمعرفتك

vancouver said...

الحارث بن همام
حياك الله يا خوي

مشكووور

فعلا ما يحس بالجرح الا اللي مجربة
:(
والصبر عند رب العالمين ما يضيع ان شاءالله

والله احاول اشغل نفسي بوااايد
اشياء بس الغربة عن اهلي ذابحتني

الله كريم

ومشكور عالنصايح الجميلة ترى طبقت اغلبها من وصلت كندا
:)

شكرا الحارث

vancouver said...

شذر الحلوة

مشكوووووووووورة حبيبتي

واسفة جاني ضيقت خلقج
والله ماكان قصدي


يزاج الله خير ومشكورة
عالدعاء الحلو ، اااااامين
:))

vancouver said...

بنت الكويت
:)))))))))))

لا لا تتاسفين انتي بروحه اللي
فيج كافيج ، انا ما زعلت للي كتبتيه
انا حسيت فيه واااايد
وكان بقلبي حجي ولازم يطلع

واي بنوته ذكرتيني باول سنة لما يينا وما نعرف احد
والسيارة عندي بس ما عندي احد
اطلع معاه ، وعلى قولتج
الخفارات عسى ماكو خفارات اذبحتنا
اتصدقين زوجي كانوا يعطونه 8 خفارات
بالشهر الواحد والكنديين اللي
بنفس السنة معاه 3 او 4 !!!قلته
اشحقة ما تشتكي ? لما اشتكى
قالوله سوووووري وعدلوا خفاراته عقب سنتين
!!


اتصدقين تعلمت بغربتي
اني اونس نفسي بنفسي كثر ما اقدر
صار عاااادي عندي اطلع اتريق
بروحي مع مجلاتي و اتسوق 6 ساعات
واتغدى بروحي :( خو تدرين ما يرجعون
من المستشفى الا المغرب

وازيدج حتى سفر كنت اروح بروحي بالقطار وارجع بنفس
اليوم... معاي الجرايد والمجلات
والكردت كاردز طبعا
;P



الله يصبرج ويعينج
انا سعيت عشان اتعرف على الاصدقاء
ليش ما حاولتي ? اعتقد الخلييجين والعرب
عندكم اكثر منا

لااااازم تزوريني وازورج يا بنوته
:))


الله يصبرج وفعلا هم يهون عن هم
قلبي معاج
عسى الله يجمعنا بديرتنا
مع اهلنا
قولي ااااامين

vancouver said...

كويت دول

حياااج الله ونور البلوغ بزيارتج
يعني كنتي تنطرين توصية
من بنوته عشان تمرينا
;P

الله يسمع منج
ونرجع
بس ..بس.. ملييييينا،
:(

مشكوووورة عالمرور

vancouver said...

قصة خيال

يا مرحبا بهالطلة

مشكوووورة

اخاف افضفض اكثر تبجوووون
:(((

لا ..خلاص ان شاءالله ما اكتب
الا كل شيء يونس
ما نبي ضيقة خلق حق احد
:(


امين
ومشكووووورة عالمرور

vancouver said...

استكانة بعد قلبي

كااااني ييت ولميتج من قلب
:***

حبيبتي ما قصرتي

والله مو سالفة مستكثرة بس
انا بحياتي اصلا ما احب اشكي
ما احب اضيق خلق احد
واااايد مرت علي بلاااوي بلا مبالغة
ما يدري عنها غير رب العالمين

ما احس لما اشكي بتغير من الحال شيء
فاقول ادعي واحتسب اجر المصيبة احسن
،بس هالمرة ما ادري
شصار :O


اكييييييد انتوا خواتي وحبابيبي
بس لييش اضيق خلوقكم ? محد بيستفيد
اذا تعسرت وكتبت
حتى انا استحي منكم
هاهاها
اي والله عمري ما ابجي او ازعل
جدام احد عممممري
:?


الف الحمد لله على نعمته

كلاااااامج يرييييييييح استكانه
اخاف الشاي اللي بالاستكانه فيه مخدر
:P
هاهاها
حده يريح
هههه
مشكورة يا قلبي





وناااااااااااسة بتكونون بالمطار عيل بتشوفون
كل الكويت معاكم الكل متحلف بالردة الاخيرة
:)))

بييبون فرقة تعزف بالمطااااار
هههه

ذكرتيني وانا رادة الكويت
ومعاي ولي العهد وماكانوا اهل زوجي
شايفينه ..خالتي يا عمري كتت نوووون
قاموا عمال النظافة يطقون عيالنا
وياخذون الفلوس والحلاو
!!
يقولون هذا حقنا مو حقكم
انتوا روحوا البيت
!!!!!!!!!!

