CLICK HERE FOR BLOGGER TEMPLATES AND MYSPACE LAYOUTS »

July 12, 2007

بابا بيضرب ماما!!ا







القصة باختصار



اني اعرف وحدة طيييييييييبة محترمة



من جنسية عربية


تينن بطيبتها

مشكلتها تمووووووووت على زوجها اللي محسر فيها



فقيرة ما تقصر معاه بشيء شايلته وشايلة بيته وتخدمة بعيونها

وتخدم اهلة القشران ...فعلااااااا قشران لاني تعاملت وياهم

صوتها واطيييي وما تعتب عتبه البيت من غير اذنه

تركت الشغل بامره عشان تتفرغ حق خدمته ، شاقول وشخلي ??? شالعة قلبي

تحبه

الصدمة مو اهنيه
الصدمة مو بانه حرمها شوفة اهلها

ولا بانه حرم عليها تكلم صديقاتها

وبانه مستبد واهلة مستبدبن فيها

المششششششششششكلة انه ولدها الصغير مرة قاعد معاي

وبدون مقدمات صدمني ..قاللي

بابا بيضرب ماما !!! ابيه شلع قلبي
المسكين عمرة 5 سنين ويقولي جذيه

الابو متعلم وعنده شهادة عالية بعد

!!!


انربط لساني وما رديت بشيء ولا قلت حق صديقتي اني عرفت هالشيء



واااايد نصحتها تحط حد حقة وحق اهلة بس ما تتحمل زعله عليها


اتحس انه اهووه قدرها ونصيبها وحياتها


الله يعطيها على قد صبرها بس الله ما امر بجذيه



يعني اشذنب هاليهال اللي يشوفون امهم طقتها
وزفتها ببيزة ???
طيب جم مرة
الواحد بيعيشششش ??? شنو يعني احب واحد يذلني ??? اهلي ربوني
ودللوني وقدموني هدية



حق ريال على بالهم بيصوني يقوم يذلني اهو واهلة !!!!! على فكرة البنية

اهلها مستواهم وااااايد مرتفع ومدللينها كانوا بس اهي تخش عنهم اللي يسويه فيها
لانها تحبببببببببببه

قرادة


قصتها تعور قلبي وافكر فيها يومياااااااااا بلا مبالغة



ما ني قادرة افهم هالحب المر ?? العيال مثلا ?? اقدر احط حد وهم اتمسك

ببيتي واعيالي

انزين اربي عيالي بروحي احسن الف مرة ما اربيهم على هالمنظر اللي اعتقد بيكررونه مع زوجاتهم




اعتقد اكوووووو وايد مثلها بس مثل هالمواضيع

تكون تابو

:/

ماكو وحدة بسهولة تقول حق اهلها او صديقاتها


زوجي يمد ايده علي

ساعات من بطة جبدي اقول ما ادري ادق عالشرطة اقولهم عشان يربونه هالمجرم

بس المشكلة اهي مااااااااااا اشتكت ?? حالتي حاله من هالقصة

ووايد متكدرة عالمسكينه

بس اكووووووو حب جذيييييه

واللا في سبب انا مو شايفته

ولا اعرفه ????????

45 comments:

Unknown said...

اكبر غلط مدت الايد
كل شى يهون
وممكن مرات الواحد يعصب بس ما يمد ايده وصج مرات الواحد يطلع عن طوره هم بس تصير الشغلة ما تذكر
بكل الحالات الطريقة هذى بالتعامل غلط
ولازم توقف الموضوع عند حده
لان مدت الايد اهانة
حتى بالدين الرسول عليه الصلاة والسلام كان بما معناه ان بالمسواك اللى لا فيه الم ولا عوار ولكن تعبير عن الغضب يمكن حسب رؤيتى له هذا الطق
بس الحين فى قضايا وايد تقول ان الطق صاير تشويه وهذا عيب وغلط على بنات الناس

salfa3ajeeba said...

ana asm3 inna il7ob a3ma bs mo bhal6areeqah,

bs tdreen ihi mo bs it7ibbah la2 hatha imsawi laha '3aseel mo'7 lianha mi3taqdah inna ili isaweh shy 6bee3i,

la wi alf la, shino halthil wi 3la goltich bachir i3yalah ikarriron nafs ilshy ma3a zojathom,

ana a3tiqid awwal shy ilwa7id ikallmha,
wi b3den itha ma nif3 ikallim ahlha ishofon 9irfah ma3ah,

offfff i7treet:(

مفتي الديار said...
This comment has been removed by a blog administrator.
Anonymous said...