ههههه وعيالنا تبريدوا من صج

احنا لاهين بالسلام والبجي
مادرينا الا بالبيت عن هالسالفة
ههههه


، حبيبتي استكانة
الله يريح قليبج
مثل ما ريحتيني
بس متاكدة الشاي
مافيه شيء
:PPP

ههههه

Anonymous said...

am going to a similar leave away from kuwait and family in canada too. the difference between us is u r with ur family and am by myself...alLaH yeakon bel3on

Madee7a said...

ما أدري شاقول !! عورتي قلبي ، نزلتي دمعتي ، اللي صارلها عمر ما نزلت ... حرقتي حشاشة جوفي ... إنتي يمكن سالفتج صعبه، بس عن سالفة غيرج تهون !!اللي عاشت برا طول عمرها ... وتغربت بالكويت !! End of the Story
http://madee7a.blogspot.com/

جنون إحساس said...

يالله ماعليه إن شالله أيام وتكون هالغربة ذكرى لج

الأيام تمر بسرعه والله ما تغمضين عينج إلا انتي في ديرتج ان شالله

استغلي وقتج أهم شي
طلعي من هالسفره ابـ فايدة
ختصير لج بصمة بكل مره في حياتج
ان شالله شدة وتنتهي ماكو شي على حاله
وبالعكس اشتكي هنيه وفضفضي
تلقين اللي يسمعج
ويرد عليج باللي يريحج
لا تخشين بقلبج شي


ولاتنسين الدعاء والصلاة والله ينشرح قلبج
وتخف عليج كل هموم الدنيا

فراوله said...

مساالورد والجوري
غاليتي الحبيبة
vancouver
والله ان قلبي تقطع علي هالكلام اللي كتبتيه وحاسة بشعورج ياقلبي
يالغالية كلما حسيتي بالضيقة حاولي تفضفضين اهنيه ..وصدقيني راح تلقينا كلنا يمج وحواليج يالغالية
تصدقيني صرت ماالاقي احد يسمعني كثر حبابيبي واصدقائي المدونين
الله يهون عليج غربتج
ويسهل دروبج...ويرجعج لاهلج ولنا ولارض الوطن بالف خير وعافية
آمين
دمت بدفء وعذوبة
ابدا
:)

بنت الشاميه said...

حبييييبتى انت

كتبى ولا يهمج.....المهم انج تفكين عن نفسج واحنا بنتحمل ونشيل عنج ضيقة الخلق....الصراحه انتم بطالات

والغربه كربه من يتحملها.....بس ان انشاء الله ياجرج على اللى انتى فيه

وتركض الايام وتخلصون وتردون الديره
واذا ما خفت الضيجه اللى فيج

دزى لنا ايملات ولا يهمج

واذا احنا ما ساعدناج من اللى يساعدج...؟؟؟؟

ترى ما تردج الا ايدج

بس عن التسوق اللى ما له سالفه

ترى هذا نوع من الادمان....حاولى التخلص منه

الكتابه ارخص....لوووووووول

يا بعد روحى...الله يوسع صدرج ويخلى لج ريالج ووليدج الله لايحرمكم من بعض

وبتصير سوالف تسولفينها حق عيالج
وما يتحمل الا بنات الحمايل السنعين

والله يحفظكم ويدركم سالمين لاهليكم

lawyer said...

الله يصبرج و يثبتج
و يديمها عليج حكمه

و انشاء الله ماكو الا خير

ادري روتين
و ادري شقا و ادري شي جدا متعب و لو نقعد كلنا نكتب لج حجي من اليوم لي باجر


انتي مو محتاجه تسمعينه

لانج بتردين تعيشين و لانج ادرى بالوضع

و لانج بتصرخين و تقولين هم مو حاسين فيني


لكن انا اقولج استمري في الكتابه
لانها بطلع كل الي في قلبج
و راح اتريحج


وبعدين انا ام الخراب الازلي اقولج
مافيها شي دخني

ليش استغفرالله
من قال الزقاير حرام؟؟؟؟


مدري اي مذهب ديني يقول الزقاير حرام للمرأه و حلال للريال !