مو ريال !!!!!!! او متعلم بعد

والله مادري شقول الله يهديها انشالله اهيه لازم اتحجه لازم تقول شى لا ماكو حب جذي

ان الله يمهل ولا يهمل انشالله ربي يعطيها علي قد نيتها مدام صابره

بس حرام :(

ReLaaaX said...

صح لازم احد يوقفه عند حده .. انزين انتي تعرفينها تعرفينها عدل ؟


يعني قصدي ليش ماتوطدون العلاقة معاهم عشان يقدرون ياخذون عليكم وعقب تحاجونهم


على الاقل فهميها ان هالانسان موشاريها .. اهيا زوجته مو عبده عنده والا عند اهله
قعدي وياها على يوم وحاولي تكلمينها

--

بعد اذنج عندي تعليق اضافي

على الاخ اللي مايدري وين الله قاطه
ماقول غير ان حسابنا بيكون عند القنطره ان شالله وبتشوف شنو يعني الدين الاسلامي اللي موعاجبك


لو كان يفكر بعقل شوي جان انصف بالموضوع وتكلم بأدب شوي وخله الوقاحه وقلة الادب حق اللي مثله




ولكن كما يقال : الكلاب - عزج الله- تنبح والقافلة تسير


ونأسف على الاطاله

بنت الكويت said...

معقوله كل الي يسويه فيها وتحبة ؟؟
وبعدين مو شرط انه ريال متعلم لازم يعامل الناس عدل
في ناس مو متعلمين يراعون اهلهم

انا من رايي ان كل شي يهوون يزفها او يحرمها من الطلعه من الناس تستحمل عشان العيال وبيتها ما تخربه

بس اذا وصلت لييه مرحلة الضرب لأ هنييه ستووب
يعني احبه اخلييه يذلني

وبعدين هذا شكله انسان مريض او هي مستواها اعلى منها وهو قاعده يوازن بالمعامله هذي يعني انسان عنده نقص

وبالاخير بما ان هي ساكته وخاشة يعني هي راضية

والله يكوون بعونها

Anonymous said...

ako 7abibtie

ysamona 3ama 3al galb mo 7ob

ow ba3deen hathie be Canada???

if thats the case...hatha may khaf tkhaber 3ale alsher6a

wallah garada methel ma geltay...tlageen yt2asaf laha ow yboos edah ba3ad kel mara y6eg-ha...and she might feel sorry for him..thats what making her stay with him.

allah y3enha ow yahdee le beita ow 3yalah

الـفــــجـــ الــبـــعـــيـــد ــــــر said...

حرام اللي يسويه فيها..
وغلط انها تنضرب..
اذا في بيت اهلها ما انضربت .. ريلها ايي يضربها.؟؟

بس يوم قالت انه ها نصيبها في الدنيا كبرت فيني .. ومن غير انها مارسمت اهلها في السالفة..

فالله يجازيها كل خير
ويهدي ريلها

barrak said...

انا دايما اقول
الريال اللي يضرب أمرأه
مو ريال

Shaima'a Alkandari said...

الطق

شهالاسلوب الغير حضاري

وين قاعدين يستخدم ايده عمره الطق ماكان حل

وان مد ايده مره بيمدها عشر هالانسان بيتم جذي دوم وغلط تقعد معاه لازم توقفه عند حده

واهيه فوق تحملها لضيمه يستخدم ايده وسيله لضربها ليش وشحقه

نصحيها وقوليلها انج عرفتي ولازم تقول حق اهلها علشان يعرف انها صابره طول هالمده علشان عياله بس كل شي له حد

عالية said...