رووحي النادي
لازم تروحين النادي والله بغير جدول حياتج و روحي سبحي

و استانسي
دشي الجم

راح ياخذ من وقتج

و اذا على الطلعه و الوناسه
ما عليه

انشاء الله بترتاحين

بسسسسس اهم شي شوفيلج بنات فصله يونسوووووووووون
مو تطلعين ويا اي بنات و بسسسسسس


الدنيا ما تسوا

يارب ينشرح قلبج

و تستانسيييييييييييييين


لاحظي اشكثر الناس طلعت تحبج

الله يحفظج

نسييت اقووووولج
هذا يومج عيشيه بالطول و العرض

و الله يديمها عليج نعمه صحه و عافيه

امبراطـــورة اشعاري said...

مساء الخير غاليتي...

والله كسرتي قلبي بس الله يكون بعوتج

انا بقولج شغله وانشالله تفيدج

انتي حاولي تنزلين نفسج لمستوى أي شي تبين تسوينه شلون؟؟

انا اقولج

الحين ولدج اذا لعب بأي شي انتي بعد العبي معاه وخربي واضحكي لاتتضايقين لانه قاعد يخرب اهو بروحه

انتي بعد اعفسي الدنيا معاه

بتقولين كل شي راح يخرب وتضطرين تعيدين الترتيب بقولج اي بس متى بعد ماتضحكين وترفهين عن نفسج شويه

ومو كل شي لازم يخلص بنفس اليوم

عشان مايصير عليج ضغط الشي سويه واذا ماخلص لاتكملينه اذا حسيتي انج تعبانه خلاص اتركيه بعدين تكملينه

ترى الدنيا ما انخلقت بيوم ولا ليله..

أما عن زوجج فأنتي بديتي الخطوه ولازم تكملينها مهما كان هذا الطريج انشالله راح يتنهي بخير وتردون لديرتكم ولأحبابكم..

وانتي الله يهداج اذا طلعتي خلي الطلعه لج انتي لاتفكرين بشي ثاني استانسي واذا رديتي يحلها الف حلال

وانشالله بأذن الله مايتعكر مزاجج يالغاليه

::heba:: said...

عسى الله يردج لديرتج
واهلج ..

عاد كل شخص يمر بمرحله من حياته
ولكن بالاخر تنتهي
وماردلج حق الكويت واهلج انشالله


لا تضيقين خلقج وتحرين عمرج
فتره وتعدي :)

عسى الله يطمن قلبج:)

5roofa said...

والله عورتي قلبي و بجيتيني معاج
معني مادري شنو احساس بالغربه بس بجيت معاج
يمكن لانه انا مزاجي متعكر من قبل اصلا

او يمكن اني حاسه بالغربه في ديرتي

بس الله يعينج و يصبرج و يهون عليج يارب

ما تشوفين شر حبيبتي

T.C

salamz sweetee....

GPS said...

لو اتضحكين يتغير حالج
لوتتذكرين بسمة ريلج لو اطالعين صمودج وشلون يصنع مستقبلج ومستقبلة
موعيب الدمعة تنزل موغلط الواحد يزعل
موحرام الواحد يفكر بس الاهم من كل هالشغلات اشلون يروح لي جدام .....روحي شغلي درب الزلق وضحكي وشيلي صورة مال حزن وحط صوره ما فرح لوووووووووووول

Jobove - Reus said...

very good blog congratulations
regard from Catalonia Spain
thank you

vancouver said...

جووووووووولي

هلا بالطش والرش

تعالي انا بعد ابي المج
:)


حبيبتي ابي الج واشم ريحة الكويت فيج ، مشكووووورة

vancouver said...

سيم بوت

الله يعينكم ويهون الغربة عليكم
باي ولاية بتكونون ? ان كنتوا
قراب مني تعالوا زوروني
واطبخ لكم مربين مع دقوس صبار
:D ههههههه

vancouver said...

مديحة

صديقتنا اليديدة
:D


أأأسفة سامحيني نزلت دمعتج الغالية بكلامي
:((

، بس انتي قلتي كلمتين عورتي قلبي
وخليتيني وايد افكر
اشلون متغربة وانتي بين اهلج وبديرتج ??? الله يعينج


نورتي البلوغ بزيارتج

vancouver said...