الله يكون بعونها

شقول بعد كل اللي بقولة سبقوني فية الاخوان

بس عسى الله يفرج همها

ويعطيج الف عافية

What Will Be , Will Be .. said...

مساء الخير ياعسل
:)

هذا اسمه حب القراده الذل والاهانه

الله يكون بعونها

لطالما اعتقدت ان هالنوع من النساء انقرضوا .. بس صديقتج مثال حي على وجودهم

..

الله يكون بعونها
بس اهيا قاعده تضييع عمرها وشبابها
على هالمجنون

لاحول ولاقوة الا بالله

charisma said...

صباح الخير
:/

واى فانكوفر بروح حايشنى ارق ومانى قادر انام
الساعه الحين داشه على 3 الفير
وانا مرتزه بالصاله لاعت جبدى من الفراش 3 ساعات اتقلب احاول انام مو قادره

ويوم قريت قريت هالبوست الى شلع قلبى

ما اقول الا يضرب الحب شو بذل

ما ادرى بس ماكو وحده اتحمل جذى
ما عليج مو مينونه اهى مره عاقل
ما رضت الا شايفه شى حلو فيه
وخصوصا اذا اهى شايفه خير وبنت خير
يعنى مو بعازته اهلها مو قاصرهم مثل ما تقولين!!

بالله بالعقل ليش صابره!

اكيييد فيه شى مصبرها على ضيمه وعسل على قلبها تحبه وتبيه بعلاته

وييه لا اتعورين قلبج عليها والى يسلمج
لا اتخافين عليها فانكوفر من صجى هههههه والله قلبت عليها
هههههههههههه
خنت حيلى كل شى يضيق خلقنا وكل شى انحاتيه
خليها ما عليج منها

والله الى كسر خاطرى ولدها الى يشوف هالمناظر المريضه
ولا اهى لا

حاتينى انااا الى ما انام
:)))

:**

vancouver said...

حبايبي
مشغوووووولة حدي هاليومين

راجعتلكم باذن الرحمن
وراح ارد على واحد واحد فيكم


الله لا يحرمني مروركم وردودكم العسل

:)))))

بنت الشاميه said...

شوفى حبيبتى الزوج
يطقها وهى راضيه.....ليش ترضى
اول شيئ طلعها من عملها وحرمها من زيارة اهلها....والخافى اعظم

اكو وحده ترضى بكل هالهوان والذل

اكو حلقة مفقودة بالموضوع

يمكن الطفل يتخيل...شاف موقف غلط

ففهمه بالغلط

اذا السالفة صج والريل يدبغ فيها ويرد الى ورا وهى ساكته

فصديقتج مريضه ومحتاجه الى طبيب نفسانى يعالجها ويطلعها من اللى هى فيه

ماكو حب جذى .....شلي يخلها تصبر عليه
الزواج امن وسلام ومودة وحب وستر وغطى

لكلا الزوجين

وبعدين عذرج وياج متى ما تفرقت لنا احنا فى انتظارج....تلقينا عند عتبت بابج ننطرج

بالسلامه

Shather said...

wallah madre shagolech sis !!

marat el 7ob yekhaleech etenazeleen 3n wayed ashya'a yemken 7ata karamtech et`hoon 3leech kermal el 7abeeeb


bs 3ad mo le drajat el 7ob .. ella kan mashe 3ala maqoolat "wa mena el 7obbe ma qatal" ?? :P

after all .. there is somethin` wrong about hr husband !! he's sick no doubttttt


allah yejazeha 3ala saberha khayr .. o yefech karbhaa ensha`a allah :}

Abdulla Al Ameri said...

الله يصبرها انشاء الله

الله بيعوضها في الاخرة على هالصبر

Hungry-Healthy-Happy said...