جنون احساس

مشكورة على ردج وايد
:)
تبين الصج
اهم بصمة بحياتي واتعلمتها بالغربة اني صرت
فنانة مطبخ
:D
ههههههه



اي والله.. الصلاة وااايد اتريح القلب
وتشيل الهموم

مشكووورة

vancouver said...

فراولة العزيزة


اااااامييين عسى الله يسمع منج


يزاج الله خير على دعواتج اللي تشرح القلب
:)))))))
اي والله بعالم البلوغات لقيت اخوان وخوات
ما كنت اتخيل القاهم اهنيه
الله يحفظج يالغالية
مشكوووووورة

vancouver said...

بنت الشامية


انتي اللي حبيبتي
بس والله ما ودي اضيق خلوقكم
كفاية السياسة ملوعة جبودكم
انا بعد اغثكم ??? حرام
:(


بعد عمري تبيني ادز لكم ايميلات
اشكيلكم?? لو اقولكم
اللي بقلبي بتستحملوني
اول مرة وبعدين
بتفلعوني
:P
ههههههه



وييييه
ادمنت وخلصت
ما دريتي ههههه



الله يسلمج ويشرح قليبج مثل
ما شرحتي قليبي بردج
:D

امييييين


ونستيني لما قلتي احنا
بطلااااات
ترى اصدق
;P

هههه

vancouver said...

لوير
هلا والله بلوير
اي ..اي.. انتي حسيتيها
ما يحس بالغربة الا اللي جربها
:(





هاهاهاهاهاها
لووووووووول
حدج زاهبة حق الخرااااب
ههههه
ابشرج سويتها

مو مني من اللي فيني
ههههه


انا قصدي استغفرالله من هالشعور
اني ابي اييب المضرة حق نفسي
مو سالفة حرام وحلال

انا ما احب اضر نفسي
ياختي يقولولج اللي تدخن وايد
بشرتها تشييييخ بسرعة
هههههه

اي.. ان شاءالله بروح النادي
وييييه شريت كلشي يديد حق النادي
وكاهو يسمع حسج بالكبت
ما ادري متى
باشلع عمري واروح
??
بسوي كلشي الا السباحة
لانه الحوض مختلط
:(
تبيني اسبح مع ريايييييل
هههه





كل البنات مادبين
انا الفصلة الوحيدة
:P
مااا ينفعون
هههههه




اي والله كلكم اتحبوني
حبتكم العافية قولي امين
:D
مشكوووورة على ردج الحلو

اقول مالج زيارة حق كندا
تعالي اهنية عقب روحتج مصر
:)))))))

نورتي

vancouver said...

امبراطورة اشعاري


مساج الله بالنور والسرور

والله اقتراحج اسوييه بس برة البيت

لو عندي خدامة اتشيل وتخم واتنظف
من عيوني
بس انا اللي اسوي كل شيء
فراح تطططططلع عيوني
:OOO


مااا اقدر اعينه عالخراب
اخاف يتعلم وتصيير عادة عندة
انا احاول افهمة انه اللي
يسويه غلط



مشكووووورة على نصايحج الغالية

احاول كثر ما اقدر اونس نفسي
بس الايام
طوييييييييييلة ومملة
ووووايد اوله على اهلي وديرتي
الله يعين



نوريتي بطلتج
:)

vancouver said...

هبة


امييييين يا هبة
الله يسمع منج وتعدي هالفترة
لاااازم نصبر بعد شنسوي
:(


مشكوووووووورة على زيارتج
يا دكتورة هبة
;)

vancouver said...

خروووووووفة

اااااسفة اني زدت همج هم
:(
سامحيني ، الله يعيننا كلنا


أمييييييين

انا غربتي ان شاءالله بتخلص
بس انتي شلون ??? ما يصير
اتحسين بالغربة وانتي بديرتج
ماااايصير

:(((

Purplecious said...

vancouver 7bebty etha mumkin e6arshen ly email abech eb kelmat ras coz ma leget email in your profile ;)

Hungry-Healthy-Happy said...

احم احم

أنا ييت مرة أخرى

بما إنج تخطيتي مرحلة الغلقة
و القمته و عســـــــاها تروح ما ترجع
و يسعدج ربي على طـــــــول و يصبرج

نبدي النقاش
هالله هالله على الجد و الجد هالله هالله عليــــه


أمس نتناقس أنا و بربل و ريفلكشن
بالموضوع و بموضوع الهجرة

في لحظة صفاء و مصارحة مع نفسج
فكري بالحياة بالغربة بشكل ثاني
لا تعتبرينها غربة و عذاب
شوفيها من زاوية إنها مرحلة مختلفة من حياتج
حاولي تعيشينها بكل جمالها و إختلافها و تميزها عن الحياة اللي يايه
اللي بتستمر معاج للأبد

هالمرحلة بحياتج مثل ما قلتي بتمر و بتخلص و بتردين حق أهلج و حبايبج إنشالله

بس على ما ايي هالوقت
ENJOOOOOOOOOOOOOOOOOOOOOy

سوي كل شي ودج تسوينه
في شغلات وايد
حلوة و طبيعية و صحية لكن مجتمعنا
ينظر لها بنظرة متخلفة
استمتعي بكونج قادرة تسوينها

++++++++++ <<< hathool el pluses 7aggich to think positive ;)

:******

Sara said...

:"/ الله يصبرج يا فانكوفر ضيقتي خلقي بعد عمري الله يصبرج ويعطييج القوة والصحة والعافية على اللي قاعدة تسوينا لو انا جان ينيت وماتحملت .. الله يردكم بالسلامة يارب .. وحرام هالياهل لا تطقينا مرده بيكبر ويفهم انشالله مسكين ماله ذنب باللي قاعد يصير ..

ودام زوجج زين الحمدلله ديري بالج عليه والله يعوضج بأيام الغربة بأيام حلوة كلها حب وحنان بين أهلك وأصدقائك وانتي قاعدة بوسط ديرتج يا ربي آمين

vancouver said...

gps

يا هلا ومرحبتين
طبعااااا اضحك طبعا
احاول استانس بس والله الغربة
ما يحس فيها الا اللي جربها
:(
انا ترى مو كل يوم مودي رمادي
بس في ايام اقفل
واحس بالملل خلاااص ابي ارجع


اقتراحك اخ خرواش بمحلة
بس مو كل مرة المسرحيات والافلام
تضيع الحزن وتخليني افرفش
احااااول بس مو دايما تييب فايدة
مشكووووور عالمرور
والنصايح دمت بحب وسعادة

vancouver said...

تي لا ما ماريا

اقص ايدي
اذا فاهم كلمة
من اللي انا كاتبته
:PPP
هههههههه

vancouver said...

بربل











اطلب من عيوني الثنتييييين
مثلك يلبي مطاليبه
:D

vancouver said...

جولي

:)))
احم احم
حياااااج الله
يا هلا بالطش والرش وماي الورد بالغرش
اهلا وسهلا يا حبايب نورتونا
:D
هههههه



لا تستانسون واااايد ترى هالحالة تبييني بين فترة ..وفترة
يعني عادي توقعوها باي وقت
هههههههه
ترى من القمتة ممكن اسكر
البلوغ وامسحة للابد
تصييييير ..ها! لا تستبعدونها
هههههه

اول ما قلتي الجد هالله هالله عليه
حسيت ريا وسكينة بتطلعلي من ورى القنفة
هههههه




الصراحة انا مرتاااااحة بالغربة من ناحية البلد
والمعيشة والاحتياجات كلها
متوفرة
الصداقات ..الجو
حتى المسيد تعالي شوفيه يوم الجمعة ازحم من بعض مسايد الكويت
والا برمضان والتراويح والجيام ينن
التعامل... احترام القانون
السيستم كله اوكيه
بس تعالي حق اهم شيء الاهل ويييييينهم ماكو
:(((((((((
تدرين وااايد يكسر خاطري انه
ولدي بعد عمري بروحة اهني
صج انتشاوف مع الاصدقاء وعيالهم
لكن مهما كان مو اهل
اتخيل عيال عمامة وعيال خواله وخالاته
متيمعين بالزوارات والمناسبات فعلاااا اهل
وانا ولدي بريحاته يقطع قلبي هالشيء
:"(((

بعدين الام منو يعوضها لج بالغربة ، الخوات ، العايلة
الحمولة ، كلها اشياء
عمري ما حسيت بقيمتها
الا عقب ما فقدتها
اوكيه البلد تينن
بس مو وطني
مو الكويت
ما امشي رافعة راسي اني بديرتي