حبيــــــــــبتي حرام مسكينة
:(

الحب اللي جذيه ما نبيـــــــــه

ترى الوحدة منا تعلمت إنها لازم تصبر بالأزمات و تتحمل

بس أنا الأيام و الزمن بينلي إنا الصبر مو دايما زين
يعتمد على الموقف و المكان و الزمان

الصبر إذا كان مقابله تقدير ممكن يستمر لكن إذا الصبر مقابله جحود
لا و ألف لا

عورت قلبي هالمسكينة
المشكلة إهي صابرة و متحملة لأنها تحبه بس شذنب العيال اللي باجر بيطلعون معقدين نفسيا من اللي شافوه من الصغر؟؟
المفروض إهي تفكر بهالشي وايد
هل عندها استعداد إن عيالها تتأثر شخصياتهم سلبيا بالموضوع ؟
و يأثر على استقرار حياتهم بالمستقبل؟

ساعات المشاعر تعمي الواحد و ما تخليه يفكر بعواقب الموضوع البعيدة المدى

واي تعبت من الموضوع
أحس ودى أحاجيها و أفهمها و أوعيها باللي اهي غافله عنه

عثماني said...

الشكوى لله

الدنيا متروسة مشاكل

قد تكون ترسبات نفسية من الصغر تظهر على شكل عقد في الكبر

فراوله said...

مساالورد والجوري
غاليتي بهالموضوع بالذات
الواحد يحط تحت مليووووون خط بالاحمر
والله حتي اللي خلقنا مايرضالنا المذلة اساس صديقتج ياتوهم نفسها ان اهو قدرها او انها فعلا تحبه وماتقدر علي زعله
وهني المصيبة الكبيره؟؟!!!اقولج شي
المفروض من اول مدة ايد عليها تكون لها كلمة وموقف
الله يعينها ويفرجها عليها
دمت بود وحب
ابدا
:)

الزين said...

اسمحي لي
هذا مو حب
هذا ذل
وقمة المهانه
وزوجها مو ريال
الريال اللي يمد ايده على حرمه يلغى رجولته بنفس اللحظة

واهي ليش الخضوع
ليش كل هالإستسلام لسطوته
الله يهداها

vancouver said...

العزيز مشاري
شكرا على ردك الرائع

ديننا لو انطبقه عدل جان وايد امور تعدلت بحياتنا

للاسف ناخذ اللي على مزاجنا بس

vancouver said...

العزيزة سالفة عجييييبة


اي والله انا بعد احتريت وانقهرت ، فعلا
حبها من النوع العمي
لانها ما تدري انه
الريال عمرة ما يحترم الانسانة معدومة الشخصية


بس انا مستحيل اتدخل واكلمه
اولا طاااااايح من عيني
ثانيا الحجوة قطها الياهل
اهي ما اشتكت

بس والله قاعدة احاول افهمها انها تعاملها معاه غلللللط
بوايد اشياء
واهي المشكلة موافقتني
بس تحبه

اتموت عليه وما تقدر اتزعلة
لو بكلمة لا

vancouver said...

الشخص اللي حذفت تعليقة


احترم نفسك


اذا اصلا اتعرف معنى الاحترام
ولا تفكر ابد اتسب ديني

عالاقل بهالبلوغ

مخك ملوث ماله داعي يحوشنا طشار

الله سبحانه حسيبك بيوم الدين

بس انا ماذكرت دينهم!!!! يعني
ليش ما فكرت بانهم مسيحين
او يهوووود مثلا ???ا

vancouver said...

ام النمل

نعم صدقتي موووو ريال


بس اشكثر مثله من اشباه الرجال موجودين بينا للاسف ??ا


شكرا وحياج الله

vancouver said...

ريلاكس


قعدت وياها وااااااايد
اشهر الله وكيلج وانا اكلمها
طلعتني من طوري بردودها

:((

سلبية وايد ورقيقة ورومانسية وصبورة

خلطة جذيه ما تنفهم
??
ولا احد يصدق انها تنوجد هالايام
اتصدقين
اتقولي ادري اني غلط
وادري اني خليته يستبد اكثر
واكثر بس مو بايدي ???? تحرررررررر تذكرين
اغنية نوال
خلوه
تنطبق مليون مرة عليها


الله يفك كربها

ومشكوووووووورة على غيرتج
و ردك على التافه
اللي كتب خرابيطه

الله يهديهم او ياخذهم اخذ عزيز مقتدر

vancouver said...