ترى عرفت ولا عشرين عايلة
مهاجرة من العرب
والله والله احسهم منكسريييييييييين
اكو فلوس اكو تعليم بس ماكو وطن
يقصون على عمرهم انه وطنهم كندا
بس عمر الوطن ما يكون هويتج مختلفة عنه
هويتي بتظل طووووول عمري
مسلمة عربية كويتية
خل يصير اي حادث تفجير حتى لو باخر الدنيا
مثل ما صار في بريطانيا
تشوفين العرب يتراعدون
وكل واحد يقضب بيته

برمضان مثلا طلعي من المسيد خلاااص
ماكو رمضان ولا تحسين بشي

شوفي جولي
انا يمكن مو وايد افتقد الاشياء
اللي على قولتج ما نقدر
انسويها عشان نظرة المجتمع
لاني الحمد الله كنت مقطعة السفر
ما عندي مشكلة
بالسنة اسافر 6 ...7 مرات لو
سفرات قصيرة ، اسوي اللي ابيه
وارجع ، وحتى بديرتي
والله ما احس انه احنا مقموتين
لهالدرجة عشان جذيه
فعلا اي مس ماي هووووم كنتري


اااااسفة قرقت عليج
بس كنت ابي ابين ليش انا اصير
رمادية المزاج بين فترة والثانية
بعدين يا جولي
والله الشغل يهد الحيل
يعني شايلة مسؤولية بيت بروحي
متخيلة التنظيف والخمام والمساح والترتيب
والغسيل والكواي
وتغير الياهل كل ساعتين وتحميمة كل يوم
والطباخ وتنظيف الجدور والصحون
والبلااااوي
ساعات ابي اتنفس
ابي اشرب بيالة شاي ابي ما اسوي شيء
اطنش بس مردج
كل شيء على راسج ولاااازم اتسوينه
انا احب الناس
والعزايم واللمة
ما يمر اسبوعين الا عازمين ناس
عندنا.. تعالي شوفيني
قبل وبعد العزومة
:((((
مهدوووود حيلي
خو احنا مو مثل الاجانب انعزم
على بطاط مهروس ونقانق
هههههه
استانس اكرم ضيوفي بس عقب تطلع
من جبدي القعدة
مع انه والله زوجي بعد عمري
ما يقصر بس ولو انا اشيل الشيء
على راسي

joli
متخيلة نفسج
كل يوم اسفنجتج بايدج وتركضين من مكان لي مكان
بالبيت تمسحين البقع اللي منقطة عالسجاد
??
شغلة سخييييييفة
ما عمرنا فكرنا فيها بالكويت
بس والله تكسر الظهر
وتملل ، متخيلة لما تكوني ملمعة
الحمام ..عزج الله ..وايي زوجج
يتيدد ويطشر الماي على
كبر الحمام
????????????
ساعات ودي اذبحة
بس اتعوذ من ابليس
ههههه

اشياء صغيييرة بس اتملل

ترى دخلت بيوت اوادم عايشين اهني
كنديين وعرب
اللي يطنش بيته الصراحة
زبالة
!!!!!!

واللي اول باول مثل حالاتي
نفس الشيء ميتين من التعب
والركضة طول اليوم

اكو ناس اعرفهم عشان يفكون
عمرهم فارشين بيوتهم
سجاد وحاطين كراسي
وبسسسسسسسسس
ولا شيء ثاني

بيوتهم خالية تصفر
انا ما اعرف اعيش جذيه
واكو ناس بيوتهم بتمشي من الدثرة والعفيسة
هم صعبة العيشة جذيه

اكو ناس عشان ما يغسلون
ياكلون كل يوم في صحون بلاستيك
!!!!!!!!!!!!!
انا ولا عمري اسويها
الا اذا رايحين باربيكيو
او شاليه
بس في بيتي ما احب احط الاكل
واخلي زوجي ياكل
بقفاش بلاستيك

مو سنع كلش


انا ودي اللي تفهمونة
انا الحياة وانتوا شايلين
المسؤولية امية بالامية
ترى وااااايد صعبة مو شوية

بالكويت الله يعز ، الخدم اهمة
اللي يسوون كل شيء
والله الحين حسيت بقيمتهم






لا ما ابي اهاجر
وبالنسبة لي


مينون اللي يربي عيالة
في بيئة تمسح هويتهم
لو تسمعين القصيص اللي سمعتا
اتعرفين شنو اقصد
على سبيل المثال