بنت الكويت
حبيبتي انتي

اهي فعلا واااايد احسن منه
ومن اهله
بالطيب والسنع

واهو عارف هالشيء
اهمه حديثين نعمة بس البنية من عمرها شايفة خير
بس حبتتتتتتتتتتتته ??? اللي
يتنازل بالطلعات
والكلام مع الاهل
والامور الصغيرة
شيء يجر شيء وراح يتجرا بالامور الكبيرة


الغلط انها اسكتت من البداية

vancouver said...

غشيمة

ايييييي بكندا شفتي اشلون ??? اهوه واااااثق
وضااااامن
لو يكب بانزين عليها ماراح تتكلم
تموت عليه
واذا اشتكت من بعض الامور
اتصدقين بنفس القعدة
اتطلعله اعذااااار


فعلا شكلة يقص عليها واااايد بالكلام والاسف عشان تظل معاه

vancouver said...

الفجر البعيد
نعم اهيه صابرة ومحتسبة
بس صدقيني اكو ناس حتى
الصبر ما يستاهلونه



عيل جليل الحيا يقولها
ما اسمحلج اتكلمين امج او ابوج
الا بوجودي وان شفتج رديتي على تلفوناتهم
اطلقج ???? بنفس الوقت
يقولها
مثلاااا وليس على سبيل الحصر
اتصلي على اخوي شوفيه
شنو يبي غدا?????? طبخيلة
ووصليله الاكل لي
بيت اهلي ??? مو مال نيدية عالويه ??!!ا




بااااااط جبدي التعيس

vancouver said...

براك
كملها لو سمحت

مو ريال.. حيوان



مشكور عالمرور

vancouver said...

شيماء الكندري

مستحيل اقولها انه ولدها

قالي اخاف يدري الابو
ويغسل اشراع الياهل

وهم ما اقدر ارز ويهي دام
اهيه ما لمحت ولا اشتكت


انا بس ارد عليها بخصوص الاشياء
اللي تشتكي منها
ما احب اتطفل



مشكورة على مرورج لا تقاطعين

vancouver said...

عالية

الله يعافيج حبيبتي
ومشكورة على دعواتج
ومرورج

vancouver said...

وت ول بي ...ول بي
مساء النور والسرور حبيبتي

يبتيها حب القرادة والذل والاهانة
لا ما انقرضوا موجودييييييين بس ما يتكلمون دايما
شيقولون وشيهببون باعمارهم ?? الله يحنن قلب زوجها عليها
والله يقوي قلبها


ضيعت احلىىىىىى سنين عمرها
معاه وبخدمته وتدرين شيقولها ??? اخاف عليج من القهر
بس بقولج
يقولها
احس انج مو من مستواااااي !!! ابي اتزوج وحدة
تشرفني جدام الناس
بس ظروفي ما تسمح اتزوج ??????!!!! بس في يوم
من الايام بسويها ????




واهي تقول اهوه يقول جذيه
بس عشان يحرني
ومااخالف
اوامرة
??!!
:((((

vancouver said...

كاريزما العزيزة

سلامتج من الارق
اكيييييييد شايفة شيء حلو
فيه مالت عليه
بس حلاته ما تتوازن مع قلة ادبة وشيانته
محسسسسسسر فيها




ههههههههههه
ضحكتيني
بس قمت افكر
لييييش انا صج حارة عمري
هالكثر وافكر فيها
كل يوم ?? واهي اللي مختارة
هالحياة



كلامج ترى قمت
اقولبه بمخي من قريته



بعد عمري والله احاتيج واحاتي
نومتج المتعسرة يا قمر ;)

:**


فعلا قاعدين نحر باعمارنا شكوووووووووووو
بس ما اقدر هم تكسر خاطري

vancouver said...