بنية عربية مسلمة مواليد الكويت
متزوجة مسيحي وعايشة
معااااه !!! واتقول ادري زواجنه باطل
بس احبة ؟؟؟ واللي انحاشت مع
البوي فرند والي ييب بنات داخل
بيت اهلة ويباتون عيني عينك
لي ثاني يوم
بلااااوي


الله يبعد عيالنه عن هالعيشة



مشكوووورة جولي
حبيبتي ما ودي احس اني مضيقة
خلوقكم لا تفكرون فيني

انا زينة بس ادلع عليكم
هههههههه


:D

vancouver said...

التعليق اللي فوق


اطططول تعليق في
تاريخ البلوغات

وابو البلوغات بعد
هههههههههه
:P

vancouver said...

سارة
هلا والله بسارونة
تسلمين على المؤازرة
:)

سامحيني اذا ضيقت خلقج



امييييين الله يسمع منج


مشكوووورة على المرور الحلو
ما تقصرين

Hungry-Healthy-Happy said...

فانكوفر

ما أقول إلا


حسرا عليها يا خسرا عليها
حسرا عليها يا خسرا عليها


لووووووووول
أهم شي ريا و سكينة

2 u ALL said...

يوم يوفى الصابرون أجرهم بغير حساب

الله ..!! ياما أنت كريم يارب ..!! بغير حساب ..!! والعالم كله صاف دور للحساب في يوم مقداره ألف سنه من ما تعدون هذا الأجر ولا بلاش ...!!؟

يقول الرسول عليه أفضل الصلاة وأتم التسليم ..!!؟

للجنه سبعه أبواب أحدهم أسمه باب الصبر يدخل اليه الصابرون بلا حساب ..!!؟

الله وأكبر وللصابرين باب لا يدخل منه أحد غيرهم ...!!؟

والمثل العامي يقول ..!!؟

من صبر نال

تصبري وأحتسبي عند الله الاجر العظيم..!!؟

أرجو .. أن أكون خففت شويه من ثقل "الغربه" عليك ..!!؟

ReLaaaX said...

آنه وحده بجيت صج :(
والله غصبن علي حطيت نفسي مكانج



فضفضي يااوخيتي فضفضي وإذا احنا ماتحملنا الكلام اللي تقولينه من اللي بيتحمل .. والا شخانتنا بلوقرز ==> على وزن خوات :)


وهونيها واهي تهون .. الحمدلله تحملتي كل هالفتره يت على هاللي باقي يعني ؟
وعسى الله يهون عليج ويمسح على قلبج


وأي شي يضايقج كتبيه المهم لاتخلين شي بقلبج .. وان شالله بتلقين حلول إذا لا قدر الله كانت مشكله وبتلقين اللي بيفهمج ان كانت بس فضفضه

المهم انتي ترتاحين

Brilliant said...

العزيزة فانكوفر
قريت التنبيه في بداية البوست انه المغتربين ما يقرون الموضوع, و كوني مغترب عن الكويت من فترة, بس اول ما قريت اول سطرين حسيت بعدها كل سطر يشدني حق إللي بعدة و بوقف بس ما قدرت... فعلا حسيت بكل كلمة قلتيها و بكل حرف, و ما ألومج على دموعج لكنها دموع الغربة إللي لها معنى خاص, بهل الغربة هذي إللي مهما توفرت حق الشخص سبل الراحة... تظل ايام يروح فيها الفراش و ينسى شي اسمه النوم فجأة يلاحظ ضوء الشمس عند الشروق! ما ودي صراحة ازيد بذكر امور انتي ذكرتيها بس الله يعينا و يعين كل مغترب... بالمناسبة ذكرتي انج اشتركتي بنادي رياضي: ترى صدقيني من أفضل الأمور إللي سويتيها بس لازم تواظبين.. اقولج من تجربة.. اول اسبوعين صعبين بالنادي بعدين راح يصير بدمج و ما تقدرين تغيبين و لا يوم
على العموم مشكورة على الموضوع و أتمنى لج حياة سعيدة
تحياتي :)

lawyer said...