العزيزة بنت الشامية

الحلقة المفقودة
انها تزوجته من غير رضى اهلها
لانها حبته

ماااااتقدر تشتكي لهم لانهم
اصلا مو بالعينه
واهوه ما يدانيهم لانهم سنتين
يرفضونه كل ما يتقدم


عرف التعبان انه ما وراها
ظهر فقام يحسر فبنت الاوادم



انا بعد
حطيت احتمال
انه الطفل فهم غلط
عشان جذيه ما تدخلت بهالجزئية
ولا سمحت لنفسي اكلمها بهالخصوص




هههههههههه ضحكتيني
اتشوف طبيب نفسي ??? اشلون

يتنصت على مكالماتها
ما تعتب البيت الا باذنه
ساعات لما يعاقبها
تقعد في البيت ايااااام
ويقطع التلفونات عنها
عشان ما تكلم احد
ولا احد يصل عليها
اشلون تروح عند طبيب
نفسي ??

vancouver said...

العزيزة شذر



نعم نتنازل للحبيب
بس مو لهالدرجة

صح كلامج


اكيييييييييييييد مريض موصاحي
:|


الله يسمع منج

vancouver said...

الاستاذ بلاليط
مشكووور على دعواتك الطيبة


فعلا لها الجنة ان شاءالله
على صبرها المسكينة

vancouver said...

العزيزة جولي


كلامج عددددددددل وعين العقل

الصبر والتنازل بحدود
ومع اللي يستاهل


تعبت ..عيزت وانا
احاااااااااجيها بس تحرني بردودها

ياما قتلها انه سلبيتها
مو زينة على عيالها

اتصدقين اهمة اليهال قاموا
يتجراون على امهم
بالكلام
:((

واقولها وقفيهم عند حدهم
اتقول الابو قاللي اقطع ايدج
اذا طقيتيهم او نزرتيهم

عادي خل يقلون ادبهم عالام
المهم اهيه تطيع زوجها
وبسسسسسسسس

vancouver said...

عثماني
حياالله من زارنا


اي والله الدنيا متروووووووسة مشاكل والبيوت اسرار

vancouver said...

العزيزة فراولة
كلامج صح


من اول مرة المفروض توقفة
مو بس على الضرب
على وااااايد اشياء


مشكورة حبيبتي على مرورك العسل

vancouver said...

زوزوتا

نور البلوغ بزيارتج
:)



اي والله ذل
و اهانة
واستبداااااااااااد

الله ما امر بجذيه



الله يرحم حالها ويهدي زوجها ويصلحة

AseeL said...

في مثل لبناني يقول
يضرب الحب شو بيذل

عند الاهانة
تقتل العلاقة

الشهادة ليست بالضرورة دليل على الرجولة

Sara said...

هذا مو حب هذا إجرام .. وحرام اليهال يشوفون مناظر مثل هذي ممكن تسبب لهم أمراض نفسية ويمكن مع الأيام يا يكرهون الأبو يا يبتدون ما يحترمون الام وتصيرون عدوانيين، وين كرامتهاا؟؟ هذا أي حب اللي يخليها تسكت وما تقول حق أهلها؟؟

للأسف وايد حريم يسكتون على مدة ايد رياييلهم لين يتمادون معاهم وليش كل هذا مادري؟ دام عندها أهل خل تكلمهم لا تسكت عنه
حراام اللي يصير فيه . يعني شتنطر لين تصير فيها عاهة الله لا يقوول !! والله حرام لازم تتكلم تتصرف تسوي اي شي

vancouver said...

اسيل

اي والله صدقتي عمر الشهادة ما تشتري الرجولة


شكرا



_-------------------------_





سارة

انا ما قالتلي تبينها اتقول حق اهلها
انا وانا صديقتتتتتتتتها
ما تكلمت

اي والله اليهال اهمه اللي بياكلونها مساكين

الميس said...

أنا شكلي بداوم عالبوست يافانكوفر
بس سالفة اتدقين عالشرطة هاي شليها من بالج ..المرة راضية عن زوجها وهي تاكل الضرب..استغرب من هالنوعية من الحريم ليش عندهن احساس بالدونية مع الزوج لدرجة أنها تستاهل الضرب منه؟؟
بس بعد محد يعرف ظروف هالمسكينة
يمكن مالها حد غيره..