عفييييييييييييييه عليج زين تسويييييييين


عيششششششششششي حياااااااتج

والله ما يخرب البششششششششششره
الا ضييييييييقه الخلق


دووووووووووووووري على الونااااااسه دوااااااره

و اذا على الرفيجات
مجرد وجودهم مع وحده تحب الفصلات يعني عندهم قابليه


بس انتي خربيييييييييييهم



سببببببببحي

اشحقا ما تسبحين

ما اصدق اكو اجنبي بطاااالع خليجيه


و الا عربيه و لا يدرووووووووووون عن هوا دارنا


استااااااااااااااانسي و علمي بنتج او ولدج السبااااااااحه

علييييييييج بالعافيه

كندا

ممممممممممممممم

ممممممممممممممممم


مممممممممممممممممممم

افكر

بس عاد انتي اشوي لزمي علي اكثر

يعني مو معقوله ايج من تقولين لي تعالي

هههههههههههههههههههههه
لووووووووووووووووووووول



افششششششششششل

Dental said...

لما اقراه موضوع عن الغربه و شنو تسوي تخليني ما اندم اني قررت ادرس في الكويت ؟؟ كنت قالبه الدنيا على برة بس الحمد الله على كل حال


و الله يعينج على الي انتي فيه و يبعد عنج الحزن و ترد حقج ابتسامتج :)

vancouver said...

جولي
ههههه
لا... قولي حسرا علي انا

هههههه



الحمدلله على كل حال

vancouver said...

تو يو اؤل


مشكورة على المرور الحلو
:)


نعم
ونعمه بالله ، لو ما كنا نحتسب
الاجر باشياء واااايدة
جان من زمان استخفينا
من اللي نشوفة

الحمدلله


نووووورت

vancouver said...

ريلاكس



بعد عمري والله

ااااااسفة نزلت دموعج الغالية


اي والله خوات واخوان

الله لا يحرمني منكم
ومن حنيتكم وتواصلكم

:)



ان شاءالله


ماااتقصرين والله


:))) نورتيني بزيارتج

vancouver said...

بريلينت

سعيييييييدة جدا بزيارتك الاولى
:))))

اكييييييييد دام انت متغرب
بعد بتحس اكثر بكلامي


الله يوفقك وترجع الديرة باسرع وقت ، باحاول التزم
بالنادي ان شاءالله



:)مشكوووووور ونورت

vancouver said...

لوووووووووووووير
الله يقطع ابليييييسج
ههههههه
زااااهبة للخراب انتي

هههههه
واهم شيء خربي اللي معاج بعد
؟؟
لووووووول
لا يبا ..اشيل وزري ايه بس وزر اللي معاي شكوووووو ؟؟ مو ناقصين ذنوب



موووووو سالفة يطالعون السالفة شيء ثاني
هههههه





تعاااااااااااااالي حياااااااااااج واقعدج بالجيست روم عندي بعد

تعااااااااااالي افا عليج
ترى احن حنه الوع جبدج فيها
لما تيين
هههههه

كندا تناديكيييييييييي

vancouver said...

دنتال

انت تريد وانا اريد والله يفعل ما يريد


الحمدلله هذي ارزاق وتقدير رب العالميييييين

:)


سعيدة بالمشاركة
والزيارة الحلوة

الزين said...

حبيبة قلبي

والله عورتي قلبي

حسيت اني ابي احضنج

وانسيج ضيقة الخلق

واقعد اسولف وياج

لين يطلع اللي براسج

الله يصبرج على غربتج يالشيخه

وما يطولها

:*

vancouver said...

زوزوتا

كاني قربت وحضنتتتتتتتتتتتج

مشكورة على مشاعرج والله ماكان ودي
يضيق خلقج
ااااسفة


اميييييين الله يسمع منج

الميس said...

فانكوفر ..كل هذا يستوي لكم في الغربة ؟؟الله يعينج حبيبتي ..والله عورتي قلبي ..
من جد نحن نسافر أسابيع برع ..ونرجع ولهانين عالأهل والناس والبلاد ..كيف اللي عايش سنين

اللهم كن لهم سلوة ..في وحدتهم ..وآمن روعهم ..واحفظهم من بين أيدهم ومن خلفهم
ان شاء الله تردون سالمين ..

....
حاولي اتلاقين وحدة اتساعدج في التنظيف ..لأنج قطعتي قلبي ..غربة ..وتعب بعد!!